اقتباس:
المشاركة الأصلية كتبت بواسطة فيصل سعد
شوف يا برزر :
انا 54 عاما في هذه الفانية،، من ما وعيت في الصف السادس الابتدائي ما حصل استهبلت على زول.. قبل ذلك ما متذكر و لو حصل استهبال الجهل مغفور  تصدق و تامن بالله، حتى معصية الله في طريق حياتي العريضة، كانت معاصي فردية بحتة، لم تمس أحدا كائنا كان، و لم ادع لها مجال أن تأثر سلبا في معصية من أحب أو من لا اطيق من الرفاق بتاتا .. أديك نموذج، عندما كنت احتسي الخمر، كنت احتسيها منفردا في البار أو في المنزل مع النجم و المساء، حتى تاب الله علي، رغم طلاوة و نداوة و حلاوة القعدات و كدا،، لكني لم اصب كاسا لزول غير حلقي دا
فكيف بعد كل هذا،، تتشكك أنني اجرعك كاسا مسموما يا صديق.. |
ولن أخرج لك من نقاشنا هذا شهادة حسن أخلاق.. ولن أخرج لك شهادة سوء فيها..
انت يافيصل سعد عندك حاجة حاقصة ليك في حلقك وغالبك تقولها؟
يازول ماتقعد تخش بي حمد وتطلع بي خوجلي، أنا والله كرهتي في الدنيا نوع الكلام المغطغط وشين دا..
عندك حاجة يامان كبها هنا، أظر وايز انت زول مستهبل فاقد لأي أهلية صداقة عندي..
تكب خمر ولاتكب بنزين أنا شغلتي بيك شنو؟
انت زول ماعندك طايوق؟
أما إنك زل غريب! مالي أنا ومال حياتك وتوباتك وأوباتك وهبابك الهببتو من عدمو؟
