تـنـويـر .. !

[بابكر عباس]

المشاركة الأصلية كتبت بواسطة أسامة معاوية الطيب

لتحديد وتجويد المواقف ... إما استئناف وقناعة بالبراءة وسنقف جميعا خلف الحق
أو نقد ذاتي !!! حتى نفهم إننا بنفهم البنقراهو مش حذلقة فادحة ساكت
وشغل التحانيس دا بيضرب فكرة المبادئ (إن الحديث عن الأخلاق .... يوضح أين تكمن الأخلاق الجريحة )
رويدا رويدا سنتآلف مع (من أين جاء هؤلاء)
وامتحانات المبادئ مبذولة هنا على قفا من يقتنع!!!

سلام أسامة معاوية،
لم أفهم فكرتك شنو، أرجو الإيضاح لو أمكن؟

[imported_أسامة معاوية الطيب]

المشاركة الأصلية كتبت بواسطة بابكر عباس

سلام أسامة معاوية،
لم أفهم فكرتك شنو، أرجو الإيضاح لو أمكن؟

دكتور كل عام وانت بخير
باختصار شديد ... شايف انو منهج القانون الصرف والدحض والتشكيك وووو ... مع التحانيس فكرة تصب في خانة التبريرية الفارغة ومقدودة ... وتعرف بظاهرة (كيزان اليسار)!!!
عشان كدا بيجي يوم ونلقى نفسنا عارفين (من أين جاء أولئك)

[عبدالمنعم الطيب حسن]

المشاركة الأصلية كتبت بواسطة أسامة معاوية الطيب

باختصار شديد ... شايف انو منهج القانون الصرف والدحض والتشكيك وووو ... مع التحانيس فكرة تصب في خانة التبريرية الفارغة ومقدودة ... وتعرف بظاهرة (كيزان اليسار)!!!
عشان كدا بيجي يوم ونلقى نفسنا عارفين (من أين جاء أولئك)

.................................................. .........
شكرا اسامة كدة تمام التمام ،
لقد عبرت عني -كما يقول كانديك-
كل عام وانت -ومن تحب- بخير

[imported_أسامة معاوية الطيب]

المشاركة الأصلية كتبت بواسطة عبدالمنعم الطيب حسن

.................................................. .........
شكرا اسامة كدة تمام التمام ،
لقد عبرت عني -كما يقول كانديك-
كل عام وانت -ومن تحب- بخير

شكرا ليك انت يا حبيب
وكل عام وانت - ومن تحب - بخير

[imported_ام التيمان]

ناس بتغش وبترتكب جريمة تزوير
شكرآ الادارة على حسن ادارتكم

[imported_فتحي مسعد حنفي]

المشاركة الأصلية كتبت بواسطة ام التيمان

ناس بتغش وبترتكب جريمة تزوير
شكرآ الادارة على حسن ادارتكم

انتي بالذات خليك بعيد عشان ما يتهمك زول بالشماتة..
لعلمك رغم اني مختلف مع الشخص المعتي الا اني رأيت ان الستة شهور مبالغ فيها لكن سكت عشان دا قرار الادارة ولازم نحنرمو حتي لو ما مقتنعين بيهو..

[imported_ام التيمان]

المشاركة الأصلية كتبت بواسطة فتحي مسعد حنفي

انتي بالذات خليك بعيد عشان ما يتهمك زول بالشماتة..
لعلمك رغم اني مختلف مع الشخص المعتي الا اني رأيت ان الستة شهور مبالغ فيها لكن سكت عشان دا قرار الادارة ولازم نحنرمو حتي لو ما مقتنعين بيهو..

لعلمك يا فتحى انا ما شمتانة فى زول
و لا بهمنى الادارة توقفو شهر و لا سنة
انا عضو هنا و من حقى اداخل فى اى بوست مفترع
لى عضو خالف قوانيين المنتدى و زور فى الحساب

[imported_حافظ حسين]

و الله ما عندي اي مشكلة الانسان لو أخطأ يقيف الدهر كله
و سودانيات أصلاً ما نهاية المطاف .... لكن البحز في النفس
قانون حمورابي بتاع الشر يعم دا و أتخيل لي فاهمين كويسين أنا بقول في شنو عشان ما أطر أشرح

و أكتر التشهير و لعلكم الاتعمل دا ما تنوير دا تشهيــــــــــــــــــــــــــــــــــــــــر

من متين قاعدين توقفوا عضو و بتورنا وقفتوه ليه؟؟؟؟؟؟؟

[imported_سماح محمد]

تحياتي ياحافظ

المشاركة الأصلية كتبت بواسطة حافظ حسين

لعلكم الاتعمل دا ما تنوير دا تشهيــــــــــــــــــــــــــــــــــــــــر

بختلف معاك..دة تنوير عادي..أين التشهير؟؟

من متين قاعدين توقفوا عضو و بتورنا وقفتوه ليه؟؟؟؟؟؟؟

أسمح لي بسؤال:
هل بترى انو المصلحة العامة تتطلب تبيين مثل هذا التجاوز وما يمكن ان ينتج عنه أم التستر والإكتفاء بالعقوبة في الخفاء ؟؟

[imported_حافظ حسين]

المشاركة الأصلية كتبت بواسطة سماح محمد

تحياتي ياحافظ

بختلف معاك..دة تنوير عادي..أين التشهير؟؟


أسمح لي بسؤال:
هل بترى انو المصلحة العامة تتطلب تبيين مثل هذا التجاوز وما يمكن ان ينتج عنه أم التستر والإكتفاء بالعقوبة في الخفاء ؟؟

طبعاً يا سماح حتكوني شايفاه تنوير عادي ......
مصلحة شنو؟
يا سماح خليك منطقية كمان
لكن قبل أجاوبك عليك داير اسألك سؤال هل التجاوز دا لو قمتي بيه إنتي يا سماح .... هل العقوبة ممكن تكون كدا؟

[imported_حافظ حسين]

سماح مساء النور
معليش ما استنيت ردك علي السؤال ... لانه هو سؤال تقريري أكثر من انه سؤال محتاج لإجابة عشان كدا حاواصل عادي....
طيب يا سماح نمشي معاك في منطق المصلحة العامة دي.... ما سألتي نفسك ليه المصلحة العامة دي دوماً عندها كباش فداء محددين و مختارين بعناية فائقة؟ ..... ليه المصلحة العامة دي ما تكون قانون بسري علي الجميع .... و أقول يا سماح نفس التجاوز البتتكلمي عنه انت هنا و مباركة التشهير بسيده لو قمتي بيه انتي سماح ذات نفسك ما حيحصل عليك كدا و لا عقوبتك حتكون كدا..... يعني لو إتعاقبت خلاص بكون شهر و تأخديه في الخفاء لا من رأي لا من سمع... ببساطة يا سماح لانو عندك network قوية في المكان دا, أضف الي ذلك ما عندك خلافات شخصية مع كائن من كان و دا نقاط كويسة حد علمي ..... و بما أن الموضي هذه الايام في المنبر (قراية النوايا) و كدا و بالتأكيد حيجيني حد طاير يقول لي انت بتقرأ النوايا يا زول؟ ..... لا ما بقرأ اي نوايا لكن حتي لو في قراية بتكون مرتكزة علي وقائع حدثت في المكان دا و أذكر ليك منها علي سبيل المثال فقط:
1. قبل فترة أنا المدعو حافظ حسين قد أخترقت اللائحة و عارف بستحق التوقيف و قد كان..... و في نفس يوم الاختراق دا اللايحة خرموها مهند و أميري لكن فقط جاهم توجيه و لا أنذار ما عارف.... و يكون لعلمكم هنا انا ما بتباكي علي وقوفي و ترك أميري و مهند لا العكس انا سعيد بالوقوف دا لاني بستحقه عن جدارة بدليل اني رسلت رسالة للإدارة فيما يختص بالأمر دا و لكن حزين للإدارة الكالت بمكيالين في نفس اليوم و عقوباتها كانت very selective, بس الواحد لاقي ليهم العذر بناء علي لغة باركوها يا جماعة و العذر يا سماح ممكن يكون اسبابه الأتية:
1.1 وقوف ثلاثة أعضاء في وقت واحد ممكن يؤثر علي حراك المنبر....
1.2 ربما الاتنين ديل ال network بتاعتهم قوية....
2. تم أيقاف عبداللطيف النقر و زول الله قبل كدا لإستخدامهم عبارات عنصرية و أضيف ليهم دوت مجال هوادة لا أيده لا كراعه, و سخرية القدر دوت مجاك اتوقف ثلاثة شهور بينما زول الله شهر واحد فقط..... لكن نفس الالفاظ العنصرية دي وقت جات من حسن فرح التزمت الإدارة الصمت عارفين ليه؟
عليه انا ما عندي أدني إعتراض و لا يحق لي الأعتراض علي ايقاف اي عضو انشاء الله العمر كله, لكن الاعتراض علي الكيل بخمسين مكيال, علي التشهير, و علي الشر يعم.....
نقطة أخيرة يا سماح رأيك شنو في وقوف اثينا؟.... يا ريت تنورينا برضو

[imported_سماح محمد]

المشاركة الأصلية كتبت بواسطة حافظ حسين

طبعاً يا سماح حتكوني شايفاه تنوير عادي ......

هل دة إتهام لي بعدم الأمانة والنزاهة والكيل بمكيالين؟؟

المشاركة الأصلية كتبت بواسطة حافظ حسين

مصلحة شنو؟
يا سماح خليك منطقية كمان

لاشئ غير المصلحة العامة جلبتني للحوار عند هذه النقطة
ومافي منطق أوضح من كدة

المشاركة الأصلية كتبت بواسطة حافظ حسين

لكن قبل أجاوبك عليك داير اسألك سؤال هل التجاوز دا لو قمتي بيه إنتي يا سماح .... هل العقوبة ممكن تكون كدا؟

1- سماح محمد ما بتعمل كدة.
2- لازم تكون نفس العقوبة لأنو أهلك الذين من قبلنا أنهم كانو إذا سرق فيهم الشريف تركوه وذا سرق فيهم الضعيف أقاموا عليه الحد..

شكرا ياحافظ

[imported_أسامة معاوية الطيب]

المشاركة الأصلية كتبت بواسطة حافظ حسين

سماح مساء النور
معليش ما استنيت ردك علي السؤال ... لانه هو سؤال تقريري أكثر من انه سؤال محتاج لإجابة عشان كدا حاواصل عادي....
طيب يا سماح نمشي معاك في منطق المصلحة العامة دي.... ما سألتي نفسك ليه المصلحة العامة دي دوماً عندها كباش فداء محددين و مختارين بعناية فائقة؟ ..... ليه المصلحة العامة دي ما تكون قانون بسري علي الجميع .... و أقول يا سماح نفس التجاوز البتتكلمي عنه انت هنا و مباركة التشهير بسيده لو قمتي بيه انتي سماح ذات نفسك ما حيحصل عليك كدا و لا عقوبتك حتكون كدا..... يعني لو إتعاقبت خلاص بكون شهر و تأخديه في الخفاء لا من رأي لا من سمع... ببساطة يا سماح لانو عندك network قوية في المكان دا, أضف الي ذلك ما عندك خلافات شخصية مع كائن من كان و دا نقاط كويسة حد علمي ..... و بما أن الموضي هذه الايام في المنبر (قراية النوايا) و كدا و بالتأكيد حيجيني حد طاير يقول لي انت بتقرأ النوايا يا زول؟ ..... لا ما بقرأ اي نوايا لكن حتي لو في قراية بتكون مرتكزة علي وقائع حدثت في المكان دا و أذكر ليك منها علي سبيل المثال فقط:
1. قبل فترة أنا المدعو حافظ حسين قد أخترقت اللائحة و عارف بستحق التوقيف و قد كان..... و في نفس يوم الاختراق دا اللايحة خرموها مهند و أميري لكن فقط جاهم توجيه و لا أنذار ما عارف.... و يكون لعلمكم هنا انا ما بتباكي علي وقوفي و ترك أميري و مهند لا العكس انا سعيد بالوقوف دا لاني بستحقه عن جدارة بدليل اني رسلت رسالة للإدارة فيما يختص بالأمر دا و لكن حزين للإدارة الكالت بمكيالين في نفس اليوم و عقوباتها كانت very selective, بس الواحد لاقي ليهم العذر بناء علي لغة باركوها يا جماعة و العذر يا سماح ممكن يكون اسبابه الأتية:
1.1 وقوف ثلاثة أعضاء في وقت واحد ممكن يؤثر علي حراك المنبر....
1.2 ربما الاتنين ديل ال network بتاعتهم قوية....
2. تم أيقاف عبداللطيف النقر و زول الله قبل كدا لإستخدامهم عبارات عنصرية و أضيف ليهم دوت مجال هوادة لا أيده لا كراعه, و سخرية القدر دوت مجاك اتوقف ثلاثة شهور بينما زول الله شهر واحد فقط..... لكن نفس الالفاظ العنصرية دي وقت جات من حسن فرح التزمت الإدارة الصمت عارفين ليه؟
عليه انا ما عندي أدني إعتراض و لا يحق لي الأعتراض علي ايقاف اي عضو انشاء الله العمر كله, لكن الاعتراض علي الكيل بخمسين مكيال, علي التشهير, و علي الشر يعم.....
نقطة أخيرة يا سماح رأيك شنو في وقوف اثينا؟.... يا ريت تنورينا برضو

ممتاز جدا
دعونا نستفيد من الكلام ... حتى لا يستفيد البعض من الصمت !!!

[imported_سماح محمد]

قبل ما أجي لمداخلتك الناكت فيها كمية من الحاجات القديمة
أحب أنوه الى انو انا هنا بصفتي الشخصية كسماح محمد، وما عشان أنورك لأنو التنوير مهمة إدارية قامت بيهو الإدارة ولو كنت جاية أكملو كنت أقلو ح اخش بشؤون العضوية فأفرز الكيمان ياصديق، هنا عشان ننقاش مبادئنا وقيمنا كأفراد وبعدها من الحقيقة والمصلحة العامة والشخصي والإجتماعي بتاعنا.

ملاحظة مهمة: إيرادك للأسماء في المداخلة السابقة ممكن أعتبرو تشهير؟؟

[imported_فتحي مسعد حنفي]

المشاركة الأصلية كتبت بواسطة سماح محمد

تحياتي ياحافظ

بختلف معاك..دة تنوير عادي..أين التشهير؟؟


أسمح لي بسؤال:
هل بترى انو المصلحة العامة تتطلب تبيين مثل هذا التجاوز وما يمكن ان ينتج عنه أم التستر والإكتفاء بالعقوبة في الخفاء ؟؟

تعرفي ياسماح التنوير دا هو الطبعة التانية وفي الأولي كان الاسم مكتوب مع حيثيات الحكم لكن الظاهر حسوا انو ممكن ياخد شكل التشهير فغيروهو للصورة الحالية..
بس دا ما المهم..المهم انو معظم الأعضاء طالبوا قبل كدا نشر العقوبات مع توضيح الأسباب ودا الحصل في حالتنا دي وكمان قالوا انو من حق الموقوف تقديم تظلم أو استئناف للقرار وطلب تخفيض العقوبة ويمكن أن يتم ذلك بواسطة عضو آخر..وأنا هنا بتقدم بطلب للادارة بتخفيض مدة الايقاف فالرسالة قد وصلت وما أظنها تتكرر..
مافي زول يجي يقول أنا خاطبت الادارة ودا مخالف للائحة عشان هنا أنا خاطبتها في البوست بتاعا..