شيخ الأزهر ينزع نقاب تلميذة ثم يقول لها لو كنتى حلوه كنتى عملتى ايه

[نبيل عبد الرحيم]

المشاركة الأصلية كتبت بواسطة بابكر عباس

الأخ نبيل
صباخ الخير
في أي مجتمع منو البحدد إنها عادة سيئة؟
بعد داك كيف بتم المنع؟

كل المنى لك

الأخ بابكر عباس
المثقفين هم من يحددون العادات السيئة ولهذا نحارب الأمية .
وأظن المولى عزوجل ميز الإنسان عن المخلوقات الأخرى بالعقل
لك الود

[بدور التركي]

غايتو البوست دا لزيز لزازة
بوجودكم طبعا

[بدور التركي]

المشاركة الأصلية كتبت بواسطة hatim ALi

ه


1. لا اعتقد ان الاخت (بدور) قصدت فضلاً عن كونها تعمدت الاساءة الى زوجات الرسول (صلى الله عليه و سلم) كما ذهبت انت و الاخ كيشو هذا المنحى ، و بل اخذتم في (تخويفها) و تهويل (الامر) و الدعوة لها بالهداية و التقوى ، هي فقط اوردت الحديث و لم تكن متاكدة من (الصيغة)

بلاي دخلتني خوفة شديدة ومساني الرعب ما قادرة انوم
ما الاقي عندكم شيخ أو شيخة يطلعو مني


نخلي فرصة للاخ نبيل
وبعدين نرجع ليكم

[hatim ALi]

المشاركة الأصلية كتبت بواسطة سارة

حاتم سلامات

يا اخوى انت قول داير ليك موضوع وتعمل منو شكلة

اولا انا لم اجرم الاخت بدورانا قلت انها ذكرت قصة بمعنى حديث عن الرسول عليه الصلاة

والسلام وانها غير صحيحة واعتذرت للاخت بدور مع كامل الاحترام ولا اظن ان الاخ كيشو

قال اكثر من ما قلت والله لو كنت اعرف ان احدا رد عليها لما فعلت انا رجعت للبوست من آخر

مداخلة لى ووجدت رد بدور وقمت بالرد عليها يعنى مش خوف فقط تصحيح انا لم اجرمها

ولم اخوفها انا تحدثت عن نقطة محددة ( يا حاتم بالله عليك تلب لى من دفار حياتى)

وبعدين مالها هى بدور ما بتعرف تجيب حقها؟؟؟؟؟؟؟؟؟

ثانيا ودا الاهم لم افرض راى فى الدين على شخص ولكنى مقتنعة به وعندى راى فى طريقة

المتحاورين فى امور الدين وانت واحد منهم اعشان كدا بتفرج يعنى ناس مسطبة

لم اتحدث عن النقاب ولا حتى عن الحجاب انا تحدثت عموما عن اوامرالله سبحانه وتعالى

قد لا افعلها كلها ولكن هذا لا يعنى عدم ايمانى بها فقط اعتبره تقصير منى انا شخصيا

وبعدين تعال نسألك اذا كان حجاب او نقاب لماذا لا تعتبرونه حرية شخصية مثله مثل

الشرالستون وحلق الشعر كارلويس مش اسمها كدا برضو

انا بشوف تصرف شيخ الازهر تعدى على الحقوق الشخصيةبصرف النظر عن راى الدين

يعنى العالم خلا كل القضايا المصيرية المهمة ومشغول بى فوطة

بالله دا كلام دا




حاتم احسن ليك تبعد من وشى الساعة دى


الشيخة سارة غصبا عنك

ه

يا خي انتي الشيخة سارة و كلامك على العين و الراس كمان شيخة عديل و انشالله كمان تبقي شيخة من شيخات الخليج (دي الشياخة على اصولها) قولي آمين

في البداية سبب تداخلي ان الاخت بدور طلبت هي نفسها الاتيان بالحديث الصحيح و قالت هي غير (متأكدة) قبل ما تاخد يدها من (كيبوردها) نطوا ليها في (شاشاتها) شيخي الاسلام هنا (بابكر و كيشو) اطال الله عمرهم و راهم طوالي (الشيخة سارة) رضي الله عنها

كل ما قمت به ايراد الصيغة بتاعت الحديث كما وردت في سنن ابوداؤود و الترمزي - حسب طلب بدور نفسها - واستغربت من هذا الهجوم - غير المبرر - عليها و كأنها ارتكبت امراً من المحرمات سواءً بقصد او غير قصد

مشكلة الحوار في الامور الدينية كما اسلفت سابقاٌ ان البعض يتعصب لرأي معين سمعه من احد (الشيوخ) او رأه في (موقع اسلامي) من اياهم و يأتي هنا ليفرض هذا الرأي بدون دليل او حجة (بالعضل كدا ساكت)

قلت أن حديثك كان عن (أوامر الله) عامة حسن ما دخل هذا الموضوع بحديث (بدور) ؟

أنا لست متخصصاٌ في الدين و لا أعين نفسي مفتي أو (شيخ) و لكنني (مطلع) على العديد من الكتب و الاراء و عندما أطرح ما قرأت و ما (فهمت) منه أطرحه كرأي - يقبل النقد و التصحيح و المناقشة - و ليس (كمسلمات) كما قلت أنت ، أو (كحق) كما قال (كيشو)
لأنك لو تعتقد ان ما انت مقتنع به (الحق) و (مسلمات) لماذا تناقش الاخرين من الاساس ؟

لو رجعت الى بداية الموضوع تجديني قد اوضحت رأي و قلت لماذا هذا الجدال في النقاب اليس لدينا امور نحن اولى بالاهتمام بها و لماذا قضيتنا دائماٌ هي (المرأة) ؟؟؟!!!

شيخ الازهر مخطئ في امرين :
----------------------
1. التعدي على (الحرية الشخصية) للطالبة بنزع (نقابها) ضد ارادتها حتى لو كان يرى أنه غير صحيح

2. قوله لها (لو كنت حلوة كنتي عملتي ايه) هذه اهانة لا شك فيها و ليس من حقه اهانة هذه الطالبة بهذه الطريقة على الملأ

شيخ الازهر مثله مثل (قوى الاسلام السياسي) جعلوا النقاب و الحجاب مبلغ اهتمامهم و هي فوضى عقلية تسود الامة الاسلامية في عصور انحطاطها الاهتمام (بقشور و مظاهر) الدين دون العمل بمحتواه.

برغم خطأ شيخ الازهر في (التعدي على الحريات الشخصية) باسم الدين

يبقى النقاب عادة و ليس عبادة
=============

[سارة]

حاتم يا ملك عشان ما نتكلم ونتجادل جدل بيزنطى لا ينفع الناس فى شى ونلف وندور حول ذات

الموضوع .... الرسول محمد عليه افضل الصلاة والسلام الحديث عنه وعن اهل بيته يجب

ان يكون بدراية وفهم وعلم هذا واحد فانه ليس كشيخ الازهر ولا نساءئه كنساء المسلمين

من هذا المنطلق جاء العتب على بدور والله يا حاتم لو قريت المداخلات بعيدا عن صفة

المحامى ستجد انه لم يتعد احدا على الاخت العزيزة بدور فقط حساسية المتحدث عنه قد يكون

اللوم جاء بهذه الصورة التى رايتها وقلت عليها هجوم وتجريم ياخ انا شخصيا بعتذر وندمانة وسافة

التراب انى شاكلت بدور واتهمتها بس كلامها عن الرسول الكريم واهل بيته خطأ ويجب ان

تعترف هى به.

لم اتحدث فى امر الحجاب ولا امر النقاب الا بعد سالتنى انت فى مداخلتك يعنى انت من سالنى

فاعتذرت لك بانى لا اميل الى التحاور للاسباب التى ذكرتها ولكنى قد اقبل النقاش والتحاور

فى احاديث الرسول الكريم واستحمل تصحيحها ولكن ما جاء فى كتاب الله عز وجل عندى

خط أحمر ( لم افرض راى على شخص ولكن هذه قناعاتى) لم اقل النقاب اتى بامر صريح

ولم اقل انى مع النقاب ولم اقل ايضا انى ضده لانى وحسب وجهة نظرى الشخصية بعض

امور الدين تدخل فى الخصوصية فهذه علاقتنى برب العالمين انا شخصيا سارة لا اقبل

ان يتدخل احدا بينى وبين الله (I have direct contacet with رب العالمين )

يعنى اتنقب اتحجب طول ما انى لم اتعدى على حدود احد فليس من حق احد مصادرة حريتى

حتى ولو كان شيخ الازهر ولا شيخ الطريقة فانا ايضا اعتبر نفسى شيخة نفسى

اتفقنا

تانى لو جبت اسمى

بنط ليك فى زمارة رقبتك والبحلك ما بتلقاهو

[hatim ALi]

المشاركة الأصلية كتبت بواسطة سارة

حتى ولو كان شيخ الازهر ولا شيخ الطريقة فانا ايضا اعتبر نفسى شيخة نفسى

اتفقنا

تانى لو جبت اسمى

بنط ليك فى زمارة رقبتك والبحلك ما بتلقاهو

ه
لوووووووووووووول

خلاص يا شيخة (....) ما حاجيب اسمك عشان ما تقصمي لي باقي الفاضل من رقبتي

انا زاتي الموضوع دا متخارج منو بعد كدا اصلا ما عندي مزاج للنقاش في المواضيع البتكون اخرتها تكفير و استتابة دي

الفح براطيشي و ادبا و اتخارج سريع ما يلم فيني واحد من (شيوخ الاسلام) الهنا يقطع فيني فتوى كاربة تطلعني من الملة

الطريق للوعي طويل و ملئ بالعقبات و لن يجدي فيه التجادل مع من يتعصب لرأيه و الحل هو رفع درجة الوعي بالتوازي

وانا بعتذر ليك لو كنتا اتشبكتا فيك عليم الله انا لي فترة بهاتي لي (شكلة) معاك

لكن شكله (المعترك) غير مناسب لانه حسة بيقوم (العجاج) نروح في الرجلين ساكت

تحياتي

[سمورية]

حسب علمى النقاب بيلبسوه قدام الرجل الاجنبى بالنسبة للنساء من هنا هى من حقا تغطى وشها بغض النظر عن السماحه من عدم السماحه .اما مسألة انو فرض دى حسب اجتهادى الشخصى خااااالص ما اظن انو فرض ولو كان كدا من باب اولى انو كان يصح بيه الصلاة والاحرام زى الحجاب

[فتحي مسعد حنفي]

علي الطلاق دا حوار طرشان والأغرب انكم كلكم متفقين علي الخلاصة حتي كل واحد أخد كلام بدور عن خوفها بي طريقتو انها قاصداهو في الوقت الفيهو هي قاصدة زول تاني خالص لبد في المعمعة دي ..يعني دور الشكلة الأخيرة وزاغ..تعرفو دا ياحسين(وجه متسائل لعادل امام )ولو قرينا بتمعن كلام كل واحد فيكم حنلقاكم متفقين علي انو النهاية متماثلة لكن كل واحد عايزها تكون بي اسلوبو هو..
يابدور انتي الناس قالو انك غلطي في الاستشهاد بحديث غير متفق عليه وتحدثتي باسلوب:بما معناه.. وهذا لا يجوز في الأحاديث النبوية..والبعض يعتبرها اساءة
مسئولين عن الخير انتو سيد البوست دا وين..مايجي يحل لينا القضية الفتحا لينا دي

[رأفت ميلاد]

المشاركة الأصلية كتبت بواسطة فتحي مسعد حنفي

علي الطلاق دا حوار طرشان والأغرب انكم كلكم متفقين علي الخلاصة حتي كل واحد أخد كلام بدور عن خوفها بي طريقتو انها قاصداهو في الوقت الفيهو هي قاصدة زول تاني خالص لبد في المعمعة دي ..يعني دور الشكلة الأخيرة وزاغ..تعرفو دا ياحسين(وجه متسائل لعادل امام )ولو قرينا بتمعن كلام كل واحد فيكم حنلقاكم متفقين علي انو النهاية متماثلة لكن كل واحد عايزها تكون بي اسلوبو هو..
يابدور انتي الناس قالو انك غلطي في الاستشهاد بحديث غير متفق عليه وتحدثتي باسلوب:بما معناه.. وهذا لا يجوز في الأحاديث النبوية..والبعض يعتبرها اساءة
مسئولين عن الخير انتو سيد البوست دا وين..مايجي يحل لينا القضية الفتحا لينا دي

يا فتحى صاحب البوست محسن الفكى ياخ .. ده شتت زمان وبجى بمصيبة تانية

ياخ سؤال كده .. أنتو الدين ده مش حق النساء والرجال ؟؟
الموضوع ده شأن نسائى 100% .. حقو يقتصر عليهن فى مناقشته .. البوست كله من وجهة نظر الرجل .. الفعل لى الله ما للرجل .. والحساب والمسائلة سيكون للمرأة .. ولا أنا غلطان ..

[بدور التركي]

الموضوع شنو بدور
وإلا النقاب
الله يجازيكي بالخير يا بدر البدور
قلبتي الموضوع وخليتيهو بدور في دائرة مغلقة

[أحمد محمد صلاح الدين]

المشاركة الأصلية كتبت بواسطة محسن الفكي

. .

يوجد من يبيع ويشتري ويملي ويكتب ويفتي في آيات الله منذ المسيحية و الحقيقه أن المصرين قد أشبعوع وزارة التربية و التعليم بمناهج و أحاديث ما أنزل الله لها من سلطان ولقد تعلمنا الكثير عن مصر وحضارتها وشعرائها وكتابها حتي صرنا نشعربالدونية منها ولس لنا إلاأن نقول

[align=center]خدعوها بقولهم حسناء ......... والغواني يغرهن الثناء

أتراها تناست اسمي لما ........ كثرت في غرامها الأسماء

إن رأتني تميل عني كأن لم ..... تك بيني وبينها أشياء

نـظـرة فابتسامة فسلام ............ فـكـلام فـمـوعد فـلـقـاء

يوم كنا ولا تسل كيف كنا.......... نتهادى من الهوى ما نشاء

وعلينا من العفاف رقيب ........ تعبت في مراسه الأهواء

جاذبتني ثوبي العصي وقالت....... أنتم الناس أيها الشعراء

فاتقوا الله في قلوب العذارى ....... فالعذارى قلوبهن هواء

نـظـرة فابتسامة فسلام ............. فـكـلام فـمـوعد فـلـقـاء

ففراق يكون فيه دواء ............. أو فراق يكون منه الداء[/align]

أمير الشعراء : اسف فخفت أن اكتب قصيد لشاعر سوداني فتقضب وزارة التربية وتعليم فقد اجبرتي علي هذا المقرر

[سيف الحق]

[
حاتم:

خلاص بقيت ما بريدك
صدمتني[/QUOTE]

خلاص ريديني في الله والرسول بس ما تريدي حاتم

كيفك بدر البدور

حقيقة كلامك ما غلط بس انتي سمعتي وجبتي الشمار ما ياهوا وكفاية علينا شمار هاشم صديق والدش والتلفزيون وما ادراك
دا ما بوست لذيذ ولا حاجة دا جدل ناس عايزة تتكلم في قضية نشوف الحل بالنقاش الحلو والجميل والهادي مش بالزعل بعدين ما من حق اي زول يكفر او يغلط اي انسان وهو ما قاضي ولا ولي امر
سلمتي لاخوك
عماد الدين النخلي

[ناصر يوسف]

[align=right]عماد النخلي



ما تسفه مداخلتنا دي بالله عليك


وليس من شيم الإسلام إن تسفه من يسألك أسئلة مباشرة


سأعيد عليك مداخلتي أدناه مرةً أخري


وأرجو إجابتي عن أسئلتي أجوبةً واضحةً وشافيه:[/align]





[align=right]بسم الله وكفي

وصلاتي علي المصطفي


صلوا علي الحبيب يا مسلمين


صلوا علي المصطفي



هو ده شنو ده


محسن الفكي


تاني ما تعملها بالله عليك

تفتح ليك موضوع وتفك البيرق


أحييييييييييييييينا منك

بس ألاقيك إلا أقطع ليك إضنيك


وبعدين ده شنو ده البتعملوا فيهو ده ؟؟

موضوع البوست

عن شيخ الأزهر القال للبنية أقلعي النقاااااااااااااااب مُش الحجاب


تقوموا تلفو للبوست رقبتو وتلووها ليهو كمان ؟؟؟


وبعدين تعال هنا يا أخوي

يا عماد النخلي

ده شنو البتكتب فيه بغضب ده ؟؟؟


سودانيات دي ما بكان غَضَب ..


إن كان زهجان

فك زهجتك وقرفتك دي في الخاص

أو في سرك أو...

أقول ليك ...


أكتم غيظك وخلينا في موضوع البوست ..


وأنا سبق لي في مداخلة هني بإني أرفقت لينك جريدة الوطن لمساجلات في أمر النقااااااااااااااااااب


وسألت أخوي

محسن الفكي

صاحب البوست سؤال

وهسسسسسسسسي دي

بسألك ليه إنت ظاااااااااااااااتك إن كان رضيت أو أبيت


النقاب ده شيتاً إسلامي بالصح ؟؟؟


ولو كان إسلامي


ممكن تديني آية واااااااحدة كده من القرآن الكريم بتأيد صحة إنو النقاب إسلامي ؟؟؟


خليني من الكيزان وشنوشنو داك


رُدّ لي علي سعالي يسعلوك من الخير دايماً يا رب[/align]

[ناصر يوسف]

[align=right]إنتو يا أهلنا

عماد النخلي ده مش معانا هني ؟؟؟





طيب وينو ؟؟




ومالو سافهني كدي ؟؟؟



هسي أنا قلت ليه حاجه غلط ؟؟؟ [/align]

[أبوبكر عباس]

المشاركة الأصلية كتبت بواسطة ناصر يوسف

[align=right]
طيب وينو ؟؟
هسي أنا قلت ليه حاجه غلط ؟؟؟ [/align]

و الله عداك العيب...
لكن إنت زانقو في خانة اليك...
و أنا عشان الراجل أمو خالتي
و عزيزة جدا علينا حابي أتوسط ليهو عندك عشان تخليهو..
لو ما عشان خاطرنا يبقى عشان الشعر السمح القالو لينا أخوهو الاستاذ مدني النخلي

عليك الله يا ناصر
واقف براك والهم عصف براها ما بتشف ليهو!