اشراقة مصطفي ماتجي نحتفل بي كوستي هنا

[عادل عسوم]

المشاركة الأصلية كتبت بواسطة AMAL

عادل
شكرا علي الجية بي هنا وبي هناك
وعازمنك احتفال مئوية كوستي
احكي لينا عن انطباعاتك لو زرتها
وعن ناس من كوستي قابلتهم في دروب الحياة
شفتا ناس كوستي حنينين واجتماعيين كيف
بقولو زمان في الجامعات اقوي الروابط رابطة ابناء كوستي
وبضربو بيها المثل في التماسك والانجاز
عملتا في فترة دراستي بجامعة الخرطوم سكرتير اجتماعي للرابطة
وكانت من اجمل فترات حياتي

أمال
دة نفّاج (حميميّة) جميييييل ... أخترق كل القلوب المرصوصة في سودانيات
تلمّست كمَّ الصدق المتدفق من خلال شلالات المشاعر والأحاسيس الجميلة المنداحة منك وايمان واشراقة والشباب!
اللّمّة حلوة ياأحباب والله...
كوستي زرتها مرة واحدة في حياتي وأنا في مرحلة البكالوريوس...
كنت في رحلة دَعَويّة الى الجنوب ضمن وفد قوامه طلبة مختارون من جامعات المملكة بدعم من رابطة العالم الأسلامي في الثمانينات...
لم يزل ميناؤها النهري عالقا في ذاكرتي!
بحركة الصنادل والمراكب الكثيفة وكمية البضائع المهولة المكومة في ساحاته!
كذلك لفت نظري وداعة (ناس كوستي) برغم فسيفساء الالوان والاشكال واللهجات...
استضافنا أحد مسئولي الميناء وأظن اسمه حمد أو محمود ...رجل أخدر وطويل و(حكّااااي) وله اهتمامات عروبية برغم لغته الانجليزية الراقية ...يضاف الى ذلك ترديده المتكرر لأغاني الكابلي
(طقشنا) دروب الحياة وخلالها قابلت العديد من الوجوه الرائعة من كوستي...صدقيني فيهم وداعة يتلمسها المرؤ في كل شئ فيهم!...
واصلوا يااحباب فانتم تنثرون المحبة والجمال في وجداننا...
مودتي

[طارق صديق كانديك]

الأخوات آمال واشراقة مصطفى وجميع الكواستة

نواضر تحياتي

التحية لجميع مدن وقرى بلادي .. وهاهي كوستى في محفل الإحتفاء الجمالي .. وهي مدينة برائحة الدهشة وطعم الفرح دون شك .. !

دخلتها لأول مرة في احتفال افتتاح دار حزب البعث العربي الإشتراكي في الديمقراطية التانية .. حين خاطب المحتفلين هناك المرحوم الرفيق بدر الدين مدثر .. عليه الرحمة .. !

نامت تلك المتبرجة بيننا حتى الآن .. اذ تسكنك سريعاً .. !

أتمنى أن أراها مرةً أخرى لا سيما بعد أن تزوج شقيقي هناك واستوطن بها .. !!

التحية لكل من فيها وما فيها ..

[الشريف الراقي]

المشاركة الأصلية كتبت بواسطة AMAL

يا لهذه المدينة التي يتشابه انسانها ويتفق حتي في الاسماء
افتكرتك بتقصد مصطفي عبدالرحمن شقيقي رحمه الله
بس فرقت في اسم الجد
شكرا علي الاطراء
دا من حسك الراقي ياشريف
الذي يجعلني ارك في بوستاتك واستمتع بشعرك الجزل النديان
واكيد فيك حتة من كوستي

[align=center]

بهجة الآمال .. سلام ومحبة ..
له الرحمه شقيقك ولصديقي كذلك ..
فصديقي هو أخو الضباط رائد / بابكر عبد الرحمن نقد الله الذي أعدمه النظام صبيحة عيد وكان حظ كوستي أيضاً الرائد المرحوم / الفاتح خالد خليل .. لهم الرحمة جميعاً .. ولا نامت أعين الجبناء ..
مات مصطفى يا آمال نتيجة صدمة عنيفة تلقاها يوم تلقينا خبر وفاة أخيه ورغم أننا ونحن طلبة بمصر وقتذاك تجاوزناها وسافر مصطفى للسودان للعزاء في ظروف أكاديمية صعبة وعاد وتخرج المرحوم مصطفى وبقينا بعده وحيدين فقد كان الحاني والأخ الكبير الناصح والمحب والمضحي من أجل الجميع .. ولكن لم تمض شهور حتى فجعنا بخبر موته نتيجة معاودة الصدمة له من جديد بإنتكاسة جعلتنا نفقده ..
أمال جرح مصطفى ما زال ينزف ..
آه ما أقسى الموت في عيون مصطفى ..[/align]

[خضر حسين خليل]

المشاركة الأصلية كتبت بواسطة Ishraga Hamid

ياله من احتفاء

وفى البال انادى منقاويتنا
واهى جات تسبقها منقة روحها


شكرا يافيصل على الاستجابة


وبالله صورة للرديف واللية خاصة وانو منتظرين خدر يفك آخرو عن الحكايات هناك



الرديف... تفاصيل حياة كاملة
تفرهد فيه نوال حسن الشيخ بقامتها الفارعة وشغلها السياسى النطيف


واصلوا وبجيكم راجعة

جنس حكايات يا اشراقة
ما بين اللية ومزارع الرز
وجناين العباسية
وطيبة
وميدان السوق
والأقاشي ونكهة التبش والعجور بالشطة في زاوية
عمنا هاشم وكواري الموية في شارع أبو شريف
والرديف الشغل النضيف

إنا لله يا شروق
شئ عجيب

[طارق صديق كانديك]

المشاركة الأصلية كتبت بواسطة خضر حسين خليل

جنس حكايات يا اشراقة
ما بين اللية ومزارع الرز
وجناين العباسية
وطيبة
وميدان السوق
والأقاشي ونكهة التبش والعجور بالشطة في زاوية
عمنا هاشم وكواري الموية في شارع أبو شريف
والرديف الشغل النضيف

إنا لله يا شروق
شئ عجيب

يازول مالك خليتنا نتمطق .... !!!

والله بيني وبينك نضيييييييييييييف ...!!

هسي فيصل سعد يجيني متلب ... !!!

تحياتي

[خضر حسين خليل]

المشاركة الأصلية كتبت بواسطة AMAL

فول الزين
ودكان تبوري
وغنا الشايقية الطاعم
الشاب الاصبح فنان مشهور
كان في ذلك الزمن دندن بي طمبور يافع وشافع
في بواكير وجدو وينعة صباه الاخضر
كوستي وذلك التمازج والتناغم الغريب
البوتقة
ياخضر
شارع الدويم
محطة الكشك
حلة العراقاب
دكان خرساني
بيت ناس ابوحرة
بيتنا الما ناصية
وشبابيكنا الفاتحة علي شوارع عامرة
بي ناس طيبة
ومحبة بدون حدود

ومدرسة البنات يا أمال


مدرسة البنات
الثانوية
والبت القمحة السمحة ديك
وحكاياتنا
وونستنا البريئة يومها
ونحنا واقفين في الميدان الكبير
نهاية صيوان بيخطب فيهو والي أو وزير أو حتي رئيس
ونحنا في ونستنا ديك
ولا شغالين بالموضوع الشغلة
جنس ونسة لكن!!!

كوستي مدينة لديها مذاق خاص
لها في القلب أشياء وأشياء
وذكريات هنا وهناك
بجيكم وعقبال نحتفي بي مئويتكم يا كوستاب

[خضر حسين خليل]

المشاركة الأصلية كتبت بواسطة طارق صديق كانديك

يازول مالك خليتنا نتمطق .... !!!

والله بيني وبينك نضيييييييييييييف ...!!

هسي فيصل سعد يجيني متلب ... !!!

تحياتي

كاندبك
ياخ ازيك

صدقت يا طارق
قال ثم من
قال نضيف شديد

بالمناسبة فيصل بكون أساسي في الرديف
موش كدة يا فيصل
تحياتي يا صديق

[Ishraga Hamid]

لاجل مزيد من الحكايات
التفاكر
والاحلام المشتركة لاجل الوطن الاول- كوستى فى مئويتها

[iman mohamed hussien]

صباح الخير عليكم يا تجمع الكوستاويه

ما الخير الشايقي التاجر

صبحته الصباح في السوق الصغير
انا ماشه قابلته امنه وصلاح عمر من المجلس البلدي
ناس التراخيص اي زول بجهز ليهم كيسي كبير حق صم الخشم
اشتريت من ادم الفلاتي ناس فول ويكه شطه
اتوجهته الي سيده بنت ود غريب باقي شغلات البيت
قلت كدي نسلم علي نوال واقبال حسن الشيخ هاك يا ونسه ضحك
البج ماري كلوا بقيف تصير لمه كبيره هي يا اخواني اللاولاد بجوا
الفطور من المدرسه .
هاك يا ضحكه حلوه نظيفه نفتقرها هذا الزمان
من هنالك كدي نشوف بنات عشه حامد طولت منهم
هاك يا غشوه طبعا اشراقه طوالي ابن بطوط حتي لو في البيت زياره سريعه
للدعم والموؤنه ضحكتها الحلوه مجلجله في البيت مناكفات شديده مع الوالد
مصطفي حامد .
الاقي حلة عشه حامد الماخمج ديك هاك يا فطور. اقعدي النبي القهوه دقائق بالرغم من اني ما بشرب القهوه المهم ونسة بن .
حاجه في غاية الروعه لوحه جميله جمال روح ذلك الزمان
يعني لم اكون في البيت الساعه 12 ظهر انا في الشارع بكون سلمت علي كل الحله الجديده
الرديف . ايام جميله لها ايقاع خاص بيها
كوستي وشخصيات كوستي ما اظن في منطقه في السودان لها نموذج هؤلاء الشخصيات
كوشيب .جميل كوستي. مريم . الحليلو. هم كثر اي زول من كوستي يعرف هؤلاء العمالقه
نواصل
ايمان

[AMAL]

عادل وطارق والشريف
خضر حسين

نجاملكم في مدنكم يارب

ايمان ياجميلة

واصلي في التداعي

عافية تكسيك توب وتاج
يارب العالمين وكوني هنا

دايما ياصديقتي

[عبد الجليل سليمان]

والله يا آمال .. تعثرت كثيرا .. وتعبت وأنا أبحث عن شعر يحتفي بكوستي .. ولما عجزت ..قلت مالو . محمد الواثق (رغم إختلافي) معه لما ذهب إليه ..لكن ما كتبه يمثل صورة كوستى (الأخرى) .. من وجهة نظر زول (قرفان) من كل شئ في السودان .. قلت أرفدكم بها في عيدكم المئوي.

سميت باسم غريب الدار نازحها ** ما كان كوستي قدر من الشرف
أورثها من طباع الروم ألونة ** من الفساد تراءت داخل الغرف
فصار باخوس رب الخمر ربهم ** ما بين منهمك منهم ومرتشف
حتى كأن أذان الفجر يبلغهم ** حي على الشرب في حانوت منحرف
قوم من الطيش لا ترجى عقولهم ** كأنما العقل فيهم صيغ من خزف
إن الإمام الذي عادوا جزيرته ** قد كان يخشى عليهم غصة الأسف
أما تراني شددت الرحل منصرفاً ** أحاذر الناس في حِلي ومنصرفي
لا أقرب الدار تستعلي النساء بها ** ولا أقيم بدار اللهث واللهف
كوستي الرديف ترى بانت نصيحتنا ** لكل رادفة فيها ومردتف

[Ishraga Hamid]

منقاويه

يامنقاوية....... احكى ياحبيبة

[Ishraga Hamid]

عشرون دستة

للشاعر صلاح احمد ابراهيم حول احداث عنبر جودة الشهيرة

لو انهم
حزمة جرجير يعد كي يباع
لخدم الإفرنج في المدينة الكبيرة
ما سلخت بشرتهم أشعة الظهيرة
وبان فيها الاصفرار والذبول
بل وضعوا بحذر في الظل في حصيرة
وبللت شفاهم رشاشة صغيرة
وقبلت خدودهم رطوبة الانداء
والبهجة النضيرة
لو انهم فراخ
يصنع من أوراكها الحساء
لنزلاء الفندق الكبير
لوضعوا في قفص لا يمنع الهواء
وقدم الحب لهم والماء
لو انهم ...
لكن رعاع
من الرزيقات
من الحسينات
من المساليت
نعم رعاع
من الحثالات فى القاع
من الذين انغرست في قلبهم براثن الإقطاع
وسملت عيونهم مراود الخداع
حتى إذا ناداهم حقهم المضاع
عند الذين حولوا لهاثهم ضياع
وبادلوا آمالهم عداء
وسددوا ديونهم شقاء
واستلموا مجهودهم قطنا وسلموه داء
حتى إذا ناداهم حقهم المضاع
النار والرشوة والدخان
والكاتب المأجور والوزير
جمعيهم وصاحب المشروع
بحلفهم يحارب الذراع
يحارب الأطفال والنساء
وينشر الموت على الأرجاء
ويفتح الرصاص في الصدور
ويخنق الهاتف في الأعماق
وفى المساء
بينما كان الحكام في القصف وفى السكر
وفى برود بين غانيات البيض ينعمون بالسمر
كان هناك
عشون دستة من البشر
تموت بالإرهاق
تموت باختناق

[iman mohamed hussien]

اخيرا يرن جرس التلفون
الو امال عبدالرحمن معاك
شفتوا الجمال والابداع
طبعا ما خلينا شئ في الدنيا يعني حسابات
عمر اطفاله الحلوين
وعمر جيل يافع راجيه كتير
الله يديم المعروف بينا يارب
ايمان

[iman mohamed hussien]

اليوم الصبحيه
حنركب البورمل-البص- بتاع الرعايه ماشين علي القشارات


حا اخليكم تسرحوا معاي شويه في القشرات دي فيها شنو
الله معاكم
ايمان