هضربات نواعم

[سوزان حمد]

المشاركة الأصلية كتبت بواسطة عبدالله وداعه الامين

مابقدر ابوح وما بقدر اصرح
امكن قول يروح
وامكن قول يجرّح
امكن تزعلي
والملكة ما بتريح

مع الاعتذار لي الاغنية

هههههههههههههههههههههههه
هههههههههههههههههههههههههههه
هههههههههههههههههههههههههههههه
الله يجازي محنك ياعبدالله
ضحكتني وانا عياااااااااااااااااااانة
والله لمن حلقي وجعني أكتر من الوجع العلي

[بدور التركي]

المشاركة الأصلية كتبت بواسطة سوزان حمد

بالعكس
إتخيلي بيطوِل شعري
وبعدين دي تومتي و حبيبة قلبي
يعني طلباتا اوامر

ما فى حاجة بتطولالشعر غير الأكل الجيد
والصحة الجيدة
انتى حسى لو جيتى شديتى النبتة مش بتت قطع من الجذور
نفس الحاجة
المشاط بشد الشعر ولما تجى تنقضيهو بطلع كلو
المهم انا نصحتك وانت حرة

[سوزان حمد]

المشاركة الأصلية كتبت بواسطة عبدالله وداعه الامين

تسلمي انتي يا سوزي
كويس انها عجبتك
ومافي اجمل من الذكريات الحنينة وجميلة
يسلم ذوقك انتي

صحي كانت ذكريات حنينة وجميلة
بس للأسف لازم أنساها
وانساها انساها ياقلبي أنساها

[بدور التركي]

المشاركة الأصلية كتبت بواسطة عبدالله وداعه الامين

والله يا الملكة خطوات انثى كان من اجمل البوستات
الله لا عاد ايام الهكر والعكر
ياخ بس كانت في واحدة كدا واقفة لي في حلقي يطراها بي الخير
اول مرة اتهرش اسفيريا واتبهدل يا ملكة في مملكتك

الوحدة دى ما تفكرنى بيها وحدة نحسيها وفقرية

[سوزان حمد]

المشاركة الأصلية كتبت بواسطة ياسمين

ما فى حاجة بتطولالشعر غير الأكل الجيد
والصحة الجيدة
انتى حسى لو جيتى شديتى النبتة مش بتت قطع من الجذور
نفس الحاجة
المشاط بشد الشعر ولما تجى تنقضيهو بطلع كلو
المهم انا نصحتك وانت حرة

يابت ماانا عملته قبل كدة
ولسة شعري بخير وصحة وسلامة

[عبدالله وداعه الامين]

المشاركة الأصلية كتبت بواسطة سوزان حمد

موش بالله ياعبدوش
وكمان المشاط فيني ماشاءالله إبداع

ياسمين
حأبقى أرسل ليكي صورتي وأنا ممشطة

لا لا اعترض
تجي تختيها هنا دا ونجي نت فرج ونحكم

[سوزان حمد]

المشاركة الأصلية كتبت بواسطة ياسمين

الوحدة دى ما تفكرنى بيها وحدة نحسيها وفقرية

والوحدة النحسيها دي إنت بتقدري تنسيها

[سوزان حمد]

المشاركة الأصلية كتبت بواسطة عبدالله وداعه الامين

لا لا اعترض
تجي تختيها هنا دا ونجي نت فرج ونحكم

لا لأ
بخاف من العين والحسد
وبعدين منو القال ليك انا بت جرأ وأقدر أعمل حاجة زي دي
مااااااااااااااااااابقدر
والله غااااااااااااالب

[عبدالله وداعه الامين]

المشاركة الأصلية كتبت بواسطة سوزان حمد

لا لأ
بخاف من العين والحسد
وبعدين منو القال ليك انا بت جرأ وأقدر أعمل حاجة زي دي
مااااااااااااااااااابقدر
والله غااااااااااااالب

الله غالب اي
بس عين وحسد دي ما معانا
جربي وختيها وكان جاتك حاجة اساليني انا

[سوزان حمد]

المشاركة الأصلية كتبت بواسطة عبدالله وداعه الامين

الله غالب اي
بس عين وحسد دي ما معانا
جربي وختيها وكان جاتك حاجة اساليني انا

ياود ياعبدالله
أقسم بالله انا من صغري محسودة
عليك الله انا ناقصة أنا الفيني مكفيني

[سوزان حمد]

يلا ياغاليين
مواعيد نومي جات
تصبحو على خير

[بدور التركي]

غايتو نحن النسوان فينا قلة عقل ما موجودة فى اى كائن حى
تكون الوحدة شينة وما سمحة وتتخايل روحها يا ارض انهدى
ما عليك ادى وفاكرة الناس دى كلها عينها عليها وح يسحروها
فعلا ناقصين دين وعقل

[سوسن حمد]

المشاركة الأصلية كتبت بواسطة سوزان حمد

إن شاءالله سوسن حتنورالدوحة يوم 18/1
والله ياياسمين ماتتخيلي انا مستنية اليوم ده بفارغ الصبر
وإن شاءالله حأعمل ليها حفلة ماحصلت ولا حتحصل تاني
بس ادعي ربنا يوصلها لي بالسلامة

ربنا يخليكي لي ياقلب
وإن شاءالله ماأتحرم منك ياأختي الغالية
وإحتفالي حيكون بوجودي معاك يانور عيوني
وانا زاتي منتظرة اليوم ده بفارغ الصبر
والله مشتاقة ليك ومشتاقة للقعدة جنب المجانين

[سوسن حمد]

المشاركة الأصلية كتبت بواسطة سوزان حمد

عاوزاني أعمل مشاط
الحكمة في كدة شنو انا ماعارفة
وطبعا بما إنها تومتي الحبيبة
أكيد حتكون غالية والطلب رخيص

ولسة مصرة على رأيي
ياريت أشوفك وإنت عاملة المشاط
بصراحة رهيب فيك وبيعجبني شديد
أوعك تنسي تعمليه

[سوسن حمد]

المشاركة الأصلية كتبت بواسطة ياسمين

لا ما تعملى المشاط بقطع الشعر

أوعك تسمعي كلام البت دي
يابت خلي الحسادة