الى ود سعد واخرين - الصفحة 2

imported_فيصل سعد · 06-04-2018, 09:54 PM

هلال مريخ،، ما شاء الله على البشاشة و الضحكة و البسمة و الوجه الصبوح،، خلى بالك يا دوك يا حبوب انت داير تجيب خبرنا و كدا،، نلقاها منك ولا من جيجي

دي لو كان شافا الحردلو كان جدع فيها مسادير اصلية و كدا على نسق :

زينة التاجر الوزغن
مراكبو و كتن
فيها شعاع وكت
حس الفروع ما رتن
اكان فد يوم
خديداتك معاى اتغتن
أقنع بيك و أتوب
من البنات يا شتن

ارقد عافية..

imported_الجيلى أحمد · 07-04-2018, 04:19 PM

اقتباس:

المشاركة الأصلية كتبت بواسطة عكــود

بس مسكينة، بنطلونها مشروط في الرُكبة.

شايف المتهم مركز خالص

imported_الجيلى أحمد · 07-04-2018, 04:34 PM

اقتباس:

المشاركة الأصلية كتبت بواسطة فيصل سعد

أرمينيا دي وين يا باذخة

أرمينيا يابوكش..
الرمينات والدخينات والقوز والشقلة..
حيث القوقاز وجورجيا وازربيجان والفجات الربنا ساوي ليها فلجة..
ديل الجرسو عمك شولخوف وكتب فيهم مجلدات عجيبة في قصته الطويلة ( الدون الهادئ)..
القوقازيين ديل قتلة..
وكلهم عاملين زي كاتبة العدل الباذخة دي.. كلهم قتلة مابخافو الله

imported_الجيلى أحمد · 07-04-2018, 04:44 PM

[QUOTE=فيصل سعد;542456الشافعة وجناتها بقن مع خروزها

[/QUOTE]

صاحبنا اسماعيل قندفة كان عندو ترجمة عجيبة لأغنية جورج مايكل Jesus to a child
كان بيترجما" الشافعة الله ليها"
أنا شايف إنو ترخي عضلاتا عشان الحقن تمشي..
https://youtu.be/ulhoKujT2G8

جيجي دي بتاعت مِحن

imported_أمير الأمين · 08-04-2018, 09:28 PM

اقتباس:

المشاركة الأصلية كتبت بواسطة فيصل سعد

يا معلم انت اقعد ناوش كدا،، بس بعدين ما ترمي اللوم علينا

خصوصا الباذخة بتاعة بعر و عروق و محايات و كدا،، غايتو لو جاتك محنبكة، ما ليك إلا الزغبرة و تفك البيرق و تقول يا لطيف، العفو و التخفيف!!
مسؤول من الخير، أرمينيا دي وين

لقدام..

يا فخيم المناوشات ديل ضرورى عشان الجرجرة وكده
بعدين سارة دي ترياقا كيس تمباك مليان اصلو حق البلد
ديك قالوا عطرونو قليل

09-04-2018, 03:07 AM

اقتباس:

المشاركة الأصلية كتبت بواسطة فيصل سعد

سلامات يا حبوب :

كان احسن تقول ليها :

كان الدلال من طبعك
و عاجبنا فيك غرور
و أن جرت برضك عادل
ظلم الجميل مغفور
نهواك نتيه في ريدك
شايفين المنا سرور
نار الغرام يا هاجر
في قلوبنا توقد نور

أصحى يا بريش

لا حولا ياخ

البنية دي ما بتحمل جنس كلامك دا

دي كان بكت ..

بتبكي الدنيا ياما

وتطلع من زحاما

ان قامت قيامة
وان قعدت وسامة

مالك ومال غراما

يا هذا الهمام.

تحياتي

09-04-2018, 03:22 AM

خصلاتا الحرير
والخد كالزهور
ان قامت بدور
وان قعدت ندور
في فلك الغرام

imported_فيصل سعد · 09-04-2018, 04:56 AM

اقتباس:

المشاركة الأصلية كتبت بواسطة عبد المنعم حضيري

خصلاتا الحرير
والخد كالزهور
ان قامت بدور
وان قعدت ندور
في فلك الغرام

مالك نفسي مطعونة
و تملي تنيني
مالك عيني للغميد
ابيتي تليني
عطشان ديمة كفح
الموية ما برويني
كاتلاني الطريفية
البريدها قريني

ارقد عافية..

imported_فيصل سعد · 13-04-2018, 08:55 AM

أين صاحبة البوست،، عرجونة المنتدى
و زهرته النضيرة و ريحانة التواصل و المحبة!!! ما ممكن تفكي لينا بوست قنبلة زي دا، و تزوغي و تتزاوغي

عكــود · 13-04-2018, 09:03 AM

اقتباس:

المشاركة الأصلية كتبت بواسطة فيصل سعد

مالك نفسي مطعونة
و تملي تنيني
مالك عيني للغميد
ابيتي تليني
عطشان ديمة كفح
الموية ما برويني
كاتلاني الطريفية
البريدها قريني

ارقد عافية..

تتقسم مقاطع في المشي وتتحرن
زي فرخ القطا الاماتو ركن وفرن

سلام يا باذخ

imported_فيصل سعد · 13-04-2018, 09:11 AM

سلمكم الله يا صاحب،، أموركم طيبة أن شاء الله..

شعرك منتظم زي
السلاسل فتلو
وعينيك ترقِص الحجر
ان بقت شافتلو
الطاؤوسة قاصدة
مشيكي ما عرفتلو
وأعصاب الرآك
أتكهربت تلفتلو

عكــود · 13-04-2018, 11:56 AM

يا مولاي اه من غلبي
يرجح انها للشاعر عكير الدامر (والله اعلم ..)

يا مولاي آه من غُلبي من النارو حرقت قلبي
حظي الديمة من رد الآنيس جافل بي
طالت السفرة واتحفت مناسم تلبي
هب الريم وعاودك الحنين ياقلبي
***
مالِك نفسي مطعونة وتملي تنيني
مالك عيني للغميض أبيتي تليني
عطشان ديمة كفح الموية ما برويني
كاتلاني الطريفية البريدا قريني
***
الناس عيدت مرقت على أصحابها
وأنا فريت على الجاهله السمح ترحابها
فاطراً يحكي براق البدودي سحابها
لفت قلي زي لف طرحتها اللافحابها

ختت أيدها فوق إيدي انجذبت خِدرت
حبيت أمشي من كُتر الطرب ما قدرت
بقت الحنة بين إيدي وأيديها اندرت
لولا الحنة بيني وبينها كنت ودرت
***
شعرك منتظم زي السلاسل فتلو
وعينيك ترقِص الحجر ان بقت شافتلو
الطاووسة قاصدة مشيكي ما عرفتلو
وأعصاب الرآك أتكهربت تلفتلو
***
أخدر ليهو ضل فوقو المحاسن انشرن
أفلج فاطرو زي برق السواري الكرن
يتقسم مقاطع في المشي ويتحرن
زي فرخ القطا الأماتو ركن وفرن
***
يتمنى الدهب لو لونه يشبه لونك
اشتهت الدرر لو هي تبقى سنونك
مجنون ليلى حالتو أجن من مجنونك
مادام ليلى كانت في المحاسن دونك
***
عن من أحبه أنا غير خاطري فرقت
هائج بي غرام عن حالتي خلي سرقت
لولا أدمعي من ناري كنت حرقت
ولولا ناري من كترة دموعي غرقت

وين العرجونة؟

imported_فيصل سعد · 13-04-2018, 05:02 PM

اقتباس:

المشاركة الأصلية كتبت بواسطة عكــود

وين العرجونة؟

شرحو،،،
تكون طاشة مع تهادي البانة،،
أو يكون طفشها أب شال
و نضارات و كدا

13-04-2018, 06:35 PM

العرجونة اصلا قالت ليكم

الى ود سعد واخرين

تاني شغلتا بيكم شنوووو؟؟

تحياتي

imported_فيصل سعد · 14-04-2018, 06:16 AM

اقتباس:

المشاركة الأصلية كتبت بواسطة عبد المنعم حضيري

العرجونة اصلا قالت ليكم

الى ود سعد واخرين

تاني شغلتا بيكم شنوووو؟؟

تحياتي

مرحب يا حبوب،، كيف شغلتا بينا شنو،، شغلتها تجي تردح و تتنخنج

و تخوض مع الخائضين،، و تواصل التصاوير و كدا..

يديك العافية..

06-04-2018, 09:54 PM	#[16]
imported_فيصل سعد :: كــاتب نشــط::	هلال مريخ،، ما شاء الله على البشاشة و الضحكة و البسمة و الوجه الصبوح،، خلى بالك يا دوك يا حبوب انت داير تجيب خبرنا و كدا،، نلقاها منك ولا من جيجي دي لو كان شافا الحردلو كان جدع فيها مسادير اصلية و كدا على نسق : زينة التاجر الوزغن مراكبو و كتن فيها شعاع وكت حس الفروع ما رتن اكان فد يوم خديداتك معاى اتغتن أقنع بيك و أتوب من البنات يا شتن ارقد عافية..
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

07-04-2018, 04:44 PM	#[19]
imported_الجيلى أحمد :: كــاتب نشــط::	[QUOTE=فيصل سعد;542456الشافعة وجناتها بقن مع خروزها [/QUOTE] صاحبنا اسماعيل قندفة كان عندو ترجمة عجيبة لأغنية جورج مايكل Jesus to a child كان بيترجما" الشافعة الله ليها" أنا شايف إنو ترخي عضلاتا عشان الحقن تمشي.. https://youtu.be/ulhoKujT2G8 جيجي دي بتاعت مِحن
imported_الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just apart of it We have got to fill full the book Won't you help to sing- these songs of freedom Cause all I ever have Redemption songs

09-04-2018, 03:22 AM	#[22]
عبد المنعم حضيري Guest	خصلاتا الحرير والخد كالزهور ان قامت بدور وان قعدت ندور في فلك الغرام
عبد المنعم حضيري Guest

13-04-2018, 08:55 AM	#[24]
imported_فيصل سعد :: كــاتب نشــط::	أين صاحبة البوست،، عرجونة المنتدى و زهرته النضيرة و ريحانة التواصل و المحبة!!! ما ممكن تفكي لينا بوست قنبلة زي دا، و تزوغي و تتزاوغي
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

13-04-2018, 09:11 AM	#[26]
imported_فيصل سعد :: كــاتب نشــط::	سلمكم الله يا صاحب،، أموركم طيبة أن شاء الله.. شعرك منتظم زي السلاسل فتلو وعينيك ترقِص الحجر ان بقت شافتلو الطاؤوسة قاصدة مشيكي ما عرفتلو وأعصاب الرآك أتكهربت تلفتلو
imported_فيصل سعد :: كــاتب نشــط::	التوقيع: [frame="5 80"]اللهم اغفر لعبدك خالد الحاج و تغمده بواسع رحمتك.. سيبقى رغم سجن الموت غير محدود الاقامة[/frame]

13-04-2018, 11:56 AM	#[27]
عكــود Administrator	يا مولاي اه من غلبي يرجح انها للشاعر عكير الدامر (والله اعلم ..) يا مولاي آه من غُلبي من النارو حرقت قلبي حظي الديمة من رد الآنيس جافل بي طالت السفرة واتحفت مناسم تلبي هب الريم وعاودك الحنين ياقلبي * مالِك نفسي مطعونة وتملي تنيني مالك عيني للغميض أبيتي تليني عطشان ديمة كفح الموية ما برويني كاتلاني الطريفية البريدا قريني * الناس عيدت مرقت على أصحابها وأنا فريت على الجاهله السمح ترحابها فاطراً يحكي براق البدودي سحابها لفت قلي زي لف طرحتها اللافحابها ختت أيدها فوق إيدي انجذبت خِدرت حبيت أمشي من كُتر الطرب ما قدرت بقت الحنة بين إيدي وأيديها اندرت لولا الحنة بيني وبينها كنت ودرت * شعرك منتظم زي السلاسل فتلو وعينيك ترقِص الحجر ان بقت شافتلو الطاووسة قاصدة مشيكي ما عرفتلو وأعصاب الرآك أتكهربت تلفتلو * أخدر ليهو ضل فوقو المحاسن انشرن أفلج فاطرو زي برق السواري الكرن يتقسم مقاطع في المشي ويتحرن زي فرخ القطا الأماتو ركن وفرن * يتمنى الدهب لو لونه يشبه لونك اشتهت الدرر لو هي تبقى سنونك مجنون ليلى حالتو أجن من مجنونك مادام ليلى كانت في المحاسن دونك * عن من أحبه أنا غير خاطري فرقت هائج بي غرام عن حالتي خلي سرقت لولا أدمعي من ناري كنت حرقت ولولا ناري من كترة دموعي غرقت وين العرجونة؟
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.

13-04-2018, 06:35 PM	#[29]
عبد المنعم حضيري Guest	العرجونة اصلا قالت ليكم الى ود سعد واخرين تاني شغلتا بيكم شنوووو؟؟ تحياتي
عبد المنعم حضيري Guest