اقتباس:
المشاركة الأصلية كتبت بواسطة بابكر عباس
سلام يا نورنا
أول بالتبادي، الزول دا، قاعد يلعب علينا، ونكار للجميل والجميليين
صديقنا البلال الجيلي أحمد نزل بوست ترحيب مخيف بإسم: أمين محمد سليمان جاكم، حتى بالإمارة جاكم دي، رصّ فيها دشليون ألف لزوم يخوفنا ويورينا انو في زول بلال صاحبو جاينا، ورحبنا بيهو وعدد مُقدر من جكسنا رحب بيهو، تاني شنو؟
لكن
لو الزول دا، قاصد من البوست دا، يقول انو المنتدى العام (وليس الخاص) إتملا بوستات ترحيب وغزل في الناس والشعرا والادبا، معليش وأنا ذاتي معاهو،
شنو البوستات كلها ترحيب و"تنادي"؟
داك الخاص رحبوا زي ما دايرين، إن شاء الله تفتقدوا الجيلي!
من النهاردا، ولقدام، ما دايرين ترحيب بزول في العام، إلا الزول الجديد يكتب لينا موضوع خطير زي الحصل مع تولا، الراجل فعلا يستحق الترحيب.
ــــــــــــــــــــــــــــــ
تنادي دي شفيتها من لقاء أسامة معاوية الحردان مع ناس تلفزيون دبي |
بكة الذي لم يؤت من العلم إلا قليلا !! ( عليك الله اعفي لي !!
)
يا بكة ياخي كم مرة أنا قلت بتكلم عن الناس الجات بعد فشل موسم التزاوج في الأراضي المحررة ؟!!!
ما ياهو سفيان نابري مشترك من قبل الانقاذ تحكم ... عاملين لي حفلة ترحيب بحمد الريح ... مالك ما فتحت خشمك ؟!!
محل ما أنا قاعد التمييز تجاه الجنس أو اللون أو العمر أو العرق جرائم عديل كده، حقو الواحد يشتكيكم !!
بعدين ياخي الله يسالك .... ده بوست ترحيب ؟! شنو ياخي " أمين محمد سليمان جاااااكم..!!!!" حرامي أنا ؟!
بعدين البوست فتحو الجيلي، و الجيلي - زي ما عارف - لا يعتد به في الأوساط العلمية !!
-------------
في بوست الجيلي يا بكة... وحده من الأخوات كاتبه لي :
مرحباااااااااا
صديقي أمين ...
لم تبق مني وردة إلا غوت.. وتبرّجت ..
لتفوح ..تقرؤك السّلام ...
مرحبااااااااااااااااااااااااااااااااااا
تقول لي الجيلي ؟!!
------------
إنت أسامة معاوية حردان مالو ؟!!
