[صديق عيدروس]

المشاركة الأصلية كتبت بواسطة رأفت ميلاد

يا عيدروس الكلام ده ما صاح ما يخمك الزول ده بكلام رنان ساكت .. الله عز وجل يعلم ما بالصدور وما محتاج مننا إعتراف .. البتكلم عنو عادل ده هو التوبة ما الإعتراف .. والله يعلم إن كانت نصوحة ولّ شغل عيال ساكت

زمان يا عيدروس لامن كان الشيوخ ورجال الدين بحق رجال دين لله زلفى .. الإعتراف لديهم ما كان ما شفاعة ولكن كانوا دليل المؤمن .. يمدوك بالآيات والأحاديث التى تنير طريقك الى التوبة .. ثقل الضمير بالذنوب يا عبدروس يحتاج معاونة وعلاج


غايتو طالما أنتيمتى هجرت البوست ده نواصل فيهو الإعترافات .. وطالما عادل عسوم لا يعترف أبدا بالخطأ أتمنى يقبل تحقيق ويرد على أسألتنا بأمانة

بس ما يعديها لينا (أقسم بالله العظيم ويغلظ فى الحليفة) لأنو ده ذاتو حرام .. يرد علينا بالمنطق والإقناع

انا ماشايف انكم مختلفين يا رافت ،، لانو مفهوم كلام عادل انو التبوبة واجبة وهي بين الانسان وربه ،، ولكنه يرى انها لاتحتاج الى اتعراف علني من التائب ،، واظنك برضو مابتشوف انو الاعتراف واجب

عشان كده انا من البداية سألت عن فوائد الاعتراف ،، علميا ومنطقيا ،، وده طبعا بعد معرفة حدوده ومجالاته ،، يعني نعترف بكل شيئ ام ببعض الامور دون بعض ،، وهل هناك دراسة علمية موثقة تبين فائدة او فوائد للاعتراف ؟


للفائدة
شروط التوبة

قال الإمام النووي-رحمه الله تعالى- في كتابه رياض الصالحين :

2-باب التوبة
قال العلماء: التوبة واجبة من كل ذنب , فإن كانت

المعصية بين العبد وبين الله تعالى لا تتعلق بحق آدمي ؛ فلها ثلاثة

شروط:

أحدها: أن يقلع عن المعصية .

والثاني: أن يندم على فعلها.

والثالث: أن يعزم أن لايعود إليها أبدا. فإن فقد أحد الثلاثة لم تصح

توبته .

الرابع :وإن كانت المعصية تتعلق بآدمي فشروطها أربعة : هذه الثلاثة ,

وأن يبرأ من حق صاحبها ؛ فإن كانت مالا أو نحوه رده

إليه , وإن كانت حد قذف ونحوه مكنه منه أو طلب عفوه , وإن

كانت غيبة استحله منها . ويجب أن يتوب من جميع الذنوب , فإن

تاب من بعضها صحت توبته عند أهل الحق من ذلك الذنب , وبقي

عليه الباقي . وقد تظاهرت دلائل الكتاب , والسنة , وإجماع الأمة


على وجب التوبة قال الله تعالىوتوبوا إلى الله جميعا أيها المؤمنون لعلكم تفلحون)