لا حق لاصحاب الجوزات الاجنبية في تقرير مصير السودان

[aboomer]

المشاركة الأصلية كتبت بواسطة Babiker Mukhayer

أذكر حين كنت في هجرتي الأولى بدولة الإمارت، كنت عضو مجلس إدارة النادي السوداني بأبوظبي...
كانت دورة الألعاب العربية وكان السودان غياب في مضمار الجري والذي كان بطله في الدورة السابقة لتك هو البطل نرت...
هؤلاء خارج السياج، عملوا أن سجل هذا البطل ونظمة له الأمور الواجبة من تذكرة سفر بالطائرة للأردن والإقامة وكل الأمور المتعلقة بي مشاركته.... المتنطعيين في السودان وهم أشباه الحاليين، لمن وافق وزير الشباب والأرباب وحارس الباب ، كان خلاص باقي يومين،، جاء البطل ودون تدريب،،، ماهو ناس داخل السياج قاعديين ومنتظرين الموت الأحسن ليهم من الحياة (على قولك)...
شارك ولم يكن الأول ولا التاني ولكن إسم السودان ذكر.....
مثل بسيط على أنو ناس خارج السياج، شايلين بلدهم في حدقات عيونهم وما عشان زيد ولا عبيد ولا نطاط الحيط يشكرو ولا يكافؤ........
يا زول هو نقول لي منو ونقول شنو
ما ربنا خلقنا كدا ولحدي ما نغير ما بأنفسنا حتى المولى عز وجل يساعدنا
والبقولو خلونا نتحابب ونكون سودانيين نتعاضدد
لكن خوفي والمشكلة أنو المولى لا يصلح ما بقوم حتى يصلحو ما بأنفسهم
فهل نحن لذلك؟؟؟؟؟؟؟؟؟؟؟؟؟؟؟؟
الله أعلم

اخى Babiker Mukhayer
تحياتى واشواقى.
ما قصد ان اجرح احد من السودانيين الذين هم اصلا خرجوا من اجل الحالة الاقتصادية وتحسين اوضاعهم المعيشية وهذا شىء من حقهم وليس من حقنا ان نعترض عليه
ولكن انما المقصود من كلامى هو واضح وهو المعنى به هؤلاء الذين خرجوا من هذا الوطن لكى يعثوا فيه الفساد بحجة المعارضة وهم ابعد من المعارضة ومن البلد نفسه
هؤلاء من يتشدقون بالكلام الكبير وهم اقزام ولو رأيت فى هولندا وفى السويد وفى امريكا ليس لهم شىء الا ان يقولون ان السودان لو حرق يكون كويس ناسين او متناسين ان هذا السودان وطنهم الاصلى وفيه بقية عشيرتهم واهلهم وهم مثلهم كمثل الذين فى العراق الان اتو من الخارج ليحكموا بلد لا يعرفون فيه شىء والنتيجة العراق الان
اخى لم اقصدك او اقصد كل من خرج من هذا البلد وهو مرغم خرج حفاظا على نفسه وعرضه من الاعتدات النفسية والجسدية وهو مكره ولكن اقصد المرتزقة والمسترزقين وسماسرة اللجو ليس لهم هم الا ان ينحدر السودان الى الدرك الاسفل لكى تمتلى جيوبهم وكروشهم
ارجو ان اكون اوضحت وجهت نظرى
مع خالص ودى واحتراماتى

[بابكر مخير]

المشاركة الأصلية كتبت بواسطة aboomer

اخى Babiker Mukhayer
تحياتى واشواقى.
ما قصد ان اجرح احد من السودانيين الذين هم اصلا خرجوا من اجل الحالة الاقتصادية وتحسين اوضاعهم المعيشية وهذا شىء من حقهم وليس من حقنا ان نعترض عليه
ولكن انما المقصود من كلامى هو واضح وهو المعنى به هؤلاء الذين خرجوا من هذا الوطن لكى يعثوا فيه الفساد بحجة المعارضة وهم ابعد من المعارضة ومن البلد نفسه
هؤلاء من يتشدقون بالكلام الكبير وهم اقزام ولو رأيت فى هولندا وفى السويد وفى امريكا ليس لهم شىء الا ان يقولون ان السودان لو حرق يكون كويس ناسين او متناسين ان هذا السودان وطنهم الاصلى وفيه بقية عشيرتهم واهلهم وهم مثلهم كمثل الذين فى العراق الان اتو من الخارج ليحكموا بلد لا يعرفون فيه شىء والنتيجة العراق الان
اخى لم اقصدك او اقصد كل من خرج من هذا البلد وهو مرغم خرج حفاظا على نفسه وعرضه من الاعتدات النفسية والجسدية وهو مكره ولكن اقصد المرتزقة والمسترزقين وسماسرة اللجو ليس لهم هم الا ان ينحدر السودان الى الدرك الاسفل لكى تمتلى جيوبهم وكروشهم
ارجو ان اكون اوضحت وجهت نظرى
مع خالص ودى واحتراماتى

الأخ أبو عمر
في ناس ما تقدر إلا تحترما
ممكن تختلف معاها في الرأي وفي الشكل وفي الفهم وفي كل أمور الدنيا،، لكن برضو تلقى أنك مجبر وإلا تحترمها..
خوفي أنك منهم، وخوفي دا لأني إتشنجتا في الرد عليك وعليها بستسمحك العذر وبشكرك على الحصة دي وكيفيىة التعامل بهدوء...
ما عشان كدا بوافقك، لكني موافقك لحد أبعد من كدا!! كيييييييف؟؟
أبعد في أنو ما الناس اللساتها برا هي الخانت القضية، خانوها البقو وزراء ومستشاريين وشايليين جوازات بريطانية وعندهم بيوت من المجالس البلدية.
ديل هم سبب البلية وحكايتهم طويييييييييييييييييييييلة
لك التحايا والمعذرة لمن تقول كفى

[Hassan Farah]

دكتورة بيان صباح الخير
فى نظرى لا يستطيع احد تجريد الاخر من حقه فى ابدإ رايه فى كل امور وطنه الام فقط لان هذا الاخر يحمل وثيقة بلد اضطرته المعانة والحرمان والاضطهاد فى البلد الام اللجؤ اليه---كلامك هذا لاتجيزه لا القوانين الوضعية ولا السماوية والدين يقول ان ارض الله واسعة--شخصيا امضيت نصف عمرى فى الخارج نتيجة للاضطهاد الذى واجهته من حكومات بلدى بسلبى حقى القانونى فى البعثة الحكومية التى نجحت فى امتحانها ومنح الفرصة لاحدهم رغم خيبته فى 3 محاولات-- ثم بعد ذلك وبعد تخرجى مهندسا كهربائيا سدت امامى كل ابواب الرزق-- بعد كل هذا ما زلت احمل الجواز الاخضر وسددت كل ضرائب المغترب منذ ان وضعها النميرى وحتى خروجى للمعاش على حساب الدولة التى اقيم فيها
عام1990 تقدمت للقائم بالاعمال بطلب استخراج جوازات سفر لبناتى ن--القائم بالاعمال الدهمسى الذى جلبه على عثمان رأسا من امريكا رد على بالرفض بعد شهر---
وعندما راجعت السفير الجديد الدكتور حسن عابدين -رد على- يا اخى ما تتعب نفسك- انا بنتى عندها جرين كارد والقائم الدهمسى ايضا يحمل القرين كارد---شوفتى كيف---

[بابكر مخير]

المشاركة الأصلية كتبت بواسطة bayan

الاخ مخير
وجهة نظرك مقدرة جدا لانها وجهة نظرك...

انا كتبت ما كتبت تحت اسمي ودي وجهة نظري المقتنعة بيها انه اي زول
حتا جنسيتو يطلب الله ويمشي محل بقى مجنس لانه في النهاية
صاحب بالين كضاب وركيب سرجين وقيع
ودائما عنده حلولو جاهزة لما يحمى الجحر انه يحتمي بجنسيتو الاخرى
نحنا لو حمى الجحر حندفع الثمن دا
عشان كدا نحنا اصحاب الوجعة البالصح....
ما غيرنا...
لك فائق الاحترام..

العزيزة الفضلى
ما تفتكري معايا أنو العقول الهاجرت وشغالا في جامعات خارج الوطن (بتاعنا إن رضيتوا ولا أبيتو) شرق وغرب شمال وجنوب ما في وضع أحسن مننا في مواجهة نيرانك دي
لا ما ننسي الشايلين الدعوة عذر ونشر الإسلام في كل بقاع العالم ندر
عليكم الله
بس نقول شنو؟؟؟؟
نخليها مسسسسستورة وما ندخل في كلام وتيقى هدايتنا هي الأحلام
بقول كلامي دا وأنا عندي في مليزيا أهل وقرايب وفي إيرلندا نسابا وحبايب وفي كل مكان،، نقول ليهم يعني يرجعو؟؟؟
أنا ما عندي مانع يبتدوها
لك الإحترام الفائق لكنه!!! لا يمنع من القول بأن كلامك
ما اليااااااااهو

[aboomer]

المشاركة الأصلية كتبت بواسطة Babiker Mukhayer

الأخ أبو عمر
في ناس ما تقدر إلا تحترما
ممكن تختلف معاها في الرأي وفي الشكل وفي الفهم وفي كل أمور الدنيا،، لكن برضو تلقى أنك مجبر وإلا تحترمها..
خوفي أنك منهم، وخوفي دا لأني إتشنجتا في الرد عليك وعليها بستسمحك العذر وبشكرك على الحصة دي وكيفيىة التعامل بهدوء...
ما عشان كدا بوافقك، لكني موافقك لحد أبعد من كدا!! كيييييييف؟؟
أبعد في أنو ما الناس اللساتها برا هي الخانت القضية، خانوها البقو وزراء ومستشاريين وشايليين جوازات بريطانية وعندهم بيوت من المجالس البلدية.
ديل هم سبب البلية وحكايتهم طويييييييييييييييييييييلة
لك التحايا والمعذرة لمن تقول كفى

الاخ بابكر صبحك الله بالخير وكيفك لعلك طيب
ان الوزراء الذين يحملون جوازات اجنبية ديل فى نظر الغبش هم ليس الا كيزان كلهم واحد العندو جواز ولا الماعندو كلهم فى خانة واحدة وبالتالى ما فرقت حتت الجواز دى
لانهم ماصين عرق الغلابة وراكبين الليلى علوى وفلقوا فى الناس بالحصحاص من اثر التفحيط الواحد تلاقاهو ما سك الموبايل يتكلم بيهو اكتر من ما يتكلم بدونه
ديل ما اصلا سبب البلوة وياريت لو كانوا على الاقل مستوى التعليم عندهم الشهادة السودانية انشاءالله
جهل كامل وكيف بالله عليك لما يكون زمامك فى يد جاهل ؟
اخى
الناس هنا اصبحت ما فارقة معاها لان الامل اضمحل فى التغير والناس اصابها الياس وانا شخصيا اصبت بالاحباط وزى ما قلت سابق
لو الواحد مات فى الايام دى تكون جدجد ظروفو خدمته

[bayan]

ما ننسي الشايلين الدعوة عذر ونشر الإسلام في كل بقاع العالم ندر
عليكم الله
بس نقول شنو؟؟؟؟
نخليها مسسسسستورة وما ندخل في كلام وتيقى هدايتنا هي الأحلام
بقول كلامي دا وأنا عندي في مليزيا أهل وقرايب وفي إيرلندا نسابا وحبايب وفي كل مكان،، نقول ليهم يعني يرجعو؟؟؟
أنا ما عندي مانع يبتدوها
لك الإحترام الفائق لكنه!!! لا يمنع من القول بأن كلامك

شوف يا مخير اكعب حاجة الكلام المغتغت وخمج .. شنو يعني عندك اهل وين ولا وين
اولا انا بتكلم عن حملة الجوازات الاجنبية ولا اتحدث عن المغتربين البدفعو الضرائب

انا في ماليزيا (معلومة معروفة لكل من يقرا ما اكتب) احمل الجواز اللخدر واتحمل تبعاته
لم اطلب اي لجوء سياسي لاي بلد ولا حنطلب يوما ما... رغم ما حدث لنا لا يختلف عما حدث لعدد
ممن طلبوا لجوء سياسي..
لانه بفتكر لا يوجد اي سبب يحت الزول جنسيتو وان محبة الاوطان واجبة..
وانه لا يوجد نظام او شخص يجبرني على خلع جنسيتي
ودا وجه الصمود حقي في وجه الظلم المارستو ضدي الحكومة..

اكرر اتحدث عمن يحمل جنسية اخرى مع الجنسية السودانية
ولا اتحدث عن المغتربين..
دي وجهة نظري انا بيان احترم كل وجهات النظر الاخرى لاني تعلمت احترام وجهات النظر الاخرى..

ما

ننسي الشايلين الدعوة عذر ونشر الإسلام في كل بقاع العالم ندر
عليكم الله
بس نقول شنو؟؟؟؟

ماليزيا دولة مسلمين ما محتاجة لدعوة لو اصلو كدا كنا نرجع امريكا ونشتغل في الدعوة
برضو كلام ما عديل ولا سمح في نقاش
اتعدل عشان اتعدل معاك او انصرف في احسان..

[فتحي مسعد حنفي]

الانتماء في القلب وليس في الجواز بغض النظر عن لونه فالسوداني سيظل في داخله سوداني حتي لو حمل أكثر من جواز واحد..وهذا الموضوع أذكره لأنه مبني علي تجربة شخصية تخصني أنا بالتحديد ويمكن تساعدنا في فهم الوضع..
أذكر أنه في أول يوم استلمت فيه البطاقة المصرية ووضعتها في المحفظة بدأت أفكر ..ماذا تغير بالنسبة لي وما هو احساسي الجديد بصفتي مصري قانونا..صدقوني لم يحدث أي تغيير فأنا مازلت فتحي السوداني المتعصب لسودانيته في داخله.فأنا قد تغيرت بالنسبة للغير ولكن ليس بالنسبة لنفسي..
ما أريد قوله هو ان جواز السفر لا علاقة له بالانتماء الحقبقي للشخص وما هو الا مستند يقول للناس من أنا ومن أين..ثم ان موضوع الضرايب لولا ارتباطه بتجديد الجواز وباقي الخدمات التي يحتاجها المغترب لما زاد عدد من يسددونها عن اقتناع عن العشرة في المائة من مجمل مجموع السودانيين لأنها في الواقع جباية ظالمة وقانون مرتجل وليس مدروس وكل من عاشوا في الخليج يفهمون بالضبط المعني الذي اقصده..
السوداني هو السوداني وسيظل سوداني بجواز أو بدون جواز وان كره ال....

[AMAL]

كل الحق لكل سوداني مهما كانت نسبة سودانيتو
وبالمناسبة منو الشايل لي ميزان وقاعد يوزن في نسب السودانية في دم الناس
ويحدد منو البرة ومنو الجوة

يحمل اولايحمل اي اوراق من اي نوع

اي زول مهموم بالوطن دا شايلو جواهو حايم بيه وقايم بيه

بنوم وبصحي عليه

اضطرته ظروفه ايا كانت للخروج من السودان

له كامل الحق في ان يدلي برايو ويقول العايزو

ولا لاقصاء الاخر

البستحقو العزل والاقصاء هم الوصلو البلاد للحالة دي ومازالو في غيهم سادرين

[bayan]

سلامات
لما الناس تكضب ولما البلد تتحاصر ولما كونك تحمل جواز سوداني بيخليك يعزلوك
في المطارات ويفتشوك بدقة متناهية....مهما كنت انت برفوسور عالمي ولا راعي ولا ربة منزل

بيكون نحنا اهل الوجعة بالجد
ناس الجوزات الاجنبية يمرو ذي العجب..ونحنا نتعتر بلاغاويسهم وكذبهم في اوراق اللجوء..
الناس الاسع فرحانة بالمحكمة الدولية والقوات الاجنبية ديل هم ناس الجوازت الاجنبية..
لانه حيرتاحو جد لو اغاق السودان.. واوقفت التحويلات المالية..
عشان كدا بالله ما تقنعوني انه الوطينة في القلب وشنو وشنو
الوطنية في حملك للجواز اللخدر وصبرك على اذاه..

البستحقو العزل والاقصاء هم الوصلو البلاد للحالة دي ومازالو في غيهم سادرين

دا من قبيل ذر الرماد في العيون ولا شنو؟
ديلاك عندهم قروش ممكن يشتروا اقامات في اي مكان لو اقصيتوهم ولاخليتوهم ما فارقة
لكن بتفرق مع الشعب المسكين
تكضب المعارضة يضرب مصنع الشفاء يموتو هم لانهم لا يستطعون شراء الادوية المستوردة
تكضب المعارضة تترسل الاسكودات يموتو هم..
اي زول خارج روحو خلاص يفرتق مننا بالله..

[bayan]

فلم ترمنال فلم من اجمل الافلام قاطبة.. حيث رفض بطل الفلم ان يسعل مهمة مسوؤل المطار
ةيكتب انه لو عاد الى وطنه سيكون هناك خطورة
وقال له كيف اقول وطني خطر على انه وطني..
متين يكون عندنا محبة للوطن حيث نحميه باحداق العين ونقدم ارواحنا رخيصة له
مهما كان السبب,,
قلبي على السودان الذي لا يحبه حملة جنسياته ويفكونه في اقرب ملف...

[بابكر مخير]

المشاركة الأصلية كتبت بواسطة bayan

شوف يا مخير اكعب حاجة الكلام المغتغت وخمج .. شنو يعني عندك اهل وين ولا وين
..

كلام واضح وصريح
وأفتكر إنفعالك في الرد عليهو غير مبرر
وأنك ما فهمتي القصد أو أنو الطاقية إتلبست
..........
بعدين يا دكتورة المغتربين والضرائب
مش؟ هم أصحاب الميزات التي ينعمون بها حين الذين بالداخل محرمون منها
مقابل الضريبة يحصلون على الأراضي وإعفاءات جمركية وغيرو وغيرو
وأحسن ذي ما قلتا قبل كدا نسحب الموضوع أو نغيرو
لأنو جاب ليهو؟؟؟؟؟؟؟؟؟؟؟؟؟
شوف
.........

[بابكر مخير]

المشاركة الأصلية كتبت بواسطة bayan

برضو كلام ما عديل ولا سمح في نقاش
اتعدل عشان اتعدل معاك او انصرف في احسان..

شكراً