الإدارة تسأل ونحن نجيب

[imported_الجيلى أحمد]

المشاركة الأصلية كتبت بواسطة رأفت ميلاد

يا الجيلى العقوبة أساسها الأعلان .. لكى لا تكون محور تكهنات ومغالطات ..

تحياتى عم رأفت,
ماشايف اختلاف فى ملخصك الفوق دا مع الفكرة البنحاول نصل ليها فى انو تكون العقوبة معلومة ومفصح عنها للأعضاء , ربما أكثر الخلاف حول كيف يتم ذلك!
- اعلان العقوبة, وايضاح البند الذى تم تجاوزه فى اللائحة امر ضرورى , وهو شئ يجب تضمينه فى اللوائح الداخلية المعتنية بعمل الادارة والجانب التنفيذى ..
يعنى ياعم رأفت أنا شايف أسلم انو حاجة ذى دى الناس تخت ليها بند واضح فى اللائحة..
فشكرآ لشليل وليك ..
من المهم ان لانطوى هذا الحديث وهذه المقترحات,
فلائحة هذا المكان وبعض البنود ليست بشئ أصم , بل مادة قابلة للتغيير حالما توافقنا باجماع على ذلك

[imported_الجيلى أحمد]

هل تم توقيف أم التيمان بشكوى ؟
هل تم حذف بوستى بدر الدين بشكوى ؟

شوية براح لن يضر ياعم رأفت,
الانتداء لايتم بالقوانين الجافة واللوائح فقط , هنالك مساحة واجبة حين يتعلق الأمر بتقاطع أمزجة البشر والآراء فى حيز واحد..هذا أمر يصعب تطويعه بالقوانين (الرف)
والعقوبات الحاسمة , شوية فليكسبيلتى لن تضير ,.. تحديد مقدار المرونة يستدعى بالضرورة وجود من يصدر الامر وقوانين تحمى هذا القرار يتوافق عليها الناس, وهذا مايحدث فى شان تطبيق اللائحة ,
لن تطالب الأمين العام الذى يجتهد ليبت ويجزم فى قضايا ساخنة تتعلق بالأعضاء _لن تطالبه_ كى ينظر الامور من وجهة نظرك , فمثلك يرتجى ذلك, وآخر يرتجى أكثر ..
ولكنك تطالبه بالحد الاعلى من الديمقراطية , وهذا مايحدث فى خطاب شليل وعم رأفت (المطالبة بالحد الأعلى من الديمقراطية)

[imported_فتحي مسعد حنفي]

المشاركة الأصلية كتبت بواسطة الجيلى أحمد

تحياتى عم رأفت,
ماشايف اختلاف فى ملخصك الفوق دا مع الفكرة البنحاول نصل ليها فى انو تكون العقوبة معلومة ومفصح عنها للأعضاء , ربما أكثر الخلاف حول كيف يتم ذلك!
- اعلان العقوبة, وايضاح البند الذى تم تجاوزه فى اللائحة امر ضرورى , وهو شئ يجب تضمينه فى اللوائح الداخلية المعتنية بعمل الادارة والجانب التنفيذى ..
يعنى ياعم رأفت أنا شايف أسلم انو حاجة ذى دى الناس تخت ليها بند واضح فى اللائحة..
فشكرآ لشليل وليك ..
من المهم ان لانطوى هذا الحديث وهذه المقترحات,
فلائحة هذا المكان وبعض البنود ليست بشئ أصم , بل مادة قابلة للتغيير حالما توافقنا باجماع على ذلك

يالجيلي في قاعدة بتستعمل في المحاكم عند اصدار حكم ودي حاجة ممكن تسألو عنها طارق كانديك أو كيشو..
بعد اصدار أي حكم بتكون في حاجة اسمها حيثيات الحكم وفي الحيثيات دي بيتم شرح الأسباب التي أدت الي الحكم سواء كان براءة أو ادانة..المحامي دايما بيستني الحيثيات عشان يقرر الرد علي المحكمة في الاستئناف نقطة نقطة أو القبول بالحكم..
الادارة لما تعلن عن الحيثيات بتخلي الناس ما يقعوا في نفس الخطأ والحاجة الأهم عندنا هنا منتدي الأعضاء لو ما عايزين ننشر غسيلنا في البلكونة..
أتمني أن يكون قرار ايقاف أم التيمان قد صدر حماية ليها موش ادانة بسبب تكالب الناس عليها حتي وصل للضرب تحت الحزام أو السرة كما يحلو للبعض..
يارأفت انت بتقول دا ما بوست موجه للادارة وأنا بوجه كلامي للادارة:: ارفعوا أيديكم عن حرية التعبير وعندكم مشرفين من حقهم حزف أو تغيير كلمة أو أكثر في أي مداخلة وليس الحزف متبوعا بالايقاف..

[imported_سارة]

الجيلى (المرة دى لا جميل ولا حتى قولة سلام) فترت من اللبط
والسلبطة
اتفق معك للطيش انه اسافيرنا هى واقعنا المؤلم بكل سلبياته وايجابياته
يعنى السودانى امراة كان ام رجل على الاقل حتى كتابةهذه السطور
لم يتغير نمط حياته وواقعه رغم تقدم كل الدنيا .بمعنى..نتكلم عن الديمقراطية
ونطالب بها ولكن لم تجينا فى رقبتنا اول من يرفض الديمقراطية ويتنكر لها
هم من يطالبون بها.نتحدث عن التحاور وقبول الاخر واول مايحدث ما لا يطابق
هوانا نحاربه ونقاتل لاقصائه يبقى انحنا ما مختلفين .يعنى مثلا اقول مثلا
انصار كتابات ام التيمان يتحملوا اعداء او مناهضى كتاباتها الى ان ينصلح
واقعنا العام وتبقى بعض المفردات المستعملة فى لغة ام التيمان عادية جدا
بل ومقبولة ولها من يصفق لها وحتى ذلك الوقت ستكون هناك حرب بدأها
اجدادنا القدماء لم تنتهى ولا اتوقع ليها نهاية حتى اشعار اخر
ياخ انحنا شعب عليك امان الله والرسول يوم قلنا اتقدمنا واتثقفنا وبدينا فى محاربة
العادات الضارةوالسيئة كالختان مثلا يا زول ظهرت حاجات حاميانى
وهنا سكت شهرزاد عن الكلام المباح...
اللهم لا تمحننا لا تبلينا.

ملحوظة لرأفت انا بالمناسبة لسة محارباك ما صالحتك عشان ما تجى
تتكلم معاى انا بس دخلت المنتدى بسبب زعلة
يعنى حقى منك ما بخليهو ليك كلو كلو

[imported_سارة]

يا عم فتحى سلام وعيدك مبارك
قبال ما تطالب الادارة برفع يدها عن الحذف والقص بالله عليك
ارفع كراعك من البنزين (ترى انت كترتها)
ام التيمان الاتكالب عليها منو؟؟؟ والجاب سيرة السرة او تحت السرة
اظنه وحسب متابعتى ام التيمان ما غيرها..
وبوست بدرالدين لا يحتاج الى شكوى لانه بدرالدين اتجاوز فيهو
حتى الشتائم المباحة (رغم تحفظى على الاباحة دى بس مضطرة)
بدرالدين سبحان الله شتيمته وصلت حتى الميتين وما اعضاء معانا
رغم اعترافى بحقه فى رد الشتيمة ولكن بالنسبة لرجل مسلم متدين
قبل ان يسب الناس فى عقيدتهم المفروض يطبق عقيدته هو فى نفسه
يعنى لما يجى بدرالدين يقول فلان كافر ونجس ولا يتعدى سب العضو المخالفه
يمشى لابوه اظن البوست يتسوجب الحذف ولو عندى سلطة بدرالدين يجب ان
يوقف وفورا لتعديه الصارخ فى نظرى.

[معتصم الطاهر]

يا جماعة الموضوع حتى داخلنا فيهو أسئلة

يعنى لو الادارة ما أعلنت تخلينا نخاطب و نلوم فى زول ما قادر يرد و يجي زول يقول ليك لو الزول دا ما بقدر يرد عليك لأنو محجوب ..( حصل معاى لما عاتبت الجيلى)..

ولو أعلنت .. يقومو الناس يسألوا و الشمار يكتر زى خكاية التلاتة ..

طيب لو المقصود بايقاف ام التيمان فى مفرداتها .. فدا ما حصل
هي تجاوزت أمر تانى بسب عضوة ..

بوست بدر الدين ما قريت وين وقف لكن عندى فيهو مداخلات ما تميتها ..

يعنى الادارة ما أوقفت الناس عشان كتابتهم .. عشان سبهم الناس..

طيب

اتفق مع شليل و كذا الجيلى

ينشر فى ( الخاص) .. تم ايقاف ( س) لمخالفته البند (ص) ..
و يكون البوست مقفول ..

[imported_رأفت ميلاد]

المشاركة الأصلية كتبت بواسطة سارة
اتفق معك للطيش انه اسافيرنا هى واقعنا المؤلم بكل سلبياته وايجابياته
يعنى السودانى امراة كان ام رجل على الاقل حتى كتابةهذه السطور
لم يتغير نمط حياته وواقعه رغم تقدم كل الدنيا

يا سارة تجربتنا فى هذا المنتدى فريدة .. ولا يمكن جمله فى (أسىفيرنا) .. هذا عرض سلبى ولا يمكن جمله على الكل ..

المشاركة الأصلية كتبت بواسطة سارة
.بمعنى..نتكلم عن الديمقراطيةونطالب بها ولكن لم تجينا فى رقبتنا اول من يرفض الديمقراطية ويتنكر لها هم من يطالبون بها.نتحدث عن التحاور وقبول الاخر واول مايحدث ما لا يطابق هوانا نحاربه ونقاتل لاقصائه يبقى انحنا ما مختلفين .يعنى مثلا اقول مثلا

مفهوم الديمقراطية يطول شرحه والخوض فيه .. ولا يمكن أن ينحصر فى رأيك ورأيى .. ومثال عدم قبول الآخر موقفك أنتى من أم التيمان وأى فكر لا يكون على هواك .. وليس موقفى أنا (مثلاً) من مغتصبى الوطن .

المشاركة الأصلية كتبت بواسطة سارة
انصار كتابات ام التيمان يتحملوا اعداء او مناهضى كتاباتها الى ان ينصلح
واقعنا العام وتبقى بعض المفردات المستعملة فى لغة ام التيمان عادية جدا
بل ومقبولة ولها من يصفق لها وحتى ذلك الوقت ستكون هناك حرب بدأها
اجدادنا القدماء لم تنتهى ولا اتوقع ليها نهاية حتى اشعار اخر

لا يوجد أنسان فى وضع (تحمل) .. أختلاف الآراء ليس معركة .. فالذين يخلقون معركة ويتبنوا زاوية الحق هم المتعديين ..

المشاركة الأصلية كتبت بواسطة سارة
ياخ انحنا شعب عليك امان الله والرسول يوم قلنا اتقدمنا واتثقفنا وبدينا فى محاربة
العادات الضارةوالسيئة كالختان مثلا يا زول ظهرت حاجات حاميانى
وهنا سكت شهرزاد عن الكلام المباح...
اللهم لا تمحننا لا تبلينا.

السكات حكمة برضو .. يحمى صاحبه من الوقوع فى الأخطاء

المشاركة الأصلية كتبت بواسطة سارة
ملحوظة لرأفت انا بالمناسبة لسة محارباك ما صالحتك عشان ما تجى
تتكلم معاى انا بس دخلت المنتدى بسبب زعلة
يعنى حقى منك ما بخليهو ليك كلو كلو

حقك محفوظ .. وإذا الزعل بركعك مرحبابو

اقتباس:
المشاركة الأصلية كتبت بواسطة سارة
يا عم فتحى سلام وعيدك مبارك
قبال ما تطالب الادارة برفع يدها عن الحذف والقص بالله عليك
ارفع كراعك من البنزين (ترى انت كترتها)
ام التيمان الاتكالب عليها منو؟؟؟ والجاب سيرة السرة او تحت السرة
اظنه وحسب متابعتى ام التيمان ما غيرها..

أم أتفتح كذا بوست مفترع يهزئ فيها .. غير المداخلات الإسفزازية فى البوست الأصلى .. ولم تخلو مداخلاتك السابق من ذلك .. هو التكالب ده شنو

المشاركة الأصلية كتبت بواسطة سارة
وبوست بدرالدين لا يحتاج الى شكوى لانه بدرالدين اتجاوز فيهو
حتى الشتائم المباحة (رغم تحفظى على الاباحة دى بس مضطرة)
بدرالدين سبحان الله شتيمته وصلت حتى الميتين وما اعضاء معانا
رغم اعترافى بحقه فى رد الشتيمة ولكن بالنسبة لرجل مسلم متدين
قبل ان يسب الناس فى عقيدتهم المفروض يطبق عقيدته هو فى نفسه
يعنى لما يجى بدرالدين يقول فلان كافر ونجس ولا يتعدى سب العضو المخالفه
يمشى لابوه اظن البوست يتسوجب الحذف ولو عندى سلطة بدرالدين يجب ان
يوقف وفورا لتعديه الصارخ فى نظرى.

حزف بوست بدر الدين يا سارة أكبر خدمة أُسدت إليه .. ظهر على حقيقتو موثقة .. وأكد الصفة الحقيقية للكوز ..
أنا ما بهمنى شتيمة من شخص زيو .. لأن الشتيمة تحرق من زول تكن له الأحترام ..

كنت داير أسوقو وأخليه يقلع كل الأقنعة وده المطلوب .. لو فى زول إضرر من حذف البوست ده هو (أنا) .. ولو كنت أعلم لوثقته

[imported_فتحي مسعد حنفي]

المشاركة الأصلية كتبت بواسطة سارة

يا عم فتحى سلام وعيدك مبارك
قبال ما تطالب الادارة برفع يدها عن الحذف والقص بالله عليك
ارفع كراعك من البنزين (ترى انت كترتها)
ام التيمان الاتكالب عليها منو؟؟؟ والجاب سيرة السرة او تحت السرة
اظنه وحسب متابعتى ام التيمان ما غيرها..
وبوست بدرالدين لا يحتاج الى شكوى لانه بدرالدين اتجاوز فيهو
حتى الشتائم المباحة (رغم تحفظى على الاباحة دى بس مضطرة)
بدرالدين سبحان الله شتيمته وصلت حتى الميتين وما اعضاء معانا
رغم اعترافى بحقه فى رد الشتيمة ولكن بالنسبة لرجل مسلم متدين
قبل ان يسب الناس فى عقيدتهم المفروض يطبق عقيدته هو فى نفسه
يعنى لما يجى بدرالدين يقول فلان كافر ونجس ولا يتعدى سب العضو المخالفه
يمشى لابوه اظن البوست يتسوجب الحذف ولو عندى سلطة بدرالدين يجب ان
يوقف وفورا لتعديه الصارخ فى نظرى.

كلامك ولو انو ما متفق مع كلامي لكن كيفني وانتي فعلا انسانة حقانية بتقولي الليك والعليك..

[imported_رأفت ميلاد]

المشاركة الأصلية كتبت بواسطة معتصم الطاهر
اتفق مع شليل و كذا الجيلى

ينشر فى ( الخاص) .. تم ايقاف ( س) لمخالفته البند (ص) ..
و يكون البوست مقفول ..

ويكووووون مقفول .. دا الكلام الصحيح .. حذف البوست لمصلحة الأنسان المخطئ ..

زمان النور حاول معانا أن يوقف حق التعديل .. ويتحمل كل أنسان ما كتبت يداه .. كنت أول المعارضين خايف على أخطائى الأملائية واللغوية .. هسة لقيت نفسى مغفل .. ولا أقرأ فى العمق (دى بدل سطحى)

[imported_رئيس مجلس إدارة سودانيات]

الأخ رأفت ميلاد وضيوفك

السلام عليكم ورحمة الله وبركاته


فيما يتعلق بموضوع أم التيمان :

تساءل رأفت ميلاد عن : هل هناك شكوى بموجبها تمّ ايقاف العضوة أم التيمان ، أرفق اليكم نصوص اللائحة التي عالجت هذا الأمر بتفصيل جيّد جداً؛ إذ تنص في فقرتها رقم (6/1) على ضرورة الشكوى من المضرور حين قالت:

1-6 - تعدّيه بجارح الألفاظ أو الإستخفاف بموضوع مدرج أو كاتبه سواءً أكان ذلك عن طريق النشر بالموقع أو بإستخدام وسيلة الرسائل الخاصة التابعة للموقع شريطة تقديم العضو المتضرر لشكوى.

ثم فتحت اللائحة الباب واسعاً للأمانة العامة للحفاظ على خصوصيات الأعضاء وعدم التعدي عليهم بالسب والاهانة والتحدث عن أمور شخصية مسئية دون الحاجة الى شكوى وجاء النص كما يلي :

1-8 - إذا تعدّي على أيّ ٍ من الأعضاء بالسب أو الإهانة أو التهديد أو محاولته إشانة سمعة عضو من الأعضاء أو نقل معلومات شخصية مسيئة عنه حتى إذا كانت صحيحة.

إن مداخلة أم التيمان التي تم ايقافها بسببها هي نموذج لنص الفقرة أعلاه.

قليلا من حسن الظن بمن يقومون بهذا العمل لا يضير فليس في مصرورنا تربصاً بأحد ونعتقد أننا نقف على مسافة واحدة من الجميع .

فيما يتعلق ببوست العضو بدرالدين اسحق ، لم يتم حذف البوست ، الذي تمّ هو إحالة البوست الى منبر الأمانة العامة ليقرر فيه الأمين العام ، وأكتفي بايراد مداخلة رئيس مجلس الادارة في البوست المعني :

السلام عليكم ورحمة الله


ينص ميثاق سودانيات على حقوق العضوية التي منها :

ثم يمضي الميثاق وفي باب واجبات العضو يقول :

كما تنص لائحة سودانيات على :

باستصحاب كل تلك النصوص أجد في مداخلات العضو بدر الدين اسحق تجاوزاً كبيراً لنصوص الميثاق واللائحة، وتعدياً لم يسلم منه والد محاوره العضو رأفت ميلاد ولما كان الأمين العام غير موجود حاليا سأقوم بإحالة هذا البوست مؤقتاً الى منبر الامانة العامة لينظر فيه، وذلك وفقاً لنص اللائحة ادناه:

وشكراً

طارق صديق كانديك

حول ضرورة نشر حيثيات العقوبة ، دار نقاش مستفيض في مجلس الإدارة في إجتماعه رقم 3 بتاريخ 5/3/2011 وقرر عدم نشر اية حيثيات للعقوبات التي تقع بحق الاعضاء والاكتفاء باظهار أن العضو موقوف على ملفه الشخصي ، ولعل في ذلك حكمة كبيرة وكان هذا القرار مفيداً جداً في أكثر من حالة يمثل فيها نشر الحيثيات كارثة حقيقية ، وان كانت قواعد العدالة العامة تذهب الى نشر الحيثيات في أي عقوبة اذ يقع الفعل المجرّم في العادة علناً وعلى رؤوس الأشهاد.

نأمل أن يتضمن التعديل المرتقب للائحة نصاً يقارب بين كل ذلك بحيث تحتفظ الادارة بحق حماية الأعضاء وتسهم في ذات الوقت في مبدأ نشر العقوبة لتحقيق الفائدة العامة.

ولكم جميعاً شكري وتقديري

طارق صديق كانديك

[معتصم الطاهر]

يا سيدنا

نأمل أن يتضمن التعديل المرتقب للائحة نصاً يقارب بين كل ذلك بحيث تحتفظ الادارة بحق حماية الأعضاء وتسهم

سنتين منتظرين التعديلات المرتقبة ..

[imported_سارة]

رأفت سلام

انا قلت فى ردى على الجيلى انه دا واقعنا يعنى مهما كانت مساحة الديمقراطية
والتجربة الفريدة فى سودانيات ..فسودانيات يا رافت اعضاءها هم نحن من الشعب
السودانى الفضل على قول فتحى الضو الله يطراهو بالخير. يعنى واقعنا شىء
والصحيح المفروض شى اخر.ام التيمان لم يتكالب عليها احد وياها دى طريقتنا
فى الحواروالبحصل للاخ ماجد تاج اشد الما مما حصل لام التيمان.ياخ دا الناس
بقت قاعدة ليهو فى حلقه وتقول لى تكالب؟؟؟.
شىء تانى مهم فى بوستات ام التيمان انا شخصيا سارة انت عارفنى وام التيمان
عارفانى وراى لم انكره ولم اتنصل عنه بخصوص ام التيمان لست فى موضع
الناقد ولا املك ادوات لتقيم كتابات ام التيمان ولكن رايى الشخصى انها كتابات
فقط للونسة وطق الحنك الحسنة الوحيدة البستفيدها من كتابات ام التيمان بعض مداخلات
الاعضاء تكون فى شكل كبسولات دوائية مفيدة جدا وهذا هو الحوار.
يعنى من حقى اقول رايى فى الكتابات ومن حقى انكرها ومن حقى اقول عنها ما لم
يقله مالك فى الخمر واتمنى ان يعتبر هذا مدخلا لحوار وليست تهمة تلاحقنى فى المنتدى
بانى متكالبة على ام التيمان او تصنيفى على انى فريق معارض .
انا عضو فى سودانيات وانا هنا لاقول وجهة نظرى فى كل ما يكتب..صاح ولا انا
غلطــــــــــــــــــــــــــــــانة

هسى الزول كان مرتاح يتفرج جايبنى لورم الفشافيش دا ليه
كل من رافت و كانديك ..نبراس .ماريل .اسامة وخالد الصائغ ما عافية ليكم كلكم

[imported_همس الشوق]

شي ملاحظ

كل ما يتم إيقاف عضو

بتكون في بوستات بتألب في الادارة

وتشكك في قرارتها


الموضوع دا ...
إما الناس تغير الإدارة
أو تتغير اللوائح

[imported_زول الله]

المشاركة الأصلية كتبت بواسطة رأفت ميلاد

وغالباً المقصود العكس ..

التعتم على قرارات الأدارة يربك الأعضاء .. أى قرار إدارى يهم الجميع .. لا نسأل عن الحيثيات والمناقشة والقرار .. نريد نص القرار النهائى .. وهو حق (الأعلان) فى كل الأحوال ..

رئيس مجلس الإدارة قانونى .. الأمين العام قانونى أيضاً .. الأجابة على أسألتنا لن تكون معضلة بالنسبة لهم ..

لماذا تم توقيف أم التيمان ؟

ليس أحتجاج ولكننا نحتاج الى تنوير ..



هذا البوست ليس موجهاً للإدارة .. بل للنقاش العام .. أريد أن أتعرف على المنطق لتوقيف أم التيمان

المشاركة الأصلية كتبت بواسطة رأفت ميلاد

هذا البوست ليس موجهاً للإدارة .. هو فى (الخاص) لمناقشة أشياء تخصنا .. الإدارة المنتخبة تصير لساننا ووجهة نظرنا بالأجماع .. إذا تناولنا الموضوع بهذه الروح بدون حساسيات أو مكائد .. سنصل بدون شك لنتائج إجابية

المشاركة الأصلية كتبت بواسطة رئيس مجلس إدارة سودانيات

الأخ رأفت ميلاد وضيوفك

السلام عليكم ورحمة الله وبركاته


فيما يتعلق بموضوع أم التيمان :

تساءل رأفت ميلاد عن : هل هناك شكوى بموجبها تمّ ايقاف العضوة أم التيمان ، أرفق اليكم نصوص اللائحة التي عالجت هذا الأمر بتفصيل جيّد جداً؛ إذ تنص في فقرتها رقم (6/1) على ضرورة الشكوى من المضرور حين قالت:



ثم فتحت اللائحة الباب واسعاً للأمانة العامة للحفاظ على خصوصيات الأعضاء وعدم التعدي عليهم بالسب والاهانة والتحدث عن أمور شخصية مسئية دون الحاجة الى شكوى وجاء النص كما يلي :



إن مداخلة أم التيمان التي تم ايقافها بسببها هي نموذج لنص الفقرة أعلاه.

قليلا من حسن الظن بمن يقومون بهذا العمل لا يضير فليس في مصرورنا تربصاً بأحد ونعتقد أننا نقف على مسافة واحدة من الجميع .

فيما يتعلق ببوست العضو بدرالدين اسحق ، لم يتم حذف البوست ، الذي تمّ هو إحالة البوست الى منبر الأمانة العامة ليقرر فيه الأمين العام ، وأكتفي بايراد مداخلة رئيس مجلس الادارة في البوست المعني :




حول ضرورة نشر حيثيات العقوبة ، دار نقاش مستفيض في مجلس الإدارة في إجتماعه رقم 3 بتاريخ 5/3/2011 وقرر عدم نشر اية حيثيات للعقوبات التي تقع بحق الاعضاء والاكتفاء باظهار أن العضو موقوف على ملفه الشخصي ، ولعل في ذلك حكمة كبيرة وكان هذا القرار مفيداً جداً في أكثر من حالة يمثل فيها نشر الحيثيات كارثة حقيقية ، وان كانت قواعد العدالة العامة تذهب الى نشر الحيثيات في أي عقوبة اذ يقع الفعل المجرّم في العادة علناً وعلى رؤوس الأشهاد.

نأمل أن يتضمن التعديل المرتقب للائحة نصاً يقارب بين كل ذلك بحيث تحتفظ الادارة بحق حماية الأعضاء وتسهم في ذات الوقت في مبدأ نشر العقوبة لتحقيق الفائدة العامة.

ولكم جميعاً شكري وتقديري

طارق صديق كانديك

قلت لي ماموجه للإدارة؟؟
عشان لو موجه للإدارة حتتوقف صاح؟؟
حافظ كويس
طلعنا نحن المامذاكرين

والادارة ماقصرت في الشرح/الرد




اقول قولي هذا واستغفر الله لي.............

[imported_فتحي مسعد حنفي]

المشاركة الأصلية كتبت بواسطة زول الله

قلت لي ماموجه للإدارة؟؟
عشان لو موجه للإدارة حتتوقف صاح؟؟
حافظ كويس
طلعنا نحن المامذاكرين

والادارة ماقصرت في الشرح/الرد

اقول قولي هذا واستغفر الله لي.............

ياخ قوم لفهسة في ظمتك دا الكلام الجواك النفسك تقولوا ولا ياها الكحة ولا صمة الخشمبطل أمور الغنايين دي ولا أكلم ليك قريبك صاحبي حسن فرح