اقتباس:
المشاركة الأصلية كتبت بواسطة طارق صديق كانديك
الشهيد البطل " صدام حسين" هو الذي وقع مع الأكراد اتفاقية الحكم الذاتي في العراق التي كفلت للأكراد حق حكم أنفسهم بأنفسهم، وقد درست ادارة الأعمال في جامعة صلاح الدين الأيوبي في مدينة " أربيل" حاضرة كردستان ولمست بالمعايشة كيف كانت الحياة بين الناس آنذاك. والأكراد قبل هذه الاتفاقية كانوا يوالون النظام الايراني في طهران وظلوا طوال سني حياتهم من قبل حكم الشهيد البطل صدام حسين يحلمون بدولة "عرقية" تخص الأكراد كشعب حتى توافقوا على الحكم الذاتي في ظل وجوده في السلطة.
ومسألة "حبل المشنقة" التي تقولها تشفياً لا تتقاطع مع " مفهومك الجهادي" الذي تحاول ان تلبسه فحسب بل انها تتعارض مع "حسك الثوري" الذي تبديه في الشان السوداني، فحبل المشنقة الذي مشى اليه الشهيد البطل صدام حسين مرفوع الرأس مشاه تحت أسنة الغزاة الذين عبروا المحيطات فذاك حبل يوصله الى حيث نحتسب أنه في الجنان العاليات باذن الله .
قلت لي يبعث له من يعزو ..؟
غايتو لو عندك أمل انو "الإسلام السياسي" يحكم في السودان مرة تانية فانتظارك حيطول ، ان الإضرار الذي فعلته الانقاذ بالاسلام وبالسياسة يطمئن كل الشعب السوداني أن هذه التجربة لن تتكرر في السودان ، ولو " منتكل" على جماعتك الفي التوقيع ده .. ابوحنيفة مش يمد رجليه لا يمدهم وينوم نوماً عميقاً.
|
يا كانديك يا خي ما عصرت لينا في قصة البطولة دي؟ ..... بالله ما توزعوا الألقاب ساي ... بطل كيف و بوين يا طارق .... دا راجل قاتل من الطراز الأول و زي ما بيقولوا أهلنا بكتل بالريحة كيف يعني يبقي بطل؟!!!
غايتو قصة الشهادة دي ما عندي فيه رأي لانه مختصة بالأله لكن بطولة للقتلة ما في يا كانديك....
طيب قبل ما يوقع اتفاقيته مع الأتراك تقدر تقول لعزيزك القارئي هذا الصدام عمل فيهم شنو؟ حاربهم بشنو؟ و قتلهم بشنو؟
و أكتر من كدا الاتفاقية دي جات نتاج شنو؟
و الله يا طارق انت ساي زعلان من البديري... البديري عنده مثل أعلي بن لادن و انت عندك صدام وين المشكلة؟
في حد أحسن من حد
