واللاتي تخافون نشوزهن فعظوهن واهجروهن في المضاجع واضربوهن

imported_عباس الشريف · 27-04-2011, 06:49 AM

شكل الحياة ايقاعه مختلف مره تسرح ومره تفرح ومره تغلبك القراية ذاتو ان كنت متفرجا او كومبارس او من طاقم البطوله الكل له دور الي ان تغلبه انشاءالله ما تغلبنا الادوار تختلف حسب الدور الممنوح وعوامل اخري اهلنا الجنوبين الله اطراهم بالخير خلاس مشو الفريق القدامنا عزموني دافوري (( كرة شراب)) الناس ديل لامي ليك فيهم واحد من اخوانا الجنوبين ضرب الله اكبر الزول بالله عضلاتو زي البامبيه وقت اشيل الكوره لما اجيبا قون زول بمشي عليهو مافي لميت في الجنوبي اضاربت معاهو في الميدان حصلت خسائر بلغة الحرب كانت خسائره اكبر (( كراعو اتفكت)) بي سبب فكت الكراع خلي اللعب معاهم عاشو في هناء وسعادة بعد سنة من المشكله قابلت الجنوبي في كبري مدني حنتوب محل الخلا البطلعو ليهو للمشاكل معاهو اخوانو شايلين حراب بقت علي حكاية عساكر العمده الشايلين حراب في رائعة عمر الدوش الجماعه ديل لمو فيني دق لكزوني بالحراب الشكله القديمه طارت من بالي اترصد منهم ارجع لي وراء يا جماعه في شنو زولي الفكيت كراعو اقول لي (( انت طووووووووووووولا داك إعمل شنو)).... ناس طولا دايما حظهم في الدنيا بكون سيء.
وروني العدو واقعدو فراجه : الشعر السبيبي بدي الزول ملامح اسيويه الدنيا رمضان سخانة السعودية تسيح الظلط دخلت خطأ قدام شباب سعودين بصورة شينه لاحق الاشارة لسؤ الحظ الاشارة قفلت استدركت فتحت زجاج السيارة عشان اعتذر .... بالله واحد منهم تفه علي لما التفاف جاني جوه العربيه دسته ابنص بسرعه قصيت ليهم وقفت العربيه قدام عربيتم ونزلت كان في جماعه هنود واقفين بره المحلات بتفرجو في الموقف الشباب السعودين نزلو متحمسين جريت مفتاح العفريته ومشيت عليهم والشرر اطاير من عيني هاك يا نبذ سوداني الجماعه جرو خلو عربيتهم دخلتني حيره وانا ممغوس من التفه طاخ كسرت ليهم زجاج الشباك وهم بعيد واقفين اعاينو لي واحد من الهنود البتفرجو الظاهر كفيلو مغلبو قال ليهم (( انت شوف شعر فكر هذا نفر هندي تعال شيل سيارة عشان انت موت)) هع ناس قعاد فراجه.
انصار سنة بضم السين سكن جارنا راجل طيب رغم التباعد الفكري نشأت بيناتنا علاقة قوية يري فيها انا انصار سنة بكسر السين احتمال القي فيني اجر بالهدايه العصريه نجلس في كراسي بالشارع مع المغربيه نتفارق انا لي قزازتي وهو لي مرتو الفرق بيناتنا انا بحترم القزازة وهو بدق المرا بالله تقول موقتين الحاجة دي رجعتي البيت القي ليك كوراك الجيران والضرب الحاجة مارقاني للربا والتلاف عندي اخوي اصغر مني ما بتحب اخش في المشاكل تنتظرني لما ارجع وبحكم صحبتها مع زوجة انصار السنة تحنسني امشي احجز الجماعه ما بقدر ارد ليها طلب كنت محتار انصار سنة بدق في المرا احجزو كيف بقيف ليهو بره في خشم الباب لانو قبل كده طردني لما خشيت جوه فكا المرا وعايز اضاربني .... اخوي الصغير الله اطرا بالخير قال لي يا عباس الزول ده مشاكلو كثيره عشان ما تخش في حرج مع الوالده ومعاهو احفظ ليك كم ايه بتاعت فك اشتباكات اعمل حسابك مع طشمتك ما تلخبت فتش الايات القوية.
الشكله دورت..........
مشيت ليهم قبل ما صل الباب الشكله وقفت مع شوية همهمات وانين من الضرب قلت الحمد لله ده نص المشوار بس نجرب حقت عصمت اخوي عشان اوقف الموضوع كلو كلو.
كوركت ليهو يا مولانا وإن جنحوا للسلم فاجنح لها وتوكل على الله
ما رده علي اختفت الهمهمات والانين .... قلته والله ولد خطر بالله دي اية واحده حالتو ما دبلتها ليهو كمان انصار السنة ده لو سقيتو محاية من محايات اهلي ناس الشريف اكضم كلو كلو طيب ندبل ليهو بي حاجة تانية.
كوركت ليهو يا مولانا.... وكفي اله المؤمنين شر القتال.
بالله شر القتال وقت قلتها زولنا جاني ناطي لي بره وانشبك فيني في الاية الغلط ازبد وارجف ((شر القتال يا جاهل لا تحرفو القران)) الفي راسي طارت بعد ما خلص مني طاخ ضرب الباب قفلو ومن جوه قال لي ((والتي تخافون نشوزهن فعظوهن واهجروهن في المضاجع واضربوهن فان اطعنكم فلا تبغوا عليهن سبيلا )) رجع ليك للمرا المسكينه وقع فيها ضرب اكعب من اول.............. اها الجماعه الماسكين دور البطل والخيانة في الدنيا الله اكفينا شرهم

imported_عبداللطيف النقر · 27-04-2011, 07:03 AM

imported_عبداللطيف النقر · 27-04-2011, 07:21 AM

ياعبس ياخ جارك ده انصار سنة والا فتوة -- الضرب المذكور ده قالو بقضيب الاراك -- المسواك وهو مس خفيف -- فيه من المحبة اكثر مما فيه من التأديب -- يعنى كلامو اكتر من المه -- وكذلك الهجر فى المضاجع

ففيه نوع من التشويق -- حتى يعود الزوجين الى بعض بلهفة اكبر وتنسي المشكلة الاصلية --

شفتا كيف --- ؟؟؟

imported_عباس الشريف · 27-04-2011, 07:21 AM

اقتباس:

المشاركة الأصلية كتبت بواسطة عبداللطيف النقر

النقر سلامات
ياخي انت لذيذ زي الباسطه صرت الوش مع الشيبه الفي نص راسك بزيدك وجاهه طبعا ده باعتبار ما كان زمن يا النقر بلد مافيها تمساح اقدل فيها الورل تمسايح زمان اتخيل رجعت بيك عجلة الزمن 30 سنة زي افلام الخيال العلمي زمن مافي منتديات كيف اكون الحال.

imported_زهير ابو سوار · 27-04-2011, 07:25 AM

عباس الشريف ..
تحياتي ..
الموضوع كوميديا سوداء ..
تعرف جماعتك ديل اصله عندهن تلاتة حاجات اساسية ( مسواك الاراك - الأكل - الجماع ) ..
تحياتي ضحكتنا مع الصباح يا زول ..

imported_عباس الشريف · 27-04-2011, 07:34 AM

اقتباس:

المشاركة الأصلية كتبت بواسطة عبداللطيف النقر

ياعبس ياخ جارك ده انصار سنة والا فتوة -- الضرب المذكور ده قالو بقضيب الاراك -- المسواك وهو مس خفيف -- فيه من المحبة اكثر مما فيه من التأديب -- يعنى كلامو اكتر من المه -- وكذلك الهجر فى المضاجع

ففيه نوع من التشويق -- حتى يعود الزوجين الى بعض بلهفة اكبر وتنسي المشكلة الاصلية --

شفتا كيف --- ؟؟؟

النقر يا حبيب انت لو ما وديتني التوج ما بترتاح اراك عصا اجمل صاح اراك عصا الدمع شوفتا الشاعريه من الصباح كيف.
انت الموضوع ده فيهو حراب العمده وفكك كرعين وتكسر زجاج مالك مسكته في الهجر والوصال غايتو يا النقر فترة سجن الحكومة زهللت بيك.

imported_عباس الشريف · 27-04-2011, 07:41 AM

اقتباس:

المشاركة الأصلية كتبت بواسطة زهير ابو سوار

عباس الشريف ..
تحياتي ..
الموضوع كوميديا سوداء ..
تعرف جماعتك ديل اصله عندهن تلاتة حاجات اساسية ( مسواك الاراك - الأكل - الجماع ) ..
تحياتي ضحكتنا مع الصباح يا زول ..

سوار يا صديق
حكاية التغتغت للمرا كلها ماسكين فيها وهم بقولو ضد البدع مع انو عادة جاهليه كانت متمسكين بيها السعوديين حسب تقاليد القبائل الظريفه اغتغتو النسوان واقصرو هم .... سوار يا حبيب البوست ده لو نطا لينا سلفادور واطاطنا اصبحت.

imported_عباس الشريف · 27-04-2011, 07:49 AM

النقر اخوي الوصيه فوق الزمة
كان جاني قدر الله
وكلت علي البوست ده وكثر من الاراك

حتي يعود الزوجين بلهفه اكبر

imported_سارة · 27-04-2011, 08:04 AM

السلام عليكم جميعا

نساهم معاكم بكلام منقول يمكن ينفع يـــــــــــــوم من ايام الله

اقتباس:

إن الله تعالى منح الإنسان نعماً عظيمة،
ومن أعظمها بعد الإسلام:
نعمة النطق باللسان،

وهذا اللسان سلاح ذو حدين:

*فإن استخدم في طاعة الله:

كقراءة القرآن،

والأمر بالمعروف

والنهي عن المنكر،

ونصر المظلوم،

كان هذا هو المطلوب من كل مسلم،

وكان هذا شكراً لله على هذه النعمة.

*وإن استخدم في طاعة الشيطان،

وتفريق جماعة المسلمين،

والكذب

وقول الزور،

والغيبة والنميمة،

وانتهاك أعراض المسلمين

وغير ذلك مما حرمه الله ورسوله.

كان هذا هو المحرم على كل مسلم فعله،

وكان كفراناً لهذه النعمة العظيمة.

وفي اللسان آفتان عظيمتان:
1- آفة الكلام بالباطل.
2- آفة السكوت عن الحق.

* فالساكتُ عن الحق شيطانٌ أخرس، عاصٍ لله، مراءٍ، مداهنٍ، إذا لم يخف على نفسه القتل ونحوه،

* والمتكلم بالباطل شيطان ناطق، عاصٍ لله،
وأكثر البشر منحرف في كلامه وسكوته بين هذين النوعين.

*وأهل الوسط كفّوا ألسنتهم عن الباطل، وأطلقوها فيما يعود عليهم نفعُه.
انظر الجواب الكافي لابن القيم رحمه الله تعالى ص 281.

لماذا كانت آفة اللسان من أخطر الآفات؟
ذلك لأن الإنسان يهون عليه التحفظ، والاحتراز من أكل الحرام، والظلم، والزنا، والسرقة، وشرب الخمر، ومن النظر المحرم، وغير ذلك،
ويصعب عليه التحفظ والاحتراز من حركة لسانه، حتى ترى الرجل يشار إليه: بالدين، والزهد، والعبادة وهو يتكلم بالكلمات من سخط الله، لا يلقي لها بالاً، ينزل في النار بالكلمة الواحدة منها أبعد مما بين المشرق والمغرب، أو يهوي بها في النار سبعين سنة،

وكم ترى من رجل متورع عن الفواحش والظلم، ولسانه يقطع، ويذبح في أعراض الأحياء الأموات، ولا يبالي بما يقول.

imported_عباس الشريف · 27-04-2011, 08:13 AM

اقتباس:

المشاركة الأصلية كتبت بواسطة سارة

السلام عليكم جميعا

نساهم معاكم بكلام منقول يمكن ينفع يـــــــــــــوم من ايام الله

سارة سلامات
غايتو كان نط لينا سلفادور كان احسن

اللهم انفعنا بنعمة اللسان
ده النقل و ل بلاش

imported_سارة · 27-04-2011, 08:15 AM

اقتباس:

المشاركة الأصلية كتبت بواسطة زهير ابو سوار

عباس الشريف ..
تحياتي ..
الموضوع كوميديا سوداء ..
تعرف جماعتك ديل اصله عندهن تلاتة حاجات اساسية ( مسواك الاراك - الأكل - الجماع ) ..
تحياتي ضحكتنا مع الصباح يا زول ..

زهير سلامات

التلاتة المذكورات ديل انا غايتو سارة دى ما شايفة فيهن عيبة خاصة ان
طبقت الاخيرة فى الحلال اما السواك الرسول الكريم عليه
الصلاة والسلام اوصانا به والاكل الكل يعرف لماذا ياكل والجماع ان كان
المرء يحاسب لاتيانه بالحرام فمن الطبيعى يثاب ان اتاه بالحلال
ولا انت رايك شنو؟؟؟

غايتو لو دى اوصاف انصار السنة كما اشرتم عداهم العيب والله

وبعدين منو فينا لا ينصر سنة النبى محمد؟؟؟؟؟

imported_سارة · 27-04-2011, 08:19 AM

اقتباس:

المشاركة الأصلية كتبت بواسطة عباس الشريف

سارة سلامات
غايتو كان نط لينا سلفادور كان احسن

اللهم انفعنا بنعمة اللسان
ده النقل و ل بلاش

وكت عجبك النقل اها نقلنا ليكم فوائد السواك ان شاء الله تعجبكم

اقتباس:

قال رسول الله صلى الله عليه وسلم :
ــ لولا أن أشق على أمتي لأمرتهم بالسواك عند كل صلاة.
تخريج السيوطي (مالك حم ق ت هـ) عن أبي هريرة (حم د ن) عن زيد بن خالد الجهني.
ــ لولا أن أشق على أمتي لأمرتهم بالسواك عند كل صلاة و لأخرت العشاء إلى ثلث الليل.
تخريج السيوطي (حم ت الضياء) عن زيد بن خالد الجهني. تحقيق الألباني (صحيح) انظر حديث رقم: 5316 في صحيح الجامع.

--------------------------------------------------------------------------------

فوائد السواك :

* قال الإمام ابن القيم (في فوائد السواك عدة منافع) :
1 - يطيب الفم .
2 - يشد اللثة .
3 - يقطع البلغم .
4 - يجلو البصر .
5 - يذهب بالحفر .
6 - يصح المعدة .
7 - يصفي الصوت .
8 - يعين على هضم الطعام .
9 - يسهل مخارج الكلام .
10 - ينشط للقراءة والذكر والصلاة .
11 - يطرد النوم .
12 - يعجب الملائكة .
13 - يكثر الحسنات .

* ومن الفوائد أيضا المكتشفة حديثاًً :

1 - أفضل علاج وقائي لتسوس أسنان الأطفال لاحتوائه لمادة الفلورايد.
2 - يزيل الصبغ والبقع لاحتوائه لمادة الكلور .
3 - تبيض الأسنان لاحتوائه لمادة السيلكا .
4 - يحمي الأسنان من البكتريا المسببة للتسوس لاحتوائه لمادة الكبريت والمادة القلوانية .
5 - يفيد في التأم الجروح وشقوق اللثة وعلى نموها نمواًً سليماًً لاحتوائه لمادة تراي مثيل أمين (Trimethylamina) وفيتامين ( ج ) .
6 - أفضل علاج لترك التدخين .

متى يستحب استعماله :

1 - عند الوضوء .
2 - عند الصلاة .
3 - عند قراءة القرآن .
4 - عند تغير رائحة الفم بترك الأكل أو أكل ماله رائحة أو طول السكوت أو كثرة الكلام .
5 - عند إرادة النوم .
6 - عند الاستيقاظ من النوم .
7 - عند الدخول إلى المنزل ومـلاقـــاة الأهل .
8 - بعد الأكل (فلقد أجمع أطباء الأسنان على أهمية تنظيف الفم بعد الطعام بالمضمضة واستخدام السواك) .
9 - عند سكرات الموت والانتقال إلى الرفيق الأعلى .
( يسهل النزع ويلقن الشهادة) .

imported_بله محمد الفاضل · 27-04-2011, 08:20 AM

صباحك خير يا زول
لا تتدخل فيما لا يعنيك
تنجلد بقت
مش تسمع ما لا يرضيك ساهي
في أنصار سنة حجزو أنصار سِنة
حليلك يا اخي
والله خائف ليك من الجهاد
كان غلب حيلة في هِدايتك
بجيك بالسيف
علي كيفك
لو محلك
طوالي بشوف لي شقة بعيدة
وأبعد من الشر
وأسنِن
أو حتى أبلغ الحُلم ظاتو

imported_زهير ابو سوار · 27-04-2011, 08:23 AM

اقتباس:

المشاركة الأصلية كتبت بواسطة سارة

زهير سلامات

التلاتة المذكورات ديل انا غايتو سارة دى ما شافية فيهن عيبة خاصة ان
طبقت الاخيرة فى الحلال الاخيرة يعنى السوالك الرسول الكريم عليه
الصلاة والسلام اوصانا به والاكل الكل يعرف لماذا ياكل والجماع ان كان
المرء يحاسب لاتيانه بالحرام فمن الطبيعى يثاب ان اتاه بالحلال
ولا انت رايك شنو؟؟؟

غايتو لو دى اوصاف انصار السنة كما اشرتم عداهم العيب والله

وبعدين منو فينا لا ينصر سنة النبى محمد؟؟؟؟؟

اللهم صلي سيدنا محمد وعلي آله وصحبه الكرام
كيفك سارة ..
ما قصدت حاجة والله العظيم ..
وكلامك ده يحسب ليك ثواب وحسنة انشاء الله ..
وانا استغفر الله واتوب اليه رغم اني من الناس الملتزمين
بالفروض والسنن والحمد لله ..
ولكن يمكن ما عرفت اعبر عن القفشة الفي رأسي بالوجه المطلوب ..
اشكرك سارة

imported_عباس الشريف · 27-04-2011, 08:42 AM

ساره نشوف حكاية اللسان بعدين نجي للمسواك ونفنط بي اراك ام معجون.
واحد لسانو متربي منو وعصبي عندو حبكانه عايز اصراحا بالحب وما قادر فجأة لقاها قدامو.
مشي عليها وعشان انفرد بيها جراها من يدها في زاوية وقال ليها:
شوفي يا بت الناس عايز اقول ليك كلام اسمعيني كويس.
انا اول ما شفتك اعجبته بيك.
اكيد انتي ما عمياء بتكوني عارفه اعجابي.
كمان ما غبيه لدرجة ما تنتبهي لاعجابي.
لو عندك احساس فعلا كان حسيتي ...صاح و ل لا.
ما تقولي لي بفكر وبرد ليك خبر
انا حركات البنات دي ما بتنفع معاي.
حسي تقرري ايوة ول لا
بعدين تفكري ليه
الما عاجبك فيني شنو؟؟؟؟
انا احسن منك ومن اهلك بمليون مره
الحق علي الحمار الجاء صارحك.
برضو من نعم ربنا يا ساره الحمار ما بتكلم احيانا التبكم ذاتو نعمه من الله.

27-04-2011, 06:49 AM	#[1]
imported_عباس الشريف Banned	واللاتي تخافون نشوزهن فعظوهن واهجروهن في المضاجع واضربوهن شكل الحياة ايقاعه مختلف مره تسرح ومره تفرح ومره تغلبك القراية ذاتو ان كنت متفرجا او كومبارس او من طاقم البطوله الكل له دور الي ان تغلبه انشاءالله ما تغلبنا الادوار تختلف حسب الدور الممنوح وعوامل اخري اهلنا الجنوبين الله اطراهم بالخير خلاس مشو الفريق القدامنا عزموني دافوري (( كرة شراب)) الناس ديل لامي ليك فيهم واحد من اخوانا الجنوبين ضرب الله اكبر الزول بالله عضلاتو زي البامبيه وقت اشيل الكوره لما اجيبا قون زول بمشي عليهو مافي لميت في الجنوبي اضاربت معاهو في الميدان حصلت خسائر بلغة الحرب كانت خسائره اكبر (( كراعو اتفكت)) بي سبب فكت الكراع خلي اللعب معاهم عاشو في هناء وسعادة بعد سنة من المشكله قابلت الجنوبي في كبري مدني حنتوب محل الخلا البطلعو ليهو للمشاكل معاهو اخوانو شايلين حراب بقت علي حكاية عساكر العمده الشايلين حراب في رائعة عمر الدوش الجماعه ديل لمو فيني دق لكزوني بالحراب الشكله القديمه طارت من بالي اترصد منهم ارجع لي وراء يا جماعه في شنو زولي الفكيت كراعو اقول لي (( انت طووووووووووووولا داك إعمل شنو)).... ناس طولا دايما حظهم في الدنيا بكون سيء. وروني العدو واقعدو فراجه : الشعر السبيبي بدي الزول ملامح اسيويه الدنيا رمضان سخانة السعودية تسيح الظلط دخلت خطأ قدام شباب سعودين بصورة شينه لاحق الاشارة لسؤ الحظ الاشارة قفلت استدركت فتحت زجاج السيارة عشان اعتذر .... بالله واحد منهم تفه علي لما التفاف جاني جوه العربيه دسته ابنص بسرعه قصيت ليهم وقفت العربيه قدام عربيتم ونزلت كان في جماعه هنود واقفين بره المحلات بتفرجو في الموقف الشباب السعودين نزلو متحمسين جريت مفتاح العفريته ومشيت عليهم والشرر اطاير من عيني هاك يا نبذ سوداني الجماعه جرو خلو عربيتهم دخلتني حيره وانا ممغوس من التفه طاخ كسرت ليهم زجاج الشباك وهم بعيد واقفين اعاينو لي واحد من الهنود البتفرجو الظاهر كفيلو مغلبو قال ليهم (( انت شوف شعر فكر هذا نفر هندي تعال شيل سيارة عشان انت موت)) هع ناس قعاد فراجه. انصار سنة بضم السين سكن جارنا راجل طيب رغم التباعد الفكري نشأت بيناتنا علاقة قوية يري فيها انا انصار سنة بكسر السين احتمال القي فيني اجر بالهدايه العصريه نجلس في كراسي بالشارع مع المغربيه نتفارق انا لي قزازتي وهو لي مرتو الفرق بيناتنا انا بحترم القزازة وهو بدق المرا بالله تقول موقتين الحاجة دي رجعتي البيت القي ليك كوراك الجيران والضرب الحاجة مارقاني للربا والتلاف عندي اخوي اصغر مني ما بتحب اخش في المشاكل تنتظرني لما ارجع وبحكم صحبتها مع زوجة انصار السنة تحنسني امشي احجز الجماعه ما بقدر ارد ليها طلب كنت محتار انصار سنة بدق في المرا احجزو كيف بقيف ليهو بره في خشم الباب لانو قبل كده طردني لما خشيت جوه فكا المرا وعايز اضاربني .... اخوي الصغير الله اطرا بالخير قال لي يا عباس الزول ده مشاكلو كثيره عشان ما تخش في حرج مع الوالده ومعاهو احفظ ليك كم ايه بتاعت فك اشتباكات اعمل حسابك مع طشمتك ما تلخبت فتش الايات القوية. الشكله دورت.......... مشيت ليهم قبل ما صل الباب الشكله وقفت مع شوية همهمات وانين من الضرب قلت الحمد لله ده نص المشوار بس نجرب حقت عصمت اخوي عشان اوقف الموضوع كلو كلو. كوركت ليهو يا مولانا وإن جنحوا للسلم فاجنح لها وتوكل على الله ما رده علي اختفت الهمهمات والانين .... قلته والله ولد خطر بالله دي اية واحده حالتو ما دبلتها ليهو كمان انصار السنة ده لو سقيتو محاية من محايات اهلي ناس الشريف اكضم كلو كلو طيب ندبل ليهو بي حاجة تانية. كوركت ليهو يا مولانا.... وكفي اله المؤمنين شر القتال. بالله شر القتال وقت قلتها زولنا جاني ناطي لي بره وانشبك فيني في الاية الغلط ازبد وارجف ((شر القتال يا جاهل لا تحرفو القران)) الفي راسي طارت بعد ما خلص مني طاخ ضرب الباب قفلو ومن جوه قال لي ((والتي تخافون نشوزهن فعظوهن واهجروهن في المضاجع واضربوهن فان اطعنكم فلا تبغوا عليهن سبيلا )) رجع ليك للمرا المسكينه وقع فيها ضرب اكعب من اول.............. اها الجماعه الماسكين دور البطل والخيانة في الدنيا الله اكفينا شرهم
imported_عباس الشريف Banned

27-04-2011, 07:03 AM	#[2]
imported_عبداللطيف النقر :: كــاتب نشــط::
imported_عبداللطيف النقر :: كــاتب نشــط::	التوقيع: عبداللطيف النقر رفاعة

27-04-2011, 07:21 AM	#[3]
imported_عبداللطيف النقر :: كــاتب نشــط::	ياعبس ياخ جارك ده انصار سنة والا فتوة -- الضرب المذكور ده قالو بقضيب الاراك -- المسواك وهو مس خفيف -- فيه من المحبة اكثر مما فيه من التأديب -- يعنى كلامو اكتر من المه -- وكذلك الهجر فى المضاجع ففيه نوع من التشويق -- حتى يعود الزوجين الى بعض بلهفة اكبر وتنسي المشكلة الاصلية -- شفتا كيف --- ؟؟؟
imported_عبداللطيف النقر :: كــاتب نشــط::	التوقيع: عبداللطيف النقر رفاعة

27-04-2011, 07:25 AM	#[5]
imported_زهير ابو سوار :: كــاتب نشــط::	عباس الشريف .. تحياتي .. الموضوع كوميديا سوداء .. تعرف جماعتك ديل اصله عندهن تلاتة حاجات اساسية ( مسواك الاراك - الأكل - الجماع ) .. تحياتي ضحكتنا مع الصباح يا زول ..
imported_زهير ابو سوار :: كــاتب نشــط::	التوقيع: زهير أب سوار

27-04-2011, 07:49 AM	#[8]
imported_عباس الشريف Banned	النقر اخوي الوصيه فوق الزمة كان جاني قدر الله وكلت علي البوست ده وكثر من الاراك حتي يعود الزوجين بلهفه اكبر
imported_عباس الشريف Banned

27-04-2011, 08:20 AM	#[13]
imported_بله محمد الفاضل :: كــاتب نشــط::	صباحك خير يا زول لا تتدخل فيما لا يعنيك تنجلد بقت مش تسمع ما لا يرضيك ساهي في أنصار سنة حجزو أنصار سِنة حليلك يا اخي والله خائف ليك من الجهاد كان غلب حيلة في هِدايتك بجيك بالسيف علي كيفك لو محلك طوالي بشوف لي شقة بعيدة وأبعد من الشر وأسنِن أو حتى أبلغ الحُلم ظاتو
imported_بله محمد الفاضل :: كــاتب نشــط::	التوقيع: [align=center]الراجِلُ في غمامةٍ هارِبةْ[/align]

27-04-2011, 08:42 AM	#[15]
imported_عباس الشريف Banned	ساره نشوف حكاية اللسان بعدين نجي للمسواك ونفنط بي اراك ام معجون. واحد لسانو متربي منو وعصبي عندو حبكانه عايز اصراحا بالحب وما قادر فجأة لقاها قدامو. مشي عليها وعشان انفرد بيها جراها من يدها في زاوية وقال ليها: شوفي يا بت الناس عايز اقول ليك كلام اسمعيني كويس. انا اول ما شفتك اعجبته بيك. اكيد انتي ما عمياء بتكوني عارفه اعجابي. كمان ما غبيه لدرجة ما تنتبهي لاعجابي. لو عندك احساس فعلا كان حسيتي ...صاح و ل لا. ما تقولي لي بفكر وبرد ليك خبر انا حركات البنات دي ما بتنفع معاي. حسي تقرري ايوة ول لا بعدين تفكري ليه الما عاجبك فيني شنو؟؟؟؟ انا احسن منك ومن اهلك بمليون مره الحق علي الحمار الجاء صارحك. برضو من نعم ربنا يا ساره الحمار ما بتكلم احيانا التبكم ذاتو نعمه من الله.
imported_عباس الشريف Banned