[رأفت ميلاد]

المشاركة الأصلية كتبت بواسطة همس الشوق
انا مستغربة يا رأفت للناس البتنادي بحرية المراة وتحررها
وفي ذات الوقت يجي رأي يقول لا انتوا لو شفتو المراة جميلة كيف بتغيروا رأيكم
مش منطق عجيب؟؟؟؟؟؟؟
هل المراة هي لوحة جمالية فقط كل ما يهم في المراة هو مظهرها الخارجي (physical appearance

طيب نحن ما رجعنا للمربع الاول !! ولا شنو ؟

إلا كان البت المجنونة دي بتقصد فكرة خبيثة خطرت ببالي

هو لكن المربع التانى شنو ؟ وبمشو ليهو كيف ؟

جانيت قالت:

المشاركة الأصلية كتبت بواسطة جانيت
حاجة امنة ياخ الله اداك قشطي ثااااي الليلة بس دايرة النصيحة انا اول عهدي بي البلد دي كنت لمن اقرا لي ام التيمان بقلع عيوني زي الريال اب عشرة واول كلمة بقولها هي وااااااااااااااااااااااااااااااااااسجمي ده كلام شنو مع محينة ظريفة بس شفتها انبهرت من اناقتها وحدة حواراتها وفيهاثقة تتهز ليها جبال
طبعا ده لاني شفتها بس تعالي شوفي ام التيمان في سطورها بتلقي الانثى المتحررة القاصدة جذب اكبر الفاظ جدلية ودي ما بتلقيها الا من مرة جريئة ومش ما بيهمها الحواليها بالعكس ردود الحواليها البتديها دفعة لانو تقول اكتر واكتر لحد ما وصلت للزحف(يعني انتو الكتاب ديل السبب)

أناقتا أنبهرت بيها هى وشخصيتا برضو هى .. لكن المقصود : (حدة حواراتها وثقتها بنفسها) بتخلى الزول (الهو جانيت) يراجع نفسو فى كتاباتها ..

يعنى جانيت بتعبر عن نفسها وبتوصل معلومة للناس الشايفين أم التيمان (هايفة) ولّ (بذيئة) .. وبتقول ليهم ما يتمادوا بى جهل .. ما أعتقد ممنوع الزول يسجل شعورو الخاص ..

وبصراحة كتابة الظلاميين هنا وأعنى (الذكور) بحاولوا يحاربوا أم التيمان مذعورين .. لأنهم يريدون (الأنثى) التى يرسمها خيالهم المتحجر (فقط) .. ويرفضون الأنثى الأنسانة التى تمتلك نفسها ..

تتذكرى لامن سألتينى هل الأنثى هى غرفة النوم فقط .. بالظبط هم دايرين دى فقط ..
أما الإناث الهنا قايمات بحملة تانية .. بحاربن الما قادرات عيه هنّ .. عشان كدة قعدت أدودر فى ماريل عن (الخوف) فى المرأة .. بدت كويس وأتراجعت .. ماريل نقاشا صعب .. ثوابتا غالبة عليها .. وأحكاما ردود أفعال لأحكام مثبقة

زمان كان فى مقولة ذكر نسيتو ونسيت مفرداتا .. فى معناها يتمنى المرأة (سيدة صوالين راقية .. صاحبة حجة وشخصية قوية ومصادمة .. ومثل بائعات الهوى فى غرفة النوم) ..

غايتو أن من الرأى ده الأنثى لا بتندار مائعة ولا بتندار ناشفة .. والأتنيين ضروريات فى محلهن .. ده بداية مربع 2

لكن لامن أجيك زول زى تاج ويقول ليك (الرق النفسى) يعنى شنو؟ (سؤال ظاهرة إستفسارى وباطنه أستنكارى) .. بنفضل فى مربع 1 مدى الحياة .. وما بنستفيد من نقلت أم التيمان أصلو