[محمد مصطفي]

اقتباس:
المشاركة الأصلية كتبت بواسطة ماريل

سألنى (اسمك منو؟؟)
(ماريل)
قبل على السبورة وكتب
(ماريل كالقمر بهاء)
كانت الحصة عن التشبيه عارف انا عاينت وراى لقيت الشباك
طفرت بيهو وتانى ما جيت المعهد ده نهائى بس بسبب الخوف
وبقيت طول عمرى اكره اللغة العربية بسبب الاستاذين ديل
*حأقيف هنا واجيك راجعة كان الله مد فى الايام وادانى عافة العضام*

طيب لو قلنا انك أجمل النساء اعتماداً علي ما ذكرتي
ممكن تتلبي من البوست ده
خيط جديد بيقودنا لنقاش اجدي
هل البيئة والمجتمع يزرعان الضعف في المراءة
وممكن اكون خوفك من كلمات الغزل ناتج عن ذلك
.
.
زمان في حلتنا كان الموسم عيد والعيد عندنا موسم الافراح من زواج وختان وخطوبة الخ
المهم صادف وجود بعض الضيوف هناك ... بينهم بنوتة حلوة جات من الدويم
صادفت قريبا جاء من الخرطوم
سلمت عليهو واردفت كلمة مشتاقين والله بصوت عالي
اها في بعض بنيات الحلة كانن واردات البحر سمعن كلمة مشتاقين من البت دي
التفتت احداهن للاخري وقالت : شوفي الخايسة قالت ليهو مشتاقين
بي كده كلمة مشتاقين من البت لرجل في تلك المنطقة خادشة للحياء او كلمة شاذة