إشـراقــة ... لنـا .. دوت مجـاك .. جـورج .. أينكـــم ..؟

[مواطن]

لـم أحبـذ يوماً وسيـلة التنادي عبـر المـدى جهـراً .. ولكـن أملي في أن تنضـم أصوات أخـر لمناشـدتي ، ذاك ما دفعـني إلى إنتهاجها ..

الأحبـة إشراقـة ... لنا جعـفر .. دوت مجاك .. جـورج

مشاركاتـكـم إثراء حقيقـي لصفحـات سودانيات .. فأرجـو ألا يطـول الإحتجـاب .. كل له دواعيـه قطعاً .. ولنا دواعيـنا بلا أربٍ.

لكـل منـكم وردة .. بإنتظار صدى ندائي ..

[أبو أماني]

المشاركة الأصلية كتبت بواسطة هاشم طـه

لـم أحبـذ يوماً وسيـلة التنادي عبـر المـدى جهـراً .. ولكـن أملي في أن تنضـم أصوات أخـر لمناشـدتي ، ذاك ما دفعـني إلى إنتهاجها ..

الأحبـة إشراقـة ... لنا جعـفر .. دوت مجاك .. جـورج

مشاركاتـكـم إثراء حقيقـي لصفحـات سودانيات .. فأرجـو ألا يطـول الإحتجـاب .. كل له دواعيـه قطعاً .. ولنا دواعيـنا بلا أربٍ.

لكـل منـكم وردة .. بإنتظار صدى ندائي ..

كذلك أوحشونا ناس .. شليل .. شبارقة .. قيقراوي .. سعادة السفير الأديب الديبلوماسي .. ومعظم الزملاء وخاصة الزميلات في مجال الصحافة والإعلام .. غيابكم طوول وشوقنا أطوول من طريق الإنقاذ الوطني .. لا أعني الطريق المطروق ..!! وتسلم يا هاشم ..

[Ishraga Hamid]

تسلم يا هاشم من كل شر
ويسألك عنك الخير,
زحمة الدنيا المابتتلحق منعتنى من التواصل

ان شاء الله كلما القى لى فرقة بطل على الاقل اقراكم


شكرى ومودتى



----------
كنت فى مواجهة مع الموت

http://sudanyat.org/vb/showthread.php?t=11650

[مواطن]

شكراً يا أبا رامي على الإضافة .. وكل الأسماء عزيزة على النفـس .. ويا صديقي فوفو ألحقنا بكـشـف الغياب ..
لك التجلة

[دوت مجاك]

العزيز هاشم طه
والله يديك العافية انك متذكرنا ووالله الزول لمن يلقى زول يسال منه اكيد بيعرف انه عندو مكانة عنده
مشاغل بس ابعدتنا عن سودانيات رغم التواجد باستمرار فى الانترنت لكن تقول شنو الواحد ما بيقدر يكتب كلام والسلام فى منبر يتواجد فيها كوكبة امثالكم

لكن اوعدك بعدم الانقطاع لفترات طويلة مرة اخى
يعني بكون متواجد (قدر ظروفك) وكدة اصلا بقت الموضة اليومين دى

شكرا لك واتمنى ان يعود كل الاخوة والاخوات للمنبر

دمتم بعافية

[مواطن]

الشكـر النيبـل لك يا إشراقـة .. على الإشراق من جـديد ..
قـد يسعـدنا كثيراً أن تطلي وقد نغتبط إذا ما قرأتيننا ولكن ماذا إذا قلنا أن ذلك لن يكفنا .. !
فلتطلي من نافذة حرفك .. هكـذا نراكي وتريننا.
لك الود

[مواطن]

دوت العزيز ...
هذه المرة سأسامحــك لأنك غير متأكـد من مكانتك الكبيرة ، ليس في نفسي فقط .. بل أستطيع أن أقول في نفس الأغلبية الغظمى من إخوانك وإخواتك في سودانيات..لم أقل الجميع لأن هناك بعض المنضوين حديثاً لم يتعرفوا عليك بعـد.
كما أرجو ألا تتهـيب الكتابة .. فأنت تكتب بصورة جيدة جداً وحقاً إفتقـدتـك ..
لك كل ودي

[منال]

اشراقة و دوت

يا سلام على الجية منورينا والله

هاشم

برضو بسال عن اسامة الكاشف ... فاقدة عيونى زول يا أسامةاين انت؟ لو فى الخرتوم ورينا ياخى و لا غاطس وين ... كن كما اتمناها لك

[منال]

الى كل من يسأل عن رشا حاتم

نطمنئكم

رشا فى اجازة فى الخرتوم ... تصدقو لاقيتا امبارح فى موضع الجمال

ياسلام يارشا و البركة فى الشوفة ...

وخليك قريبة للمة ناس الخرتوم

[بابكر مخير]

المشاركة الأصلية كتبت بواسطة Ishraga Hamid

تسلم يا هاشم من كل شر
ويسألك عنك الخير,
زحمة الدنيا المابتتلحق منعتنى من التواصل
ان شاء الله كلما القى لى فرقة بطل على الاقل اقراكم
شكرى ومودتى
----------
كنت فى مواجهة مع الموت
http://sudanyat.org/vb/showthread.php?t=11650

يما
تسلمي من كل شرور تمرا بيك
من كل آذي يتجرأ يحوم حواليك،،
إن قالوا: يطرشنا، فما هي بس لسماع القول؛ هي برضن عشان توري جهل الزول، مدى غباهو، ضعف فهمو...
بوستك "فى مواجهة الموت.. ثمة اسئلة!!" لمن قريتو، كنتا قايلهو تصوير بريشتك وحديث عن آخر، لأنك إتي بتعيشي البي الناس كانو فيك، وبتذكر موضوعك عن جارتك العجوز المشت تبدل جيرة الملاك لي جيرة الله وحده يعلم نوعها..
إشراقة!!
بالله عليك إنتبهي وإضاري، قبال تنومي إتحصني ولمن تفيقي الصباحية، عليك بالمعوذات،..
أمانتنا العندك!!!
حافظي عليها، ما روحيتك السمحة دي ذي ما هي حقتك!!
حقت جناك وإحنا بي هناك...
تسلمي يما من كل شر،،
وجيتن جيتينا سالمة ومعافية
مودة،
محبة،
ريدة!؟
كلو على كلو

[عادل عسوم]

أضم صوتي الى صوتك استاذنا هاشم وأضيف اليهم عزيزنا
أسامة الكاشف
المودة للجميع

[مواطن]

عادل الحبيــب
لإيلافكـم العجلـة وما عهدتها فيـكم من قبل ..
أسامة الكاشف الرجل العزيز تمـت إضافتـه هكـذا :-

16-08-2009, 08:26 AM #8
منال
Member

تاريخ التسجيل: Nov 2007
المشاركات: 2,207
----------------------------------------------------------------
اشراقة و دوت
يا سلام على الجية منورينا والله
هاشم
برضو بسال عن اسامة الكاشف ... فاقدة عيونى زول يا أسامةاين انت؟ لو فى الخرتوم ورينا ياخى و لا غاطس وين ... كن كما اتمناها لك.

فهلا ضممـت صوتـك لصوت منال وهي بالمناسبة في هذا المقام لها مثل حظ الذكر صاعاً بصاع (صوت كامل الأهلية موثوق الجناب غير قابل للنظام العام ).
لك من الأمنيات العـِذاب.
حسـع أبورامي يخـت فتحة على ال"ع" .. العيـن بحسـين ...

[somiaadam]

حمدا لله علي عودتكم اخونا دوت مجاك واختنا اشراقه
ونسأل عن لنا ..وجورج..وعمو عصمت ..ونسايم ...والايقونه رشا حاتم..والخاله نعناعه
والقائمه تطول ..............ورزاز ........عساهم جميعا بخير طمنونا عليكم ..
شكرا عمو هاشم
ودمتم بخير

[أبو أماني]

المشاركة الأصلية كتبت بواسطة هاشم طـه

عادل الحبيــب
لإيلافكـم العجلـة وما عهدتها فيـكم من قبل ..
أسامة الكاشف الرجل العزيز تمـت إضافتـه هكـذا :-

فهلا ضممـت صوتـك لصوت منال وهي بالمناسبة في هذا المقام لها مثل حظ الذكر صاعاً بصاع (صوت كامل الأهلية موثوق الجناب غير قابل للنظام العام ).
لك من الأمنيات العـِذاب.
حسـع أبورامي يخـت فتحة على ال"ع" .. العيـن بحسـين ...

ها .. وين يا فردة وحاتك بقيت في اللغة العربية لهلوبة .. طبعا عاوز تتلفسفس وتشير للعزابة بطرف خفئ .. موش يا .. أونكل ..؟ أما العذاب بالفتحة .. فخليوه وحاة خوتك الماببدلها بالهدوم .. من ما عرفتك .. خابرو أحمممد الله .. هو جنس عذاب (الهدهد) يحن في حالي خلينا في المهم ناسك الناشدتهم كلهم عبروك وأنا الشكية لي أب إيدا قوية زولا كدي من ناسي قال لي البقية في حياتكم مافي .. مخييييير الله عليك يا أبو رامي .. (أماني فتحوا ليها مش؟) أصبر لي بعدين في المعرض بكلمها ليك شيل شيلتك .. تشاووووو