اقتباس:
المشاركة الأصلية كتبت بواسطة الطيب موسى الطيب
كل سنة وانت طيبين وعيد سعيد.....
تتاقطر قطرات ندى الخريف.....
وتتعبق باريج المودة وعودة غريب....
تتشافى فيه الاجسام والارواح.....
وتتسامى النفوس فوق الجراح.....
تحيات عطرات لكل اسيوطي....
خارج الوطن وداخله.......
قضيت اجازة ممتعة بين الاهل ..
فاضت فيها روحي وفاض جيبي..
وعدت مكسور الجناح.....
فكم في الوطن من جراح ....
كل ما تندمل جراح تنفتق جراح....
كل الاسى فيمن يفتق الجراح على الجراح..
كان رمضان ممطرا في اغلبه ....
جوه لطيف بدده غلاء الاسعار للسلع....
اطفال في العاشرة يأكلون من القمامة....
وبمثل ما إمتلأت المساجد بالمصلين ....
إمتلأت بالشحاذين من كل الاعمار...
فيهم من يشكو المرض والجوع....
وفيهم من يطلب رسوم الجامعة ....
تتداخل الاصوات منهم حتى لا تستطيع
ان تسمع نداءاتهم ....
لقد ألمني الموقف فلم ارى مثله من قبل ....
وفي الجانب الاخر من الكوب......
عربات فارهة وابنية عالية ....
واكل من ارقى المطاعم والمحلات المشهورة ....
واكثر ما يؤرق الانسان بلد حدادي مدادي......
فيه ثروة حيوانية عشرات الملايين وكيلو اللحم ....
الضأن 50 ج بالجديد.......
وبلد زراعي وكيلو الطماطم ب 25 ج .....
وكيلو البطاطس ب 7 ج والاسود ب 10 ج
وكيلة الذرة قوت الفقراء ب 40 ج.....
شيء مؤسف وخلل كبير ....
على من نرمي اللوم على الساسة ....
أم على المواطن .....
واخر الكلام ما لم يتدارك الساسة الوضع ..
سيكون الوضع كارثيا ...
وعليهم قبل فوات الأوان ان يخلعوا من رواتبهم ومخصصاتهم ....
من اجل لقمة تسد رمق المحتاجين .....
وللحديث بقية ......
سلامات يا الطيب موسي كل سنه وانت طيب والاسرة وحمدأ لله علي سلامة العوده الي حيث تقيم ظافراً بنفسك من هلاك متعدد الأسباب
ممكن يجيك ضغط من سائقي المركبات والفوضي في القيادة ( قريب لي فقد نسيبه القادم من السعودية 2 ايام رمضان وجرح زوجته و3 اطفاله في حادث حركة باحدي تقاطعات الحاج يوسف)
ولا ممكن يجيك سكري لاستهلاك معظم الاسر للسكر وبزياده مفرطة في المشروبات الرمضانية برغم الغلاء
ما عاوز استرسل لكن الخرطوم أغلي مكان وعاصمة في العالم واليك مقارنات محدودة
إذا استاجرت سيارة خاصة لك فهي عندنا تتراوح ما بين 25 الي 35 دولار في اليوم وفي اوقات اخري كما فعل صديقي المدرس معي بالمدينة 20 دولار لليوم ما حا أحسب ليك فرق الدولار الكندي من الامريكي لانه الفرق هامش 1 سنت وكسر من السنت وبضرب قيمة الدولار بالسوداني الان 25*5.7 = 142.5 سوداني هو نفس سعر إجار السيارة في السودان لو ما جاملوك مع الفرق في الموديل وسنة التصنيع في السيارات للايجار في السودان
وانا ماري 2 يوم من وصولي وهو ال2 من رمضان توقفت وقلت اشتري بطيخة البائع اصر علي 40 جنيه سوداني ..أكبر بطيخة في كندا ( ولاحظ جاية مستورده من سقط لقط بي طيارة ولا باخرة ولا شاحنة يعني قيمتها فيها تكلفة شحن وتفريغ وضرائب ..البطيخة لما تكون غالية و كبيرة في الصيف بتصل الي 6 دولار وبحساب فرق العملة يبقي عندنا ارخص
تعال لي المنقة هنا الكبيرة كده ب .99 سنت يعني 5.70 سوداني مع ملاحظة انها منتج مستورد والعندنا هناك محلي
الطماطم في الاحياء من بري الي المعمورة الكيلو بي 28 يعني بما يعادل 4.91 ده هنا سعر الكيلو في الشتاء عدم مؤسمه
بتاع الخضار شلت منه 3 فلفليات و2 عجورة وجزرة تحابيش للسلطة بعد حجة من اخي رضي بال 10 جنيه
كيلوا البطاطس ده هلي الاحياء اعلاه 10 جنيه
اما اللحمة أول يوم الجمعة واحد رمضان حبتها الكيلو بي 40 الف بعد يومين كده نفس الجزارة ب 45 لما قلت لي ابوي الحكاية شنو قال تاني ما تجيب حاجة انا بمشي لجزار صاحبي وبجيب اللحمة براي مشيت مع اخوي للخرفان بعد حجة 1100 حملاً وديع
يا اخوي الناس دي هناك ماعندها ميزانية ثابتة شهرية للمتطلبات في البيت بشتروا اليوم باليوم ود غلط كبير بالاضافة الي انهم عايشين سلفقة ساكت ويقولوا ليك خليها علي الله ..
طولنا عليكم وعلي قول اخوي قال لي ملاحظات زي دي ما قاعد يقولوها الا المغتربين
