سيظل السودان موحداً رغم أنف العقيد الليبي

[عبدالماجد موسى]

المشاركة الأصلية كتبت بواسطة Hassan Farah

---------------------------------------------------------------
والله يا خالد صدقت فى كل شئ - لكن فى قولك ان القذافى مجنون فى دى ما بنتفق--مرة كنت بتكلم مع واحد صاحبى يعمل فى ليبيا ورددت نفس قولك دا فرد على بان القذافى اعقل زول فى ليبيا
وفعلا اخى عبدالماجد الزول دا كما قال خالد من زمان بينسق مع ناس الحركة الشعبية وكذلك مع حركات دارفور وبيمدهم بالمال والسلاح وما عندو مانع السودان يتفرتك حتة حتة
بعد موت قرنق والذى كان لديه طموحات مشروعة بان يحكم السودان الموحد خلت الساحة لعكننة ناس باقان اموم الانفصاليين وما داسينها ومعاهم من الجانب الاخر ناس الطيب مصطفى وخلفهم حكومة ضعيفة لا تبدى اى حرص على الوحدة ومش قادرة على مواجهة القذافى- اذن الامور كلها ماشة فى طريق الانفصال واقرا تصريح سفير السودان فى وشنطن امس
المشكلة ماذا بعد الانفصال- هل سوف نعيش كجيران فى سلام ام ستجرنا الحروب الداخلية فى دولة الجنوب وهى من الان اشتعلت-- الى الدخول فى حرب جديدة بين الجنوب والشمال

الأخ العزيز / حسان
شكرا ليك ولمداخلتك الطيبة وإضافتك المهمة
ولكنى أتساءل لماذا يُترك أمر ومستقبل السودان بين مطرقة باقان أموم وأمثاله وبين زردية الطيب مصطفى وأمثاله وكأن ليس فى السودان إلا أمثالهم ؟؟؟؟

[طيبان]

الأخ عبد الماجد
رمضان كريم ..
عنوان البوست (سيظل السودان موحدا ..رغم أنف العقيد الليبي ) ...

بعيدا عن القذافي ..(مع اتفاقنا علي شخصيته المريضة )..
أحكي لنا عن كيف سيظل السودان موحدا ..المؤشرات كلها لا تعكس ما تقول ..


_____

تحياتي ..

[عبدالماجد موسى]

المشاركة الأصلية كتبت بواسطة طيبان

الأخ عبد الماجد
رمضان كريم ..
عنوان البوست (سيظل السودان موحدا ..رغم أنف العقيد الليبي ) ...

بعيدا عن القذافي ..(مع اتفاقنا علي شخصيته المريضة )..
أحكي لنا عن كيف سيظل السودان موحدا ..المؤشرات كلها لا تعكس ما تقول ..


_____

تحياتي ..

الأخ العزيز / طيبان
كل سنة وانت طيب ورمضان كريم

لم أغفل الوضع الراهن الذى لا يبشر بخير سواءً كنا مدفوعين بغيرنا أو دافعين أنفسنا دفعاً نحو هاوية التشرذم والإنفصال والتى أعتقد أنها لن تتوقف إن ابتدأت ولكنى أشرت الى ذلك بهذه الجملة فى المقال ( ستكون الوحدة جاذبة ما دمنا سودانيين ) بمعنى العودة لسودانيتنا فى التسامح الحقيقي وجبر الخواطر والعفو والسماح وحتى الدين الحقيقي الذى لا يؤدى إلا الى الصواب ويكون ذلك من الجميع دون استثناء وإلا فالله غالب على امره .

[hatim ALi]

أستاذ عبد الماجد

اتابع الان في الاخبار أن المجنون (القذافي) لحس كلامه بعد زيارة (البشير) الى ليبيا ، و هاهو يحث (الجنوبيين) على التمسك ب(الوحدة) و السودان (الموحد)


الراجل دا (مجنون) ليس إلا

[عبدالماجد موسى]

المشاركة الأصلية كتبت بواسطة hatim ALi

أستاذ عبد الماجد

اتابع الان في الاخبار أن المجنون (القذافي) لحس كلامه بعد زيارة (البشير) الى ليبيا ، و هاهو يحث (الجنوبيين) على التمسك ب(الوحدة) و السودان (الموحد)


الراجل دا (مجنون) ليس إلا

الأخ العزيز / حاتم على
وتأكد تماماً بأنه عند لقائه بسلفاكير أو غيره سيؤكد لهم ما نفاه وبنفس البلادة .

دمت بخير

[شبارقة]

[align=justify]الأخ عبد الماجد والإخوة المتداخلين ... السلام عليكم ورحمة الله [/align]

[align=justify]يصادف اليوم مرور 40 عاما ً بالتمام والكمال (01/09/1969م) على تسلـط القذافي على رقاب الليبيين وغيرهم ...

وبمناسبة إنعقاد القمة الإفريقية حاليا ً بطرابلس إليكم هذا التصوير الكاريكاتوري المعبـِّر :
[/align]
[align=center][/align]

[align=justify]ملحوظة : تو (كما تنطق بالليبي) هي توا ً .. أي في الحال والتو
المقصود من نيته : أنه يتوعد الأفارقة بأنهم سوف يشوفو منه ما لا قبل لهم به ... [/align]

[بابكر مخير]

في قناة النيل الأزرق، مذيعة ؟؟
غايتو ربنا في عون البيشوف القناة دي مع الزولة دي،،
إستضافة بروفسير الأصم والحديث عن سفر البشير لي معمر،،
ذكرت ليها قولة كدآ، محيراني:
ما معناهو: ما حقو كان البشير يسمع (ودي قالتها كدآ بالحرف الواحد) كلام ناس المؤتمر الوطني وما يسافر ليبيا، إحتجاج على تصريحات معمر الأخيرة حول الإنفصال....

دآ شنو دآ يعني، بقت القناة دي صوت عاقل ولا كومفلاج بتاع الجبهجية وسياسة تنفيس ولا حقن فاليم...

يا أخي على قول الوالد:
الإتنين، أكان معمر أكان عمر؟!؟!
خ.... ومقسومة بي خيط.

[بابكر مخير]

[align=center][/align]

يا ربي البشير ممكن يتلقي ليهو شبيه
من أصلو