حق الفطور

[عكــود]

شكراً شليل
شكراً

أتّفق مع راي كانديك بخصوص دمج الفكرتين (حافظ/شليل).

سجّل عندك

[حافظ حسين]

شليل فكرتك في السلك و نحن مجموعة أصحاب كان عندنا تجربة زي دي... في مدرسة في الاسكان الشعبي فيها 90 طالب ديل ما عندهم حق الفطور بشكل يومي, و الموضوع دا عامل أزمة للمديرة و التحية لهذه المرأة الأبنوسة ... المهم المدير حكت القصة دي لصاحبنا و بقي كل شهر بنجمع مبلغ الفطور للشباب ديل... الفطور كان بتعمل في المدرسة ذاتها و بتعملوا الفراشة ال رفضت تشيل اي قرش مقابل الخدمة البتقوم بيها دي... يعني أتخيل لي نشوف المدارس المحتاجة و اي مدرسة فيها فراشة ممكن نتفق معاها مقابل أجر عديل دي بتقلل لينا التكلفة الناتجة من أجرة الركشات و الأمجادات... المدارس الما فيها فراشة ممكن نشوف خالة محتاجة و ساكنه قريب من المدرسة تعمل الفطور...
كل ما في الأمر الموضوع محتاجة لمتابعة, محتاج ناس يطوعوا كل فترة و التانية يمشوا المدارس دي و يشوفوا الامور ماشة كيف... و أنا متطوع (لكن ما في هيئة الامر بالمعروف حقت ناس النور ديك)
-- ------------
تنهيده:
ما تتخيلوا المديرة إتصلت علينا و قالت أن نسبة تسرب التلاميذ السنة الفاتت دي قلة بشكل ملحوظ و كمان لاحظت أن نتيجة الامتحانات أتحسنت من السنين المضت, ما داير اقول دا من المجهود البسيط دا لكن قد يكون له أثر...

[نبراس السيد الدمرداش]

كل ما في الأمر الموضوع محتاجة لمتابعة, محتاج ناس يطوعوا كل فترة و التانية يمشوا المدارس دي و يشوفوا الامور ماشة كيف... و أنا متطوع (لكن ما في هيئة الامر بالمعروف حقت ناس النور ديك)

سجل عندك واحده متطوعه ومعاي امي كمان

رغم الترقيه

[خالد الصائغ]

المشاركة الأصلية كتبت بواسطة عكــود

شكراً شليل
شكراً

أتّفق مع راي كانديك بخصوص دمج الفكرتين (حافظ/شليل).

سجّل عندك

كامل الإتفاق يا عمدة

كانديك أتانا بالرأي السديد

معاً

في معية هذه النفرة الخضراء (حافظ/شليل)


شكرا حافظ
شكرا شليل

[عبدالمنعم الطيب حسن]

شكرا شليل
الفكرة مبدعة وتنفيذها ممكن جدا
ومردودها يا سلام ...
كلام قريب من حديث اميري وحافظ ...
ولو انه سوف يُأقلم الفكرة قليلا
ويُوريفها - من الريف لا الوريف -
نذهب شمالا قليلا وفي واوسي اطفال بلا فطور
نعرفهم من الكرامة في محياهم وصمود اسرهم
وكل هذا الكبرياء ....
حدثتني بخيتة اختي - التي تبيع الفطور في ذات المدرسة -
انها تبيع نص وتوزع نص في شكل دين هالك ولكنها لاترد طفلا ابدا
وهكذا تفعل كل الامهات التاجرات ...
طيب ننسق مع كم واحدة من اخواتنا هناك وممكن كمان مع مدرسة
او مدرسات ، وعندي متطوعون يدعمون الفكرة بالفكرة والمعلومة
والسندوتش دا يمشي محل طفل محتاج بلا ضجة ولا اعلان
ولا ....
فالناس هناك من فرط كباريائها ممكن تضحي بالسندوتش والمدرسة ذاتا
ولا تنجرح كرامتها ...
بهدؤ لو تمت الموافقة على الفكرة سيتم الامر ويصل لطفل محتاج
من جانبي سوف اقوم بجميع الترتيبات مع الكل
ودمتم

[البديري]

مساء الخير يا اهل الخير
افكاركم والله كلها جميلة وكل فكرة اشدة من الآخرى كل التوفيق لكم وفى ميزان حسناتكم ان شاء الله

شليل عظم الله اجرك

[حسين عبدالجليل]

شليل وصحبه الخيِرين :

معاكم ياشباب في إستباقكم للخيرات.

جعل الله نية هذا العمل الصالح في ميزان حسناتكم وفي ميزان حسنات عزيزنا خالد الذي يسر لنا هذا الفضاء السمح لنجمتع بأناس أفاضل يعيدوا تذكيرنا بأن حواء السوادنية والدة .

نصيحة ناتجة عن تجربة متواضعة , وهي أهمية التركيز في البداية علي مدرسة واحدة فقط و بدء المشروع بها ومن ثم دراسة النتائج و الدروس المستفادة بعد بضعة أشهر (حينها سنعرف ماهي التكلفة الحقيقية لوجبة إفطار لطالب واحد لمدة شهر ؟ وعلي ضوء ذلك يمكن معرفة المبالغ اللازمة لاعادة إستنساخ الفكرة في مدرسة أخري و تجنب الاخطاء التي ربما ترتكب في المشروع الاول التجريبي Pilot project ) .
﴿لا خَيْرَ فِي كَثِيرٍ مِنْ نَجْوَاهُمْ إِلا مَنْ أَمَرَ بِصَدَقَةٍ أَوْ مَعْرُوفٍ أَوْ إِصْلاحٍ بَيْنَ النَّاسِ وَمَنْ يَفْعَلْ ذَلِكَ ابْتِغَاءَ مَرْضَاةِ اللَّهِ فَسَوْفَ نُؤْتِيهِ أَجْرًا عَظِيمًا ﴾ [سورة النساء : 114] .

[عبدالمنعم الطيب حسن]

المشاركة الأصلية كتبت بواسطة عبدالمنعم الطيب حسن

شكرا شليل
الفكرة مبدعة وتنفيذها ممكن جدا
ومردودها يا سلام ...
كلام قريب من حديث اميري وحافظ ...
ولو انه سوف يُأقلم الفكرة قليلا
ويُوريفها - من الريف لا الوريف -
نذهب شمالا قليلا وفي واوسي اطفال بلا فطور
نعرفهم من الكرامة في محياهم وصمود اسرهم
وكل هذا الكبرياء ....
حدثتني بخيتة اختي - التي تبيع الفطور في ذات المدرسة -
انها تبيع نص وتوزع نص في شكل دين هالك ولكنها لاترد طفلا ابدا
وهكذا تفعل كل الامهات التاجرات ...
طيب ننسق مع كم واحدة من اخواتنا هناك وممكن كمان مع مدرسة
او مدرسات ، وعندي متطوعون يدعمون الفكرة بالفكرة والمعلومة
والسندوتش دا يمشي محل طفل محتاج بلا ضجة ولا اعلان
ولا ....
فالناس هناك من فرط كباريائها ممكن تضحي بالسندوتش والمدرسة ذاتا
ولا تنجرح كرامتها ...
بهدؤ لو تمت الموافقة على الفكرة سيتم الامر ويصل لطفل محتاج
من جانبي سوف اقوم بجميع الترتيبات مع الكل
ودمتم

وممكن نستفيد من وجود اي عضو في سودانيات في منطقته ،
وهو من جانبه يقوم بالترتيبات كلها حتى يصل السندوتش طازج
لمن يستحق وبتكلفة اقل ،
يعني مثلا نشوف كم سيدة بتبيع اصلا الفطور وتُعطى في الاسبوع مثلا 50 الف بالقديم
ونشوف الخمسين دي بتكفي كم واحد محتاج اصلا وفعلا لهذه الوجبة وقد يزيد المبلغ او
قد ينقص حسب كل حالة ....
وعندنا فترة مناسبة للتنسيق فامامنا كم شهر لسع على افتتاح المدارس ....

[الفاتح]

المشاركة الأصلية كتبت بواسطة سارة

معاكم معاكم بدون تحفظ
عجبتنى فكرة اميرى جدا بس برضو المحلية ما بتخليهو
خلونا نضرب تلاتة عصافير بطوبة واحدة
فكرة الاسرة الفقيرة ممتازة جدا بس لو ما بقت رسمية
يعنى بترصيح ورسوم حتواجه مشاكل زى كشات ست الشاى
ليه ما يكون بيت الاسرة نفسه هو الدكان بمعنى لا نحتاج لدفع الايجار ولكن
نحتاج لاستخراج التصاريح ولو المحلية بقى فيهم ود حلال يعفوا العمل من الرسوم
والضرايب بس شهادة الصحة والاوراق الرسمية تحسبا لاى طارىء
وبى كدا يكون وجد مصدر دخل واعاشة لاسرة وتخفيف النفقات حتى تكون الفائدة
اكبر ويتم افطار الطلاب ودا الهدف الاساسى

سروره يا وجيهه.. بحترم مقترحك ، لكن إعتقد إنو لو سكًينا ناس المحلية ، بيردمونا أوراق ورسوم ويطلع المشروع ده صفر معاك الواحد ، فأحسن الواحد يفقد فيهم الذاكرة لحدي ما الشغل ينجض.
مودتي

1- بدر الطائف
2- البديري
3- نولا
4- طارق صديق
5- ساره
6- شليل

[الفاتح]

المشاركة الأصلية كتبت بواسطة عكــود

شكراً شليل
شكراً

أتّفق مع راي كانديك بخصوص دمج الفكرتين (حافظ/شليل).

سجّل عندك

بقيت أبحًت في المداخلات لكلمة سجًل عندك ، أمسك ، معاكم
الصفقه مالا تعبانه كما قالت الفنانه العنقاليه !
شكراً ياعمده.
---
المشاركين
1- بدر الطائف
2- البديري
3- نولا
4- طارق صديق
5- ساره
6- عكود
7- شليل

[الفاتح]

المشاركة الأصلية كتبت بواسطة حافظ حسين

شليل فكرتك في السلك و نحن مجموعة أصحاب كان عندنا تجربة زي دي... في مدرسة في الاسكان الشعبي فيها 90 طالب ديل ما عندهم حق الفطور بشكل يومي, و الموضوع دا عامل أزمة للمديرة و التحية لهذه المرأة الأبنوسة ... المهم المدير حكت القصة دي لصاحبنا و بقي كل شهر بنجمع مبلغ الفطور للشباب ديل... الفطور كان بتعمل في المدرسة ذاتها و بتعملوا الفراشة ال رفضت تشيل اي قرش مقابل الخدمة البتقوم بيها دي... يعني أتخيل لي نشوف المدارس المحتاجة و اي مدرسة فيها فراشة ممكن نتفق معاها مقابل أجر عديل دي بتقلل لينا التكلفة الناتجة من أجرة الركشات و الأمجادات... المدارس الما فيها فراشة ممكن نشوف خالة محتاجة و ساكنه قريب من المدرسة تعمل الفطور...
كل ما في الأمر الموضوع محتاجة لمتابعة, محتاج ناس يطوعوا كل فترة و التانية يمشوا المدارس دي و يشوفوا الامور ماشة كيف... و أنا متطوع (لكن ما في هيئة الامر بالمعروف حقت ناس النور ديك)
--------------
تنهيده:
ما تتخيلوا المديرة إتصلت علينا و قالت أن نسبة تسرب التلاميذ السنة الفاتت دي قلة بشكل ملحوظ و كمان لاحظت أن نتيجة الامتحانات أتحسنت من السنين المضت, ما داير اقول دا من المجهود البسيط دا لكن قد يكون له أثر...

--
الفكرة كده نضجت أكتر ، مع التشديد على إنو الفراشه/الخاله لازم تشيل قروش مقابل الخدمة دي..
يبقى نوزع الشغل ده على شقين.. شق بتاع " شيرينغ- جماعة بتلتزم بسداد مبلغ يتفق عليه ، بعد ما نجمًع عدد كبير شويًه ، ، وشق بتاع تنسيق " تطوًع "
--

[الفاتح]

المشاركة الأصلية كتبت بواسطة نبراس السيد الدمرداش

سجل عندك واحده متطوعه ومعاي امي كمان

رغم الترقيه

تمام.. التحيه ليك ولأمك ..

الشيرينغ :
1- بدر الطائف
2- البديري
3- نولا
4- طارق صديق
5- ساره
6- عكود
7- شليل

المتطوًعين
1- حافظ حسين
2- نبراس
3- والدة نبراس

[الفاتح]

يرجى من المتداخلين تحديد أي قروب من القروبين المطروحات ديل
وإلاً بسجًلكم تبع جماعة الشيرينغ

[الفاتح]

المشاركة الأصلية كتبت بواسطة خالد الصائغ

كامل الإتفاق يا عمدة

كانديك أتانا بالرأي السديد

معاً

في معية هذه النفرة الخضراء (حافظ/شليل)


شكرا حافظ
شكرا شليل

كتًر خيرك ياخالد..
أي مداخلة حأعمل ليها أبديت عشان الناس تنشط شويه..
-----
الشيرينغ :
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- شليل

المتطوًعين
1- حافظ حسين
2- نبراس
3- والدة نبراس

[الفاتح]

المشاركة الأصلية كتبت بواسطة عبدالمنعم الطيب حسن

شكرا شليل
الفكرة مبدعة وتنفيذها ممكن جدا
ومردودها يا سلام ...
كلام قريب من حديث اميري وحافظ ...
ولو انه سوف يُأقلم الفكرة قليلا
ويُوريفها - من الريف لا الوريف -
نذهب شمالا قليلا وفي واوسي اطفال بلا فطور
نعرفهم من الكرامة في محياهم وصمود اسرهم
وكل هذا الكبرياء ....
حدثتني بخيتة اختي - التي تبيع الفطور في ذات المدرسة -
انها تبيع نص وتوزع نص في شكل دين هالك ولكنها لاترد طفلا ابدا
وهكذا تفعل كل الامهات التاجرات ...
طيب ننسق مع كم واحدة من اخواتنا هناك وممكن كمان مع مدرسة
او مدرسات ، وعندي متطوعون يدعمون الفكرة بالفكرة والمعلومة
والسندوتش دا يمشي محل طفل محتاج بلا ضجة ولا اعلان
ولا ....
فالناس هناك من فرط كباريائها ممكن تضحي بالسندوتش والمدرسة ذاتا
ولا تنجرح كرامتها ...
بهدؤ لو تمت الموافقة على الفكرة سيتم الامر ويصل لطفل محتاج
من جانبي سوف اقوم بجميع الترتيبات مع الكل
ودمتم

جيد جداً يا منعم ، من مداخلتك دي حأصنًفك تبع القروب التنسيقي ، وإذا عايز تشارك برضو مع جماعة الشيرينغ تكون ما قصًرت..
الفكرة إنو نصل الأطفال اللي ماعندهم حق الفطور ، في أي رقعه جغرافية.. وكلما إشتغلنا بهدوء بدون ضجًة و"شو" كلما كان أفضل حفاظاً على كبريائهم ، وكبريائنا أبقى طيب.
---
الشيرينغ :
1- بدر الطائف
2- البديري
3- نولا
4- طارق صديق
5- ساره
6- عكود
7- خالد الصائغ
8- شليل

المتطوًعين
1- حافظ حسين
2- نبراس
3- والدة نبراس
4- عبد المنعم الطيب