خاطبتو بي لغة الهــوي..فاجابني بي لغة العيون ..!!

[قمر دورين]

خاطبتو بي لغة الهــوي
فاجابني بي لغة العيون

يا ود عثمان
جميل التحايا
الاتنين ما ساهلين كان لغة الهوى أو لغة العيون
لغة العيون دي براها كده بس ....نافذة للروح ومرآة للنفس ولسان للقلب..قد تكون نظرة خاطفة لكن أحياناً سريعة الوصول وبليغة الأثر.
ألم نسمع ب...

- العيون فيها سهام
والكلام فيهو كلام
في حديثك
في ابتسامتك
زينة يا أحلى غرام

- لو بنظرة حتي عابرة اقول احبك

- وامسكي عليك عيونك ديل
أمسكيهن يعاينن لي...
وزي شباك منور
في ظلام الليل
ده شيتن أصلو ما شفناه
لا في الناس ولا في الريل
ده ماقدر الله جانا عديل أمسكيهن
عيونك ديل

- اقول ليها عويناتك ترع لولي وبحار ياقوت
مناحات ريد حزاينيه بغازل فيها مأساتي
وفي شرف العبور ليها بموت واكسر شراعاتي

وكمان ...
- إن الـعيون التي في طرفها حَـوَرٌ*** قَـــتَلْننا ثـم لـــم يـــحيين قـــــتلانا
يصرعنَ ذا اللُّبِّ حتى لا حراكَ بهِ*** وَهُــنَّ أضعفُ خـلقِ الله أركــــانا


أها بالله مش لغة بليغة...

شكراً ود عثمان
بوست لا يقل روعة عن سابقيه...