منديل حرير !!! النور يوسف
قيامة دولة المتحولون الانسانية !!! أسعد
خِلِّي العيش حرام - عبر الأجيال !!! أشرف السر
آخر 5 مواضيع إضغط علي او لمشاركة اصدقائك! سودانيات .. تواصل ومحبة > منتـديات سودانيات > منتـــــــــدى الحـــــوار محـــن شــوقى بدرى وبركة ساكن ( 1) اسم العضو حفظ البيانات؟ كلمة المرور التعليمـــات مركز رفع الملفات مشاركات اليوم البحث البحث في المنتدى عرض المواضيع عرض المشاركات بحث بالكلمة الدلالية البحث المتقدم الذهاب إلى الصفحة... صفحة 1 من 2 1 2 > أدوات الموضوع انواع عرض الموضوع 22-06-2010, 09:24 AM #[1] سمراء :: كــاتب نشــط:: محـــن شــوقى بدرى وبركة ساكن ( 1) اهلنا السودانين ديل حقيقه احلى ناس ممكن يكونو فى الكورة الارضية من نواحى كتيرة ، ومنها الكرم الفياض ، والوقوف بقوة وراء ود البلد فى حالة انهم خارج الوطن ...بالاضافة لى حاجات كتيرة رغم مايغلفه من غلاف ، الا انها جميلة فى قرارة مضمونه ، ومن اهمها البساطة والتلقائية مع شوية (قندفة) بحسب دواعى الحال ... وتعريف (القندفة ) لغير الناطقين بلغة مثقفى البادية هى تلك الحالة التى تركب احدهم جراء بعض نعم الله البتكون المت بيهو كحالة جديده بتخليهو يتميز من الوسط الحوليهو ..كان يكون ارتفع درجة بالتعليم ...او حباه الله مالاً او مركز ميزه عن من حوله .. وبذكر القندفة اذكر حكاية حكاها لى الوالد ربنا يديه الصحه وطولة العمر ، بعد ماسالتو عن مصطلح القندفة ..قال لى انو زمان كان جدو بشتغل مع عمال السكة حديد ، واسمهم عمال الدريسة ، وهم الموكل ليهم صيانة خطوط القطر ...اها جدنا الله يرحمو عندو شوية افتراء جابهم من شنو الله اعلم ، المهم حسب حالتو وحركتو مع العمال وحب السلطة وحماسو قام الافندى المسئول منهم ميزو بان عينو مشرف على بقية العمال ، اها دى طبعا زادت الطينة بلة ..وبقى جدى يقعد هنااااك وشايل عصايتو وشى كواريك وشى حاجات عجيبة ، وقال ليك حتى مشيتو فى الواطة اتغيرت ، وطريقة كلامو ... وطبعا نتيجه للترفيع ده ، كل يوم يرتب ليهو ربع لحمة عند الجزار ويجى غاشيهو ويمشى لى حبوبتى تحمرو ليهو بالبصلة وده كنوع من الاشعار لى ناس الحلة البشمشمو انو القبة تحته فكى وماساهل ..واعملو حسابكم ...وطبعا جدى كنوع من الاعلام وعشان يقيس ويستمتع بحجم الدهشة فى عيون اصحابو ، بقوم كل يوم يعزم واحد فى اصحابو على ربعو ده ، وكانو بتبارو على الشغلة دى ويحاولو يتقربو ليهو بشتى الصور ... الا ان جا اليوم الشالوهو من منصبو الرفيع ده ، ورجع لقواعدو ، ولى حرفة قراصتو بالسمن والسكر ، وطبعا اصحابو بقو يشتغلوهو بكل الوسائل فى شماته بائنة ، واحلى تعليق لمن سألو واحد من اصحاب الحظوة والاتعزم مرتين تلاتة على شية جدى ، لمن قال ليهو ...هسع خلاص ؟؟ يعنى تانى (الشِننننن ) وبقصد صوت اللحمة فى الطوة – تانى مافى ..!!! مع حرة من يدو يحاكى بها حركة الطوة فى النار !! ومن هنا وبالافتتاحية دى دايرة اهبش الزول الجميل ، الكتااااب عمنا شوقى بدرى ، ومايفهم انى قاصداهو بالقندفة ، بس بشى قريب ليها ، وماهو براهو ..معاهو مجموعه كتاب كبار معانا هنا فى المنتدى ذى الجميل صاحبى بركة ساكن .. ودايرة من هنا اوجه ليهم صوت لوم ، ليه مابداخلو مع بقية الاعضاء فى مواضيعهم كنوع من الحراك والنقاش الممكن نستفيد منهم ومن خبراتهم فى مجال الكتابة او الحياة عموما ً ...!! انا طبعا ختيت ليهم 10 اعزار بس !! ولقيته كلها مابتديهم الحق فى انو يبخلو علينا ببصمتهم معانا فى مواضيعنا ، وبقول احتمال هم شايفنها دون المستوى ! طيب لو كده مايوجهونا ! يعنى ياعم شوقى الشغلة فى النهاية سيك سيك معلقه فيك !! طبعا ياعمنا واستاذنا شوقى عشمى فيك هو الشجعنى صراحه انى اهبشك بالموضوع ده ، وثقتى فى فهمك الراقى بانك زول بسيط وجميل وده نابع من خلال معطيات اتوصلته ليها لانو من المداومين على متابعة كل ماتكتب سوى فى الاسفير او الصحف ، ببقى بحسب المرجعية الجواى انك لازم تكون زول ( حقنا ) ،وحقنا دى بمصطلح الراندوق البسيط انك زولنا وعندنا حق كبير فيك .... فيااااخ ماتبقى زول بعيد عن متناول ايدينا .. شفتة كيف !! التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 09:39 AM #[2] سمراء :: كــاتب نشــط:: طبعا ياعمنا واستاذنا شوقى بدرى ، والزول الفنان التانى داك بركة ساكن ، دىالمحنة الاولى وستتوالى المحن تباعاً ، كمتواليه مثل متوالياتك البننتظرة بفارق الصبر ، حتى وصلنا لى قناعه انو السودان ده كلو محن تحيّر !! وحتى محنة تانية ....اقعدو عافية التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 09:54 AM #[3] أبوبكر عباس :: كــاتب نشــط:: يا سمراء دا شنو! نحن ما صدقنا انو الناس ديل رضوا يقعدوا معانا في بكان واحد! نحن والله يا سمرا نحمد الله صبح وعصر انو الجماعة ديل قاعدين يخلونا نعلق علي كتاباتم... كنا وين وبقينا وين! البتقولي فيهو دا عندو إسم واحد: دا طمع.... أبوبكر عباس مشاهدة ملفه الشخصي إرسال رسالة خاصة إلى أبوبكر عباس البحث عن المشاركات التي كتبها أبوبكر عباس 22-06-2010, 10:15 AM #[4] أبوبكر عباس :: كــاتب نشــط:: محن شوقي بدري (2): مرة مشيت مع أخت صديقي لتسجيلها في كلية الأحفاد للبنات قعدتها في كرسي برا و دخلت مكتب المسجل للإجراءات... عميد الكلية يجي يلقى البت قاعدة برا المكتب و عرف انو أنا قاعد أعمل ليها في الإجراءات جوه المكتب، بقوم يناديني و يمسح بي الواطة... جنس الكلام بتاع إعتماد المرأة علي نفسها.... تعليم المرأة و لب ...لب.... كلام كتير و بعد داك طردني من الكلية.... سألت الغفير الزول دا منو؟ قال لي يعني ما بتعرفو؟ ما بعرفو انت كمان داير تبستفني؟ - دا ود بابكر بدري ديل و أولاد أبو سن لا بخافوا و نفسهم عاجباهم عجب شديد.... و الله الزول دا لما طردني الزمن داك أنا كنت بعتبر نفسي في السودان زول محترم... عشان كدا ما شايفاني مداخلاتي مع شوقي بدري مهذبة كيف؟! هو قاعد يكتب عتالي سابق لكن برضو انا ما مطمن للقصة دي! أبوبكر عباس مشاهدة ملفه الشخصي إرسال رسالة خاصة إلى أبوبكر عباس البحث عن المشاركات التي كتبها أبوبكر عباس 22-06-2010, 10:37 AM #[5] أسامة معاوية الطيب :: كــاتب نشــط:: تعرفي يا سمراء مرة ... وأنا طالب في السنة الأولى في الجامعة اشتركت بقصيدة في برنامج بدون عنوان في فقرة المواهب ديك وجاء سعدالدين إبراهيم ليعلق عليها في صحيفة ظلال - كان رئيس تحريرها - وعليّ ( أسماني الشاعر البرعم ) وقال كلاما جميلا وكثيرا علي وعلى القصيدة ... وبشّر الشعب السوداني البطل بمولد شاعر في هذا المنعطف التاريخي الذي تمرّ به البلاد ... وكتب أن عليّ أن أذهب إلى اتحاد شعراء السودان سأجده قام بتزكيتي لهم ... وأنه يأسف جدا لأنه جاء متأخرا فلم يحفظ اسمي كاملا لذا فعلي أن أذهب إليه معرفا ... حتى يسهم في دفعي نحو شنو وشنو وشنو المهم قابلته بعدها بأشهر في استقبال التلفزيون ... فخبيت نحوه مصافحا ومعرفا (بالشاعر البرعم ) الذي نوّه عنه في ظلال فنظر إلي من فوقي إلى أخمص صليبي ... ومضى دون أن يفتح فمه بكلمة أها والبرعمة الدخلتني ما مرقت دي مش محنة أسي ؟ أما الأستاذ شوقي بدري فهو من اكثر الناس حميمية في ردوده على الناس ولكنه كثيرا ما كان يعتذر ببعده عن تقنيات الكومبيوتر ... ليته يتداخل فنستفيد جميعا بركة ساكن ... علاقته بالمنتدى تبدأ بما يكتبه من كتابات باهظة القيمة ... نرجو ألا تنتهي بها ... فحتما قامته ستزيدنا طولا لهما حبي الفد واحد ... أما بخصوص مسؤول شؤون الأعضاء ... فبسم الله ما شاء الله ... بابكر عباس ... وجودك في البوستات يزيد فائض قيمتها يشهد الله التعديل الأخير تم بواسطة أسامة معاوية الطيب ; 22-06-2010 الساعة 11:01 AM. أسامة معاوية الطيب مشاهدة ملفه الشخصي إرسال رسالة خاصة إلى أسامة معاوية الطيب البحث عن المشاركات التي كتبها أسامة معاوية الطيب 22-06-2010, 12:11 PM #[6] سمراء :: كــاتب نشــط:: اقتباس: المشاركة الأصلية كتبت بواسطة بابكر عباس يا سمراء دا شنو! نحن ما صدقنا انو الناس ديل رضوا يقعدوا معانا في بكان واحد! نحن والله يا سمرا نحمد الله صبح وعصر انو الجماعة ديل قاعدين يخلونا نعلق علي كتاباتم... كنا وين وبقينا وين! البتقولي فيهو دا عندو إسم واحد: دا طمع.... ومالو يابابكر ..مانطمع !! موش قالو لو عشقته اعشق قمر ولو سرقته اسرق ....ناقة اهو نحن اسع بنعشق لينا فى قمر ياخ وعشمانين فيهو انو يدينا من قبسو . ان شاءالله شعاع ..!! التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 12:16 PM #[7] سمراء :: كــاتب نشــط:: اقتباس: المشاركة الأصلية كتبت بواسطة بابكر عباس محن شوقي بدري (2): مرة مشيت مع أخت صديقي لتسجيلها في كلية الأحفاد للبنات قعدتها في كرسي برا و دخلت مكتب المسجل للإجراءات... عميد الكلية يجي يلقى البت قاعدة برا المكتب و عرف انو أنا قاعد أعمل ليها في الإجراءات جوه المكتب، بقوم يناديني و يمسح بي الواطة... جنس الكلام بتاع إعتماد المرأة علي نفسها.... تعليم المرأة و لب ...لب.... كلام كتير و بعد داك طردني من الكلية.... سألت الغفير الزول دا منو؟ قال لي يعني ما بتعرفو؟ ما بعرفو انت كمان داير تبستفني؟ - دا ود بابكر بدري ديل و أولاد أبو سن لا بخافوا و نفسهم عاجباهم عجب شديد.... و الله الزول دا لما طردني الزمن داك أنا كنت بعتبر نفسي في السودان زول محترم... عشان كدا ما شايفاني مداخلاتي مع شوقي بدري مهذبة كيف؟! هو قاعد يكتب عتالي سابق لكن برضو انا ما مطمن للقصة دي! والله ونعم الصديق انت ياخ ثم انو والله برضو احترامك مقبول فى هكذا مواقف ! واكيد مابتنقص منك شى .. بس النصيحه عمنا الجميل ده زول من خلال سردو زول حبوب وود بلد وكونو يكتب انو عتالى سابق ، فده من تواضع نشأ وتربى عليهو وده انا بعتبرو درس براهو .... التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 12:23 PM #[8] سمراء :: كــاتب نشــط:: اقتباس: المشاركة الأصلية كتبت بواسطة أسامة معاوية الطيب اقتباس: قابلته بعدها بأشهر في استقبال التلفزيون ... فخبيت نحوه مصافحا ومعرفا (بالشاعر البرعم ) الذي نوّه عنه في ظلال فنظر إلي من فوقي إلى أخمص صليبي ... ومضى دون أن يفتح فمه بكلمة أها والبرعمة الدخلتني ما مرقت دي مش محنة أسي ؟ الجاتك فى برعمتك ، سامحتك يا اسامة اهو انت داير تتشهر ببلاش كمان اقتباس: أما الأستاذ شوقي بدري فهو من اكثر الناس حميمية في ردوده على الناس ولكنه كثيرا ما كان يعتذر ببعده عن تقنيات الكومبيوتر ... ليته يتداخل فنستفيد جميعا بركة ساكن ... علاقته بالمنتدى تبدأ بما يكتبه من كتابات باهظة القيمة ... نرجو ألا تنتهي بها ... فحتما قامته ستزيدنا طولا لهما حبي الفد واحد ... بابكر عباس ... وجودك في البوستات يزيد فائض قيمتها يشهد الله والله يا اسامة الاتنين ديل بنتعشم يدونا ان شاءالله (نظــرة ) وارجع انحرم (ياقول عبد الرحمن عبد الله ) ان شاءالله ياقول هناى داك بالعين البايظة بالجد محتاجين لى رايهم ويدونا شوية من الفى راسهم ده ! اقلاها نستفيد من نقاشهم . اقتباس: أما بخصوص مسؤول شؤون الأعضاء ... فبسم الله ما شاء الله ... الله ماضراك ...عينك مليانة التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 12:34 PM #[9] عثمان :: كــاتب نشــط:: الله يعدلا عليكي يا سمراء والله مسكتيني درب من زمان كايس لي فيهو فرقة ما لاقي صارها بس ما عارف أكبها كيف ، إنتي عارفة يا سمراء بفكر في الحتة لي زمن كل ما أفكر فيها بتذكر كلام عمنا شوقي ده بعمل نايم. اقتباس: اقتباس: يا بابكر هو قبل النفاس الريحه نحاس . انا مجابد بالوقت . وعشان اكتب بسرعه واستفيد من الوقت المحدود بملى بشر آخر عشان يكتب لى . يعنى بعد ده انا اقوم اكتب الكلام واصححه واشكله واعمل بروفات قدام المرايا واظبط مخارج الحروف . وبعدين انزلوا ملفات صوتيه واراجع واعيد ويمكن كمان اجيب كريز وآخد لى عرضه . ياخى اى زول عنده شكوى يمشى الشباك يرجع قروشو . ده العندنا يا بابكر . مافى شئ مكجنو فى الدنيا غير النصائح ولو كنت عملته كده .. ولو كنت قلت لينا ... ودى اكبر مصيبه يا بابكر فى السودان . ايمان ابراهيم بدرى كرهنى السودان ليه ما اخدته وكاله الاديدس ,, ليه ما جبته باخره بتاعه اسمنت الاسمنت سعرو عالى .,, ليه ما اخدته وكاله البى ام دبليو , ذى كأنه وكاله البى ام دبليو دى علبه صلصه ,,, وليه ,,, وليه ,,, وليه تجرحنى انا وانا كلى جراح . فى الآخر قلته لود خالك ايمان والله افكارك دى عظيمه جدا جدا بس انت قاعد تنسه ترسل القروش عشان انفذها ليك .. يعنى نكتب شعر ونثر وحجا وسياسه وادب وقله ادب ودوبيت وحكاوى وفى الآخر نسمع , الكلمه دى غلط وانت كان مفروض تعمل كده وكان مفروض تقول كده . يا بابكر الفينى مكفينى ... التحيه شوقى اقتباس: يا عثمان بتجى ايميلات بالكرتونه عمى كان شيخ النجارين زعلان انت ما كتبته عنه . جدى كان عندو قهوه وانت نسيتو . وليه ما كتبته عن فلان وعلان وانت مقصر فى حق التكاسا . لكن برضو ما كان فى لزوم للاحتداد مع بابكر . لكن طبعا الاحساس انو كمان ده ما اخوك الصغير .\ التحيه عمك شوقى إنتي عارفة يا سمراء أنا سودانيات دي ما في زول قش الدرب ليها جيت قاصي درب عمك ده ولقيتو حاتل هنا وكسرت ، مكتبة عمك في الأون لاين هسي حالياً موجودة مداخلاته وردوده بغادي ما شاء الله تقول يا ليل على الأقل في بوستاته لكن هنا ما عارف ليه مشخيت لينا ومعفصنا والله من عشمي فيك يا عم ما تاخد على بالك عثمان مشاهدة ملفه الشخصي إرسال رسالة خاصة إلى عثمان البحث عن المشاركات التي كتبها عثمان 22-06-2010, 12:49 PM #[10] سمراء :: كــاتب نشــط:: اقتباس: المشاركة الأصلية كتبت بواسطة عثمان الله يعدلا عليكي يا سمراء والله مسكتيني درب من زمان كايس لي فيهو فرقة ما لاقي صارها بس ما عارف أكبها كيف ، إنتي عارفة يا سمراء بفكر في الحتة لي زمن كل ما أفكر فيها بتذكر كلام عمنا شوقي ده بعمل نايم. إنتي عارفة يا سمراء أنا سودانيات دي ما في زول قش الدرب ليها جيت قاصي درب عمك ده ولقيتو حاتل هنا وكسرت ، مكتبة عمك في الأون لاين هسي حالياً موجودة مداخلاته وردوده بغادي ما شاء الله تقول يا ليل على الأقل في بوستاته لكن هنا ما عارف ليه مشخيت لينا ومعفصنا والله من عشمي فيك يا عم ما تاخد على بالك لاحولاااااااااا الكلام ده جبتو من وين ياعثمان !!! اقتباس: يا بابكر هو قبل النفاس الريحه نحاس . انا مجابد بالوقت . وعشان اكتب بسرعه واستفيد من الوقت المحدود بملى بشر آخر عشان يكتب لى . يعنى بعد ده انا اقوم اكتب الكلام واصححه واشكله واعمل بروفات قدام المرايا واظبط مخارج الحروف . وبعدين انزلوا ملفات صوتيه واراجع واعيد ويمكن كمان اجيب كريز وآخد لى عرضه . ياخى اى زول عنده شكوى يمشى الشباك يرجع قروشو . ده العندنا يا بابكر . مافى شئ مكجنو فى الدنيا غير النصائح ولو كنت عملته كده .. ولو كنت قلت لينا ... ودى اكبر مصيبه يا بابكر فى السودان . ياخ انا لو قريت الكلام ده ولا عتر لى فى بوكان تانى ماكنت فتحته خشمى (بوستينى ) ده !! ده كلام بقنع الزول عديل والله وياعم شوقى بعد كلامك ده اعتبرنى عزرتك فوق اعزارى ال10 ديك ، عزرك الكتبتو فوق ده ياخ انا اتارينى ظلمتك ظلم الحسن والحسين ، دحين امسحه لى خالد الحاج فى وشو وبالعدم النور ولا عكود التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 22-06-2010, 01:00 PM #[11] عبد العزيز بركة ساكن :: كــاتب نشــط:: طبعا زودتوا الموضوع شوية اولا انا لست من الناس الكبار، اطلاقا وفي الحقيقة كلكم عارفين الكلام دا، عمرا قد اكون عجوز شوية، ولكن المقامات هي هي، وعليكم الله خلوني معاكم، و سنة سنتين ما بين الأخوان. واما استاذي و حبيبنا الحكاي الجميل،الأستاذ شوقي فهو اكثر الناس تواضعا في هذا الكون الكبير، ونعرف عنه الكثير الكثير، ولو لقي وقتا لا اظنه سيبخل الموضوع التاني، لما قرات محن الأستاذ شوقي مسخت لي محنتي الخاصة ولدي موضوع منشور على أحد الأسافير بعنوان محنة الكاتب السوداني، وكنت عايز انشره في سودانيات، ولكن الآن لألألأ؟ على ما أظن لديك نسخة من المقال يا سمراء؟ انا سعيد بيكم وفي الأيام دي عندي انترنت وما مخلي مكان إلا كتبت فيه سمراء الجميلة اسامة، بابكر عباس لكم الود و سوف اكون معكم لأنني منكم عبد العزيز بركة ساكن مشاهدة ملفه الشخصي إرسال رسالة خاصة إلى عبد العزيز بركة ساكن البحث عن المشاركات التي كتبها عبد العزيز بركة ساكن 22-06-2010, 04:12 PM #[12] سمراء :: كــاتب نشــط:: اقتباس: المشاركة الأصلية كتبت بواسطة عبد العزيز بركة ساكن طبعا زودتوا الموضوع شوية اولا انا لست من الناس الكبار، اطلاقا وفي الحقيقة كلكم عارفين الكلام دا، عمرا قد اكون عجوز شوية، ولكن المقامات هي هي، وعليكم الله خلوني معاكم، و سنة سنتين ما بين الأخوان. واما استاذي و حبيبنا الحكاي الجميل،الأستاذ شوقي فهو اكثر الناس تواضعا في هذا الكون الكبير، ونعرف عنه الكثير الكثير، ولو لقي وقتا لا اظنه سيبخل الموضوع التاني، لما قرات محن الأستاذ شوقي مسخت لي محنتي الخاصة ولدي موضوع منشور على أحد الأسافير بعنوان محنة الكاتب السوداني، وكنت عايز انشره في سودانيات، ولكن الآن لألألأ؟ على ما أظن لديك نسخة من المقال يا سمراء؟ انا سعيد بيكم وفي الأيام دي عندي انترنت وما مخلي مكان إلا كتبت فيه سمراء الجميلة اسامة، بابكر عباس لكم الود و سوف اكون معكم لأنني منكم وهنا حضر احد المعنيين بالامر ...الجميل القاص بركة ساكن ، تحيات كتاااار ياراقى ، والمقام محفوظ ، وحقيقه نحنا كشعب معروفين بالفطرة ناس بنعشق الكلمة المدوزنة الراقية ، وبنتحسس كل مواطن الجمال فى اى مفردة ، وبنسعى دائما للاستاذة من المعرفة فى مجالات الكتابة بشتى اشكالها القصصى والشعرى وخلافه ... عشان كده بندى اى انسان حقه ومستحقه ، وبظهر ده فى شكل توقيرواحترام ، وعرفان بالجميل لذلك الاهداء الذى ينفحنا به ، واستاذنا شوقى بدرى من هؤلاء الناس بمعيتك انت الذين ندخر لهم و افر التقدير والاحترام ، وممنون لما يرفدون به ساحاتنا من احرف ...ايمّا منْ . وبمناسبة المحن ، ياريت لو اكرمتنا بتلك المحنة ، حتى تحل محنة الكاتب السودانى ، واقلاها نحس انو فى محنة اتحلت مشكور يابركة على الحضور ...وياريت ماتحرمنا من وجودك .... التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 23-06-2010, 11:13 AM #[13] شوقي بدري :: كــاتب نشــط:: الابنة سمراء تحية طيبة سأعود لك وهذا وعد . أمر بمحنة الاهتمام باربعة أولاد أسهلهم أسوأ من شرامة العباسية . ومررت بمحن أخري . لكن في هذه الأيام القادمة سوف تحل هذه المشاكل وسأعود لك بكثافة . تحية عمك شوقي التوقيع: [frame="6 80"] العيد الما حضرو بله اريتو ما كان طله النسيم بجى الحله عشان خاطر ناس بله انبشقن كوباكت الصبر وتانى ما تلمو حتى مسله قالوا الحزن خضوع ومذله ليك يا غالى رضينا كان ننذله [/frame] http://sudanyat.org/maktabat/shwgi.htm رابط مكتبة شوقي بدري في سودانيات شوقي بدري مشاهدة ملفه الشخصي إرسال رسالة خاصة إلى شوقي بدري البحث عن المشاركات التي كتبها شوقي بدري 23-06-2010, 12:51 PM #[14] سمراء :: كــاتب نشــط:: اقتباس: المشاركة الأصلية كتبت بواسطة شوقي بدري الابنة سمراء تحية طيبة سأعود لك وهذا وعد . أمر بمحنة الاهتمام باربعة أولاد أسهلهم أسوأ من شرامة العباسية . ومررت بمحن أخري . لكن في هذه الأيام القادمة سوف تحل هذه المشاكل وسأعود لك بكثافة . تحية عمك شوقي اها ياعمنا شوقى ، ده محنة من محنى اسع اتفكت بدخلتك دى ، واشكرك عليها ايما شكر ربنا يحلحل محنك ومايخلى ليك محنة ..غيرى !! وربنا يخلى ليك شرامة العباسية ديل (ياريت تكتب لينا عن شرامة العباسية برضو ) ياها حالتهم ياخ ...نسوى شنو ؟ الشكية لله ياقول الخال التوقيع: سمراء مشاهدة ملفه الشخصي إرسال رسالة خاصة إلى سمراء البحث عن المشاركات التي كتبها سمراء 23-06-2010, 01:04 PM #[15] جيجي :: كــاتب نشــط:: يعني انا بصراحة اول ماجيت اتداخلت ذات مرة مع عمنا شوقي ولما مارد لي تاني مافتحت ليه بوست من يومها ياريت عمنا يمد معانا جسور تتيح لينا الاستفادة منه ويورينا رايه في حديثنا من خلال مداخلاتنا مادام انعم علينا بوجوه بيينا خلال حكيه الجميل وله منا خالص الود التوقيع: http://m.youtube.com/watch?v=uIbZxhLEUyE جيجي مشاهدة ملفه الشخصي إرسال رسالة خاصة إلى جيجي البحث عن المشاركات التي كتبها جيجي صفحة 1 من 2 1 2 > تعليقات الفيسبوك « الموضوع السابق | الموضوع التالي » أدوات الموضوع مشاهدة صفحة طباعة الموضوع انواع عرض الموضوع العرض العادي الانتقال إلى العرض المتطور الانتقال إلى العرض الشجري تعليمات المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة Forum Rules الانتقال السريع لوحة تحكم العضو الرسائل الخاصة الاشتراكات المتواجدون الآن البحث في المنتدى الصفحة الرئيسية للمنتدى منتـديات سودانيات منتـــــــــدى الحـــــوار خـــــــالد الـحــــــاج موضوعات خـــــــالـد الحـــــــــاج ما كُتــب عن خـــــــالد الحــــــاج صــــــــــــــــور مكتبات مكتبة لسان الدين الخطيب محمدخير عباس (لسان الدين الخطيب) مكتبة أسامة معاوية الطيب مكتبة الجيلي أحمد مكتبة معتصم محمد الطاهر أحمد قنيف (معتصم الطاهر) مكتبة محي الدين عوض نمر (nezam aldeen) مكتبة لنا جعفر محجوب (لنا جعفر) مكتبة شوقي بدري إشراقات وخواطر بركة ساكن عالم عباس جمال محمد إبراهيم عبدالله الشقليني أبوجهينة عجب الفيا نــــــوافــــــــــــــذ الســــــرد والحكــايـــــة مسابقة القصة القصيرة 2009 مسابقة القصة القصيرة 2013 كلمـــــــات المكتبة الالكترونية خاطرة أوراق صـــــالة فنــــون فعــــاليات إصــدارات جديــدة الكمبيــــــــــوتــر برامج الحماية ومكافحة الفايروسات البرامج الكاملة برامج الملتميديا والجرافيكس قسم الاسطوانات التجميعية قسم طلبات البرامج والمشاكل والأسئلة قسم الدروس وشروح البرامج منتــــدي التوثيق ارشيف ضيف على مائدة سودانيات مكتبة سودانيات للصور صور السودان الجديدة صور السودان القديمة وجوه سودانية صور متنوعة المكتبة الالكترونية نفــاج خالــد الحــاج التصميم Mohammed Abuagla الساعة الآن 11:40 PM. زوار سودانيات من تاريخ 2011/7/11 اتصل بنا / مقترحات القراء - سودانيات - الأرشيف - الأعلى Powered by vBulletin® Version 3.8.8 Beta 2Copyright ©2000 - 2026, vBulletin Solutions, Inc.
