فضيلة النقد الذاتى لدى الشيوعيين- محجوب شريف نموذج

[بابكر مخير]

المشاركة الأصلية كتبت بواسطة خالد الحاج

العزيز "عم" علي
سلامات يا زول يا زين..
أعلم أنك تود الحديث عن تلك الفقرة الأسطورة حينما انتقد محجوب نفسه بشدة وبدون مرارة
عن تجربة كتابة (يا حارسنا وفارسنا) . حينما قال أن سقف الوعي لديه كان متدنيا جدا..
للاسف يا علي لم أصور تلك اللحظات الجميلة لأني كنت علي المسرح بطلب من محجوب شريف
لتشغيل نشيد (حارسنا وفارسنا) من الكمبيوتر المحمول.

أنتقد نفسه بثقة وقوة.. حكي عن تأريخ إلتحاقه بالحزب الشيوعي السوداني.

أها شن قولك؟

عندي قول أنا
الأستاذ محجوب شريف التقيته أول مرة في دار الأستاذة حسب سيدها بدري العامر وبصحبته (فردتو، وهذا تعبير حديث يستعمل في السودان حين يكون إتنين لصيقين مع بعض،،،، بتي زينب دوما تقول ليا يا فردة)
كانو إتنينتم وأتذكر الأستاذ كان يتحدث بحرقت محروق الجفا للصاب السودان وأنو العسكرتارية ظالمة، مما آثار في نفسي دهشة تماثل دهشة الكثيرين تجاه "يا فارسنا" وكوني بلون سياسي مختلف،
نطيت في حلقو،،، طيب دا وصلتا ليهو حسي بعد قصيدتك.
أجاب ولا أقول بإنكسارة ولكن بمرارة المجروح والمصدوم.
قال في وكتها كنت شاب صغير أتى من الريف، بهرتهو الأضواء وشكل الخرطوم وقلتا القصيدة دي.
رد بسيط ولكن يحمل كل المعاني، أنا متأكد مليون في المية لو كان القصيدة دي إنقالت في سيدي الصادق، كنتا هللتا (لا أنسى قصيدتو العصماء في المرحوم عميدنا يوسف بدري " القمر القدري")
ولو كنت فنان كنت أتمنى أغنيهو لي بساطة كلماتو وحسها العامي ولو كنت ملحن كنتا أتمنى أن ألحنها لأنها تحمل نغامتها في جواها ولو كنت مدير إذاعة أو تلفزيون كنتا شغلتها كل لحظة لأنو كلماتها كتبا محجوب شريف.
شاعر غير وأمرو مثير
الكلمات ما بتجيهو لأنو هو البيطلعها
ومحجوب شريف ما شيوعي
هو سوداني وبس وزيادة
لكن شخصه وروحو وشعرو هم الشيوع بيناتنا
ناس بلدي
ليهو كل الحب والأعجاب