منو البرجع لينا حاجاتنا

[imported_رأفت ميلاد]

المشاركة الأصلية كتبت بواسطة منعم ابراهيم
سلامات يارأفت ياصديق.. لك التحية ..

بوست روحو جميلة .. وخطواتو رشيقة ...ههههه...
لكن أظن لو جرجرت الناس للعمق داك بتطلعهم في الملجة

أهو المسخوت عثمان حمد .. دخل الكركجي .. عطّش الجيم
هههههه.

سلامات يا منعم وشوق كبير
ياخ خش لينا بحتة واسعة .. هسة ناس قايلنك جديد .. شفت عثمان حمد أخد حقو بضراعو كيف .. تقول لى دخل الكركجى .. ياخ ده مولود فى بيت النمل

[بابكر مخير]

والله يا روفي بالغتا
إتا بالجد عايز زول يرجع لينا حاجاتنا
يابا.
دآ علآ المولى عز وجل
يغفر لينا هفواتنا
يسامحنا ويتناسا غلطاتنا
يشيل شيطانا الملك ذاتنا
وبعدها
يمكن
إمكن نلقا الرجع لينا حاجتنا
إهي إهي إهي

[imported_رأفت ميلاد]

المشاركة الأصلية كتبت بواسطة بابكر مخير
والله يا روفي بالغتا
إتا بالجد عايز زول يرجع لينا حاجاتنا
يابا.
دآ علآ المولى عز وجل
يغفر لينا هفواتنا
يسامحنا ويتناسا غلطاتنا
يشيل شيطانا الملك ذاتنا
وبعدها
يمكن
إمكن نلقا الرجع لينا حاجتنا
إهي إهي إهي

هسة يا بكور كان أنت بتبكى يعنى فتحى يسوى شنو

[بابكر مخير]

المشاركة الأصلية كتبت بواسطة رأفت ميلاد

هسة يا بكور كان أنت بتبكى يعنى فتحى يسوى شنو

يسمسم
ويسمي، يتحمحم ويتدمدم ويتوكل
ويشتغل ............

[imported_بله محمد الفاضل]

المشاركة الأصلية كتبت بواسطة رأفت ميلاد

يا سلاااام يا بلة .. ياريت تستمر ياخ .. دى صغيرونة ونفسا لسة طويل .. جيب لينا ريحة الحوش المرشوش وطعم طين البحر .. غرّق شديد ياخ

مشيت عليها تاني وتالت
وعصلجت
يا اخي جنس مطبات
خليها علي ربك

بس ما بخليها
بفتش ليها جوها أرضاً أو جوا..
شان خاطرك والله
وخاطرك ما بنوصف ما بنقل


إتو صحي لمبة روحنا وين؟

[imported_بله محمد الفاضل]

المشاركة الأصلية كتبت بواسطة طارق صديق كانديك

المحمر ده هدية من أخوك لقيتو بستعدل البيت بعد اذنك طبعاً

---
جميل يا صديقي الجميل وأجمل أكتر الشطر ده:

يا عمك بتدور لك إذن
إذن إذنك معاك
سوي سواتك
ونحن ما عندنا غير
آمين
هو البتسووهو بنقلب ولا بنغلب

يا اخي ما مشتاقين يا إدارة (ما تحمر لي يا حافظ يا اخي)

[imported_يحي عثمان عيسي]

قسما بالذي رفع السـما
من غير عمـــد وبناها
زين صفحتا للناظرين ضواها
قسما بالذي نصب الجبال
الشم الراسخات ارساها
أوتاد الارض شان ما يميد جنباها
قسما بالذي سوي الارض أدحاها
فجر ينابيع مويتا واخرج حبها ومراعاها

قسما غليظ حاجاتنا ترجع
ودونا قسما ما بنرجع
وما بنعفو وما بنشفع
بس بنصفع
نقطع رؤسا مابية تركع
نبقر كروشا مابية تشبع
قسما حنرجع لابد حنرجع

ياطارق ويا رأفت ويا بله
حقا وراهو المتلكم مابضيع
ويا ود مخير فيصل ود سعد
خال فاطنه والنور يا لنا
حقا وراهو المتلكم مشري وما للبيع
اقيفوا صفوف
حد الشوف
اكسروا الخوف
عشان نرجع وترجع لينا حاجاتنا
عشان نرجع وترجع لينا غنواتنا
عشان نرجع وترجع لينا حجواتنا

قسما حنرجع لابد حنرجع
وترجع كل حاجاتنا

يحي عثمان / مابو 22/2012

[imported_يحي عثمان عيسي]

حاجاتنا النموت في سبيله ما شوية
في الاوال
جمهورية السودان ديمقراطية
وتاني البال مساواه عدل حرية

[imported_bayan]

نخلي هاشم صديق يكتب عنك

(1)
ها قد استرد الساده
الخلفاء والامراء
املاكهم واسلابهم
قصور المدائن حدائق بابل
ايوان كسري وبيت المزارة
ولكن متي يعيدون لبيتك اشياءه
فأنت تباعا لتسكت جوعك
بعت الاثاث بارض الدلاله
وجل الاواني وراديو الاغاني
صور الجدار لعب الصغار
وحتي الاماني بثمن خساره(2)
ها قد استردوا جميعهم اشياءهم
فمتي يعيدون لحمك فوق العظام
بامر النظام وختم الامارة ؟؟
وكيف يعود ابنك طائرا
بعد ان صار اجنبيا
من جليد الاقاصي
لدف الديار بفيزا السفارة ؟؟
وكيف يعود لحلقك
بعد ان صادروه ومزقوه
غناء البشارة ؟؟
وكيف يعود من سنين الهوان
لهذا المكان وتلك الحواري
بامر الطواري غشاء البكارة ؟؟(3)
يخرجون باسمنا سرا
من ظلام الحدود
ويعودون جهرا باسمنا
تحت ضوء المطار
يستردون في كل مرة اشياءهم
فمن يعيد لدولابك بعض الملابس
ومن يعيد لبيتك ضحك الصغار ؟؟
ومن سيفتح منهم باب صدرك
ليشهد هذا الدمار ؟؟
ومن سيعيد ظلك يافعا
في عيون الجدار ؟؟
ومن يملك منهم بعض الشطارة
لينزع من قلب البيوت نصل المرارة ؟؟(4)
جميعهم امطرونا
جوا وبحرا وبرا بحمم الخطابة
كلما جاء منهم نبي
مزق اوراق السالفين وحاكم اياتهم
واعلن في المذياع عصر الغلابة
ثم رويدا رويدا
يخرج الزيف من خبئه
ويسوم الامنيات صفع الحقارة
من جاء منهم
ولم ينافح من اجل امك
وثار عزة
ثم ادار للايتام ظهره
واقام علي الفجر حد الحرابة ؟؟
من منهم لم يبشر بعدل المصاحف
وسنن الرسول وشمس الطهارة
ثم صادر من الشمس زيتها
واسمي الافول ازدواج الادارة(5)
رضعنا الطفولة لبن الكلام
اكلنا الخطابة بعد الفطام
سقتنا الرجولة لهب الصدام
وعند الكهولة عز الادام
وكانوا جميعا ملوكا دعاة
وكانوا جميعا ولاة حواة
يدخلون ويخرجون
يخرجون ويدخلون
(يقولون ما لا يفعلون)
يخاصمون يصالحون
يستردون في كل مرة
اشياءهم وتيجانهم
فمن يعيد لحمك فوق العظام؟؟
ومن يجفف
من ثقب اذنك لغو الكلام ؟؟
ومن يعيد لصدرك بعض الهواء ؟؟
وكيف يعود لجيبك حق الدواء ؟؟
ومن ينفض
عن اسمك رمل الحرابة
وينزع من حلق عمرك شوك الكابة ؟؟
ويقطع من حول عودك حبل الرتابة ؟؟
ومتي تسترد اشياءك
بامر الاله وليس الامارة ؟؟
ومن ينفخ في جسد المقابر روح الجسارة ؟؟(6)
جميعهم يتشابهون مثل التوائم
بغتة يتعاركون مثل الصغور
فجاة يتعانقون مثل الحمائم
يعلنون باسمنا
الحروب علي بعضهم
ثم يتلون باسمنا بيان السلام
تمزقنا بين ادبارهم واقبالهم
واكلنا وشربنا من حصاد الكلام
هل جاء منهم يوما نبي ؟؟
وهل عرف الخليفة ذل الطعام؟؟
كان رمضان شهرا واحدا
ثم صار العام شهرا للصيام
وهم يطيرون ويهبطون
يصرحون ويخطبون
يستعيدون في كل مرة
اشياءهم واحلامهم
فمن يعيد لحلمك طير البشارة ؟؟
ويرفع عن ثوب صمتك اثر القذارة ؟؟
ويغسل عزمك بماء الطهارة ؟؟(7)
هل رايت ؟؟
تنهب الايات من حلق الماذن
توضع الثورات في جب المخازن
وكان اسد الله حمزة
ثم اصبح ابن لادن
تبعث السنن الجميلة
فوق ساحات الفداء
تشرب الغابات من فيض الدماء
وخلف نار الحرب رقص الاغنياء
صاروا شحما من شقاء التعساء
فكوا عهد الله في عكس الهواء
ليس عدلا يا رسول الله ابدا
ان يصير الدين كل الدين في غرر الجباه
وان يصير السوق كعبة والمصارف كربلاء
من لي بافعال الصحابة ؟؟
من لي بسيف مثل ايمان الغلابة ؟؟
من لي بقبس من منارة
يرسل الضوء الي قلب المغارة ؟؟(
عــــــــــــــفـوا
فهذي الارض اضحت
من بيات الحلم جرزا
لم تزل تهفو الي نيل ينافح
منذ هولاكو وكسري تعزف الشمس
علي وتر المذابح
بعد فجر القادسيه
لم يقف نجم علي خشب المسارح
كل زيد جاء ليلا او بصبح
كان مشروخ الملامح
يدخلون ويخرجون
من اليمين وبالاواسط واليسار
يحرقون الوعد
في حمم التناحر والشجار
كل طاؤوس تطاول
كان فحلا في الخطابة
ينحر الافعال جهرا
في التناقض والغرابة
من يصدق يا الهي وانت جاهي
انهم قد خصخصوا الحب الالهي
من لي بفيزا من سفارة
او بعقد تحت وضع اليد او رهن الاشارة(9)
اتبكي وتضحك
وانت تغادر كرسي الوظيفة؟
ياتي الصغار لكرسي الكبار
بامر الوزير وختم الخليفة
كانك تدفع مهر الجدارة
قبض السراب ولسع المرارة
وتجني التزام الايادي النظيفة
واليوم تسال اين الغذاء
وحق الدواء
وتركض لهثا لارض الدلالة
لتسكت جوعك بعت الاثاث
تمهل وانظر
يغني الملوك لكرسي الامامة
وينسوا اقتراب صهيل القيامة
وانت تصلي لرب السماء
وتدعو بصوت شفيف البكاء
وترنو صبورا ليوم الحساب
وطير البشارة(10)
لا زال جل القوم
في شبق التناطح والحرابة
كل طاؤوس تطاول
كان فحلا في الخطابة
كلهم يطأوون احلام الحواري
وكل كسري يدعي طهر الايادي
وكل قيصر يدعي غسل الجنابة
هل رايت
تنهب الايات من حلق الماذن
توضع الثورات في جب المخازن
وكان اسد حمزة ثم ابن لادن
كل التحايا والحب للاستاذ
هاشم صديق (1/3/2000م)[/size]

[محمد حسن الشيخ]

في ليلة الفرح السودانوية - كما قال ناصر يوسف- تلك المشهودة
والناس نشاوى وما هم .. ولكن (زول الله) صادحا
اسر لي الصديق الحميم (النور يوسف)
بأن ميلادا قد (فتح) (بوستا) وان مزاجه يشوبه بعض (العكر)
لا بوستاً يرد الروح ........ ولا طلباً يطمن

وانه (النور) يستغيثني واعالماه
فما كان مني الا ان امتشقت يراعتي (وانبريت):

منو البرجع لينا حاجاتنا
منو بالليل سرق ضو النجم
منك
وآه منك
ولولا الجوه مليان بيك
متل (حاجاتنا) ما بتلقى
وبينا وبين لقاكي نشيد .. عنا وحرقه
تجاه مجرى الوريد سكنك
وبذاك الحنين سجنك
وبكل الغرام مكنك
وبينك والعشم ضحكة
سعيده .. حميمة .. متفائلة
(وحاجاتنا) البترجع للزمان لابد
مزاج للكل
ورشفة من الصنف لونك
يا مرسالنا للافراح
وكت وعد البشارات صاح
وكت نفحة عطيرك فاح
لمه مع الجميع غنوة
ودينك لو سداده يحل
نسافر للمطر نطلب
تمد الغابة لينا فروع
صحاري الفوق تجيب دهبا
حدودك ما رسم بالجير
على خط التماس وقفه
زي حاجاتنا يا جارة الغموض المر
مع ارشيف الكلام الدر
وين يا زوله (حاجاتنا)
وغنواتنا
وشليل ما راح
يا مغسولة بالضو والبكا الفرحان ..
دا ميلادك.

ارجو أفادتنا حين استلامكم (الحاجات).

[imported_رأفت ميلاد]

اقتباس:
المشاركة الأصلية كتبت بواسطة بابكر مخير
يسمسم
ويسمي، يتحمحم ويتدمدم ويتوكل
ويشتغل ............

الأخيرة دى يشتغلا كيف .. دايرة ليها شوية لحم وشحم .. وهو أنبرى أنعدم من اللحمة بقى شخت ساكت

[imported_رأفت ميلاد]

المشاركة الأصلية كتبت بواسطة بله محمد الفاضل
مشيت عليها تاني وتالت
وعصلجت
يا اخي جنس مطبات
خليها علي ربك

بس ما بخليها
بفتش ليها جوها أرضاً أو جوا..
شان خاطرك والله
وخاطرك ما بنوصف ما بنقل


إتو صحي لمبة روحنا وين؟

كدى أتفكك من حبش أشرف وختب بالك معانا .. بتتفكفك معاك لسة راجنك على أقل من مهلك

[imported_رأفت ميلاد]

المشاركة الأصلية كتبت بواسطة يحي عثمان عيسي

قسما بالذي رفع السـما

من غير عمـــد وبناها
زين صفحتا للناظرين ضواها
قسما بالذي نصب الجبال
الشم الراسخات ارساها
أوتاد الارض شان ما يميد جنباها
قسما بالذي سوي الارض أدحاها
فجر ينابيع مويتا واخرج حبها ومراعاها

قسما غليظ حاجاتنا ترجع
ودونا قسما ما بنرجع
وما بنعفو وما بنشفع
بس بنصفع
نقطع رؤسا مابية تركع
نبقر كروشا مابية تشبع
قسما حنرجع لابد حنرجع

ياطارق ويا رأفت ويا بله
حقا وراهو المتلكم مابضيع
ويا ود مخير فيصل ود سعد
خال فاطنه والنور يا لنا
حقا وراهو المتلكم مشري وما للبيع
اقيفوا صفوف
حد الشوف
اكسروا الخوف
عشان نرجع وترجع لينا حاجاتنا
عشان نرجع وترجع لينا غنواتنا
عشان نرجع وترجع لينا حجواتنا

قسما حنرجع لابد حنرجع
وترجع كل حاجاتنا

يحي عثمان / مابو 22/2012

المشاركة الأصلية كتبت بواسطة يحي عثمان عيسي

حاجاتنا النموت في سبيله ما شوية

في الاوال
جمهورية السودان ديمقراطية
وتاني البال مساواه عدل حرية

وإذا الشعب يوماً أراد الحياة يا يحيى .. ياخى قعدوا كتير .. لكن فكرك قادرين يدلدلو كرعينم .. قطعاً لا ولن يستطيعون

[imported_رأفت ميلاد]

سلامات يا دكتورة
الحتة دى بتوجعنى شديد ياخ ..

المشاركة الأصلية كتبت بواسطة bayan
فأنت تباعا لتسكت جوعك
بعت الاثاث بارض الدلاله
وجل الاواني وراديو الاغاني
صور الجدار لعب الصغار
وحتي الاماني بثمن خساره

تعرفى هى الخيانة التى مكنت هؤلاء القتلة .. وليس قوة السلاح .. سلاحهم الذى بسطوا سيادتهم به .. هو الخيانة بين الراجين فى الضلله .. وبث العنصرية وتمزيق الوطن .. أما أصحاب الوجعة لم يتبقى لهم سيئ غير الدلالة .. ويظلون أفضل حالاً من الذين باعوا الشرف والضمير

[imported_رأفت ميلاد]

المشاركة الأصلية كتبت بواسطة محمد حسن الشيخ العالم

في ليلة الفرح السودانوية - كما قال ناصر يوسف- تلك المشهودة

والناس نشاوى وما هم .. ولكن (زول الله) صادحا
اسر لي الصديق الحميم (النور يوسف)
بأن ميلادا قد (فتح) (بوستا) وان مزاجه يشوبه بعض (العكر)
لا بوستاً يرد الروح ........ ولا طلباً يطمن

وانه (النور) يستغيثني واعالماه
فما كان مني الا ان امتشقت يراعتي (وانبريت):

منو البرجع لينا حاجاتنا
منو بالليل سرق ضو النجم
منك
وآه منك
ولولا الجوه مليان بيك
متل (حاجاتنا) ما بتلقى
وبينا وبين لقاكي نشيد .. عنا وحرقه
تجاه مجرى الوريد سكنك
وبذاك الحنين سجنك
وبكل الغرام مكنك
وبينك والعشم ضحكة
سعيده .. حميمة .. متفائلة
(وحاجاتنا) البترجع للزمان لابد
مزاج للكل
ورشفة من الصنف لونك
يا مرسالنا للافراح
وكت وعد البشارات صاح
وكت نفحة عطيرك فاح
لمه مع الجميع غنوة
ودينك لو سداده يحل
نسافر للمطر نطلب
تمد الغابة لينا فروع
صحاري الفوق تجيب دهبا
حدودك ما رسم بالجير
على خط التماس وقفه
زي حاجاتنا يا جارة الغموض المر
مع ارشيف الكلام الدر
وين يا زوله (حاجاتنا)
وغنواتنا
وشليل ما راح
يا مغسولة بالضو والبكا الفرحان ..
دا ميلادك.

ارجو أفادتنا حين استلامكم (الحاجات).

يااااااه .. ختيت لى فى قلبى شتلة خضراء .. شعور زى الشبع كده .. حاجة كدة زى اليقين ..

تعرف يا شيخ العالم كل الشعر ليهو طعم لى طعم .. لكن كلامك ده زادى وأشهى أنواعو .. برداً وسلاماً .. كل بيت معنى كامل وإحساس عارم ..

بالمناسبة ما قريتو الليلة بس .. كنت مصبنو وبقراه كل لحظة .. و .. يا عااااااااالما