اقتباس:
المشاركة الأصلية كتبت بواسطة الجيلى أحمد
هوى ها,
بطلى اللخبتة بتاعتك دى ,
كنا مرتاحين منك , هسه الرجعك شنو تانى ,
يااخى الواحد منكم وانت بالذات لمن يحرد , يحرد حردة جامدة (من سنتين ولى فوق) 
_______________-
المفردات الجرئية دى الا يستجدثوها الذكور (أو كما تقول الدكتورة فاطمة بابكر العقلية الرجولية) ,
فلتستحدث المرأة مفرداتها...
لماذا تكبل الانثى الأنثى, بدعاوى ان هذا أو ذاك حديث لايحق لأنثى أن تتفوه به ؟
يااخى تكبيل الامراة للمرأة دا معضلة عويصة |
سلامات ياجميل وكيفنك
ههههههههههه ضحكتنى حكاية تكبل الانثى الانثى دى.انا بتكلم عن واقع مش عن
شى افتراضى..واقعنا شى وما نريده شى اخر..او على الاقل حتى كتابة هذه السطور.
فى مفردات استعمالها لا اقول مقصورا على ولكنها تشبههم اقصد الرجال وفى مفردات
تقدر تقول عليها نسوانية بحتة..واستعمال الرجال لها يعتبره الكثيرون حتى وقت قريب
قبل ما يجوا الديمقراطيين الجدد كان استعمال الرجال لها يعتبرمنقصة او نسونة
لو الان قمت كتبت بوست وعنوانه ( يا الله لي) الله للجميع رجال ونساء ومن حق
اى منهم ان يقول الله ليهو لكن المفردة جرى العرف ان تقولها النساء وفى بعض
مواطن الضعف والوجع .لما راجل يستعملها ليس عيبا فى الكلمة ولا الرجل ولكنه
فى فهم الناس السائد او فى فى واقع الحال.وقع ليك كلامى؟؟؟
بعدين من وصف كتابات ام التيمان بالجريئة وان فكرتها لم يسبقها عليها انثى
هو الرجل يا سيدى الفاضل يعنى بدأتم به ونحن مقلدوهو
الرجال للما يقعدوا فى كتشينة ولا فى قعدة كاس ويتشاكلوا عندهم الفاظ النسوان
ما بقولوها والنسوان لما يقعدن فى جبنة ولا قطيعة ساكت عندهن الفاظ الرجال ما بقولوها
يعنى المسالة لو قمت بتفكيكها كما تفعل سعادتكم تجدها مستوفية الفكفكة
وفكرة كاملة الدسم يا صاحبى.
بس فى مفردات جنس ثالت(لا اقصد المعنى المفهوم عن الجنس التالت اقصد بس
غير المثالين السابقين) اها دى اجارك الله شينة كان عند المراة ولا عند الراجل
خاصة لو جاءت فى غير موضعها.
