قصيدة جديدة

هيثم علي الشفيع · 14-01-2025, 06:43 PM

كنت
بلاقي الشوق في الشارع
و كان بيتعمَّد إني أشوفو
مرة ف مقعد آخر الحافلة
و مرة في لافتة عليها حروفو
يوم نتلاقى صباحاً بدري
و يوم في آخر الليل و طيوفو
و أي خيال جاي من الماضي
كان بيحولو فعل مضارع
و كنت
بلاقي
الشوق
في الشارع

****

كنا كتير نتفارق فترة
و أنسى الشوق و انساها أحوالو
لا بيحاول يقرّب يزورني
ولا بتجرأ أمشي قبالو
لا أشجارو تضلل بيتي
ولا غيماتي تصب فِ جبالو
بس لكن
ما دايم حالا....
لما يشد أوتار في قلبي
و يبدأ العزف عليها و يغني
كان بيسوقني سماهو السابع.
و كنت

بلاقي
الشوق
في الشارع.

****

ياااااا
دة الشوق الما ليو آخر
و يا دة الشوق الأوّل و آخر
مهما أقول فارقت ديارو
برجع ليها و فيها أسافر
و مهما أقول بارحت زمانو
يفضل هسة و أمسي و باكر
و كلما
أقول
لي حدَّو وصلت
برجع أضيع...
و أنا أصلاً ضايع.
دة
الماليها عليّْ الدنيا
و دة
الشقيش قبّلت....
....... الشارع.

بورتسودان
يناير ٢٠٢٥م

اشرف السر · 14-01-2025, 11:06 PM

بضيع يا بديع الحرف...
امتعتني في هذه الليلة الشتوية بإنثيال مفرداتك الأنيقة...
كن بخير أنت وشِعرك..

هيثم علي الشفيع · 15-01-2025, 02:07 PM

اقتباس:

المشاركة الأصلية كتبت بواسطة اشرف السر

بضيع يا بديع الحرف...
امتعتني في هذه الليلة الشتوية بإنثيال مفرداتك الأنيقة...
كن بخير أنت وشِعرك..

تسسسسسلم والله يا أبوالشوش 💞

عكــود · 15-01-2025, 02:13 PM

سلام يا باشمهندس،
القصيدة دي لحنها منها وفيها، كلمات رقيقة وأشواق دفيقة.

جميل يا هيثم

هيثم علي الشفيع · 16-01-2025, 04:27 AM

اقتباس:

المشاركة الأصلية كتبت بواسطة عكــود

سلام يا باشمهندس،
القصيدة دي لحنها منها وفيها، كلمات رقيقة وأشواق دفيقة.

جميل يا هيثم

يسلمك و يعافيك يا عمدة

تصدق حسيت إنها أغنية و ما قصيدة؟ ؟😊

دمت بألف خير

14-01-2025, 06:43 PM	#[1]
هيثم علي الشفيع :: كــاتب نشــط::	قصيدة جديدة كنت بلاقي الشوق في الشارع و كان بيتعمَّد إني أشوفو مرة ف مقعد آخر الحافلة و مرة في لافتة عليها حروفو يوم نتلاقى صباحاً بدري و يوم في آخر الليل و طيوفو و أي خيال جاي من الماضي كان بيحولو فعل مضارع و كنت بلاقي الشوق في الشارع ** كنا كتير نتفارق فترة و أنسى الشوق و انساها أحوالو لا بيحاول يقرّب يزورني ولا بتجرأ أمشي قبالو لا أشجارو تضلل بيتي ولا غيماتي تصب فِ جبالو بس لكن ما دايم حالا.... لما يشد أوتار في قلبي و يبدأ العزف عليها و يغني كان بيسوقني سماهو السابع. و كنت بلاقي الشوق في الشارع. ** ياااااا دة الشوق الما ليو آخر و يا دة الشوق الأوّل و آخر مهما أقول فارقت ديارو برجع ليها و فيها أسافر و مهما أقول بارحت زمانو يفضل هسة و أمسي و باكر و كلما أقول لي حدَّو وصلت برجع أضيع... و أنا أصلاً ضايع. دة الماليها عليّْ الدنيا و دة الشقيش قبّلت.... ....... الشارع. بورتسودان يناير ٢٠٢٥م
هيثم علي الشفيع :: كــاتب نشــط::	التوقيع: ضُلَعاً ممنوعة من الفرحة.. من حقّها تبكي بحرية. (حمــــيّـد)

14-01-2025, 11:06 PM	#[2]
اشرف السر :: كــاتب نشــط::	بضيع يا بديع الحرف... امتعتني في هذه الليلة الشتوية بإنثيال مفرداتك الأنيقة... كن بخير أنت وشِعرك..
اشرف السر :: كــاتب نشــط::	التوقيع:

15-01-2025, 02:13 PM	#[4]
عكــود Administrator	سلام يا باشمهندس، القصيدة دي لحنها منها وفيها، كلمات رقيقة وأشواق دفيقة. جميل يا هيثم
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.