راكوبة المجادعات.. النمة والدوباي

[مي هاشم]

المشاركة الأصلية كتبت بواسطة طارق صديق كانديك

ناس مي والمعاها الليلة إلا يطيرو
شاربين النضم غرفاً يمين من زيرو
كايسين للغلات شايلين معانا كبيرو
البنمسكو يا قال أح يا فرشولو سريرو

هههههه ...

ما تقول بطير فيشان انا الإنتايي
ضكراني وحاتك وإتّ شوف الجايي
وشوفلك درقة منّي تبقالك غُتايي
باكر تطير إتّ ويحكو بَك حكايي

هههههههههههههههههههههه

[مي هاشم]

عملتي لينا وجع شوف ياخ وزغللة في العيون.... نحن عجايز ونظرنا ضعيف[/QUOTE]

صباح الفل..
والله اختك زاتها بنضارتها ما تشوف العيون دي!!

[سجمان]

المشاركة الأصلية كتبت بواسطة مي هاشم

يا سيد الرجال العمده ما بعفيهو
والنم والغنا هولو معطون فيهو
يجيكَ يمين من قلبو لا عند فيهو
لا دايرلو مهله ولا بيفكر فيهو

العمدة الدَرِب رايح عليو في الموية
بالحال العلي بقيت تقول ككوية
من سمح النضم بقيت أقول "الالويا"
يالإسمك "سقاية" واسم الدلع ميوية





حاشية:
الالوية: التهليل (عند المسيحيين)

[سجمان]

المشاركة الأصلية كتبت بواسطة فيصل سعد

[align=center]سلامات يا شباب:

اقول يا الجيلي* ابو العباس
اشوف العافية ليك لباس
حبيبي
انت ما بتنقاس
الوحيد في قلوبنا
ماخد الكاس
حبيبي ..

* الجيلي احمد "ابو اليشا"[/align]

[align=center][flash1=http://rafatmilad.com/ramia.mp3]WIDTH=400 HEIGHT=50[/flash1][/align]

ود سعد حبابك ألف في الراكوبة..

أبقى لا جوة..

[سجمان]

المشاركة الأصلية كتبت بواسطة سمورية

اهل الراكوبة سلام
يسعد صباحكم يارب زى ما اسعدتو صباحى

سمورية ::
ويسعد صباحك ديمة..
منورا الراكوبة والله..

أبقى داخلة..

[طارق صديق كانديك]

المشاركة الأصلية كتبت بواسطة مي هاشم

ما تقول بطير فيشان انا الإنتايي
ضكراني وحاتك وإتّ شوف الجايي
وشوفلك درقة منّي تبقالك غُتايي
باكر تطير إتّ ويحكو بَك حكايي

هههههههههههههههههههههه

هييييييع عفيت منك ..




البي والعلي ظاهر على متكفي
والوعد اللكيد أنا في الكتال متشفي
وشان خاطرك أشيل نوم الهناك مدفي
يبيت القوة ساااي يحلم بطعم ( الهرفي )

ههههههه ...

[طارق صديق كانديك]

المشاركة الأصلية كتبت بواسطة مي هاشم

أنا بت الرجال..حاشاني تب ما بجري
بركز للقتل وزغرودتي فوق لي قبري
هاك نضماً موزّن مفافيه تب الشّتري
بداقرك في الحديس وإلا إنت التّجري

يابت الرجال الجابو الشكر من بدري
تسلمي ياأم رخم حاشاكِ ما بتنقدري
للنضمي الموزّن الناس لي حروفك تجري
أعماهم بشيل مكسرن من بدري

هههه .. كده كيف ؟

[سجمان]

المشاركة الأصلية كتبت بواسطة طارق صديق كانديك

الصدر القبيل قام بي هناك وفرتق
لمن ديكي صاح أنا في وحيحي مهتق
يابرق الضحى العوعايو بقا ونتق
جيب لي من عبيرو نفساً حنين ومحدق

السدر القبيل فتق الجيوب تاوقلي
طاف بيهو النسيم وجاني يتراوقلي
يا برق الصعيد في نومي اتشاققلي
قول للشال منامي من نومو يتفاوقلي

[سجمان]

المشاركة الأصلية كتبت بواسطة مي هاشم

وحاتك يا خوي هداااااااك..سعِعنا الكامل
جادِعنا آالحبيب خليك لينا مجامل
الله يفرج العليك فرجاً شامل
ومن كل العلل يديك شفاياً كامل

إن حتيت سبيطي عاتي القفف ماب شيلو
وان فجّيت درب غلب الوراي يمشيلو
وإن جيت للجدع ما بتوزن بالكيلو
كالعينة أم تعول ماعون وطاتنا بكيلو

[طارق صديق كانديك]

المشاركة الأصلية كتبت بواسطة سجمان

السدر القبيل فتق الجيوب تاوقلي
طاف بيهو النسيم وجاني يتراوقلي
يا برق الصعيد في نومي اتشاققلي
قول للشال منامي من نومو يتفاوقلي

حاميني المنام أنا فوق رقادي مسهد

يقدل يمشي زي ظبي الخلا البتوهد

ياناضح المسك زيد في أذاي وأشهد

ياهدهد سبأ .. أنا في رجاك أتنهد

[احمد زين]

المشاركة الأصلية كتبت بواسطة سجمان

إن حتيت سبيطي عاتي القفف ماب شيلو
وان فجّيت درب غلب الوراي يمشيلو
وإن جيت للجدع ما بتوزن بالكيلو
كالعينة أم تعول ماعون وطاتنا بكيلو

إن حتيت قناديل عيشي تملأ مخازن
وان جيت للغنا بنظم كلام متوازن
في ساعة الدواس بِركِز ابوك يا مازن
والفارس العنيد ببقالو جرحاً خازن

هيععععععععععععععع

[ناصر يوسف]

[align=right]لاااااااااااااااااااااا إله إلا الله

محمد رسول الله


ده كلللللللللللللللللللللللللللللو ؟؟؟

خمسسسسسسسة صفحات فاتتني ؟؟؟


إنشاء الله المسدار والمجادعه والنم ده ينفعكم يا رب


قريت البوست ده كلللللللو بي نفس واااااااحد

يوديني مرة هنا ومرة هناك

يطلع بي فوق فوق فوق فووووووووووق

في علالي الفرح

ويا سجمان

يا سجم السجم ظاتو

ما كان تلكزني وتقول لي أبقي داخل حديقة الفرح الخرافية دي


ووووووووح


وتاني شنو غير


وووووووووووح دي


مارقه من جووووووووووَه جُوات الزول


طارق كنديك

ومي هاشم

وساره

وود الزين و ...


كللللللكم


أحبكم جت عليكم



جايكم تاني ومتحكر فوق ضُل راكوبتكم السمممممممحة دي





الجبنه




الجبنه يا بت العم




جيبولنا الجبنننننننننننننننننه [/align]

[طارق صديق كانديك]

الجري والرحيح انقسمو للمابينا
امبرشو الضحى ويقعوا ويسفو الطينا
كان دارو الكتال يلقونا بي زندينا
نفرك في الكبير سوينا منو عجينا

[احمد زين]

المشاركة الأصلية كتبت بواسطة ناصر يوسف

[align=right]

الجبنه يا بت العم

جيبولنا الجبنننننننننننننننننه [/align]

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

[طارق صديق كانديك]

المشاركة الأصلية كتبت بواسطة أحمد محمد زين حسين

الجبنة يتجيك انت الصبر بس شيلو
اشرب وانبسط والبن اُكُرْفُو عليلو
معووج المزاج نحن البنعدل ميلو
والداير الطرب بِنْجِيْهُو آخر ليلو

ناداني الغرام باشرني شوف تأويلو
جبنتكم مكربة والراس وقف تميلو
زادني انبساط بن الحبش وعويلو
بكريها التقول موية العيون بس نيلو