خريجو جامعة أسيوط لمزيد من التواصل

[imported_الزوول]

المشاركة الأصلية كتبت بواسطة الجيلى أحمد

السلام عليكم ورحمة الله ياأسايطة..
ليكم فقدة ووحشة

البوست بتاعكم دا مافى مداخلة فيهو فاتتنى
حتى إنو الواحد بقى يعرفكم كلكم

لكم التحايا والمحبات

...
يا سلام عليك يا جيلينا
سرق منا الواتساب كثير من الأعضاء اسايطة وغير اسايطة
وسرق الموت آخرين
نسأل الرحمة لمن رحل الى رحاب ربه
وسنعمل على تحرير أسرانا عند عدونا الواتساب

[imported_أسامة الكاشف]

العوض والجيلي وشبارقة
تحياتي
يا العوض ياخي أن طلعت ليك البوست ده من صفحة كم كده ما عارف
وكان حقو ترسل لي دي

[imported_شبارقة]

تستاهلها والله يا أبو راشد

وألف مبروك زواج إبننا الدكتور راشد مع تمنياتنا له بحياة زوجية سعيدة وعقبال البكاري ومن بعدها نديك لقب جولكين

[النور يوسف محمد]

بسم الله الرحمن الرحيم


هنا سودانيات
هنا تيرمومتر المحبة ،
فى هذا البوست تكمن أسرار التواصل ،

[imported_الزوول]

المشاركة الأصلية كتبت بواسطة النور يوسف محمد

بسم الله الرحمن الرحيم


هنا سودانيات
هنا تيرمومتر المحبة ،
فى هذا البوست تكمن أسرار التواصل ،

...
مشكور يا جنابو على الطلة
ما أعظم المحبة حينما تتنزه عن شبهة الغرض

[imported_أسامة الكاشف]

شبارقة تسلم وعقبال نبارك لي عيالك

جنابو مرحب حبابك

[imported_الزوول]

ومن بين ثنايا غيمة الحزن التي ظللتنا بفقد اخوة لنا
تأتي أشعة الفرح بانجاز آخر لأحد الأسايطة
أخونا الصيدلي أحمد إبراهيم فتح الرحمن
استطاع انجاز كتاب مهم عن ممارسة مهنة الصيدلة في الدول النامية
بمعية آخرين
هو باكورة انتاجه للتأليف العلمي
ألف مبروك لأخونا الدكتور أحمد إبراهيم فتح الرحمن

...


...
الكتاب موجود بالمكتبات الأمريكية
...

[imported_أسامة الكاشف]

ألف مبروك للدكنور أحمد ابراهيم

تسلم يا عوض لإطلاعنا على هذا الإنجاز

[imported_الزوول]

المشاركة الأصلية كتبت بواسطة أسامة الكاشف

ألف مبروك للدكنور أحمد ابراهيم

تسلم يا عوض لإطلاعنا على هذا الإنجاز

...
يا اسامة
انتو ما حضرت أخونا د.أحمد ابراهيم
أنا زاتي (باعتباري صغير وبطان بالنسبة ليكم )
قابلتو في الباب ... أنا مارق وهو داخل
ولكن لا بأس نجيب ليك الصور
غالباً ح تعرف بعض الناس المخضرمين المعاهو في الصور
وبى كدي تدخل في زمرة
واحدين قالو شفنا الشافو

[imported_أسامة الكاشف]

العوض نحن جينا وراكم
وكانوا بحكوا لينا العوض ماشي السكشن شال الجلابية بدل البالطو
انت وراء عمار وجدو مباشرة ومعاك صاحبك عازف الأكورديون إيهاب قباني

[imported_الزوول]

الزول ابو نضارات القدام ده في الصف الأول
وراهو أمل زراعة وزهير حضرة
وجمبو على شمالو د.اسامة محمود صالح ...
أها
قصّرت معاك؟؟
بس ما تقولي د. اسامة وأمل زراعة وزهير حضرة ديل منو كمان
...

...

...

...

[imported_أسامة الكاشف]

ما قصرت
لكن الشباب الحلوين ديل
انت حضرتهم
ديل دفعة شبارقة وكيشو

[imported_شبارقة]

هلا ومرحبا بالعوض وود الكاشف

طبعاً د. عمر الحلبي دفعتنا وبعرفو تمام التمامين .. أما الباقيين فإتذكرتا منهم وجوه أربعة فقط منهم (وجوه وليس أسماء) .. أكيد الشباب ديل ما حضرناهم... التحية لهم جميعاً وللدكتور أحمد إبراهيم وله منا التهاني على إصدار الكتاب المشار إليه.

[imported_مكي محمد الحسن]

السلام عليكم حميعاً
الباسورد راح مني ولقيتو
معزرة للغياب
بس علي قولك يا دكتور الزوول
الواتس اب سرق الناس

[imported_أسامة الكاشف]

تاني البوست غطس
كيشو ده قنع من خيراً فينا ولا شنو
زول يمسك وردية ما في
تحياتنا يا شباب (نظام استعارة وكده)