راكوبة المجادعات.. النمة والدوباي

[imported_احمد زين]

المشاركة الأصلية كتبت بواسطة تماضر حمزة

سألوني وينو غنايا وين مرصود
وسألوني مين دوبيتي بيو مقصود
وحاة الريدة والوجع الرجع محصود
ما بفشيهو سرّك في القلب موصود

جهراً ماهو سر ريد ام عيوناً سود
ريد مِنْشر وفارد روحو مالو حدود
العاجبني في زولي النفور وشرود
رمانتـــين وعنابتين وجِيد وخـدود

[imported_تماضر حمزة]

المشاركة الأصلية كتبت بواسطة احمد زين

جهراً ماهو سر ريد ام عيوناً سود
ريد مِنْشر وفارد روحو مالو حدود
العاجبني في زولي النفور وشرود
رمانتـــين وعنابتين وجِيد وخـدود

البيني بينك خيت الفِرَك مفرود
شيتاً ليَّ فصَّد خلّى القلب مهرود
وشيتاً كالعسل من النحل مجرود
وشيتاً يا لطيف متّار كفن ولحود

[imported_احمد زين]

المشاركة الأصلية كتبت بواسطة تماضر حمزة

البيني بينك خيت الفِرَك مفرود
شيتاً ليَّ فصَّد خلّى القلب مهرود
وشيتاً كالعسل من النحل مجرود
وشيتاً يا لطيف متّار كفن ولحود

املا شايلو جوايا وعلــيك معـقـود
شاغل فكــري تحقيقو ومنايا تـجود
الخلانــي راجيكي وعليـك مســنود
قِسِمْتِي العند كريماً بابو مو مسدود

[imported_عبد العظيم الطاهر]

المشاركة الأصلية كتبت بواسطة احمد زين

قال القمري يا الشايل سلاح الموت
نيشانك ضرب في قلبي فايت فوت
سحر عينيك فايت حد سحر هاروت
منو دعيت كما يونس في بطن الحوت

[imported_سجمان]

تورتو نفسنا يا ود وزين وتماضر
إبداع..
ماسكين الورد تمام..

يبدو الفات كتير أقرا وأجيكم صاد..

[imported_سجمان]

راح الدرب في المي غلبنا الرجعة
اسكيلم عِلا وما اظن تجيبو السجعة
لسّاك في الغرام ما قمت من الوقعة
زي المتلو وين فوق اللراضي السبعة

[imported_زول الله]

معقول ياخ في الصفحة الخرتمية عديل كدا

اااااادي رفعة

عشان نجي ليهو بي مزاج








اقول قولي هذا واستغفرالله لي....................

[imported_احمد زين]

حضيري
تماضر
كانديك
سجمان
سارة
مي هاشم

انا في رجاكم

[imported_احمد زين]

سرحن بي قفى الحلــة وبيوت الطيــن
رتعــن فوق خدار لُخّة ونجيل وعسـين
قلعــــن نومي من داخــل صِــبي العيــن
وجفلن مني عاد تاني النصاح بي وين

[imported_تماضر حمزة]

المشاركة الأصلية كتبت بواسطة احمد زين

سرحن بي قفى الحلــة وبيوت الطيــن
رتعــن فوق خدار لُخّة ونجيل وعسـين
قلعــــن نومي من داخــل صِــبي العيــن
وجفلن مني عاد تاني النصاح بي وين

يا مريود ويا عاشق بيوت الطين
عندي غناك يا المحبوب ويا ود زين
عادل كيوفي وبنطربلك زييين
أيا يوسف غناي غيرك أبيتو وشين

المشاركة الأصلية كتبت بواسطة احمد زين

حضيري
تماضر
كانديك
سجمان
سارة
مي هاشم

انا في رجاكم

جيتك يا رفيق بعد الغياب الطال
جيتك والغرام خلى القلب غربال
كان دسيتو يمرق بلسان الحال
وكان صرحت خبري بوصلو المرسال

[imported_احمد زين]

العودة من باب الخروج

من هنا خرجت وكان الغياب ومن هنا اعود راجيا السماح

[imported_زول الله]

المشاركة الأصلية كتبت بواسطة احمد زين

العودة من باب الخروج

من هنا خرجت وكان الغياب ومن هنا اعود راجيا السماح

عودا حميدا طيبا مبارك فيه

اسمك هنا ليهو طعم ولون والله يادوك

امتعونا









اقول قولي هذا واستغفرالله لي..................

[imported_فيصل سعد]

المشاركة الأصلية كتبت بواسطة احمد زين

العودة من باب الخروج

من هنا خرجت وكان الغياب ومن هنا اعود راجيا السماح

سماح أنور

حبابك ما غريب الدار،،
و عشرات حبابك سلامات،،

تجدنا في تمام الوعد، و كامل الانتظار،،

[imported_احمد زين]

المشاركة الأصلية كتبت بواسطة تماضر حمزة

يا مريود ويا عاشق بيوت الطين
عندي غناك يا المحبوب ويا ود زين
عادل كيوفي وبنطربلك زييين
أيا يوسف غناي غيرك أبيتو وشين

المشاركة الأصلية كتبت بواسطة عبد المنعم حضيري

جيتك يا رفيق بعد الغياب الطال
جيتك والغرام خلى القلب غربال
كان دسيتو يمرق بلسان الحال
وكان صرحت خبري بوصلو المرسال

سألتــك بالـــذي فلــق البحــر نُصيــن
وبي ياسيــن وطــه والذاريــات والتيـن
ديل عينيك وجـــوز خديــك وداكــا جبين
ولا سهام وعنب الشام شمـوس ساطعين