الجاابري و ابو امنة حامد...

[imported_سمراء]

المزاج دى ياود عثمان

مساء الخيرات

[imported_كيشو]

المشاركة الأصلية كتبت بواسطة فيصل سعد

ثم نقرأ بعد ذلك :

مانسيناك جاي تعمل
إيه معانا بعد ما بدلتنا
ماسقيناك أحلي ما في عمرنا
من عواطف ما لقيناك

الرهيف قلبو بيعيش
في شكو اكثر من يقينو
تستبيه نظرة جارحة
و تحترق بالحب سنينو
قلبو ضايع في العيون
الشاربه من حبو و حنينو
وناكرة حتي إنو إنسانه
يسعي لي قلبي يعينو
جاي تعمل إيه؟

ماكفاهو العذاب الهو فيه
ليه تزيد آلامو اكتر
و ليه عيونو العمرها
ما خانتك تبكي و تسهر
و ليه توشح فجرو بالأحزان
بعد ماقلبو نور
اضحي جرح الفرقة
في قلبو الحزين من حبو أكبر

قلبي غافر ليك ذنوبك
سيبو بس تنشف جراحو
الحنين العايش لحبك
صرت تسخر من نواحو
سيبو مرة يغسل احزانو
بالأمل يشرق صباحو
و كيف يطير لعشو عصفور
منكسر مكسور جناحو
جاي تعمل إيه؟

و سؤال حول الشاعر المجيد
طيب الله ثراه ..

اغنيات في قمة الروعة للشاعر الفذ تغنى
بهما صالح الضي - وردي - و صلاح ابن البادية
ما هي ؟؟؟

سال من شعرها الذهب
الحرير
الباقي خليتو لي شبارقة

[imported_كيشو]

المشاركة الأصلية كتبت بواسطة يحي عثمان عيسي

متعة والله
لكن الموضوع القال عنو العمده عكودداير ليهو بوست لحالو

معقول التلفزيزن يجيب واحد بتخنس ويتمايص اسم ماعارف زمراوي ويغني للجابري
تحياتي ود عثمان

أنا غايتو بشبه لي الباب الموارب
يكون خايف الفرقة تفرتق؛ عشان كدا عين في الجمهور وعين في الفرقة

[imported_كيشو]

المشاركة الأصلية كتبت بواسطة كيشو

أنا غايتو بشبه لي الباب الموارب
يكون خايف الفرقة تفرتق؛ عشان كدا عين في الجمهور وعين في الفرقة

ويمكن خايف الجمهور زاتو يفرتق

[imported_رهف]

المشاركة الأصلية كتبت بواسطة فيصل سعد

و سؤال حول الشاعر المجيد
طيب الله ثراه ..

اغنيات في قمة الروعة للشاعر الفذ تغنى
بهما صالح الضي - وردي - و صلاح ابن البادية
ما هي ؟؟؟

غني له وردي

بنحب من بلدنا ما برة البلد
سودانية تهوي عاشق ود بلد

[imported_د اسامه]

روعة روعة روعة

[imported_د اسامه]

ود عثمان يا راقي
كمل جميلك
وادينا كمان
وانفحنا لو امكن
ب

بدون رسائل
الجريف واللوبيا

تسلم

[imported_طارق صديق كانديك]

غايتو يحى عثمان وكيشو عصرتوا على صاحبي زمراوي، الرجل بيأدى غناء الجابري بالطريقة دي من بداياتو في مارنجان ومدني والقرى المجاورة، وهو زول مرح جدا وبطرب لي روحو أول ولمن بكون بغني ما بشتغل بالناس. زول بسيط ابن عمي يعمل معه أحياناً وكان يزورني دائما في مكتبي بمدني. له التحية.

بحكي لي مرة في حفلة في واحدة من قرى الجزيرة دي، الجماعة في الأول اتكيفوا لصوتوا البشبه لحد كبير صوت الجابري، بس اتضايقوا من اللولوة البعمل فيها دي، قام واحد(زي يحى أخوى ده) كان واقف قريب منو قال ليهو: ما تغني زي الناس يا ... (وأفحش القول).

زمراوي ماسك المايك والناس مندمجين، وقف الغناء ورد للزول:

.... أنا ؟؟ الله (ينعل) دينك ودين الغُناء، ورمى المايك وطلع.

---

بعد الشغل نسمع الغناء ونجيك يا ماسترو

[معتصم الطاهر]

بسم الله الرحمن الرحيم

[imported_أحمد الأمين أحمد]

ود عثمان ومن يراه عيد مُبارك.
فقدناك ياو دعثمان (هناك ) فحضرنا (هنا )بحثا عنك ثقة أنك حيثما تكون يكون الفن الراقى جدا .
الرحمة والمغفرى للجابرى و أبى أمنة حامد .
من دفق أبى أمنة حامد صدح صالح الضى ب (ما ناسك نحن ما ناسك ) وهى مكتوبة بالقاهرة بطلب من صالح الضى .
من عبير أبى أمنة صدح الدرويش صلاح ود البادية ب (وشوشنى العبير ) وهى من أرقى الفن السودانى من حيث عناصره الثلاث.تغنى له كذلك ب (سال من شعرها الذهب ) لحن ود الحاوى وقد ذكر أبوأمنة أنها كتبها خلال دراسته بالثانوية .
وردى صاحب المقام العالى جدا جدا تغنى له ب ( بين الريد والهوى ) و (بنحب من بلدنا )
سيد خليفة كذلك صدح لأبى أمنة حامد ب ( جارو)
أبو أمنة حامد يقف بشموخ فى ارقى طبقة لشعراء السودان (القديم ) وهى طبقة منقرضة تضم ناس بازرعة وقرشى محمد حسن و ودالريح وحلنقى والطاهر إبراهيم
أما الجابرى فهو فوق التصنيف واكبر منه عليه يصعب إدراجه فى طبقة فنية .
ارجو يا ود عثمان تزويدى على مسنجر سودانيزأونلاين برابط بوستك القديم جدا ب (سودانيات ) الذى به صدح على العود لعوض حمودى وهو يتغنى برائعة وردى (خاف ) و صوت داؤود (بالله يا أهل الهوى )
أخيرا من كلمات أبى أمنة تغنى الجابرى ثمانين القرن الماضى بأغنية لم تنداح كثيرا هى (عصفور الجنة أنت مثلى وحدانى )

[imported_د اسامه]

حمدا لله علي السلامة