ملّت معانينا الشرح

[imported_هند محمد]

أنضف من السما في رجب
يازول بمجد فيك تاريخ القيم
ومالقصد ريد
يكفيني فيك حاجات كتيرة وبعرفها
عمق العلاقة البين ضميرك والصدق
خوة بنيات الفريق لحدهن
طهرك ورب العالمين
سرك وباطنك والعلن
مطر الرذاذ لزول بعيد حافي وهلك
بسمة وليداتن صغار
ماعرفو يطعنو في الضهر
تاج العفاف مختوم علي الطيب والوفا
والإحترام لناس معاك وحاجات كتير بنوالفا
وما القصد ريد
أنا جيت أشيل منك مفاتيح الفهم
وأفتح قلوب كل اللي باعوا الأخرة بالدنيا العدم
أملاها بيك وأكتب عديل أدباً أدب
أنا دايرة نيل يتوضو بيه وأغسل ذنوبهم وأتكل
وأنا بحترم سداً وقف مابين دواخلك والكضب
ونجماً نزيه في ليل طويل قاسي وحلك
يازول حنيـن ..أنا دايرة فيك أخد خصالك وأشبهك
كل الصفات .. خلقاً ..خلق
تتباهى بيك كل الحروف الواقفة في سن القلم
تعظيم ســلام لزول قليبه من الدهب



هند محمد

[imported_أمين محمد سليمان]

ده كلام عجيب جدا يا هند !!
سلمت يداك، و سلمتي إنتي و ال( أنضف من السما في رجب) ده !!

[imported_طارق صديق كانديك]

وتعظيم سلام لهذا الحرف الشَرُوق.

شكرا هند

[imported_محمد عبد الله حرسم]

الشاعرة المتقدة هند محمد

كما تعودت ان القاك دوما تصنعين الحروف قلائد وانسام وزمان


شكرا كلما تمنحين عقولنا وقلوبنا بهجة

[imported_زول الله]

المشاركة الأصلية كتبت بواسطة هند محمد

عمق العلاقة البين ضميرك والصدق
خوة بنيات الفريق لحدهن
طهرك ورب العالمين
سرك وباطنك والعلن
-
-
-
-
تتباهى بيك كل الحروف الواقفة في سن القلم
تعظيم ســلام لزول قليبه من الدهب

أعلاه عملة نادرة جداَ ياهند محمد
كلام بخش العضم ومابمرق بي هناك
شكراً على تلوين يومنا بهذا الدفء
انتي زولة كتاَاااابة ياخ





اقول قولي هذا واستغفر الله لي...............

[imported_هند محمد]

المشاركة الأصلية كتبت بواسطة أمين محمد سليمان

ده كلام عجيب جدا يا هند !!
سلمت يداك، و سلمتي إنتي و ال( أنضف من السما في رجب) ده !!

البروف امين شخصياً
والله زمان يا استاذ سعيدة جدا بهذه الاطلالة والله
وعشرات حبابك يهنا وبين الحروف
اسفة جدا للتأخير في الرد والغياب لظروف مرضية
ودي واحترامي
وجد جد حقيقي نورتنا وكل الشباب هنا
ولي عودة تليق بالحضور الجميل

[imported_بومدين]

المشاركة الأصلية كتبت بواسطة هند محمد

أنضف من السما في رجب
يازول بمجد فيك تاريخ القيم
ومالقصد ريد
يكفيني فيك حاجات كتيرة وبعرفها
عمق العلاقة البين ضميرك والصدق
خوة بنيات الفريق لحدهن
طهرك ورب العالمين
سرك وباطنك والعلن
مطر الرذاذ لزول بعيد حافي وهلك
بسمة وليداتن صغار
ماعرفو يطعنو في الضهر
تاج العفاف مختوم علي الطيب والوفا
والإحترام لناس معاك وحاجات كتير بنوالفا
وما القصد ريد
أنا جيت أشيل منك مفاتيح الفهم
وأفتح قلوب كل اللي باعوا الأخرة بالدنيا العدم
أملاها بيك وأكتب عديل أدباً أدب
أنا دايرة نيل يتوضو بيه وأغسل ذنوبهم وأتكل
وأنا بحترم سداً وقف مابين دواخلك والكضب
ونجماً نزيه في ليل طويل قاسي وحلك
يازول حنيـن ..أنا دايرة فيك أخد خصالك وأشبهك
كل الصفات .. خلقاً ..خلق
تتباهى بيك كل الحروف الواقفة في سن القلم
تعظيم ســلام لزول قليبه من الدهب



هند محمد

ياهند......
ما اجمل حرفك ياخي........!!

_____________
عساك بخير يا صديقة
سائلين عنك كثير....!!



(هواري)

[مي هاشم]

يا سلام عليك يا هند..
جمّلتي صباحي يا مشرقة..

[معتصم الطاهر]

زمان غنت بنونة بت المك لأبيها ..

كوفيتك الخوده أم عصا بولاد

ودرعك في أم لهيب زي الشمس وقّاد

وسيفك من سقايته إستعجب الحدّاد

وقارحك غير شكال ما بقربه الشدّاد



و غنت بت مسيمس ..

أمك ولدتك ما ولدتم اتنين
تسلم لي يا تلبي البيكيل العين
حالف يمين مابتوه بين بين
دقيت الجسر لي متعت الحيين

و كثيرات أخر

وها هو لهج حديث فى ميزان ذهب من شريكة هذا العصر
من لم يتمنى أن يكون ذاك ..؟

[imported_هند محمد]

المشاركة الأصلية كتبت بواسطة طارق صديق كانديك

وتعظيم سلام لهذا الحرف الشَرُوق.

شكرا هند

طارق صديق كنديك سلام وتحية ومودة واحترام
ألف سلام وتحية ياراقي احساس وحضور
واشكر لطفك
كن بألف خير

[imported_هند محمد]

المشاركة الأصلية كتبت بواسطة محمد عبد الله حرسم

الشاعرة المتقدة هند محمد

كما تعودت ان القاك دوما تصنعين الحروف قلائد وانسام وزمان


شكرا كلما تمنحين عقولنا وقلوبنا بهجة

شاعرنا الاستاذ عبد الله حرسم
ليك كل البراحات هنا وبهجة الحروف
الشكر لك انت يااخي علي هذا الاحتفاء
وانا في جد في شخصك بحترم اشخاص
الاطراء منك شهادة
شكرا نبيلا يشبهك

[imported_هند محمد]

المشاركة الأصلية كتبت بواسطة زول الله

أعلاه عملة نادرة جداَ ياهند محمد
كلام بخش العضم ومابمرق بي هناك
شكراً على تلوين يومنا بهذا الدفء
انتي زولة كتاَاااابة ياخ





اقول قولي هذا واستغفر الله لي...............

زول الله
شكرا لهذا التقدير
وشكرا كونك هنا تقرأني وتمنحني بهجة الحضور
لك دائما بين أحرفي متسع
كن بألف خير مع مودتي

[imported_جيجي]

يازول حنيـن ..أنا دايرة فيك أخد خصالك وأشبهك
كل الصفات .. خلقاً ..خلق

هذا يكفيني ياهند
وتعظيم سلام لزولة حروفها من الدهب

[imported_رهف]

المشاركة الأصلية كتبت بواسطة هند محمد

وأنا بحترم سداً وقف مابين دواخلك والكضب
ونجماً نزيه في ليل طويل قاسي وحلك
يازول حنيـن ..أنا دايرة فيك أخد خصالك وأشبهك
كل الصفات .. خلقاً ..خلق
تتباهى بيك كل الحروف الواقفة في سن القلم
تعظيم ســلام لزول قليبه من الدهب

يا سلاااااااااام

[imported_حافظ اسماعيل احمد]

المشاركة الأصلية كتبت بواسطة هند محمد

أنا دايراك نيل نتوضأ بيك و نغتسل
ومن طُهرك , بيك ذنوبنا بتِنْغــــفر
وأنا بحترم سداً وقف مابين دواخلك والكضب


هند محمد

هند سلامات
و تعظيم سلام لزولة حروفها من الدهب
والابيات عندك عميقة وشفيفة .

بس دخلت فيني الابيات عشان كدة
أتجرأت وعدلهتا حسب احساسي بيها