مفاجــــــــــــــــــــــــــــــــــــــــــــــ ـــأة

[عادل عسوم]

رشا
أنتي رشحي وبعدين حتنبثق لجنة لل(ترجيح)

[شبارقة]

المشاركة الأصلية كتبت بواسطة adilassoom

كدة تستحق الأتنين
لكن في بوست د. مهدي الأمين بس

[align=justify]صدقني في البوست داك بس ... وتاني ما شفتها إلا في الصورة البتعسـِم الرقبة ديك يا ود عسوم [/align]

[عادل عسوم]

تعرف ياشبارقة
أنا لي يوم الليلة ماقدرت اسمع الغنية الهدوها لي ديك
أسمعا بي وين وأنت كواريكك صانا أضنينا
وكمان جا علينا رمضان

[somiaadam]

ســـــــــــــــــلام ياناس المفاجأأأأأأأأأأأأأأأأأت
ماشفت ياعادل كنت بكتب ليك في أسم المقدم/ة بتاع السهره وعامله فيها متأكده وقلت خلاص
أرسل الكهرباء قطعت .طواليييييييييي عدلت المره دي وقلت مابكتبووووووووا .
بس حدد لينا يوم السهره وزمنها .......عشان أنا كان مشيت علي التلفزيون والسهرات ديل مابقوم
والدنيا 10 اواخر وكده. وغايتو كان مقدم برنامج الا تكون أنت ونحنا ماعارفين .
وسلامات عوافي وبوست مثير للغايه تنفع في الاعــــــــــــــــــــــــــلام .

[عادل عسوم]

سمية
أولا مرحب بيكي
وبارك الله في الكهربا القطعت (مع الارسال)
ياستي نحنا قلنا مقدم(ة) وختينا تا مربوطة قدر ال(الريال)
وهي عضوة معانا في سودانيات
وكتاااااار راكبين غلط
أها قولك شنو؟

[Osman Righeem]

المشاركة الأصلية كتبت بواسطة adilassoom

خليك من الصحفيين ديل
انتا ماقعد تسمع بي الكلام دة (دة كلام جرايد)
أمير دة بيكون صايم باقليك؟

[align=center]عادل
مساك الله بالخير


غايتو الحلقة الاولي تابعتها في التسجيل
الحلقه الجاي تسجل الخمبس الجاي
و حأحضرها بإذن الكريم


اها المذيعه عسلها ينقط
اول حرف من اسمها نع
واخر حرف
ات[/align]

[somiaadam]

مساء الخير
أخيرا عرفتــــــــــــــــــــــــــــها ... وانشاء الله حا أحضرها فعلا مفاجأه ذي الورد ...عرفتهاقبل بوست Osman Righeemلكن برضو
مشكـــــــــــــــور ....للناس الشمار العالي ......(شمار دي انشاء الله سمعت بيها اناجبتهامن الجامعه )
وبعدين عندي طلب ورجاء صغنوني كده وبعتذر عليه مقدما ومؤخرا لأنو مامن حقي عشان كده
حا أكتبوا بين قوسين وأكيد ليكم الحق أنت والحا أدخل فيهو حق الرفض بس ماقدرت أخليهوا مع الاعتذار
(أسحبوا الصوره بتاعه نعناعه دي بشيش علي قول أهلنا بدون زعل) ولكم الشكر
والاعتذار لسيد البوست ولي الرسل الصوره ولي ست الصوره والجميع .مع الرجاء بقبوله

[نعمات حمود]

استاذي عادل عسوم ...
والاخوة المتداخلين ...اليكم جميعا ...
احبكم ..
لكم المحبة والامتنان وانتظر منكم الكثير فانتم اهلي وعشيرتي وبكم استمد كل جميل ...
فعلا تم تاسيس مكتب (تابع لشركة انتاج اعلامي )لقناة هارموني وسيتم تاسيس مكتب خاص مستقبليا
على راسه الاستاذ 0عبد الدين سلامة )وهو مخرج ومعد برامج بتلفزين دبي الان وقد استعان بي الان تحت الاختبار (للتقديم )لما تربطني بة زمالة الصحافة والاعلام مسبقا
وقد قمنا باعداد سبعة حلقات الان هي بقناة هارموني (اختيار المواضيع والمحاور )وقد كان عنوان البرنامج (بوح المهجر )والذي اختص ببوح المهاجرين ورهق الغربة
بوح المهاجرا ت (الفتاة المغتربة )
(الشاب المغترب )
كيانات متنوعة تمثل الموروث السوداني
ابناء السودان بالامارات (شهادات عربية وغيرها
وهناك مفاجاة المبدعييين
لا اريد ان تكون مفاجاة بالنسبة لناس (بيتنا )
واريد منكم النصح وجميعكم يعرف الايميل وبما انني في مرحلة ما قبل الولادة اريد النصح ما استطعتم قبل وبعد المشاهدة
ومن سيد الدار خالد والمراقب فيصل سعد والامين العام الاذن وتمني ان اكون فخرا لكم وعند حسن ظنكم ويا ناس ناصر همتكم معانا
الاستاذ عادل والله المفاجاة فعلا انك اول من عرف وقبل فيصل كما ذكر لا ادري والله لم اخبر احد حتى اسرتي ولكن الشمااار كان حار اظنو
لك طن محبة ومودتي التي عهدتها واسرتي
وانتظر منكم الكثير في مسيرتي
شكرا لكم جميعا

[شبارقة]

المشاركة الأصلية كتبت بواسطة شبارقة

[align=justify]أنا غايتو والله ما شفت الإعلان ولا عندي فكرة عنو ... لكن أتوقع تكون زميلتنا نعمات ... فِـراسة وشطارة مني ساااي [/align]

المشاركة الأصلية كتبت بواسطة منال

فارس الحوبة ... انت ما غلط سااااااااااااى كده

[align=justify]شكرا ً يا منولة ... وأنا يادوب إتأكدت من فراستي وشطارتي بعد ما نعومة أكدت الخبر ... لكما التحية والود [/align]
[align=justify]لكن يا نعومة ما قلتي لينا بجيبوهو متين والساعة كم عشان نتحكر قدام الشاشة ونجّـهز أقلامنا وأوراقنا للنقد البنـّاء [/align]

[عادل عسوم]

أها ياشبارقة وفيصل
قعدتو تنقّو فينا لامن (قنطرونا) بي دي:

الكاتب :نعمات حمود
استاذي عادل عسوم

مرحبا نعمات
كلنا في سودانيات نفرح لك ونشد من أزرك وبالتأكيد سنكون أول من يشاركك النجاح
أرجو أن تفيدينا بالموعد قبل وقت كاف (في هذا البوست)
مودتي

[سفيان ابوقصيصة]

المشاركة الأصلية كتبت بواسطة adilassoom

أها ياشبارقة وفيصل
قعدتو تنقّو فينا لامن (قنطرونا) بي دي:


مرحبا نعمات
كلنا في سودانيات نفرح لك ونشد من أزرك وبالتأكيد سنكون أول من يشاركك النجاح
أرجو أن تفيدينا بالموعد قبل وقت كاف (في هذا البوست)
مودتي

سلامات عادل
انا يا دوب ركبت معاكم بعد ما الشمار عمل لي قرحه...

[النذير بيرو]

الاخت نعمات حمود

والاخوة البقية كلهم رمضان كريم

حقيقة رفعت راسنا وسوانيات فوق ونتابع بشغف موعد البرنامج رجاء موافاتن بمواعيده بالتمام والكمال (عشات نتحكر) قدام التلفزيون ونجيب القهوة

لانريد ان نهديك نصحا اعلاميا فانت اكيد (قدرها) واكتر منها

لك التوفيق وسوف نبدي لك ملاحظاتنا بعد مشاهد الحلقة

سلام نعمات توفيق (و حلقة موفقة)

النذير بيروالسلام عليكم ورحمة الله وبركاته