مرحب بالبروف أمين محمد سليمان في سودانيات !!

[imported_أمين محمد سليمان]

المشاركة الأصلية كتبت بواسطة لنا جعفر

يابروف الصلعة دي عادي يعني ما ميزة
انا برضو عندي واحدة جاتني من تامل الشعب السوداني

الكلام ده تقولي لزول ما شاف صورتك في الفيس بوك ( وش إبن ستين كلب !! ) !!
أنا بتكلم عن صلعة لمن تغسلي وشك ما بتعرفي تبتدي من وين ... دي حالة مرضية و بصراحة أنا شايف موضوعي ده أهم من قصة افطار الطلاب ... بعدين ياخي إنت مش الرئيس ؟! الرئيس البعرفو أنا مافي زول بسألو ... يعني كل المطلوب مذكرة داخلية لصرف المبلغ المذكور ... بعدين ياخي أنا مش قلت ليك إن الله لا يضيع أجر من احسن عملا ؟!
بالنسبة لبكة ... بعد ما تنتهو من موضوع زراعة شعري .... تقبلو علي دراسة علمية حقيقية لبكة ... الرجل آية من آيات الله انتو ما جايبين ليه خبر !!

[imported_بدر الطائف]

المشاركة الأصلية كتبت بواسطة أمين محمد سليمان

فقررت أفرجها علي رقبتي !!
(

يشهد الله يا بروف وما طالبنى حليفة اول ما شفته عنوان البوست خطرت فى بالى حكاية الزول القال كان ربك فرجه فرجه وكان ما فرجه ببيع حمارى وافرجه براى.

نرحب بالبروف امين فى سوح سودانيات اشرقت الانوار.

[imported_أمين محمد سليمان]

المشاركة الأصلية كتبت بواسطة خضر حسين خليل

والله امرك غريب
يارجل أنحنا من سبتمبر الفين وخمسة زول رحب بينا مافي غير الراحل خالد الحاج

ــــــــ
يالك من برجوازي صغير

يا زول أنا بتكلم عن الناس الجو بعد فشل موسم التزاوج في الأراضي المحررة !!
ليك حق تقول لي (برجوازي صغير) .... سودانيات بقت زي إجتماع الحزب في أبراقا .... شيوعيين و رطانة !! يا حليلك يا (عوار اللغة و وهن السياقات ) !!
و بالمناسبة يا خضر ... عمك عوار لمن يرجع بالسلامة إن شاء الله ... ح نثير النقطة دي دفاعا عن بيضتي الدين و الوطن ... لانو لو كانت أرض سودانيات الطاهرة ح يحتلوها الشيوعيين ... فباطن الاسافير خير لنا من ظاهرها و الله أكبر الجديدة !!

[imported_أمين محمد سليمان]

المشاركة الأصلية كتبت بواسطة مواهب

يا بروف ما عرفت أصنف الترحيب المتأخر دا فى خانة الصعود الى أسفل ولا الهبوط الى أعلى .....
وانت المفروض تقول فى أعضاء سودانيات كما قال الشاعر فى آل جعفر
أبو أن يملونا .......ولو أن أمنا تلاقى الذى لاقوه منا لملت .....
بعدين برضو
كيف الزول يسأل ضيفو كيفن تنسو ....
أول بكرموا ويخابروا ساعة أنسو
من مقلب حديثو تعرف أبوه وجنسوا
البيت بيتك أبقى (مارق ) لا جوة ....

دي نفسيات يا مواهب ... ما قلت ليك أنا زول حساس و دموعي قريبة !!

ياسر طيفور
هواري بومدين
قمر الحقد الأصلع
الطيب شيقوق
فيصل خليل
غسان راسخ
الأصمعي
سفيان نابري
ضياع الدين !!
ديل الأنا متذكرهم من راسي ساي ... كلهم اتفتح ليهم بوستات و العميان شايل المكسر ... التمييز تجاه الجنس أو اللون أو العمر أو العرق ....إلخ ... جرائم يحاسب عليها القانون بالذات لو الضحية شفاف و حساس زيي كده ...

شكرا علي الترحيب يا ستهم !

[imported_أمين محمد سليمان]

المشاركة الأصلية كتبت بواسطة بدر الطائف

يشهد الله يا بروف وما طالبنى حليفة اول ما شفته عنوان البوست خطرت فى بالى حكاية الزول القال كان ربك فرجه فرجه وكان ما فرجه ببيع حمارى وافرجه براى.

نرحب بالبروف امين فى سوح سودانيات اشرقت الانوار.

أجمل حاجة يا بدرنا إنو تفرجها علي رقبتك كان مافي زول داير يفرجها عليك !!
و شكرا علي الترحيب لكن بالله المرة الجاية ساعدها بكلام كبار شوية !!

[حسين عبدالجليل]

ياأمين لمن قريت بوستك دا طوالي تذكرت مثل محلي جدا يقوله ناس قريتنا في مثل هذه المناسبات ألا وهو "بَرَكَة بالحَلل " .

وهي عبارة مشهورة قالها أحد دراويش القرية عندما قدموا له ابن عمه الخمسيني العائد لتوه من سفر سنين "إنت ماعرفت فلان دا , دا ماولد عمك ؟".

يعني ياأمين البل الشفناه دا مناظر ساكت عملتو وإنت واقف في الباب وقبل الدخول .

علي العموم البرنامج بيرحب بك و تحب تسمع أيه ؟

[imported_بدر الطائف]

المشاركة الأصلية كتبت بواسطة أمين محمد سليمان

و شكرا علي الترحيب لكن بالله المرة الجاية ساعدها بكلام كبار شوية !!

اخر الليل ده يجيبوا ليك الكلام الكبار من وين سفه سااى ما لاقينها.

اها شوف جنس البل ده.
هسع البشوفك شايل دفترك ده وتبل فى العالمين يمين شمال بيقول الزول ده ما رحبوا بيهو.

[imported_أمين محمد سليمان]

المشاركة الأصلية كتبت بواسطة حسين عبدالجليل

ياأمين لمن قريت بوستك دا طوالي تذكرت مثل محلي جدا يقوله ناس قريتنا في مثل هذه المناسبات ألا وهو "بَرَكَة بالحَلل " .

وهي عبارة مشهورة قالها أحد دراويش القرية عندما قدموا له ابن عمه الخمسيني العائد لتوه من سفر سنين "إنت ماعرفت فلان دا , دا ماولد عمك ؟".

يعني ياأمين البل الشفناه دا مناظر ساكت عملتو وإنت واقف في الباب وقبل الدخول .

علي العموم البرنامج بيرحب بك و تحب تسمع أيه ؟

يا عم حسين ... ياخي لي أكتر من شهرين ما غبيت يوم، التاء من ترحيب ما سمعت بيها ... أول ما فشل موسم التزاوج في الأراضي المحررة و إتجه الناس شرقا ... بوستات الترحيب جات نازلة كجلمود صخر حطه السيل من عل ... ما كان في حل غير ما أبارك لنفسي الحلل !!
عموما ... شكرا علي الترحيب و كمان كان عملت لي رابطة معجبين أكن لك من الشاكرين !!

[imported_أمين محمد سليمان]

المشاركة الأصلية كتبت بواسطة بدر الطائف

اخر الليل ده يجيبوا ليك الكلام الكبار من وين سفه سااى ما لاقينها.

اها شوف جنس البل ده.
هسع البشوفك شايل دفترك ده وتبل فى العالمين يمين شمال بيقول الزول ده ما رحبوا بيهو.

أعلفو من قوقل !!
إنت أحسن من الناس البتعلف دي ؟!
بالنسبة للصعود ... لو رسلت ايميل لخالتك سارة بترسل ليك سفة أتاشمنت ... ما عارف ايميلك بشيل ولا لا !!!

[imported_فتحي مسعد حنفي]

علي اليمين انت ألذ زول خفة دم كيبوردك ما بخلي الزول يحس بانك جديد.. وكمان كان ما كفا الكيبورد بتلزو بي سلك..

[imported_خضر حسين خليل]

يا امين يا ايها القارئ النهم ليه ماتقول للناس انو انا واخونا بالسجانة سمير شيخ ادريس ساعدناك في الرسالة بتاعت الدكتوراة . يا رجل باقي صور الرسالة عندي

ـــــــــــــــــ
لأول مرة إنتبه لصورة بروفيلك
ياها عجينتي المابتغباني يابروف

[imported_سارة]

انت فاتح البوست دا عشان تتفشى فى الطناش الصابك
ولا تشوه سمعة سارة نان هو المزعمطك
ومخليك صلعة هين والله بكة دا زول ما ساهل كان اندرع فيك
ياخ انا من يوم سقوطنا المريع فى الانتخابات خليت الصعوط
حزنن على حالنا المايل زى غصن الرياض المايد تجى تضرب
برستيجى بالشكل دا
شوف يا عمك انا زولة عليك امان الله
بـ شناتى مدشدشة الناس النصيحة لى الله بس صحى الما بعرفك
يجهلك قال اشوف لى صورة بلومة قال
مخير الله يا سرورة
نعسانة بجيك باكر ان مد الله فى العمر

[imported_حكيم تولا]

هلا هلا بابننا البار قدس الله سرك صلعتك المنيرة
ياخ الما بيعرفك بيجهلك
بس شايف هنا الضيف هو البيرحب بروحو


ـــــــــــــــــــــــــــــــ
غايتو المنبر ده رئيسو لو ما كان من المؤلفة قلوبهم كنا خشينا الغابة

[بابكر عباس]

المشاركة الأصلية كتبت بواسطة النور يوسف محمد

*
غايتو بكره ( بكه الذى ) حايجى يلصق ليك حننتنى فى التمانيات ..


*
أى وش حاولتو أبى ينزل

سلام يا نورنا
أول بالتبادي، الزول دا، قاعد يلعب علينا، ونكار للجميل والجميليين
صديقنا البلال الجيلي أحمد نزل بوست ترحيب مخيف بإسم: أمين محمد سليمان جاكم، حتى بالإمارة جاكم دي، رصّ فيها دشليون ألف لزوم يخوفنا ويورينا انو في زول بلال صاحبو جاينا، ورحبنا بيهو وعدد مُقدر من جكسنا رحب بيهو، تاني شنو؟
لكن
لو الزول دا، قاصد من البوست دا، يقول انو المنتدى العام (وليس الخاص) إتملا بوستات ترحيب وغزل في الناس والشعرا والادبا، معليش وأنا ذاتي معاهو،
شنو البوستات كلها ترحيب و"تنادي"؟
داك الخاص رحبوا زي ما دايرين، إن شاء الله تفتقدوا الجيلي!
من النهاردا، ولقدام، ما دايرين ترحيب بزول في العام، إلا الزول الجديد يكتب لينا موضوع خطير زي الحصل مع تولا، الراجل فعلا يستحق الترحيب.

ــــــــــــــــــــــــــــــ
تنادي دي شفيتها من لقاء أسامة معاوية الحردان مع ناس تلفزيون دبي

[imported_GamarBoBa]

المشاركة الأصلية كتبت بواسطة أمين محمد سليمان

ياخي قمر الحقد الأصلع فتحو ليه بوست .... لي شهرين هنا ... زول عبرني مافي !!

يا أمين ...
خليك أمين في نقل المعلومة بالله ..انا زول هبب لي مافي أصلا..انا كان فتحوا لي بوست ترحيب كنت زغت..اخوك زول ضللة ساي ما بحب الحركات دي.وهسة اشبكك المصدر والدليل أو تعتذر..ونبقي في العوارات البتعرفها..

عن نفسي وفي رمضان سابق.كنت بتونس مع نبرا وحاتم ..قام حاتم قال لي امش سودانيات واكتب عندهم.. لهم ادارة لايظلم عندها احد ويا نبرا انا بزكي الزول دا,,,نبراس قامت باللازم.وتشكرات يا نبرا.

والنحكي ليك....

أول ما جيت خاشي يا أخينا غير اسامة معاوية ما عرفت زول.نوهائي كدا..حاولت اذكره بالايام الخوالي عمل لي جادي خالس..تركته ..قلت ليه يا الشايقي انا عارف الم فيك وين.

اسامة دا زول شاعر وكاتب وبحار ودبلوماسي وشايقي وعنده صلعة..مؤهلات كتيرة بروف كبير يعلم الله..لما كنت سكرتير رابطة النوبة في الجامعة هو كان رئيس رابطة مروي..قمنا عملنا منتدي سميناه نبته,,ناسهم كانوا بقولوا شعر ونحن الرطّانة بنصفق ليهم..يغنوا بالطمبور ونحن نبكي..المهم لا أطيل عليك واطيل عليك زاتو ما مشكلة..اسامة في تلك الأيام قمنا عملنا حاجة اسمها تجمع الروابط الإقليمية عشان نستعيد النشاط الثقافي في الجامعة بالقوة.. زي عشرة روابط..سنار كردفان النوبة مروي بورتسودان وامدرمان وغيرهم .عملنا يا بروف هرجلة وكركبة شديدة في الجامعة..أسامة الفلوتر دا خاطب الحشد ووعد الكيزان الشايلين سيخ وراكبين مواتر بالويل الثبور..تخيّل!! ..الشيوعيين اصحابنا غتتيتن جدا ..بدوا يدونا معلومات مفادها انكم ناس فلوتر وبقيتوا مراقبين فأعملوا حسابكم...انا عملت حسابي غايتو..
يوم اربحاء كدة نهاية شهر اسامة لقيته كاتب قصيدة جديدة كدة وقاعد في البنش راجي لي زولة كدا..أديته رسالة مفادها يا اخينا أن الجامعة فاضية قوم اتفكفك...ما اشتغل بي..خاشي ليه في برطمانية رومانس علي تي شيرت مخطط عرضي شاكيه كأنه حبشي بطوله داك القصير..خليته لمصيره ومشيت..
نفس الكيزان الكورك فيك ووعدهم بالويل بالثبور بعد شهر هو نسي لكن هم ما نسوه..لموه ليك مع 13 شيوعي و17 سياسي من مختلف الاحزاب..
السبت عرفنا الحاصل..كان معاهم الفاتح شيوعي رسمي أحمر هندامه جارنا انا واسامة في الحلة معتقل برضو.. جاء عمل مؤتمر صحفي قال في نفس اليوم فكونا الشيوعيين واسامة رفضوا يفكوه...الباقي يجي يتمه هنا...قلبي ما بتحمل والله
انا اسامة دا لو ما جا رحب بي وعمل لي رايح بفت الباقي

باقي الحكاية
قبل يومين تاجاب جا شايل ليه وصلة توثيق للفرعون في الفيس..عاينت للوصلة وقلت زي اللمبي –هي بقت كدا!!!-وجيت خاشي..ريكفري للباسويرد والقي الحلة كلها شيوعيين ورطّانة..يا جماعة انا ما داير كدا والله..عموما انا بوصي بإنو يرفدوا فيسل هليل وهدر حسين.كشيوعيين ورطانة..والمركب بتستعدل...أذر وايس بفك البيرك وبرجع اكتب في تويتر مع ناس ضاحي خلفان وجنيفر لوبيز،اندرياس انيستا..وقايمة الفرد بهناك بتطول..إذ ان لي متابعين كثر وانا متابع شخصيات كبيرة...باقي اخوك احلامه اكبر من هيك اسافير.تلمني بيك..مع الشكر لكل الذين رحبوا بي.



_
مرة قاعد جنب البابور في الشمالية ومعصنج دايرنه ندّوره بالبخرة..السامنسوق عمل Alert مفاده انو في حاجة جديدة.. فتحته علي عجل وقلت للترابلة استيف جوبز تعيشوا انتو مات...عمك تربال كبير قاعد فوق في القيفة كرعينه ما شايلاتنه.. قال لي يابني يلعن ابو تعليمك جوبز شنو وكوبس شنو دا بابور موية ما كهربا يا كوماري,,,ادوا البابور دا جاز في العادم عشان نسقي الباقي دا,,لا اله الا الله.