اقتباس:
المشاركة الأصلية كتبت بواسطة رشا حاتم
اللللللللللللللللللللللللللللللللللللللللللله عليك
جاني المعاهو دوام كلماتي بتزنو
ود الخليفة اخوي كيف احكي بس عنو
دة الدون حروفو دوام حروفي بيحرنو
ومعاهو حسن القول يظهر اصيل فنو
خاتم تمام الناس طرب السمع لحنو
سيد الرجال من قام شالو الكمال منو
كمّل رصين القول لما اتعرف إنو
مالك زمام حرفو وقلوبنا لي يحنو
هلكتنا نار الشوق في البعد بس عنو
نسأل عليهو دوام وقلوبنا طارينو
مطر الحنين حرفو من يومو عارفنو
كل ما تشيل غيمة نحلف اكييييد منو
|
حليلو اللي عدم الزاد وفضّي السراب سعنو
وعانق ظروفو سواد كل يوم يزيد لعنو
ليها القليب جارة وطوالي ليو يعنو
ما فارقة لو بتمر أيّامو ايه يعنو
هلكتنا دار الشوق والشوق صعيب سجنو
اما العقل احتار ليه البعاد يجنو
مش كانو في قربي طيب الثمار بجنو
وداء الكلام معروف في لتّو أو عجنو
سلام رشا حاتم ومعليش دي تخريمة برة النص ...
