قاموس المفردات العامية فى اشعار حميد

[أسامة معاوية الطيب]

المشاركة الأصلية كتبت بواسطة بابكر عباس

كلامك حول السرارة صحيح، ممكن تُطلق على الأقرباء البعاد، لكنها برضو بتطلق على الأقرباء البعاد من السريات.
"الشوق" الفي القصيدة دي، انا شايف انو الشاعر قاصد بيها واحدة من سرارة "راشد" وبرضو من سريات أهلة؟؟
ليش؟
الشاعر قال: راشد حالف ما يطهر إلا أبوهو وعمتو يحضروا، ونجيب الغنايين عشان الشوق بت سرهم ترقص. عمتو القريبة نسبا تجي وتبهجم بالحضور، مجرد الحضور! والشوق البعيدة نسبا تجي وتبهجم بالرقص؟! معروف في ذلك الزمان والمكان، رقيص البعيدين في مناسبة زي الطهور دا، علامة خفة، وأغلب الظن انو البقدرن يتجرأن ويعملنها بكونن من الناس الذين يعتبرون في ذلك المكان والزمان من الأقل مكانة إجتماعية.
صحيح حميد راجل تقدمي، لكن اللاوعي مرات بيكون متأخر شوية.

بابكر ... اتفرغت لشرح الشعر ... وشعر حميد كمان بي وعيو ولا وعيو ؟
شرحك دا خارج سياقو التاريخي والثقافي والاجتماعي تماما *
ومحاولة كسر رقبة المعاني لتتسق مع فكرة غائبة مشرك بيها لي زول واللا لي نص دي ما حاجة كويسة في العموم ...
ياخي فكرة الرجل الواحد صاحب الألف طاقية ( واحدة منهن طاقية الإخفاء) دي فكرة ما بتشبهك
أنا قت الكلام دا لأنك بمجرد أن (أنزلت) شرحك المقدس دا حكمت على حميد
((صحيح حميد راجل تقدمي، لكن اللاوعي مرات بيكون متأخر شوية))
*واحد من البيئة(في ذلك الزمان والمكان) وإلى يومنا هذا

[ماريل]

المشاركة الأصلية كتبت بواسطة تماضر حمزة

سلامات ست البوست والضيوف،
ماجداب،أسامات وطيبان،
الغريبة بت سرنا دي برضك عندنا (النوبيين) موجودة،
مابعرف الحال عندكم في القُرى
لكن احنا بنكون كلنا بيناتنا درجة قرابة بتتفاوت المسافات فيها
بس الأكيد حتلقاها.
بت سرنا معناها عندنا= زولة من نفس القرية، من أسرة فقيرة جداً، تخدم أهل البيت المادنها التسمية من غير أجر نقدي واااضح كدا، بل بيكون في شكل كسية واطعام وعيدية والاشراف الكامل على زواجها، بتكون من الصباح حتى المساء مدورة مساعدة في الخدمة، في النهاية بترجع تنوم في بيتهم.

تماضر المسألة دى يعنى ترجع لاى اسرة فقيرة؟؟
ام طبقة محددة كان زماااااااااااااااان(زمن الرق)اهلهم(رقيق)
غايتو الحركة دى مزهجانى وما قادرة اتناولا بعمق شديد فى البوست ده
لانها ممكن تفتلوا..........
لكن اذا الموضوع كما شرحتيهوا ببقى ده استرقاق (واستعباد)رسمى
اخير زمان.........

[أسامة معاوية الطيب]

لا يخفى على الجميع أن جزئية (راشد حالف ما يتطهر) بما فيها من اسقاطات سياسية وأيدلوجية (في سياق النص كاملا) جاءت على لسان طفل واجتهد حميد جدا في أن تبدو طفولية فطرية على أن تضمن الفكرة من خلالها وهو ما يسوّق لا حقا لصدقيتها ... وبمثل ما أن رفض الطفل الطهور حتى حضور والده وعمته فكرة فطرية طفولية ... بما تحمل من اسقاط سياسي !!! قنا نجيب المداحين ... تم رفضها في سياق اجتماعي مقبول وعادي حتى (الطنطنة ) والربط بفكرة العودة من الحج !!! شان الشوق بت سرنا ترقص ... تفضح في فطريتها وعاديتها ميل راشد الطفل للشوق بت سرهم التي يفضلها على أقرانها !! وفيها ملاحة وذكاء ... لأن فكرة تسويق الرقص يشي بعافية المجتمع (على الأقل في البيئة بتاعة القصيدة في ذلك الزمان والمكان) وفكرة تمرير عافية المجتمع من خلال طفل فيها صدقية عالية لأن ست الدار نفسها يرتبط فرحها بذاكرة حزينة تسيل الدموع وتقعد عن الرقص ... لكن فرح راشد الطفل فرح مهول وخرافي ... يجمّل الحاضر ويقود نحو مستقبل ليس منبتا عن ماضيه ولكنه بالضرورة ليس مكبلا به

وفي الآخر تشريح النص كجزئيات هي في الأصل وحدات من وحدة جمالية وكاملة للنص ، لا يعتبر نقدا بل (نقيد) تقرأ بالدارجية بكسر النون وتشديد القاف وهو فعل يرتبط بالطيور وغالبا يضر بالمنقود (التمرة ام راس مثال)
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ
الإهداء : إلى بابكر عباس ... يجده ينقد بخير

عدد من الوشوش الجادة والماجادة

[أسامة معاوية الطيب]

بعمل اقتباس ما بيجي ما عارف ليه
انا قت شرحك المقدس لأنك خلصت في نهايتو على حكم على الشاعر نفسو مش على القصيدة !!!

وواحد من البيئة دي لا تعني بالضرورة إقصاء الآخر الما من البيئة ... ولكن لتوضيح أن ما تفضلت به من شرح خارج اجتماعيا عنها !! بس

أنا لست حاجة لخلع طواقيك لي ... اخلعها عنك وكفى
بعدين انت متضايق واللا شنو ؟

[أسامة معاوية الطيب]

انتو الدكتور دا سحب تعليقو ؟؟
أها لبس طاقية الإخفاء معناها


غايتو

الله في

[ماريل]

المشاركة الأصلية كتبت بواسطة بابكر عباس

كلامك حول السرارة صحيح، ممكن تُطلق على الأقرباء البعاد، لكنها برضو بتطلق على الأقرباء البعاد من السريات.
"الشوق" الفي القصيدة دي، انا شايف انو الشاعر قاصد بيها واحدة من سرارة "راشد" وبرضو من سريات أهلة؟؟
ليش؟
الشاعر قال: راشد حالف ما يطهر إلا أبوهو وعمتو يحضروا، ونجيب الغنايين عشان الشوق بت سرهم ترقص. عمتو القريبة نسبا تجي وتبهجم بالحضور، مجرد الحضور! والشوق البعيدة نسبا تجي وتبهجم بالرقص؟! معروف في ذلك الزمان والمكان، رقيص البعيدين في مناسبة زي الطهور دا، علامة خفة، وأغلب الظن انو البقدرن يتجرأن ويعملنها بكونن من الناس الذين يعتبرون في ذلك المكان والزمان من الأقل مكانة إجتماعية.
صحيح حميد راجل تقدمي، لكن اللاوعي مرات بيكون متأخر شوية.

من الاشياء الكنت متمنية اقوم بيها فى حياتى
انى استضيف (حميد)واناقشوا فى الحتات الزى دى
لاقيتوا يوم راس السنة ولاول مرة فى حياتى اصر اسلم عليهوا
عشان تكون طوبة فى البناء لى قدام ورتبت مع صديق قريب من(حميد)
مسألة الاستضافة لكن يد المنون كانت اسرع كثيرا...
كنت على الاقل قدرت ارد عليك فى الجزئية دى على حسب ما سمعته
من(حميد)شخصيا لكنى الان ما عندى غير ارد بناء على فهمى لشخص
حميد المتجسد فى عموم كتاباتوا.....
اميل كثيرا للرائ الاول(الشوق بت سرنا)هى امراءة تربطها صلة قرابة بعيدة براشد
لكنها مشهورة باتقانها الرقص على ايقاعات الدليب....
اما الرائ الثانى(الشوق هى من السريات)لا اعتقد انه يستقيم مع افكار حميد
المسألة ما جابت ليها(لا وعى كمان)....
ما قادرة ابلع فكرة انو ذات الانسان الكتب:
قول للزنوجة
النوبوية
دم العرب
كيف البجاوية واريحية الحلب
لى كل خلاصات النسب
من بطن سودانية جد بطرانى اى بالحيل نعم
ما سادنا دون سودانا سيد
طول الزمن شانك خدم ليك يا وطن جمعا عبيد
لا لليسو
ده عريبى اشو
بلويت بجم
جلابى مندكرو انقهم
تلك النعوت الماها فيك
والماهو فيك لا تشيلو هم.........
.........................
__________________
ممكن يكون(لا وعيوا متأخر للدرجة دى)
(ربنا يرحمك يا حميد فكرك لا تسعه الاحرف ههنا)

[أسامة معاوية الطيب]

المشاركة الأصلية كتبت بواسطة ماريل

من الاشياء الكنت متمنية اقوم بيها فى حياتى
انى استضيف (حميد)واناقشوا فى الحتات الزى دى
لاقيتوا يوم راس السنة ولاول مرة فى حياتى اصر اسلم عليهوا
عشان تكون طوبة فى البناء لى قدام ورتبت مع صديق قريب من(حميد)
مسألة الاستضافة لكن يد المنون كانت اسرع كثيرا...
كنت على الاقل قدرت ارد عليك فى الجزئية دى على حسب ما سمعته
من(حميد)شخصيا لكنى الان ما عندى غير ارد بناء على فهمى لشخص
حميد المتجسد فى عموم كتاباتوا.....
اميل كثيرا للرائ الاول(الشوق بت سرنا)هى امراءة تربطها صلة قرابة بعيدة براشد
لكنها مشهورة باتقانها الرقص على ايقاعات الدليب....
اما الرائ الثانى(الشوق هى من السريات)لا اعتقد انه يستقيم مع افكار حميد
المسألة ما جابت ليها(لا وعى كمان)....
ما قادرة ابلع فكرة انو ذات الانسان الكتب:
قول للزنوجة
النوبوية
دم العرب
كيف البجاوية واريحية الحلب
لى كل خلاصات النسب
من بطن سودانية جد بطرانى اى بالحيل نعم
ما سادنا دون سودانا سيد
طول الزمن شانك خدم ليك يا وطن جمعا عبيد
لا لليسو
ده عريبى اشو
بلويت بجم
جلابى مندكرو انقهم
تلك النعوت الماها فيك
والماهو فيك لا تشيلو هم.........
.........................
__________________
ممكن يكون(لا وعيوا متأخر للدرجة دى)
(ربنا يرحمك يا حميد فكرك لا تسعه الاحرف ههنا)

ماريل لا أعتقد أن راشد (الطفل) سيكون على علم بمهارات الشوق في الرقص وإلا افسدنا فطرية الطفل فيه
أو هذا ما أراه أنا على الأقل

[أبوبكر عباس]

المشاركة الأصلية كتبت بواسطة أسامة معاوية الطيب

انتو الدكتور دا سحب تعليقو ؟؟
أها لبس طاقية الإخفاء معناها
غايتو

الله في

السحب تم لانو شفت مداخلتك التانية وفضلت سحبها للمحافظة على عظم النقاش والتقاضي عن حق النفس

[أسامة معاوية الطيب]

المشاركة الأصلية كتبت بواسطة بابكر عباس

السحب تم لانو شفت مداخلتك التانية وفضلت سحبها للمحافظة على عظم النقاش والتقاضي عن حق النفس

حبابك في عضم النقاش لكن النفس زاتا مافي زول هبشا
نحن نقدر يا دكتور ؟
بس عرفنا انك بتتضايق عادي زيك وزينا

[أبوبكر عباس]

المشاركة الأصلية كتبت بواسطة أسامة معاوية الطيب

ماريل لا أعتقد أن راشد (الطفل) سيكون على علم بمهارات الشوق في الرقص وإلا افسدنا فطرية الطفل فيه
أو هذا ما أراه أنا على الأقل

نفهم من كدا، انو حُميد الشاعر تقمص "راشد" الطفل لدرجة إنفصال تام عن حٌميد الراشد؟

[ماريل]

المشاركة الأصلية كتبت بواسطة أسامة معاوية الطيب

ماريل لا أعتقد أن راشد (الطفل) سيكون على علم بمهارات الشوق في الرقص وإلا افسدنا فطرية الطفل فيه
أو هذا ما أراه أنا على الأقل

اسامة سلامات
وعى راشد بى فنون الشوق فى الرقص ده وعى(مكتسب) من خلال حديث
الناس عن رقصها الجميل او الفتان او المتناسق اوانو هى زولة مشهورة بالرقيص
الجميل وده ما بتصادم بالوعى الطفولى باى حال من الاحوال...
حتى راشد زاتو
ممكن يكون وعيوا الطفولى ده قادر يفرق بين الزولة الرقاصة والزولة(الما رقاصة)
مافى شئ يمنع انو وعى راشد قادر يفرز....
والاطفال قادريين تماما يتفاعلوا مع الموسيقى ويميزوا وده شئ فطرى...
وده اقرب لفهمى من انو راشد يكون واعى لمسالة انو الرقيص بكون(للسريات)
وبنات البلد(لا ).....
ياتو يوم كان فى ثقافة المنطقة انو الرقيص عيب عشان يقوم يتضمن انو يرقصن السريات
وحتى لو كان الفهم ده موجود فاظنوا كان فى زمان غابر (حميد)لم يكن شاهد
على ذلك الزمان؟؟؟؟؟

[ماريل]

المشاركة الأصلية كتبت بواسطة بابكر عباس

السحب تم لانو شفت مداخلتك التانية وفضلت سحبها للمحافظة على عظم النقاش والتقاضي عن حق النفس

بالمناسبة انا ما قريت مداخلتك
لكنى بشكرك على حرصك انو النقاش
يكون فى متن الخيط بعيدا عن (شخوصنا)

[طيبان]

المشاركة الأصلية كتبت بواسطة أسامة معاوية الطيب

ماريل لا أعتقد أن راشد (الطفل) سيكون على علم بمهارات الشوق في الرقص وإلا افسدنا فطرية الطفل فيه
أو هذا ما أراه أنا على الأقل

لا يا أسامة راشد فارز مهاراتها ، وعارف الغنّانين أخير من المدّاحين ،عشان الشوق بترقص في الغني ،المسألة أظنّها مربوطة بالضبط بمهارات الشوق دي .
لا قريب دا الشفّع بيمشوا مدحفسين وراجين الفاصل عشان (.....) من مقاشي ، و(....) كريمة ح يرقصن ..
لا قريب دا كنّا (كلنا راشد ) .
دا يكون وعي مبكّر بسطوة الإيقاع ، وربّما بسطوة الجسد - وفق فرويد يمكن - ، شي كدة فطري ، مع إمكانية ترسيخه بواسطة الكبار واحتفائهم بالبت الرقّاصة ..

ويا عملات المثل :
بطريقتك دي بنخسر القضيّة . شفّعنا بريئين نعم ، لكن شنو جردل القداسة الكبّيتو فوقهم ؟؟

__

بابكر يعوس فوق عدلو ، هو ليهو فترة داخل في دور المثقّف الموسوعي ، كان ما جاب سيرة اللاوعي دي بتجيهو إكزيما في قلبو .

[طيبان]

المشاركة الأصلية كتبت بواسطة بابكر عباس

نفهم من كدا، انو حُميد الشاعر تقمص "راشد" الطفل لدرجة إنفصال تام عن حٌميد الراشد؟

حِـمّيد يا بابكر .. حـِمّيد .

[أبوبكر عباس]

المشاركة الأصلية كتبت بواسطة طيبان

حِـمّيد يا بابكر .. حـِمّيد .

لمان كان إسمو مكسور، ما شاف الشُهرة، وسما بعد (ضمنا) ليهو في المثلث.