شكر خاص لطاقم مستشفى الزيتونه

[فتحي مسعد حنفي]

المشاركة الأصلية كتبت بواسطة بابكر عباس

تجياتي يا طيبان
ما شايف حقو تتحفظ على نقل الحديث عبر طرف ثالت، الطرف الثالث دائما أساسي في البوست دا
ما دام بنيت الإتهام على حديث منقول عبر طرف ثالث، ببقى من العدل ننفي الإتهام دا لو في طرق ثالث جاب لينا براءة ذمة من غير أي تحفظ

يابابكر الموضوع موضوع لياقة وبس.. بي صراحة بقيت ما فاهم هدفا شنو..من مجاملة الأطباء والبركل لغاية ادانة زين عبدالله وبيناتم دقشة احتمالات والنتيجة في الآخر بتطلع انها لياقة بدون داعي..
ياخ في غاية البساطة عشان ننهي الموضوع دا خلينا نقول الدكاترة طلعوا براءة ودكتور زين برضو براءة وفتحي فهم غلط وهو السبب مع انو يمكن السبب الرئيسي هو حالة القلق والتوتر الكنا كلنا عايشين فيها.وممكن كمان أنا سببي اني كنت مخطط أمشي السودان عشان أطير شكلة مع خالد وهو قام عملا مرض وعناية مركزة وختما بي سفرة لي نيروبي.يعني حرق لي مخططاتي كلها..وقمت انا من الزعل خلقت مشكلة.مش برضو وارد..المشكلة انو في تلاتة أضلاع من المربع أصحابك. وعشان تدافع عن نفسك ممكن تخسر ضلع منهم والغريبة انو دكتور أنس فهم الموضوع وقبل التفسير علي حالتو الأخيرة لكن برضو زي ما قال طارق الحسن البفهم الديك شنو ومنو..واللذيذ في الموضوع انو أنا وخالد في الشهور الأخيرة بينا ماصنع الحداد مافي علاقة بتربطنا وكل واحد فينا زعلان من التاني..
خلاص يابابكر عليك الله ما تحكها شديد كدا وزي ما بقولو أهلي المصريين ياخبر الليلة بي فلوس بكرة يبقي بي ببلاش والحقيقة المجردة لازم في الآخر تظهر مهما حاولنا نلفلفا والصبر مفتاح الفرج والمهم خالد يقوم بالسلامة وبعدين أنا لو اتأكدت انو الحاصل دا كلو بي سببي مستعد تاني أعاقب نفسي والمرة دي نهائي..