الحاصل شنو فى منتدى البركل؟؟

[imported_محمد الامين]

لينا يومين نتاوق بى هناك ومافى غير
This site has been suspended


قلنا نسأل من الأحباب فى حوشنا التانى ده بى جاى ...

[imported_ماريل]

انا ذاتى زيك يا محمد اتاوق بى قلق

[imported_شبارقة]

سلام يا شباب

[flash1=http://sudanyat.org/vb/showthread.php?t=24289]WIDTH=800 HEIGHT=800[/flash1]

[imported_يحي عثمان عيسي]

الحمد لله
حبيبنا عكود يبشرك المولي بالجنة

[imported_ازهري الحاج شرشاب]

اخى العزيز عكود
خير انشاء الله خير والحمد لله الموضوع نظافه بس بنصبر وخفنا مت الدعت الحايم والله يبشرك بالخير دايماً

[imported_محمد الامين]

سلامات يا ماريل

حبنا لمنتدى البركل وصل لدرجة الإدمان والواحد بقى يحس انو يومو ناقص لو ما دخل المنتدى ..

نتمنى أن لا يصيبه مكروه

[imported_ازهري الحاج شرشاب]

اخى العزيز عادل عسوم
ليك التحيه والشوق ولى قلمك الرشيق
اولا تبرى من الهجمه
وتانى تعرف الواحد بقى البركل المكان والبركل المنتدى ياها ذاته السبايق بى تحت والجبل والقعاد فى شارع العربات وتمدد كرعيك لمن العربيه تلف هى منك طبعا ده قبل الظلط يحدد للناس الشارع ...
طلباتك اوامر وربنا يقدرنا ونشارك فى سودانيات أكتر لكن تعرف جنس زحمه

[imported_شبارقة]

المشاركة الأصلية كتبت بواسطة يحي عثمان عيسي

الحمد لله
حبيبنا عكود يبشرك المولي بالجنة

العمدة عكود الله يبشروا بالجنة وربنا يحشرنا معاهو إن شاء الله ... لكن أمانتن في ضمتك دي يا يحي عكود جاك هنا ؟ نحن نشيل ونعتـِّل وجبنا ليكم الرابط ورابط مرئي كمان يعني ما حوجناكم حتى تضغطوا على الرابط ... حق المناولة ساي ما نلقاهو !

[imported_محمد الامين]

العزيز شبارقه

شكراً لك .. وأكيد بالنا ارتاح شويه بعد ما قرينا مداخلة عكود


تسلم

[imported_محمد الامين]

اقتباس:
المشاركة الأصلية كتبت بواسطة شبارقة

... حق المناولة ساي ما نلقاهو !

إنت بس إستعجلت شويه .. لكن حقك محفوظ يا حبيب .

شكراً ليك تانى وتالت

[imported_شبارقة]

المشاركة الأصلية كتبت بواسطة محمد الامين

إنت بس إستعجلت شويه .. لكن حقك محفوظ يا حبيب .

شكراً ليك تانى وتالت

ماني مستعجل ولكن بعض المزاح .. الشكر ليكم إنتو ... ومرحب بيكم يا ناس البركل بي جاي وعشمنا كبير فيكم وفي مداد أقلامكم.

[imported_محمد الامين]

سلامات يا عادل عسوم
ومشتاقين كتير

شايفك فتحت موسم التسجيلات بى جاى وداير تخطف مننا مولانا أزهرى ...نحن حنتقدم بإحتجاج شديد اللهجه للجهات المسؤوله لأنو أزهرى ده أساسى عندنا بى هناك وما بنفرط فيهو ...

[imported_الزوول]

المشاركة الأصلية كتبت بواسطة محمد الامين

سلامات يا عادل عسوم
ومشتاقين كتير

شايفك فتحت موسم التسجيلات بى جاى وداير تخطف مننا مولانا أزهرى ...نحن حنتقدم بإحتجاج شديد اللهجه للجهات المسؤوله لأنو أزهرى ده أساسى عندنا بى هناك وما بنفرط فيهو ...

....
إتّا الزول ده آ حُمّداللمين ماشي يكمل ؟؟
مالو
الليكتب بى هِني وبي هنوك
يكون آ ربي القصدو محمد سفلة هِني:


قلب ما همو يقضي ايامو جنب الضامر المحزوق
قلب مشغول بهم اكبر من اشواقو ورضى المعشوق
هم وطنا عشانو نزف دماهو على الارض ماروق
هم انسان قضايا كتار ما قادر عليها يحوق



...

[imported_محمد الامين]

اقتباس:
المشاركة الأصلية كتبت بواسطة الزوول

....
إتّا الزول ده آ حُمّداللمين ماشي يكمل ؟؟
مالو
الليكتب بى هِني وبي هنوك
يكون آ ربي القصدو محمد سفلة هِني:


هم انسان قضايا كتار ما قادر عليها يحوق



...




محمد سفله أسألنى منو أنا ينفخ ساكت و شغال بى نظرية - أعذب الشعر أكذبه - ... لكن مولانا ازهرى بالجد قضايا كُتار ... عشان كدى ما تعوقونا فيهو ..
أسِّع نحن نفتش فى الطريقه النباصر بها عكود عشان يدينا طله بى هناك

تحياتى ....

[imported_عادل عسوم]

المشاركة الأصلية كتبت بواسطة الزوول

....
إتّا الزول ده آ حُمّداللمين ماشي يكمل ؟؟
مالو
الليكتب بى هِني وبي هنوك
يكون آ ربي القصدو محمد سفلة هِني:


قلب ما همو يقضي ايامو جنب الضامر المحزوق
قلب مشغول بهم اكبر من اشواقو ورضى المعشوق
هم وطنا عشانو نزف دماهو على الارض ماروق
هم انسان قضايا كتار ما قادر عليها يحوق



...

الزوول أخوي
حُمّد اللمين دا في الباقيلي ماشي بالمثل القع يقول:
التبيخ ان بقا ماكفّا ناس البيت يحرم علي الجيران
نان لكن آ مُحُمّد أزهري دا (تبيخو) مِي بالحلّة الكبيري يكفي الحلّي كللللها ياحبيب
التحية ليك عزيزي محمدالأمين وللأحباب في البركل بلا فرز
مودتي