نعم للإنفصال .. نعم للشريعة .. لا للإنفصال .. لا للشريعة (متابعة نقاش)

[عابد عقيد]

[B]الغالي رأفت ميلاد والمتداخلين - سلام

يمكن نحنا نظرتنا للمشكلة نظرة انفصالية في حد ذاتها ..
ويمكن خستكات النخب السياسية المتكررة والخطاب الاعلامي المكثف طيلة تتابع الانظمة بمختلف مسمياتها ساعد في ذلك ..
يعني بدل ما نقول مشكلة السودان المتمثلة في جنوبه -- ظللنا نردد مشكلة الجنوب ..
وبدل نقول سوداني من الجنوب -- قاعدين نقول جنوبي .
ومحل سوداني من الشمال -- شمالي . .
لأن الجنوب ليس ملك للسودانيين من الجنوب وحدهم ولا الشمال ملك للسودانيين من الشمال وحدهم ولا حتي كل سكان الشمال مسلمين ولا كل سكان الجنوب مسيحيين .. وارتفاع نسبة الاسلام في الشمال لا يعطي الحق لدعاة الدولة الدينية لإقامة دولة الشريعة . وبالمقابل الجنوب - ليس من حق دعاة الدولة الدينية لوصف دولة الجنوب بالدولة المسيحية فهذا لو فرضنا ان الانفصال تم .
ولكن بعيد عن ساس يسوس فنظرتي لمشكلة السودان نظرة نفسية اكثر من سياسية لأن نفسية اي انسان سوداني هي مزيج من تلاقح بتاع اعراق .. مثلا انا الليلة عندي اصدقاء من مختلف بقاع السودان بما فيهم من هو من الجنوب وصداقتي دائما تُبني علي أننا سودانيين لتشابه العادات والالتقاء الثقافي والاهم من هذا كله هم الوطن الواحد السياسي والاجتماعي والانتماء للتراب . فلو حدث الانفصال سنفقد واحدة من مكونات المزاجية السودانية وسيحدث هذا شرخ داخل نفسية اي سوداني وزي ما قال لي صديقي ( ننفصل نمشي وين ؟ عشان نخليكم تستمعوا بغني الشايقية ده براكم ) وكنت اتمني ان كل السودانيين من الشمال والجنوب يكون لهم الحق في الاستفتاء والكل يقرر اذا كان الجنوب ينفصل ام لا .. ولكن ظب زي ما قلت ان النظرة لمشكلة السودان هي نظرة انفصالية وخطا تاريخي يرتكبه الساسة السودانيين .

تحياتي النواضر