قهوة النشاط !

[سارة]

المشاركة الأصلية كتبت بواسطة نزار حسن علي

يا ناس القهوة
رمضان كريم وتصوموا وتفطروا علي خير

نزار سلامات ورمضان كريم

تقبل الله صيامكم وقيامكم

[نزار حسن علي]

سروره الجميله
ربنا يححق الاماني ويسعدك كمان وكمان وان شاء الله ست الحبايب العافية ليها نعلات قولي اميييييييييييييييييييييييييييييييييييييييييييييييي ييييييييييييييييييييييييييييييييييييييييييييين

[أبو أماني]

المشاركة الأصلية كتبت بواسطة سارة

نزار سلامات ورمضان كريم

تقبل الله صيامكم وقيامكم

والله يا سارة سفرتك من هنا .. ويا الخرتوم بيت بكاء راسو عدييييل كدي .. أسكتي يا أختي كان ما خفة دم الشائب المتل عجوز النصارى..الأصلو ما بعجز ده أأأي فتحي مسعد ما شفتيه يايمة وإتكبكبتي فيو لمن جنك سرب وكان ما ظهرت أنا بوسامتي الإنتي عارفاها ديك .. وشغلتك عنو كان ليوم الليلة تكوني مكنكشة وكان يا حبة عيني المسكين لي أسع دي يضرب في الكوراك .. الحلب ما جرسة برااااك عارفاهم ماهم أهلك يمة ..
سارة .. حقيقي صورتك ررررروعة .. بس برضو ظلمتك كتير .. صدقيني أنا لسع منبهر .. بالأصل ما بي الصورة .. لكي خالص معزتي يادكتورة .. يا أم الوليدات الحلوين .. الطالعين لأمهم .. طاعمين .. شوفوا جنس الكضب ده يا ناس الله .. بعيني ما شفتهم .. بس الجواب يكفيك عنوانو .. تشاوووو

[أبو أماني]

الليلة يا شباب ناوي أعمر القهوة .. وعشان كده من بيتنا قمت بعد الفطور طوووالي على بيت أبو مازن الوجيه أحمد محمد زين وإمتطينا سيارته الفارهة المحندقة ..والتي لا يعيبها سوي العلم البيعمل حيرقان الخاتيو في الطبلون هول الهلال ده .. وأتوجهنا لمنزل الآنسة الرائعة منال ولسوء حظ المتاعيس لقيناها الصيام عامل عمايلو معاها وطاقيها صداع .. (برية يا بت أمي!) واتوجهنا لحي الرياض الراقي هول الناس أولاد المصارين والمناطلين البيوض ..أخذنا عمو فتحي مسعد وأتوجهنا على المضخة .. لقينا تيلي بانك أنا وأحمد سحبنا شوية رصيد من البنك يجي كمين مليون كده حق سهرة الليلة في قهوة النشاط والرهيفة التنقد وأم أماني كان قلبها محدثها خلها تطالعني .. وتشوفني ما بركز ليها ؟؟!.

داخلين القهوة وفتحي مسعد يهترش كعادته عقب كل غارة سمسمية .. استقبلني المدير الجديد الشاب الجامعي الأنيق خالد .. هيوفة يا مرافي إنكتحت ليها ترابة .. قالوا حنكت عادل عسوم قاتلوا غش المدام قول ليها مسافر السودان ويلاك أنا وإنت على جزر الكاريبي قالوا اليومين ديل جوها .. آخر فوتوجينيك .. خالد إختار لينا طاولة جانبية تحت شجرة زيزفون كبيرة .. والهمب ريب يقول يا غربتي .. وأبو مازن بكرمه الحاتمي المعروف داك نادى خالد مدير المقهي وقال ليو في أضانو .. الحساب بتاع الليلة كامل شامل .. شاي قهوة .. بارد ساخن كوبتشينو ناس كافيه أي شيشة بالسمسمية أوبدونها رجال ونسوان .. حسابهم على .. على .. أبو أماني .. فاهم؟؟ يا سلام على الكرم يا أبو حميد .. ويا ها المحرية في أبي مازن .. بس ولا يهمك أنا أخوك يا فرحة .. الحساب على وحررررم كان جو ناس النظام العام ظاطهم حولهم على..أنا الكيك.. أنا الما بخاف عيلا من الله.. وسيد الدكان ..وأم أماني مرات مرات.. تعالوا يا عالم علينا جااااااي .. الفطور العشاء السحور .. حتى الجالدين ظاطهم .. حسابهم على .. رائيك شنو يان منال .. أبوك ما بشرف ؟؟؟ مافي حتى زغرودة واااااااحدة .. بيها أتصبر شوووية .. يلا يا أبو مازن .. ولع .. وأنا ماشي قررريب وجاي ...

[مرافي]

المشاركة الأصلية كتبت بواسطة أبو أماني

الليلة يا شباب ناوي أعمر القهوة .. وعشان كده من بيتنا قمت بعد الفطور طوووالي على بيت أبو مازن الوجيه أحمد محمد زين وإمتطينا سيارته الفارهة المحندقة ..والتي لا يعيبها سوي العلم البيعمل حيرقان الخاتيو في الطبلون هول الهلال ده .. وأتوجهنا لمنزل الآنسة الرائعة منال ولسوء حظ المتاعيس لقيناها الصيام عامل عمايلو معاها وطاقيها صداع .. (برية يا بت أمي!) واتوجهنا لحي الرياض الراقي هول الناس أولاد المصارين والمناطلين البيوض ..أخذنا عمو فتحي مسعد وأتوجهنا على المضخة .. لقينا تيلي بانك أنا وأحمد سحبنا شوية رصيد من البنك يجي كمين مليون كده حق سهرة الليلة في قهوة النشاط والرهيفة التنقد وأم أماني كان قلبها محدثها خلها تطالعني .. وتشوفني ما بركز ليها ؟؟!.

داخلين القهوة وفتحي مسعد يهترش كعادته عقب كل غارة سمسمية .. استقبلني المدير الجديد الشاب الجامعي الأنيق خالد .. هيوفة يا مرافي إنكتحت ليها ترابة .. قالوا حنكت عادل عسوم قاتلوا غش المدام قول ليها مسافر السودان ويلاك أنا وإنت على جزر الكاريبي قالوا اليومين ديل جوها .. آخر فوتوجينيك .. خالد إختار لينا طاولة جانبية تحت شجرة زيزفون كبيرة .. والهمب ريب يقول يا غربتي .. وأبو مازن بكرمه الحاتمي المعروف داك نادى خالد مدير المقهي وقال ليو في أضانو .. الحساب بتاع الليلة كامل شامل .. شاي قهوة .. بارد ساخن كوبتشينو ناس كافيه أي شيشة بالسمسمية أوبدونها رجال ونسوان .. حسابهم على .. على .. أبو أماني .. فاهم؟؟ يا سلام على الكرم يا أبو حميد .. ويا ها المحرية في أبي مازن .. بس ولا يهمك أنا أخوك يا فرحة .. الحساب على وحررررم كان جو ناس النظام العام ظاطهم حولهم على..أنا الكيك.. أنا الما بخاف عيلا من الله.. وسيد الدكان ..وأم أماني مرات مرات.. تعالوا يا عالم علينا جااااااي .. الفطور العشاء السحور .. حتى الجالدين ظاطهم .. حسابهم على .. رائيك شنو يان منال .. أبوك ما بشرف ؟؟؟ مافي حتى زغرودة واااااااحدة .. بيها أتصبر شوووية .. يلا يا أبو مازن .. ولع .. وأنا ماشي قررريب وجاي ...

ايووووووي يوووووووي
عشان كرم ابو حميد
واسمع والله يا ابو اماني متيمنة وقسمت بالحي الواحد الاحد
القهوة دي ما بدخلا حرمانة علي من بعد هيوفة ادخلا
واللهي كان دفعتو الحساب ولا خليتو..
نحن الحريم حالفين من بعد هيوفة فنشتوها القهوة ما بندخلا ابداً تضامناً مع هيوفة
المجني عليها
ووكلنا الافوكاتو امال عشان تتولى قضيتا
لانها واللهي مظلومة ظلم الحسن والحسين
المسكين ما يلقى عيش معاكم ولا شنو!!!!
وريني سبب واحد يخليك تفنش هيوفة...
بس عشان حلوة انا عارفة ما قدرت تقاوم سحر عيونا وجمالن!!!

[فتحي مسعد حنفي]

المشاركة الأصلية كتبت بواسطة مرافي

ايووووووي يوووووووي
عشان كرم ابو حميد
واسمع والله يا ابو اماني متيمنة وقسمت بالحي الواحد الاحد
القهوة دي ما بدخلا حرمانة علي من بعد هيوفة ادخلا
واللهي كان دفعتو الحساب ولا خليتو..
نحن الحريم حالفين من بعد هيوفة فنشتوها القهوة ما بندخلا ابداً تضامناً مع هيوفة
المجني عليها
ووكلنا الافوكاتو امال عشان تتولى قضيتا
لانها واللهي مظلومة ظلم الحسن والحسين
المسكين ما يلقى عيش معاكم ولا شنو!!!!
وريني سبب واحد يخليك تفنش هيوفة...
بس عشان حلوة انا عارفة ما قدرت تقاوم سحر عيونا وجمالن!!!

قلبك أبيض يا مرافي...هسع انتي صدقتي كلام مسيلمة داالراجل دا يعميني كان عيني وقعت علي صلعة رهبان الفاتيكان الفي دقنوسو دي من يوم الأسكلا..
وبعدين تفنيش شنو البتتكلمي عليهو داالزول دا ما بقدر يفنش ولا الحبشية الشغالة عندهم ودا طبعا كان عندهم حبشية شغالة..
غايتو الحق لي ألله ود الزين راجل محترم وود قبايل وما بعيبو الا العلاقة المفروضة عليهو من أبو أماني وأنا شخصيا حرجت عليهو يجيب لي أبو أماني دا للرياض عشان ما تحصل لي مشكلة مع أهلي ويقولو لي دا شنو يا فتحي الجايبو لينا البيت دا
غايتو مشيناها خطي كتبت علينا ومن كتبت عليه خطي مشاها وانا لله وانا اليه راجعون

[مرافي]

المشاركة الأصلية كتبت بواسطة فتحي مسعد حنفي

قلبك أبيض يا مرافي...هسع انتي صدقتي كلام مسيلمة داالراجل دا يعميني كان عيني وقعت علي صلعة رهبان الفاتيكان الفي دقنوسو دي من يوم الأسكلا..
وبعدين تفنيش شنو البتتكلمي عليهو داالزول دا ما بقدر يفنش ولا الحبشية الشغالة عندهم ودا طبعا كان عندهم حبشية شغالة..
غايتو الحق لي ألله ود الزين راجل محترم وود قبايل وما بعيبو الا العلاقة المفروضة عليهو من أبو أماني وأنا شخصيا حرجت عليهو يجيب لي أبو أماني دا للرياض عشان ما تحصل لي مشكلة مع أهلي ويقولو لي دا شنو يا فتحي الجايبو لينا البيت دا
غايتو مشيناها خطي كتبت علينا ومن كتبت عليه خطي مشاها وانا لله وانا اليه راجعون

الغالي فتحي
إنت قت كدا كويييس الله يطمنك زي ما طمنتني
لانو قالو من راى ليس كمن سمع..
والله يا استاذ فتحي انا متحيرة اللم ابو حميد وابو اماني شنووو؟؟؟؟
لك الود

[أبو أماني]

المشاركة الأصلية كتبت بواسطة مرافي

الغالي فتحي
إنت قت كدا كويييس الله يطمنك زي ما طمنتني
لانو قالو من راى ليس كمن سمع..
والله يا استاذ فتحي انا متحيرة اللم ابو حميد وابو اماني شنووو؟؟؟؟
لك الود

والله العظيم يا مرافي البقول فيو فتحي مسعد ده كله ما بلومه فوقه .. ماني خابرو .. تلقيه أسع دي في ملكوت تاااااني .. قال لي أبو مازن كل ما أمشي ليو في البيت القاه خاتي صحن غريب الشكل يسفسف منو .. وقال دي سمسمية .. وإتي قبل كدي سعلتي منها .. انا والله ما عارفها هي شنو بالظبط .. لكين البعرفو إنها الزول وكتين يلهطها .. بكون مزاجه رائق وكلامه لذيذ وأسلوبه ضاحك وساخر وظريف .. غايتو يا مرافي يا أختي .. السمسمية دي تتوارى لي كدي طشاش طشاش .. لكين باقي لي ود مخير بكون جاب خبرها تب .. كدي النلحقو قبال يلحقها أمات طه .. أما اللم أبو حميد وأبو أماني صدقيني يا ستهن على حدهن .. هو أظرف إبن أخت وأنا .. مابشكر روحي .. أشكرها ليه ..؟ قايلاني حلبي زي صاحبي ده ؟؟؟ تشاووووو

[أبو أماني]

المناشدة الأولى :-
لسعادة السفير الزميل العزيز جمال .. برغم إنه لم يشرفنا ولا بزيارة على الطائر كده في هذا المقهي إلا أنني ناشدته فيه .. أن يمن علينا بالظهور في أي مكان وفي أقرب مكان .. فقد طال إنتظارنا له .. وذهبت مناشداتنا السابقة أنا والعزيز الحبيب بوكو .. أدراج الرياح .. العشم لم ولن ينقطع .. فكلنا نحبك حبا نعجز عن تعريفه .. تصوم وتفطر على ألف خير وبركة.

المناشدة الثانية :-
للعزيزة على قلوب الجميع الدينمو المتحرك أمال الشيخ .. غيابك طال عن مكايداتك الرشيقة ومناكفاتك المتميزة والتي تحرك كل الأطراف والأشجان .. لكي أن تمارسي الغرور والدلال ما شاء لك .. ولكن لنا عليك حق الحب ..

المناشدة الثالثة :-
الرائعة .. روب..س .. حقيقي غيابها الفجائي الغير مبرر جعلنا في حالة ذهول تام .. لماذا يا ست الحسان .. وإن كان وراء الأكمة ما وراءها فلم لا توضحي لمن فرشوا القلوب والأكباد في طريق عودتك لنا .. باسمة مشرقة .. فراشة تطوف بكل الزهرات وتلقح كل البراعم .. يكفي إنحسار مد (قهوة النشاط) عقب غيابك مباشرة .. لك العتبى حتى ترضي عنا .. ولكم جميعا أقول ... تشــــااااووووو ... وسامحونا ،،،،

[AMAL]

يامرافئ

جبتا ليك الزول الفرحان دا

يونس ليك هيوفه

[align=center][/align]


اي زول يعمل عنكبه

قولي لي نجيب القوات الامميه طوالي

تحياتي يا سيد الوجاهه

امال مركبه مكنه نزار

بعدين شنو حكايه الدينمو المتحرك

دي ياسيد الوجاهه وش بحمر ليك

[تحفة حوا]

[QUOTE=AMAL;160825]يامرافئ

جبتا ليك الزول الفرحان دا

يونس ليك هيوفه


زولك مبالغة ياآمال
رمضان كريم وكل سنة وانتي طيبة

المشاركة الأصلية كتبت بواسطة AMAL

اي زول يعمل عنكبه

قولي لي نجيب القوات الامميه طوالي

تحياتي يا سيد الوجاهه

امال مركبه مكنه نزار

الالوان ماشغالة عندي ولا حجم الخط
كنت عايزة الون مكنة
الجماعة كلهم شغالين ترزية
هي مكنة الوجاهة بس
وكمان سهرات وتلفزيوان
وناس كدي طلعوا اولادم في الثانوي والجامعات

نقيف ونرجى الفليق ولا نجري احسن
تشاوووو

[أبو أماني]

[QUOTE=تحفة حوا;160827]

المشاركة الأصلية كتبت بواسطة AMAL

يامرافئ

جبتا ليك الزول الفرحان دا

يونس ليك هيوفه


زولك مبالغة ياآمال
رمضان كريم وكل سنة وانتي طيبة





الالوان ماشغالة عندي ولا حجم الخط
كنت عايزة الون مكنة
الجماعة كلهم شغالين ترزية
هي مكنة الوجاهة بس
وكمان سهرات وتلفزيوان
وناس كدي طلعوا اولادم في الثانوي والجامعات

نقيف ونرجى الفليق ولا نجري احسن
تشاوووو

هوي يا تحفة .. ما تصدقي الإشاعات دي .. والله والله وربنا يكسي رقبتي .. أنا سغيروني لسه وسمبتيك خالس خالس أأأي الوليدات في العالي والجامعات لكين الشايقية ما دقستني وأنا صغير عرستني ليك والله لو تصدقي لما رسلوا جابو المأذون أنا كت بلعب مع شفع الحلة في ضل الحيطة (بلي فريد) حق بلي القزاز ما عندنا .. تحفة أتحدي أي أب من أبان شنبات ما غش ولده وأقنعه إنو من الكتاب كان بيطلع الأول طووووالي .. وأتحدي أي أم ما برت بتها بالعرس أيام زمان .. لما أبوكي إتقدم لي .. وحاة نظري كت بلعب في أريكا عمياء تحت ضل النيمة كوركو لي قالوا لي يا مقصوفة ما قلنا أدخلي إستحمي ..؟!!! الله يكبر العقول يا بت أمي .. أها النقوم على حلة الويكة رخيتها ليها ساعة في النار .. الله يستر ..الغاز خلاااااس بيخرج في الروح ما يقوم يكطع علينا.. وووووب علي سجمي ..الساعة ثلاثة ونص .. ومع الكبكبة والرجفي دقشت الحلة حقت الويكة بكوعها وجابتها الواطا .. وشوف عيني دي (هيوفة) أخدت ليها طلقة اليوم داك .. تاني تباري لي خستكة أبو أماني ؟؟؟؟ تشاووووو رسالة خاصة لأمال .. (( ))

[سارة]

[QUOTE=تحفة حوا;160827]

المشاركة الأصلية كتبت بواسطة AMAL

يامرافئ

جبتا ليك الزول الفرحان دا

يونس ليك هيوفه


زولك مبالغة ياآمال
رمضان كريم وكل سنة وانتي طيبة





الالوان ماشغالة عندي ولا حجم الخط
كنت عايزة الون مكنة
الجماعة كلهم شغالين ترزية
هي مكنة الوجاهة بس
وكمان سهرات وتلفزيوان
[mark=FFFF00]وناس كدي طلعوا اولادم في الثانوي والجامعات [/mark]

نقيف ونرجى الفليق ولا نجري احسن
تشاوووو

افطر واجيكم

قال اولاد قال عالم بس قاعدة على الهبشة

هسى يعنى الكلام الاتقال دا كلو ما لفت نظرك بس حكاية العيال دى


افطر واجيكم والليلة القهوة دى تبقى ليكم ضلام

ولا تشاور ولا كلام

[تحفة حوا]

[QUOTE=سارة;160837]

المشاركة الأصلية كتبت بواسطة تحفة حوا

افطر واجيكم

قال اولاد قال عالم بس قاعدة على الهبشة

هسى يعنى الكلام الاتقال دا كلو ما لفت نظرك بس حكاية العيال دى


افطر واجيكم والليلة القهوة دى تبقى ليكم ضلام

ولا تشاور ولا كلام

أها انا فطرت وجيت
وشاربة لي قهوة مرسلة من السودان
يعني مزااااااااااااجي راااااااااايق
لذا نطلب العفو والسماح
وحتى ابو اماني سامحناهو
عادل عسوم ان شاء الله الخرطوم ترحب بيك
بافي ناس القهوة الليلة انا قاعدة وهدي القهوة في يدي

[احمد زين]

المشاركة الأصلية كتبت بواسطة مرافي

الغالي فتحي
إنت قت كدا كويييس الله يطمنك زي ما طمنتني
لانو قالو من راى ليس كمن سمع..
والله يا استاذ فتحي انا متحيرة اللم ابو حميد وابو اماني شنووو؟؟؟؟
لك الود

مرافئ يا غالية
رمضان كريم
والله والله والله
رغم انه ابو اماني وفتحي مسعد يكبروني باكثر من عشرمية سنة او يزيد لكن صحبتهم احسن من صحبة اي زول ديل ناس من نوع فريد قل ان تجديهم في هذا الزمان كلامهم معاك تحس بيهو من القلب للقلب صادقين جدا يتعاملون معك بدون قيود ولا نفاق وانا فخور جدا بمقابلتهم
ربنا يديم التواصل بيننا دايما