برنامج أغاني و أغاني/ النسخة ال11 - الصفحة 5

عكــود · 13-06-2016, 05:57 AM

إذا جينا للبس، الوحيد اللابس بدون، خالف تذكر، هو هاني.
لبس أنيق بسيط من غير تكلف ولا مسوحات وجلبيط شعر وكلام فاضي.
لا ليموني لا برتقالي لا تطريز قمصان.

برافو والله وعفارم عليه

13-06-2016, 08:16 AM

اقتباس:

المشاركة الأصلية كتبت بواسطة الزوول

الحلقة السابعة
....

الاغنية الخامسة
يا نسيم أرجوك ... عوض الحسين ....التاج مصطفى
فرفور وهانئ عابدين
غلطان يا فرفور انك تغني مع الزول ده لأنو المقارنة مافي صالحك
مش لو كوركت !!!
والأغنية نفسها من عيون الغنا السوداني بدون شك
...
هاني عابدين (8 من 10) وكان ممكن تاخد اكتر لو مخارج الكلمات عندك أحسن من كدي.
فرفور (5 من 10)
...
أسوأ ما فيها ختامها الكل واحد فيهم حاول يجرب فينا صوتو

مافي .... مافي .... مافي مقارنة نهائي بين فرفور وهانئ .... واحد مشروع فنان كبير والتاني متشعبط في البرنامج دة 11 سنة ..... ياخ فكنا عليك الله.

imported_هيثم علي الشفيع · 13-06-2016, 09:55 AM

يا أخواننا ....

في زول حيزعل مني لو قلت ليكم
لي يوم الليلة ...
ما حضرت ولا حلقة من الشي دة؟؟؟؟gap

ومستمتع جداً بي حضوري ليهو ..... هنا

فااااااااااااااااا شنو؟؟؟؟؟؟؟

كان لحقتونا بي تسجيلات لي كلامكم البتقولوهو هنا دة

-زي ما كان حاصل في بداية البوست-

تكونوا تب ما قصرتوا ...

شكراً ليكم جميع

imported_أمير الأمين · 13-06-2016, 12:00 PM

-حتى الان شفنا "متفرقات" والسبب معروف طبعا

اكتر شىء متكيف منو خروج صاحبى الزمان داك..!!

وعقبال لفرفور... دا "مسعم" البرنامج من كم سنة

-فكرة الاستديو الجديد خلاقة بس تنقصها الاضاءة البهرجة
الاستديو لسه معتم ومحتاج اكثر من كمرتين !
اها الجد طبعا
-الاضافات من الفنانين الشباب متعة وغيرو شكل البرنامج
طبعا ينقصهم "الوجه الحسن"

- يعجبنى جدا صوت هانى عابدين رغم تشابهه مع فضل ايوب اداء رائع
وخروج من الاداء الكوارلى المفروض يكون متعود عليه فى عقد الجلاد
او كورال المعهد عكس رانية محجوب تماما الباين عليها "مكتفة" بالغناء الكورالى وممكن يؤثر
فى باقى مسيرتها.
-مهاب صوت حقيبة مميز وواثق من نفسه
-منتصر وطلال اصوات شبابية حلوة

imported_حافظ حسين · 13-06-2016, 01:09 PM

والله أنا زي أخوي هيثم الشفيع دا وقت ناس البيت يشغلوا البرنامج دا بقفل على الأوضة و بشغل غني تاني بأعلي صوت لانو صراحة ضحكة السر قدور دي بتعمل لي طمام و صوت فرفور بضرسني

imported_الزوول · 13-06-2016, 01:56 PM

اقتباس:

المشاركة الأصلية كتبت بواسطة عكــود

سلام العوض،

الغريبة متفق معاك في أغلب كلامك، مع التعديل التالي:
عوض احمودي في أغنية الجابري 10/10
رندا 10/2
طلال الساتة 10/7

لغاية هسع المقنعين تمام، طلال وهاني.. واتوقع انو هاني حيكون الأفضل في الجرد النهائي

عالم خوتها لستك بس...
اسبوع بس وطلعوك ما نافعة
يا حليلك يا مكارم يا بت يشير يا ختيgapgap

عكــود · 13-06-2016, 06:40 PM

الخيل الحرة تجي في اللفة.

مكارم 10/10 مافي كلام!

العوض، ولا كلمة

عكــود · 13-06-2016, 07:11 PM

أحمد الصادق عندو مقدرة فذة في مردغة أي أغنية.

فعل في أغنية صلاح مصطفى، ما فعلته الصبرة في العيش ريف. حتى عمك قدور ما قدر يجاملو، بي تحت نخريهو قال "هايل الله يبارك فيك".

ما قادر اديهو اي تقييم.

13-06-2016, 07:20 PM

الحلقة في مجملا كانت باهتة لا ملامح لها

آدم إدريس · 13-06-2016, 08:08 PM

نزلو لينا حلقة اليوم، ما حضرتها

آدم إدريس · 13-06-2016, 08:14 PM

اقتباس:

المشاركة الأصلية كتبت بواسطة حافظ حسين

والله أنا زي أخوي هيثم الشفيع دا وقت ناس البيت يشغلوا البرنامج دا بقفل على الأوضة و بشغل غني تاني بأعلي صوت لانو صراحة ضحكة السر قدور دي بتعمل لي طمام و صوت فرفور بضرسني

يا عمك ياخي الشوق الشديد...
البرنامج فيهو ناس غنايين شديد، يعني بعد تحضر فوفور ممكن ديل يكونو ليك ليمون يقمع الطمام...و بعد ضحكة عمك قدور في ناس كدى عندهم إبتسامات مشرقة في البرنامج دا ممكن ترتب التشويش البيحصل معاك...
السنة القبل الفاتت يا حافظ لمن تابعت كاس العالم قلنا دي خطوة كويسة في سبيل إستعدال وجدانك، و هسي لو تابعت معانا البرنامج دي بتكون خطيت خطوات كبيرة

عكــود · 13-06-2016, 08:37 PM

اقتباس:

المشاركة الأصلية كتبت بواسطة خال فاطنة

يا عمك ياخي الشوق الشديد...
البرنامج فيهو ناس غنايين شديد، يعني بعد تحضر فوفور ممكن ديل يكونو ليك ليمون يقمع الطمام...و بعد ضحكة عمك قدور في ناس كدى عندهم إبتسامات مشرقة في البرنامج دا ممكن ترتب التشويش البيحصل معاك...
السنة القبل الفاتت يا حافظ لمن تابعت كاس العالم قلنا دي خطوة كويسة في سبيل إستعدال وجدانك، و هسي لو تابعت معانا البرنامج دي بتكون خطيت خطوات كبيرة

سلام خالا،

ياخي قول ليهو، كل سنة وإنت طيب، الليلة عيد ميلادو.

اقتباس:

ولد في مثل هذا اليوم
مشاهدة أعياد الميلاد
‏حافظ حسين

عقبال المية شمعة يا حافظ.

قلت لي بترتّب التشويش!

عليك الله أدّي العوض ده خبر قول ليهو في حواس تانية في الإنسان غير الإضنين الكبار ديل .. بيسمع بس!!

عكــود · 13-06-2016, 08:37 PM

اقتباس:

المشاركة الأصلية كتبت بواسطة خال فاطنة

نزلو لينا حلقة اليوم، ما حضرتها

إلا يلحقك العوض ..
إن بقى سِخى.

آدم إدريس · 13-06-2016, 08:47 PM

اقتباس:

عقبال المية شمعة يا حافظ.

قلت لي بترتّب التشويش!

عليك الله أدّي العوض ده خبر قول ليهو في حواس تانية في الإنسان غير الإضنين الكبار ديل .. بيسمع بس!!

بترتب الجهاز العصبي كلو يا عكود...العوض ما بديهو خبر، لأن العوض لو جاء البوست دا ممتطي حاجة غير إضنينو الحكاية بتبوظ و بتفقد عمق ما...عشان كدى العوض دا ما تهبشو، هو لحد الآن ملح البوست...و تقييمو و تحليلو لحد هسي بعتبرو أفضل تحليلات الأسافير لهذا البرنامج.
أما عيد ميلاد صاحبك دا أنا أشك إن هو ذاتو ما جايب خبر.

زهور · 13-06-2016, 10:37 PM

سلام عليكم
يا الزول عمكم ده قائل روحو عارف اى شاردة و واردة فى الغنا السودانى انا بقيت ما بشوف البرنامج من سنين ، مداخلات عاصم البنا ما عندها معنى الله ريحكم منو فضل فرفور يطير
اجمل ما فى البرنامج كان الرحل نادر خضر عليه الرحمة وحتى نادر كان يشكو من التسلط فى اختيار الاغانى
الشى الملاحظ انو البرنامج ده ما ذكر الكابلى الا عرضا او بالصدفة ليه يا ترى هل ينكر السر قدور دور الكابلى وأثره فى الاغنية السودانية ولا الكابلى ما بستاهل حلقة كااااااملة

13-06-2016, 05:57 AM	#[61]
عكــود Administrator	إذا جينا للبس، الوحيد اللابس بدون، خالف تذكر، هو هاني. لبس أنيق بسيط من غير تكلف ولا مسوحات وجلبيط شعر وكلام فاضي. لا ليموني لا برتقالي لا تطريز قمصان. برافو والله وعفارم عليه
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-06-2016, 09:55 AM	#[63]
imported_هيثم علي الشفيع :: كــاتب نشــط::	يا أخواننا .... في زول حيزعل مني لو قلت ليكم لي يوم الليلة ... ما حضرت ولا حلقة من الشي دة؟؟؟؟gap ومستمتع جداً بي حضوري ليهو ..... هنا فااااااااااااااااا شنو؟؟؟؟؟؟؟ كان لحقتونا بي تسجيلات لي كلامكم البتقولوهو هنا دة -زي ما كان حاصل في بداية البوست- تكونوا تب ما قصرتوا ... شكراً ليكم جميع
imported_هيثم علي الشفيع :: كــاتب نشــط::	التوقيع: والدنيا موية وسط حريق تصبح كُرَبْ.....تتمسى ضيقْ (حمــــيّـد)

13-06-2016, 12:00 PM	#[64]
imported_أمير الأمين :: كــاتب نشــط::	-حتى الان شفنا "متفرقات" والسبب معروف طبعا اكتر شىء متكيف منو خروج صاحبى الزمان داك..!! وعقبال لفرفور... دا "مسعم" البرنامج من كم سنة -فكرة الاستديو الجديد خلاقة بس تنقصها الاضاءة البهرجة الاستديو لسه معتم ومحتاج اكثر من كمرتين ! اها الجد طبعا -الاضافات من الفنانين الشباب متعة وغيرو شكل البرنامج طبعا ينقصهم "الوجه الحسن" - يعجبنى جدا صوت هانى عابدين رغم تشابهه مع فضل ايوب اداء رائع وخروج من الاداء الكوارلى المفروض يكون متعود عليه فى عقد الجلاد او كورال المعهد عكس رانية محجوب تماما الباين عليها "مكتفة" بالغناء الكورالى وممكن يؤثر فى باقى مسيرتها. -مهاب صوت حقيبة مميز وواثق من نفسه -منتصر وطلال اصوات شبابية حلوة
imported_أمير الأمين :: كــاتب نشــط::

13-06-2016, 01:09 PM	#[65]
imported_حافظ حسين :: كــاتب نشــط::	والله أنا زي أخوي هيثم الشفيع دا وقت ناس البيت يشغلوا البرنامج دا بقفل على الأوضة و بشغل غني تاني بأعلي صوت لانو صراحة ضحكة السر قدور دي بتعمل لي طمام و صوت فرفور بضرسني
imported_حافظ حسين :: كــاتب نشــط::	التوقيع: أرجوحة الحياة لا تحمل راكبها إلى أبعد من طرفيها: المأساة والمسخرة مريد البرغوثي

13-06-2016, 06:40 PM	#[67]
عكــود Administrator	الخيل الحرة تجي في اللفة. مكارم 10/10 مافي كلام! العوض، ولا كلمة
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-06-2016, 07:11 PM	#[68]
عكــود Administrator	أحمد الصادق عندو مقدرة فذة في مردغة أي أغنية. فعل في أغنية صلاح مصطفى، ما فعلته الصبرة في العيش ريف. حتى عمك قدور ما قدر يجاملو، بي تحت نخريهو قال "هايل الله يبارك فيك". ما قادر اديهو اي تقييم.
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-06-2016, 07:20 PM	#[69]
عبد المنعم حضيري Guest	الحلقة في مجملا كانت باهتة لا ملامح لها
عبد المنعم حضيري Guest

13-06-2016, 08:08 PM	#[70]
آدم إدريس :: كــاتب نشــط::	نزلو لينا حلقة اليوم، ما حضرتها
آدم إدريس :: كــاتب نشــط::

13-06-2016, 10:37 PM	#[75]
زهور :: كــاتب جديـــد ::	سلام عليكم يا الزول عمكم ده قائل روحو عارف اى شاردة و واردة فى الغنا السودانى انا بقيت ما بشوف البرنامج من سنين ، مداخلات عاصم البنا ما عندها معنى الله ريحكم منو فضل فرفور يطير اجمل ما فى البرنامج كان الرحل نادر خضر عليه الرحمة وحتى نادر كان يشكو من التسلط فى اختيار الاغانى الشى الملاحظ انو البرنامج ده ما ذكر الكابلى الا عرضا او بالصدفة ليه يا ترى هل ينكر السر قدور دور الكابلى وأثره فى الاغنية السودانية ولا الكابلى ما بستاهل حلقة كااااااملة
زهور :: كــاتب جديـــد ::