نافذة على بعض ما نجهل عن البعض ..!

[أبو أماني]

[align=center]مما قاله الحبيب الأريب .. فتحي ..[/align]
كنت متشوقا لمعرفته عن قرب حتي أري ان كنت مخطئا أم مصيبا في دفاعي عنه..وهذا شيئ أتركه للذين حضروا معي لقائه فهم رأوه علي الطبيعة وعن قرب..أما أنا فقد كدت أن أطير فرحا عندما قال أمام الجميع ان شخصي الضعيف كان السبب الأساسي في تواجده في سودانيات..فهل هذه قليلة عندما تصدر من قامة عرف الجميع حجمها بمرور الأيام..
شكرا يازين العابدين ويا ود الزين وكل أعضاء سودانيات الصايرين في هجير أرض المليون ميل مربع..وياريت بعد ما ننتهي من ود عسوم نزلف علي ود الزين الراجل الضكر فعلا وقولا
* * *
حاضر لنكمل الحديث عن الوضئ عادل عسوم ثم بعده حسب ترشيحك الأنيق أبو مازن .. وأقول لكم ما عرفته عن الحبيب تكعيب :-
الدكتور (لاحقا) عادل عسـوم

غدا نبحر في محيط يعج بالمثير في شخصية عادل عسوم .. فأبقوا معنا ...

[احمد زين]

المشاركة الأصلية كتبت بواسطة فتحي مسعد حنفي

وياريت بعد ما ننتهي من ود عسوم نزلف علي ود الزين الراجل الضكر فعلا وقولا

شكرا جميلا اخوي فتحي على هذا الكلام في شخصي الضعيف
ومعذرة ابواماني ساعود بك الى الوراء قليلا
قصدت ان لا يفوتني شرف الحديث عن هذا الرجل
واحسست ان ما قلته في حق الرجل قليل رغم قناعتي بانني لا استطيع ان اكتب عنه افضل منك وحتى لو كتب كل اعضاء سودانيات فلن نستطيع ان نعطي الرجل حقه فهو قامة سامقة وذخيرة كبيرة من المعرفة والادب ... له من القصص والحكايات والنوادر ما تنوء به الكتب والصحائف
كم كانت سعادتي كبيرة عندما قابلت اول مرة ... رجل يقابلك بذات الابتسامة التي يودعك بها ...صافي النفس والسريرة لا يحمل احقادا على احد .. ان اتفق معك في الراي يدعم رايك بكل صدق وكأنه صاحبه وان خالفك راياً يخالفك بادبا جماً لا يمسك بكلمة تجرحك ابدا وهذا قد نكون لاحظناه جميعا خلال كتاباته هنا
شيئ آخر هو الكاريزما الخاصة التي حباه الله بها فجعله محبوبا من كل الناس بمختلف الوانهم السياسية والفكرية واذا احب الله احدكم حبب خلقه فيه
اتمنى صادقا ان اكون قد اوفيت نذرا يسيرا في حق اخي الاكبر فتحي حنفي مسعد

[فتحي مسعد حنفي]

المشاركة الأصلية كتبت بواسطة أحمد محمد زين حسين

شكرا جميلا اخوي فتحي على هذا الكلام في شخصي الضعيف
ومعذرة ابواماني ساعود بك الى الوراء قليلا
قصدت ان لا يفوتني شرف الحديث عن هذا الرجل
واحسست ان ما قلته في حق الرجل قليل رغم قناعتي بانني لا استطيع ان اكتب عنه افضل منك وحتى لو كتب كل اعضاء سودانيات فلن نستطيع ان نعطي الرجل حقه فهو قامة سامقة وذخيرة كبيرة من المعرفة والادب ... له من القصص والحكايات والنوادر ما تنوء به الكتب والصحائف
كم كانت سعادتي كبيرة عندما قابلت اول مرة ... رجل يقابلك بذات الابتسامة التي يودعك بها ...صافي النفس والسريرة لا يحمل احقادا على احد .. ان اتفق معك في الراي يدعم رايك بكل صدق وكأنه صاحبه وان خالفك راياً يخالفك بادبا جماً لا يمسك بكلمة تجرحك ابدا وهذا قد نكون لاحظناه جميعا خلال كتاباته هنا
شيئ آخر هو الكاريزما الخاصة التي حباه الله بها فجعله محبوبا من كل الناس بمختلف الوانهم السياسية والفكرية واذا احب الله احدكم حبب خلقه فيه
اتمنى صادقا ان اكون قد اوفيت نذرا يسيرا في حق اخي الاكبر فتحي حنفي مسعد

أنا حاسي في مؤامرة تحاك في الظلام
حفيد الترابي دا راجل ود ناس الي أبعد الحدود ..مشكلتو انو عندو عيب مدمر..وهو علاقتو بأبو أماني ابليس المنتدي وهو كما قال لي يوما يبحث عن ابن في المنتدي حتي يكون عندو ود ابليس(القائل أبو أماني) علي قول الصادق زروق..
الناس ديل دايرين يختوني بين اليافطتين ويلعبو بي لكن دي يلقوها عند الغافل فهو قامة سامقة يازول بلا سامقة بلا حارقة..انتو بس خلوني في حالي والستار هو الله البوقف أبو أماني دا عند حدو..ياخ أبو أماني دا لو عمل مداخلة مع ابليس ذاتو لازم يدخلني فيها وما عارفو داير شنو بالضبطياربي انا وين ..زي ما قال اب جقادو.أها انا وقفت في أبو أماني الخلاني أنسي أنا بكتب وين وفي شنو..الراجل دا أكيد عندو عرق فلاتة وداسيهو وقال شنو عايز سارة ترسل ليهو بعر قال..مع انو محتفظ في دولابو بي بعر فيلوأنا غايتو بكرة حأعمل زي ما قال جورج قرداحي وأستعين بصديق(ود ميلاد) أهو دا قبطي ما بتمشي فيهو الكتابة

[أبو أماني]

المشاركة الأصلية كتبت بواسطة فتحي مسعد حنفي

أنا حاسي في مؤامرة تحاك في الظلام
حفيد الترابي دا راجل ود ناس الي أبعد الحدود ..مشكلتو انو عندو عيب مدمر..وهو علاقتو بأبو أماني ابليس المنتدي وهو كما قال لي يوما يبحث عن ابن في المنتدي حتي يكون عندو ود ابليس(القائل أبو أماني) علي قول الصادق زروق..
الناس ديل دايرين يختوني بين اليافطتين ويلعبو بي لكن دي يلقوها عند الغافل فهو قامة سامقة يازول بلا سامقة بلا حارقة..انتو بس خلوني في حالي والستار هو الله البوقف أبو أماني دا عند حدو..ياخ أبو أماني دا لو عمل مداخلة مع ابليس ذاتو لازم يدخلني فيها وما عارفو داير شنو بالضبطياربي انا وين ..زي ما قال اب جقادو.أها انا وقفت في أبو أماني الخلاني أنسي أنا بكتب وين وفي شنو..الراجل دا أكيد عندو عرق فلاتة وداسيهو وقال شنو عايز سارة ترسل ليهو بعر قال..مع انو محتفظ في دولابو بي بعر فيلوأنا غايتو بكرة حأعمل زي ما قال جورج قرداحي وأستعين بصديق(ود ميلاد) أهو دا قبطي ما بتمشي فيهو الكتابة

والله ضحكتني لما سنوني المكسرات ديل شافنهن جيكسويتين فتحوا لي طوووالي صدق حتى عملية شد الوش الفي القاهرة العملناها أنا وإنت ديك .. والصبغة الكاربة برضو ما جابوا لي مريسة التام زينو .. طيرتهن مني الله يطير أعداءك يا يابا .. طيران الهلال من الأبطال .. قول آميييين .. دي دعوة صادقة من القلب .. قلت لي شنو؟ بعر فيل؟ ولو أنو أول مرة أسمع ببعر الفيل لكين نمشيها نعمل شنو .. بس لانك زول داهية وعقر وأكيد بتكون عارف الإجابة بدور أسعلك .. العلاقة شنو؟ بين بعر الفيل .. وبيض النعام؟ وما هو السر في حب العقرب لبيض الفئران؟؟.. تشاوووو يا حبيبي .. مع تحياتي لرأفت ميلاد.. هو مالو غاتس؟

[فتحي مسعد حنفي]

المشاركة الأصلية كتبت بواسطة أبو أماني

والله ضحكتني لما سنوني المكسرات ديل شافنهن جيكسويتين فتحوا لي طوووالي صدق حتى عملية شد الوش الفي القاهرة العملناها أنا وإنت ديك .. والصبغة الكاربة برضو ما جابوا لي مريسة التام زينو .. طيرتهن مني الله يطير أعداءك يا يابا .. طيران الهلال من الأبطال .. قول آميييين .. دي دعوة صادقة من القلب .. قلت لي شنو؟ بعر فيل؟ ولو أنو أول مرة أسمع ببعر الفيل لكين نمشيها نعمل شنو .. بس لانك زول داهية وعقر وأكيد بتكون عارف الإجابة بدور أسعلك .. العلاقة شنو؟ بين بعر الفيل .. وبيض النعام؟ وما هو السر في حب العقرب لبيض الفئران؟؟.. تشاوووو يا حبيبي .. مع تحياتي لرأفت ميلاد.. هو مالو غاتس؟

بيض النعام دا بقي تسأل منو بلاص..أصلو النعام آدم وبلاص كانو دفعة واحدة وبيغنو مع بعض ولو ما مصدقني أصبر كمان ستة شهور لما تفنيخ وتطلع لأبو داود..هناك ممكن تسألو من الحاجات دي..غايتو أنا حدي في بيض الحمام

[سارة]

كل ما اخش البوست دا القى جايبين سيرتى

البعر وشيوخ القماير قطعنا تاريهم بى الله

وكت البعر مالين لينا راس ناس كدة دا طرفى منو

اها الفلاتة سوا ليك شنو يا ابو الاء؟؟؟؟

ما كفاية القطيعة القطعتها فينى ووصلتنى بالكوما والفلستوب

[فتحي مسعد حنفي]

ما كفاية القطيعة القطعتها فينى ووصلتنى بالكوما والفلستوب




سبحان الله ياسارة..والله دي معلومة جديدة ما كنت عارفها..
هو بالله قمة الفلس بتجيب للزول كوما طيب والزول بعدين يسوي شنو عشان يطلع من الكوما دي ولا دا ما أدوكم ليهو في قراية الكبار حقتك هي..مش دي برضو نوع من أنواع محو الأمية

[سارة]

المشاركة الأصلية كتبت بواسطة فتحي مسعد حنفي

ما كفاية القطيعة القطعتها فينى ووصلتنى بالكوما والفلستوب




سبحان الله ياسارة..والله دي معلومة جديدة ما كنت عارفها..
هو بالله قمة الفلس بتجيب للزول كوما طيب والزول بعدين يسوي شنو عشان يطلع من الكوما دي ولا دا ما أدوكم ليهو في قراية الكبار حقتك هي..مش دي برضو نوع من أنواع محو الأمية

بعد كنت زعلانة ضحكتنى

ياخ قراية الكبار دى عليك امان الله شقت عمرى



ما قلت لى قطعت قلت شنو؟؟؟؟؟

انا مش قلت ليك مسامحاك

[فتحي مسعد حنفي]

المشاركة الأصلية كتبت بواسطة سارة

بعد كنت زعلانة ضحكتنى

ياخ قراية الكبار دى عليك امان الله شقت عمرى



ما قلت لى قطعت قلت شنو؟؟؟؟؟

انا مش قلت ليك مسامحاك

أبدا والله أنا كنت قايل كلامي عنك القلتو لي أمال داك قطيعة ولما جيتي انتي شكرتيني عليهو اكتشفت انو أبدا ما قطيعة...هومعقول يا سرورة أنا أقطع فيك وانتي قاطعة فيني شريان

[أبو أماني]

المشاركة الأصلية كتبت بواسطة فتحي مسعد حنفي

أبدا والله أنا كنت قايل كلامي عنك القلتو لي أمال داك قطيعة ولما جيتي انتي شكرتيني عليهو اكتشفت انو أبدا ما قطيعة...هومعقول يا سرورة أنا أقطع فيك وانتي قاطعة فيني شريان

سجم خشمي يا سارة .. ده شنو العملتيو في الخواجة ده؟؟ جيت داخل القهوة لقيت ليك فتحي مسجى على النجيل تحت شدرة السنديان البيقعدوا فيها شلة عادل عسوم ومعاه البوص بتاعه! وناس كانديك .. وفتحي طائح في الواطا والشريان ينزف قررررب يشطب وبدل شررررر بدأ يقول .. شخ شخ خخخخخ .. الحقوني يا ناس القهوة .. فتحي مسعد مكتول في النرويج .. لكين تستاهل يا يابا البوديك تتناطى للحاجات الهاي لايف شنو؟؟ ماتخليك مع ناس دوسة وتفيده وبدعت بتوعك دول ... قال قاطعة فيو شريان .. هوووووي .. أخير ليك .. والله ما بتعرفني .. والله كان قبلت عليك .. عيلا أوريك أيا .. ماعارف سرورة دي من اول بعرة حب قدمتها لي وأنا ليوم الليلة أجي أقول يا أم أماني .. أقول يا سارة .. ضنيتك يا خوي لهطت ليك واحده عارفك طفس وجنك رمرمة .. وهو ظااااطو طعمو قريب للماكينتوش كدي .. يلا باي .. سلامتك يابا..

[أبو أماني]

مما سبق :
* * *
حاضر لنكمل الحديث عن الوضئ عادل عسوم ثم بعده حسب ترشيحك الأنيق أبو مازن أو طارق كانديك الذي يشرف السودان هذه الأيام .. وأقول لكم ما عرفته عن الحبيب تكعيب :-
الدكتور (لاحقا) عادل عسـوم
* * * * *
عندما دخلت عالم سودانيات المخملي .. كنت أتحسس طريقي ومكاني بحذر شديد ولا غرو فأنا وسط عمالقة < شماريخ > خاصة بالعزيزة سارة!.. كنت أتعامل مع مجرد أسماء لا أعرف أصحابها أو حامليها وهي أسماء مستعارة .. يعني حتى الإسم الحقيقي أو النوع أو الجنس لم أكن أعرفه .. وكانت بداياتي محكومة ببروتوكول وبريستيج .. وكنت في غاية الحرص والحذر تشوب كل مداخلاتي موجة من الأدب والتهذيب المصطنعان وكانت معظم مشاركاتي "كسائركم" أشبه بالزهور الصناعية.. ولكنني وعندما رديت على أول مداخلة للوضئ عادل عسوم .. ودون وعي مني إنفلت زمام يراعي بكل أريحية وأحسسته يعربد وسط السطور في مرح وإلفة خالعا ثوب الحذر والأدب المصطنع تماما كفتاة خليجية تخلع البرقع والعباءة لتحدث الآخرين عن أنعام الله عليها من محاسن دون ستر وهي تغادر بطائر ميمون أجواء بلادها "الخانقة" المتزمتة!.

وكما ورد بالصحيحين (الأرواح جنود مجندة ما تعارف منها ائتلف وما تنافر منها اختلف ) فقد
تجند قلبي من "قولة تيت" طائعا مختارا حبا لهذا الرجل في حين إنني لم أكن أعرف عنه سوى الإسم وتلكم الصورة الرائعة التي تزينها بسمة لا تخلو من جاذبية "وسحر ودهاء مستتران" جعلاني أتنباء غيبا بإنتسابه لقبيلة أشتهرت بالحكمة والدهاء أحجم عن ذكرها خوفا مني ومراعاة لوشائج النسب التي تربطني بها ..!.

جاء عادل عسوم للسودان .. وقابلناه أنا وسودانيات الدواخل ناس احمد زين ومنال وناصر وعبد الجليل وآمنة عمر وتزامن حضوره بوجود أو قرب سفر الرائعة دوما سارة والظريف الشاب رغم السنين الوجيه فتحي مسعد نوارة كل المجالس .. تحتضن عادل يارجل فتحس بدفء الإخاء يشع من جنبات صدره الرحب .. حل بين ظهرانينا بدرا قارب التمام بل إكتمل .. وأزدهرت العاصمة القومية بمقدمه الميمون .. وزهت وتأنقت وأينعت أزهارها وورودها رغم إنعدام الربيع وحينها فقط إكتشفت تلك النعمة التي يرفل في رحابها كل السودانين المقيمين بالمنطقة الشرقية بالمملكة .. ناس كانديك وأبو مهييد وأبو ريم وأقر بأنني حسدتهم لانفرادهم بمعاصرة هذا الرجل الدرة .. أدبا وعلما وخلقا وتواضعا .. ولا أخاله يزعل مني لو طبقت عليه المثل الذي طالما سمعته من حبوبتي رحمها الله .. تأكل وتقش إيدك في طرفه ..!! حقيقي وبكل صدق وأمانة وبعيدا عن الثلج وأدوات تكسيره والتي يجيد التعامل بها صديقي اللدود أبو آلاء أقول أن صحبة عادل عسوم متعة ليست بعدها متعة !.

يكفي أن عدولة يقنعك تماما بأنه مازال يشتاقك وهو ينظر إليك بعينين تنبضان حبا وإعجابا صادقا ووله وتحس إنه يذوب شوقا إليك وأنت جالس بجواره..!
متواضع : لدرجة إنه يقنعك تماما بأنه لم ينل حظوة من العلم..لفرط تواضعه رغم سعيه الحثيث للحصول على أعلى مراقيه حاليا .. ال Phd نتمنى له التوفيق والسداد!.
مهذب : لدرجة أني أخاله يطرق باب الثلاجه مرتين قبل فتحه .. ولو صادف "صحن جلي" يهتز بداخلها بسبب حركة فتح الباب!..يعتذر له بأدب جم..قائلا بصوت أشبه بالهمس..ماتخاف سوري .. أنا بس عاوز أشرب موية.. وراجع!!.
لايحب إزعاج الآخرين أو يكون سببا في ذلك: بحيث أنه إذا رتعت ذبابة على جبينه في يوم غائظ الهجير لا يجروء على أن يهشها حتى لا يزعجها رغم الضيق الذي يعاني منه!.
جـــذاب بحق وحقيقي : لدرجة أن يجعل معظم بنات حواء عند لقائه يتحسرن لأن قطار العمر لم يتقدم .. أو ربما لم يتأخر قليلا .. بضع سنوات!.
خدوم بطبعة: بل متوثب لخدمة الآخرين بحيث إنني عنما كنت أجالسه وعندما هممت بأن أنفض رماد سيجارتي في الطفاية بجواره .. تخيلته بل تخوفت أن يهرع لفعل ذلك نيابة عني !
ساخر بلطف ودون تجني: بحيث أنه ماجاء ذكر الحبيب الوجيه د. أحمد محمد زين (أبو مازن) إلا وجاء ذكر عادل لأنبوبة الغاز بصورة لطيفة.. ما هي العلاقة لست أدري..كذلك كلما جاء ذكر أبو أماني طفق يحدثنا عن النساء اللائي يدخلت الجنة (بفضل) أزواجهن! وصدقوني يا الحبان لو فهمت عدولة قاصد شنو .. كت وريتو شغله لكين محظوظ .. طلعت ما ناقش حاجة!.

ختاما هذه نافذة صغيرة بل طاقة حاولت فتحها لكم لتستشفوا حقيقة هذا الرجل الجوهرة وليتني أوفيته حقه أو بضع حقه .. لكم خالص وصادق مشاعري ولعادل ضعفها .. وتشاااووووو

[النور يوسف محمد]

بسم الله الرحمن الرحيم
الأخ أبو أمانى
تحية طيبة من عند الله مباركة

وقالها ربك الأعلى في محكم تنزيله .. "القلوب جنود مجندة .. منها ما إتلف" إلى آخر الآية الكريمة

هذه ليست آية فى كتاب الله
إنما حديث فى الصحيحين (الأرواح جنود مجندة ما تعارف منها ائتلف وما تنافر منها اختلف )
أرجو حذفها منعاً للإلتباس
لك شكرى وتقديرى وللأخ عادل عسوم

[فتحي مسعد حنفي]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخ أبو أمانى
تحية طيبة من عند الله مباركة

هذه ليست آية فى كتاب الله
إنما حديث فى الصحيحين (الأرواح جنود مجندة ما تعارف منها ائتلف وما تنافر منها اختلف )
أرجو حذفها منعاً للإلتباس
لك شكرى وتقديرى وللأخ عادل عسوم

يابو أماني أنا ما قلت ليك ما تدخل روحك في الحتت دي ولا قايل روحك بتكتب في ديم سلمان
يازول في ناس هنا خلو الواحد فينا يتأكد 100% قبل ما يستشهد بالقرآن أو الحديث عشان ما يتفضح وطبعا شكرا لمن ينبهك وله عليه أجران واحد فوق وواحد مننا في المنتدي

[أبو أماني]

المشاركة الأصلية كتبت بواسطة النور يوسف محمد

بسم الله الرحمن الرحيم
الأخ أبو أمانى
تحية طيبة من عند الله مباركة

هذه ليست آية فى كتاب الله
إنما حديث فى الصحيحين (الأرواح جنود مجندة ما تعارف منها ائتلف وما تنافر منها اختلف )
أرجو حذفها منعاً للإلتباس
لك شكرى وتقديرى وللأخ عادل عسوم

صح لسانك وبدنك يا عزيزي .. وجزاءك الله خيرا على تصويبي .. وعذرا أحبتي على الخطأ الغير مقصود فيبدو إن ما لانعترف به قد باشر تأثيره .. أو أن صديقي الخواجة الجمجار فتحي قد أصابني بعدوى الزهايمر .. عموما جل من لا يسهو .. أكرر شكري للعزيز النور .. وقد تم التصحيح...

[أبو أماني]

المشاركة الأصلية كتبت بواسطة فتحي مسعد حنفي

يابو أماني أنا ما قلت ليك ما تدخل روحك في الحتت دي ولا قايل روحك بتكتب في ديم سلمان
يازول في ناس هنا خلو الواحد فينا يتأكد 100% قبل ما يستشهد بالقرآن أو الحديث عشان ما يتفضح وطبعا شكرا لمن ينبهك وله عليه أجران واحد فوق وواحد مننا في المنتدي

خلااااااس لقيت ليك جنازة وشبعت فيها لطم .. كمان بقيت توزع في الأجور .. مخييييير الله عليك يا أبوأماني .. آخر زمن الخواجات اللسانهم أعوج يصلحوك في لغة الأم .. بس هاردلك يا أبو آلاء .. لغتكم أنا مجضمها أكتر من العربي بتاعي ..بقيت توزع الأجر (طابقين واحد فوق وكمان أرضي .. ياود..!!! تشاوووو