العزيز ناصر سلام و محبة
يا أخوانا تاني ما نتناقش مع زول هنا و لا شنو؟
الكلام دا أصلاً لا يستقيم عقلاً و لا مضموناً يا ناصر .... شنو إختلافك البسيط مع د. طيبان تحرد و تجي تقول تاني ما حتكتب هنا ( يا خي إنت وقت غنعصرت كان تقول لطيبان أنا بفتح بوست و بعري فيه النظام الصحي
) .... يعني لو بندير حواراتنا بالشكل دا ما في داعي أصلاً لمنبر حوار و فيه رأي و رأي تاني كمان ... صدقني بالصورة دي حيبقي منبر ( شكراً علي مرورك الجميل .... منتظرين عودة يا وريف و الخ من عبارات التضامن الما جايبه حقها دي) ... و بعدين يا حردان بشير إنت ... هسي كلام طيبان دا فيه شنو؟
و متين الزول دا قال ليك كذاب أو إتهمك بالكذب .... طيبان قال بالواضح ما داير يتكلم مع د. زين و إن كان أنا بختلف معاه في دي لكن صدقني حتكون عنده دوافعة الخلته يقول الكلام دا .... و حتي لو ما عنده أي دافع وين المشكلة؟
زول قال ما داير يتكلم مع طرف أخر في موضوع محدد إنت تجي تقول قاصدك ؟
شوفوا يا شباب هوي دا منبر بتاع حوار ما منبر مجاملات و أي انسان له مطلق الحرية يدافع عن رأيه و نفسه بكافة الوسائل الشرعية ( قصدي السلمية)
فتكم بعافية
