اقتباس:
المشاركة الأصلية كتبت بواسطة بابكر عباس
"لا صوت يعلو فوق صوت الثورة
|
وكمان، لو ناس "أون لاين" المعانا هنا، تكرّموا بالمرّة، وجابوا لينا اللافتة بتاعت مقاطعة البوستات ديك، يكونوا ما قصّروا.
ما عارف غايتو، لكن محاولة "تثوير" الأسافير أجمعين، غصباً عن كيبوردات الأعضاء، بتذكرني بي حشْد "الجماهير"- ولا كتّر خيرها - لمّن يكون الرئيس أو أي مسئول عندو خطاب
؛ ياخ مرّة قوات الشرطة غيّرت مسار مركبات المواصلات وخلوها كلها تتوجّه لساحة الشُّهدا عشان يكبّروا الكوم والناس يهتفوا ويهللوا للرئيس.
هسّه، الجيلي، وكثيرون غيره، دايرين بصّات الكلاكلة والحاج يوسف الردميّة و..و.. تركب خط الثورة، عشان دا، خطّهم!
خلوا الناس تكتِب، وخلونا نستفيد يا جيلي.. وعلي ضمانتي: الثورة ما بتجيها عوجة من فاصلة بابكر عباس المنقوطة.
