اصحى يا بريش ....

[imported_قرقاش]

... اذكر تماما فى الديمقراطيه الاولى قبل حكومه عبود (1958 الى 1964 ) .. وانا ايامها .. طفل صغير (..ناركوك ) ...سمعت نقابى من عمال شركه متشل كوتس يقول لزميل له اسمع اسماعيل الازهرى الليله جاى من الدبه نمشى نستقبله فى محطه السكه حديد عشان يدينا بكره اجازه ...وقد كان ..خطب الازهرى فى محطه السكه واعلن ان غدا اجازه رسميه .. فحب الاجازه والعطاله مرض قديم فى كل اهلنا السوادنه .. اعداء بلادى من السودانه يستخدمون هذه الوصفه كثير فى السنين الاخيره لتدمير البلاد بتدمير التعليم فيها فى ثلاثه اعوام سابقه كان يتم تاجيل الموسم الدراسى لاسباب واهيه ..تخيل من اجل دوره مدرسيه فى احدى الاقاليم تتعطل الدراسه فى كل انحاء الوطن وهذا العام يتحدثون ايضا عن تاجيل العام الدراسى بسبب واهى هو الكوليرا ..فبدلا من استغلال تجمع التلاميذ و التركيز على النظافه وعلى تعليم الاطفال فى المدارس عن كيفيه محاربه الكوليرا او الاسهالات المايئه وعلى حثهم فى ان يساعدوا اهليهم ( كل واحد يعلم التانى ) هم يلجاون الى نغمه محببه با ن غدا اجازه
....هييييييييه فرحتونا ..
خاتمه ..نامت نواطير (السودان ) عن ثعالبها فقد بشمن وماتفنى العناقيد

[بابكر مخير]

المشاركة الأصلية كتبت بواسطة قرقاش

... اذكر تماما فى الديمقراطيه الاولى قبل حكومه عبود (1958 الى 1964 ) .. وانا ايامها .. طفل صغير (..ناركوك ) ...

بين العاميين ديل ست سمان بالنسبة للستاشر العجاف والسبعة وعشرين اليابسات،،
القصد من السؤال عشان تصنيفك العمري الحقيقي وإعتماد أسمك في قائمة الأعمام والخيلان "من دون أولائك بتاعيين عبد العزيز محمد داؤد عليه الرحمة"...
أتااااااااااااااااريك متجاوب بإحساس صادق مع بوست "يا أخي الكُبر"..
بالله عليك حسي الكلام يدور عن العيد هل هو يوم الإحد ولا إتنين، ما هو بتفرق، إن بقى إتنين فهذا يعني للدوائر الحكومية، إجازة لمدة عشر أيام "ناضرات"
يتقبل الله صيامك ويجازيك خيرا على قيامك

[imported_Hassan Farah]

اذكر تماما فى الديمقراطيه الاولى قبل حكومه عبود (1958 الى 1964 ) .. وانا ايامها .. طفل صغير (..ناركوك ) ...سمعت نقابى من عمال شركه متشل كوتس يقول لزميل له اسمع اسماعيل الازهرى الليله جاى من الدبه نمشى نستقبله فى محطه السكه حديد عشان يدينا بكره اجازه
----------------------------------------------------------
تعال هنا يا ناركوك قبضناك..... اسماعيل الازهرى تولى رئاسة الحكومة فى الفترة 1954-1956 وانت سمعت حكى النقابى العايز يكسر تلج للازهرى ليعطيهم اجازة الكلام دا يكون حصل سنة 54 حين كان الازهرى فى اوج شعبيته او بالاكثر عام 55 وانت عمرك التقديرى يكون وقتها اقل شئ 6-7 سنوات لانك وعيت وفهمت كلام النقابى وعلى كدى يا ناركوك حضرتكم تكونوا من مواليد 1948 بالكتير 1949.... اكبر من ود عمتى مدينة ههههههه داخل على السبعين وعقبال مية سنة

[بابكر مخير]

المشاركة الأصلية كتبت بواسطة Hassan Farah

[COLOR="DarkRed"] وعلى كدى يا ناركوك حضرتكم تكونوا من مواليد 1948 بالكتير 1949.... اكبر من ود عمتى مدينة ههههههه داخل على السبعين وعقبال مية سنة[/SIZE]

يااااااااااااااااااا حليلك يا ود خالي بلالي
الكتوف ما إتالاحقت..
24 نوفمبر من العام الميلادي 1946
تشرفت الأرض بمقدمنا
يعني بقت أكبر من "نركوكك" قطعن لو كان من مواليد ما بعد 46 لكنه بما أنه بدآ الخلط في تأريخ العمر، يبقآ داسي أمرن جلل.
والله أعلم
اللامور الجادة تكتب بالأحمر
شوعوعي صارخ

[imported_Hassan Farah]

المشاركة الأصلية كتبت بواسطة بابكر مخير

يااااااااااااااااااا حليلك يا ود خالي بلالي
الكتوف ما إتالاحقت..
24 نوفمبر من العام الميلادي 1946
تشرفت الأرض بمقدمنا
يعني بقت أكبر من "نركوكك" قطعن لو كان من مواليد ما بعد 46 لكنه بما أنه بدآ الخلط في تأريخ العمر، يبقآ داسي أمرن جلل.
والله أعلم
اللامور الجادة تكتب بالأحمر
شوعوعي صارخ

-----------------------------------------------------
ههههههه والله كلام يا ود عمتى
هو الناركوك وينو؟ مالو لبد؟

[imported_قرقاش]

المشاركة الأصلية كتبت بواسطة Hassan Farah

اذكر تماما فى الديمقراطيه الاولى قبل حكومه عبود (1958 الى 1964 ) .. وانا ايامها .. طفل صغير (..ناركوك ) ...سمعت نقابى من عمال شركه متشل كوتس يقول لزميل له اسمع اسماعيل الازهرى الليله جاى من الدبه نمشى نستقبله فى محطه السكه حديد عشان يدينا بكره اجازه
----------------------------------------------------------
تعال هنا يا ناركوك قبضناك..... اسماعيل الازهرى تولى رئاسة الحكومة فى الفترة 1954-1956 وانت سمعت حكى النقابى العايز يكسر تلج للازهرى ليعطيهم اجازة الكلام دا يكون حصل سنة 54 حين كان الازهرى فى اوج شعبيته او بالاكثر عام 55 وانت عمرك التقديرى يكون وقتها اقل شئ 6-7 سنوات لانك وعيت وفهمت كلام النقابى وعلى كدى يا ناركوك حضرتكم تكونوا من مواليد 1948 بالكتير 1949.... اكبر من ود عمتى مدينة ههههههه داخل على السبعين وعقبال مية سنة

لالا مالبدت ولا حاجه انا معاك ... وانشاء الخير والصحه والعافيه دايما معاك ...ياعمى حسن فرح
عندك فراسه شديده ..

انا اصغر من عمنا بابكر مخير بى تلاته سنين ويومين طق طرق ...26/11/1949 ..
امبارح ...فى اغانى واغانى لمن الموصلى غنى ..والله اتذكرت اخونا بابكر مخير ..وقلت انزل ليه اغنيه للموصلى وهو شباب ... واغنيه ليه غناها امبارح بعد ما السنون وقعن ..عشان يشوف الكبر كيف باثر حتى فى صوت الزول ...ادام الله علينا عليكم وعلى احبه المنتدى الصحه والعافيه ..

[imported_Hassan Farah]

المشاركة الأصلية كتبت بواسطة قرقاش

لالا مالبدت ولا حاجه انا معاك ... وانشاء الخير والصحه والعافيه دايما معاك ...ياعمى حسن فرح
عندك فراسه شديده ..

انا اصغر من عمنا بابكر مخير بى تلاته سنين ويومين طق طرق ...26/11/1949 ..
امبارح ...فى اغانى واغانى لمن الموصلى غنى ..والله اتذكرت اخونا بابكر مخير ..وقلت انزل ليه اغنيه للموصلى وهو شباب ... واغنيه ليه غناها امبارح بعد ما السنون وقعن ..عشان يشوف الكبر كيف باثر حتى فى صوت الزول ...ادام الله علينا عليكم وعلى احبه المنتدى الصحه والعافيه ..

--------------------------------------------------------
يعنى تقديراتى ما كضبت والحمدلله
تانى من هنا و لى قدام حقو سودانيات تحتفل بعيد ميلادكم فى يوم واحد يومين ما بيفرقوا
وان شاء الله انت وودعمتى مدينة ربى يعطيكما العافية ويمد فى ايامكم ويحضركم احفاد احفادكم

[بابكر مخير]

المشاركة الأصلية كتبت بواسطة قرقاش

وقلت انزل ليه اغنيه للموصلى وهو شباب ... واغنيه ليه غناها امبارح بعد ما السنون وقعن ..

بالله عليك
أشوف وأعاين وأشبه في الزول دآ
قلتا يكون الموسيقار "أكرد"، لكن الزول دآ أنا شفته قبل شهرين ولساتهو والحمد لله لمن بعد شوية شفته في الفرقة البتعزف، طيب دآ منهو.....
والله حاجة عجيبة..
سبحان الله دآ الناس بتتغير بي شكل...
والسبب التعب في الحياة!!!
وتقول ليا الناس ما تفرح بالإجازة...
ما هو الإجازة راحة والراحة إستراحة من الهموم...