مرحب بالبروف أمين محمد سليمان في سودانيات !!

[حافظ حسين]

غايتو ترحيبك دي بس ذكرني افتتاح عمر البشير لشارع الجامعة
و ماخد بالك الشارع دا سفلتوه قبل عمر يخش الكلية....انت قايل انا بهذر صح؟
و الله افتتحه سنة 95 و نحن برالمة
و في رواية أخري ذكرني عرس ماردونا في بنسو ضواحي سنجة ....


بعدين تعال لي هنا انا و الله ما عندي اخلاق زيك للقوقلة لكن حد علمي
عمنول قيقراوي فاتح ليك بوست حق ترحيب إد الدنيا نظام قاشر بيك و كدا
و انت يا كا انت ختيت مصداقيته الاسفيرية في الوطا و دخلته في اضافرينه
و الله يكفينا شر الوزين و جني الوز عوام

[طارق صديق كانديك]

في تمانينات القرن المنصرم وصلت بغداد بالمساء لأول مرة، ثم رحلة الى الموصل بالقطر وصلناها بالمساء برضو، لقيت الشباب في الاتحاد بحتفلوا بأكتوبر، ولما كنتُ (فرّاعي) قبل أسافر، وصلتهم برلوم بسنوني طوالي على المسرح بعد أن (طلبت)يدوني شخصين* عشان أزبط ليهم الاسكتشات.


* بقترح ليك شخصين انتا برضو أولهم بكة الذي والتاني حمدو في بطني أنا دا


إني أرى فيك شبابي ياخ

[همس الشوق]

http://www.youtube.com/watch?v=IoXKE8UaPBk

ألف مراحب بالعضو الجديد

[بدر الطائف]

المشاركة الأصلية كتبت بواسطة بابكر عباس

لو الزول دا، قاصد من البوست دا، يقول انو المنتدى العام (وليس الخاص) إتملا بوستات ترحيب وغزل في الناس والشعرا والادبا، معليش وأنا ذاتي معاهو،
شنو البوستات كلها ترحيب و"تنادي"؟
داك الخاص رحبوا زي ما دايرين، إن شاء الله تفتقدوا الجيلي!

غايتو يا بكة البروف ده بعد ما جبيته ليهو رابط الترحيب بتاع الجيلى.
وبعد كلام حافظ حسين عن بوست الترحيب بتاع قيقا داك.
ما اظن تانى ماعنده حاجه يقوله عن سبب فتحو للبوست ده غير الانته استشفيتو من كلامه وقرايتك لما بين حروفه.
ودى ذاته تستحق نديك عليها لقب وكيل عريف المنبر.

[فتحي مسعد حنفي]

المشاركة الأصلية كتبت بواسطة بدر الطائف

غايتو يا بكة البروف ده بعد ما جبيته ليهو رابط الترحيب بتاع الجيلى.
وبعد كلام حافظ حسين عن بوست الترحيب بتاع قيقا داك.
ما اظن تانى ماعنده حاجه يقوله عن سبب فتحو للبوست ده غير الانته استشفيتو من كلامه وقرايتك لما بين حروفه.
ودى ذاته تستحق نديك عليها لقب وكيل عريف المنبر.

ظلت الغيد والقوارير صرعي والأباريق بتن في اطراق..
وتكالبت الأقلام علي ابن آدم حتي صرت أراه ابن آوي..

[أمين محمد سليمان]

المشاركة الأصلية كتبت بواسطة فتحي مسعد حنفي

علي اليمين انت ألذ زول خفة دم كيبوردك ما بخلي الزول يحس بانك جديد.. وكمان كان ما كفا الكيبورد بتلزو بي سلك..

فتحي يا حبيبنا ...
ده من ذوقك ياخي ... لكن اللوم ما فايتكم كلو كلو ...

[أمين محمد سليمان]

المشاركة الأصلية كتبت بواسطة خضر حسين خليل

يا امين يا ايها القارئ النهم ليه ماتقول للناس انو انا واخونا بالسجانة سمير شيخ ادريس ساعدناك في الرسالة بتاعت الدكتوراة . يا رجل باقي صور الرسالة عندي

ـــــــــــــــــ
لأول مرة إنتبه لصورة بروفيلك
ياها عجينتي المابتغباني يابروف

ساعدتوني ؟! ياخي انتو عملتوها كلها !!!

و بالمناسبة دي ... و أنا جادي جدا هنا .... اكتشفت إنو في كمية كبيرة من الناس قايليني بروف بالجد ...
قبل فترة ضربت لي أختي من السودان ... عندها صاحبتها متابعة س. أونلاين ... قالت ليها إنت أمين البكتب في س. أونلاين أخوك ؟ أختي ما بتكون سمعت ب س. أونلاين أصلا ... المهم بعد وصف كده عرفت إنو ده أنا .... قالت ليها هو بروف في شنو ؟!!
أختي قالت ليها غايتو بروف بتاعتو دي إلا تكون من ابروف الساكنين فيها دي !!
أنا متذكر بوستي بتاع الدكتوراة .... لكن ما متذكر منو الشبك فيني لقب البروف ده ....
و بمناسبة صوركم إنت و سمير ... بالله غير البل ما جابت لي أي شئ !!
--------
ياخي مافي طريقة تجازف لينا سمير ده بجاي ؟!!

[أبوبكر عباس]

المشاركة الأصلية كتبت بواسطة بدر الطائف

ودى ذاته تستحق نديك عليها لقب وكيل عريف المنبر.

انت يا بدر، عند العساكر، أعلى رتبة عريف ولّ وكيل عريف؟
غايتو لو وكيل عريف أعلى، يبقى الجياشة ديل، فعلا دياشة!

[أمين محمد سليمان]

المشاركة الأصلية كتبت بواسطة سارة

انت فاتح البوست دا عشان تتفشى فى الطناش الصابك
ولا تشوه سمعة سارة نان هو المزعمطك
ومخليك صلعة هين والله بكة دا زول ما ساهل كان اندرع فيك
ياخ انا من يوم سقوطنا المريع فى الانتخابات خليت الصعوط
حزنن على حالنا المايل زى غصن الرياض المايد تجى تضرب
برستيجى بالشكل دا
شوف يا عمك انا زولة عليك امان الله
بـ شناتى مدشدشة الناس النصيحة لى الله بس صحى الما بعرفك
يجهلك قال اشوف لى صورة بلومة قال
مخير الله يا سرورة
نعسانة بجيك باكر ان مد الله فى العمر

والله أنا الغلطان !!
يعني يا سارة أحاول اساعدك و أنتشلك من الضياع الانتي فيهو ده ... تجي تقولي لي أنا بشوه سمعتك ؟!!
يا ستهم : الاعتراف بالمرض أول مراحل العلاج !!

[أمين محمد سليمان]

المشاركة الأصلية كتبت بواسطة حكيم تولا

هلا هلا بابننا البار قدس الله سر صلعتك المنيرة
ياخ الما بيعرفك بيجهلك
بس شايف هنا الضيف هو البيرحب بروحو

أنطريت يا حكيم ... و زي ما قال المثل ( المنطر يركب الصعب ) !!
لي المجد يا حكيم و أنا أنشر الوعي في الاسافير السودانية !!

[AMAL]

بلالي والبلال عجب عيني

http://www.youtube.com/watch?v=sGk8vRunM5M

[فيصل سعد]

المشاركة الأصلية كتبت بواسطة AMAL

بلالي والبلال عجب عيني

و البحبني يرحب بامين

ازيك يا عم امين ياخ .. و ان ما شالك المنبر
ففي الحدقات و الرموش ..

[نبراس السيد الدمرداش]

مرحب حباب البروف
الدار دارك
ابقى بالي ساي

[فيصل سعد]

المشاركة الأصلية كتبت بواسطة نبراس السيد الدمرداش

ابقى بالي ساي

[AMAL]

المشاركة الأصلية كتبت بواسطة فيصل سعد

و البحبني يرحب بامين

يازول البحبوني ديل خالنهم للتقيلة
يعني كان اترشح بننهمم ليه
اما التراحيب دي هينة

اهلا بالبلال الاعظم
وبلاني يا يمة بلاني وبريدو