الرجل البعرس تاني...

[تماضر حمزة]

المشاركة الأصلية كتبت بواسطة adilassoom

ايهما افضل ان يكون لزوجك عشيقة او زوجة اخرى؟

افضل عدم الزواج من اصلو

قال ليك واحدي زوجها اتأخر قالت لي امها: الراجل بقى يتأخر طوالي مايكون معرس فيني؟
أمها قالت ليها : يابت استهدي بالله ، استغفري،ماتفوّلي، بمكن ضربتو عربية

[عادل عسوم]

ياأستاذة ...عدم زواج شنو المن أصلو؟
الراجل قالوا خلاص:

صبغ شعرو ولبس ليه بنطلون جينز وتي شيرت وعمل وليد
وجكس ليه بت قدر بتو وهاك يا مسجات نوع صباحك حنين وشوق السنين

أو كما قالت

[فيصل سعد]

المشاركة الأصلية كتبت بواسطة Babiker Mukhayer

الحبيب فيصل دخل عكس، حامل ومتحامل confused:

يا خوي دا كلو ما حاصل ،،
بس انت الايام دي ما قاعد تقراني صاح

[بابكر مخير]

المشاركة الأصلية كتبت بواسطة فيصل سعد

يا خوي دا كلو ما حاصل ،،
بس انت الايام دي ما قاعد تقراني صاح

الحبيب
العتب على النظر
لك المودة والمحبة
..............
دكتورتنا العزيزة بيان قالت: "وخلو اخونا محير يفتو لينا بالتفاصيل المملة كيف حدث ذلك وليه؟"
بس يا دكتورة قلتا: أني ما عارف
صديقي العزيز إبراهيم حكى ليا مرة:
خاله جا لي أمه (حبوبت إبراهيم) وقال ليها عاوز أعرس تاني،، الجدة نهرتو وقالت ليهو: أمش من قدامي،،، رد عليها لكن ليه ما خالي حاج الفاضل عرس ،،،، الجدة ردت وقالت ليهو:
البعرس أكتر من مرة !! يا قادر، يا قاهر،،،،
إبراهيم حكى ليا القصة دي بعد ما المكتوب وقع (هذه الكلمة "المكتوب" تعكس معنى ومعاني) وبعد ما حكى ليا القصة، سألني بتهكم؟؟؟؟
إتا، ياتو فيهم؟؟؟؟؟؟؟؟
طبعن أنا لا دا ولا داك،،
لكني؟؟
ما لقيت ليا حبوبة إبراهيمن تانية

[somiaadam]

السلام عليك يادكتوره بيان عساك بخير
اولا سأكتب وجايبه معاي نون النســـــــــــــــــوه كبيره
شنو مره العنوان الرجل الذي يقتل .والتاني الرجل البعرس تاني ده عنوان واحد أنا بفتكر
وكنتي طوالي تنزلي الكلام ده في البوست داك .ما أصلو داك بقتل بي أله.....والتاني بي مرأه ولا شنووووووو..........هههههههههههههه (الحاله دي أنا لسه في البر بس مؤازره)

لكن بعيدا عن نون النسوه وداءهـــــــــــــــــا في هذا الموضــــــــــــــــــوع وبما جاء في ديننا الذي لاينطق
عن هوي سأكتب بين قوسين (أولا موضوع مثني وثلاث ورباع ثني الشارع ذلك لحكمه يعلمها هو
ولأن (للبيوت أسرار) **ما الفنانه ** فلا خلاف في أمر الله .ولأنه سبحانه وتعالي عالم بأحوال
البشر جعل ضوابط في أياته الكريمه في موضوع (العدل وعدم مقدرتهم عليه ولو حرصوا ) أي لم يترك
ألامر مطلقا . وفي الحديث عن أبي هريرة رضي الله عنه أن رسول الله صلى الله عليه وسلم قال: [[ من كانت عنده امرأتان فلم يعدل بينهما جاء يوم القيامة وشقه ساقط ] ، وفي لفظ أبي داود قال صلى الله عليه وسلم: [[ من كانت له امرأتان فمال لأحداهما جاء يوم القيامة؛ وشقه مائل ] .
أي وعيد أصعب من يوم القيامه فأذن المعني واضح ألامن تضطره الضروره القصوي ولم يصبر وتأكد من
العدل .فألايات القرانيه لا تظلم أحدا وتصلح لكل زمان ومكان .وأيه الطلاق والتسريح بلمعروف يعطي
براحا للمرأه وبأمكانها أن تتزوج .فحقوقنا في الدين كامله غير منقوصه))
قال سبحانه وتعالي
((فانكحوا ما طاب لكم من النساء مثنى وثلاث ورباع فإن خفتم ألا تعدلوا فواحدة أو ما ملكت إيمانكم ذلك أدنى ألا تعولوا } [ النساء : 3 ].قال المفسرون: [ أقرب من أن لا تميلوا، يُقال: عال الميزان إذا مال ].

وبعدييييييييين قبل ما أرجع بي رأي الشخصي ومعاي نون النسوه خيارعشيقه ده ما معانا جنبنا الله وأياكم
الحرااااااام والخيانه.

وبعديييييييين أرجع تاني ومعاي نون النسوه بذات في الموضوع ده وأمشي علي الخيار التاني وكلي زعــــــل......سبب أزمــــــــات السودان ده كلو العرس التاني .
تصبحوا علي خير وتاني برجع ليك يارشا وتماضر تعليقاتكم عجبتني تجنن.

[كيشو]

المشاركة الأصلية كتبت بواسطة فيصل سعد

سلام يا دوك و مساء الخير ..
حجزنا كنبة وسطى في هذا البوست الجميل الجاد الهام ..
الى ان نعود بمهلة ، اعتقد جازما و على حسب وجهة نظري المتواضعة،
ان من يدبل دون اسباب و ظروف موضوعية لا نملك امر تقديرها ،
فهو طيار عين و افتراء و اجحاف و جبن و عدم مسؤلية
و عدم احترام و عدم ذوق و سؤ نية و خيانة و عدم وفاء و خراب بيوت ..

بعد دا جاي تاني تسوي شنو
نحنا الجايين

[bayan]

سلاماتيا شباب وسوري انا عاملة هيت ان رن مع البوست دا
بس عارفين شغلة رمضان مع العيد...
المرأة الاولى (خاتة بالك يا رشا وتماضر)
عندها مشكلة مع الراجل البعرس تاني والمرة البتعرس راجل مرة الما حلو حلا..
عشان الجماعة ما يزعلو وكدا وقطعا لطريق نان الراجل مي بعرسلو مرة مو كدي؟؟؟؟؟
كما قال مولانا حسن في التلفزيون
حين اتت واحدة ردحت زين في صنف الرجالة لا خلت ليهم خيانة عشرة ولا طيارة عين
مرقت كل العيوب الما في الجيوب
قام شيخ حسن سالها السؤال البمليون يورو( بعد بنك السودان ربط كفاحو مع اوريا وكدا وحول ليورور كيتا في اليانكي)
انتي يا بنيتي البعرسها الراجل دي شنها؟
مو مرة؟؟؟؟؟
اها
هل الخطا خطا الرجل البعرس تاني ولا في البتعرس الراجل المعرس ؟؟!!
من اغرب اسباب الزواج الكلموني بيها غير سبب مخير الخاتيه فوق دا
انه في راجل محترم وعنده اسرة رائعة جدا
زوجة متعلمة مثقفة سمحة من اسرة محترمة واطفال بنات واولاد حلوين وشاطرين
يعني بيرفكت فيملي(عين الرجال ما تملاها الا الواطة)
حيث ذكر الرجل سبب الزواج انه الزولة دي طرحت نفسها وهو ما قدر يحرجها عرسها

عشان ما يحرج مرة غريبة . جرح زوجته واولادو وبناتو النبي شوفتو راجل مجامل لدرجة دي؟
ما عايز يحرج الزولة شوفتو الرقة دي كيف ؟؟!!!
بالجد راجل المرة حلو حلا..

[سفيان ابوقصيصة]

المشاركة الأصلية كتبت بواسطة bayan

هل الخطا خطا الرجل البعرس تاني ولا في البتعرس الراجل المعرس ؟؟!!
بالجد راجل المرة حلو حلا..

الفاضله د. بيان
لك التحايا و الود
هل القيام بامر يقره الشرع في حق (الاتنين) خطا؟
يمكن للرجل الاسباب الموضوعيه لذلك
و يمكن للاخرى مبرراتها QUOTE(بالجد راجل المرة حلو حلا..)[/QUOTE
تانيا العدل دا بجي اذا ما تهيات و توفرت الاسباب في (البيت) لذلك...فمن العدل الاقرار بالحق الشرعي
وفاقد الشيء لا يعطيه...

تخريمه..
يقال ان قبيلة تقطن بارض البطانه من تقاليدها ان المراه المطلقه لا يتزوجونها تاني ابدا....
و اقل راجل فيهم عندو تلاته..!!

[nagwa]

واحد ما قادر افتح بيت و امشي اعرس عشان ابقو بيتين
ولا عاوزين يارب يدخلوا الجنة بي نسوان الشهداء

[bayan]

أمها قالت ليها : يابت استهدي بالله ، استغفري،ماتفوّلي، بمكن ضربتو عربية

دي مبالغة ويدوك فيها وسام..
ما عارفة ليه اتذكرت خالتي الله يرحمها بنقول عليها اول جندرية في العائلة ومن اوائل الجندريات السودانيات
عندها وجهة نظر متكاملة في الرجال والعرس,,,
مرة بدون سبب عملت ستيتمنت خترية
قالت ايتها مرة دخلت ليها فاخورة راجل في بيتها ما سعدت..
الى الان صديقاتنا الححضرو الكلام دا يقولن صدقت خالتكم طبعا عرفو الامر بيان بالعمل
بعد دخيل الفاخورة...

اختي عندها صاحبتها بعد العرس بكم شهر كداو طيران الرقشة والظرافة
كل يوم تقول ان شاء الله فلان تطقو عربية.. قالوا ليها حرام عليك
ياخي ما عاجبك طلقى
قالت لالالا لو مات وبقيت ارملة الناس بتحن على لكن مطلقة ايخير منها القعاد مع فلان..
سمية ونجوى مرحب بيكم
وكذلك للرجالة المنورين ومزمزغين في الموضوع دا
كدي الندخل الصينية دي الفرن..
كل سنة وانتم بالف خير

[سفيان ابوقصيصة]

تعرفي يا دوك العنوان بتاعك يشير لي لتلاته مفاهيم

1- الرجل البعرس تاني... الراجل العندو مرة و داير يعرس تاني

2-الرجل البعرس تاني... دي فيها تهديد وعظه (كدي عرس تاني !!)

3-الرجل البعرس تاني...اما دي معناها الراجل بس هو البعرس تاني...

انا غايتو فيهم واحده واقعه لي...

[Osman Righeem]

خليت الحكومة طلعت فتحت البوست قلت يمكن ما فيهو رجال
الا ما شاء الله عيني بارده شيب و شباب


ده ما موضوعنا

لمن تناقشوا التالته بجيكم



بس من باب سد الزرائع
انا لا متني لا عندي نيه



حتي الان

[سفيان ابوقصيصة]

[QUOTE=Osman Righeem;109865]






لمن تناقشوا التالته بجيكم






[/QUOTE

التالته واقعه يا ابو عفان
كدي خليني الاعدلها
3-الرجل البعرس تاني...ما بعرس تاني الا راجل

هو بيني وبينك ما بعرس اول الا راجل

بعد دا يقدروا يقولو ليهو (اياك ان تبتل)....؟

لكن قاعدين يقولوها والله..!

ودا المحيرنا زاتو..!

هن حنينات وعطوفات وبالم طويل علينا (ويؤثرون علي انفسهم) الا ما بدوا غيرن فرصه..!

[nagwa]

بيان والحضور العاوز الثانية
سلام
الحاجة المحيرة كل مافتح تلفزيون اسمع رجال الدين بقولوا من حق الرجل يتزوج مرةومرتين خالص عارفين دا حلال والله اصلوا في رجال علي الهبشة
في واحدة عرفت زوجها مزوج واجهتوا قال لية مادام عرفتي تاني من اليوم يوم معك ويوم عندها عدل يعني احسن كانت ماعارفة

[بابكر مخير]

البعرس مرة واحدة؟؟؟
إتغفل
البعرس التانية؟
مغفل
البعرس التالتة؟
يستاهل!!! لأنو مغفل جدً
البعرس الرابعة؟
دا إتقفل في قبر وحفرو براهو بي تغفيله