سلامات يا رأفت
العم شوقي يقول إذهبوا للمحكمة ..وهو قول منطقي ويقلل الوقت المهدر في النقاش الذي استطال..
تساؤلاتي تبحث عن إجابة عن كيف تحكم المحكمة في أوضاع زي دي ؟؟
يعني الوثائق البيقال إنها بتدي حلايب لمصر ..هل بتنفع حجّة ..وممكن تحكم بيها لي مصر ؟؟؟
هل في سابقة بنفس ظروف حلايب دي ممكن نرجع ليها ؟؟
سلامات ياحاتم ..
إذا المحكمة مثلا حكمت بإنو حلايب مصريّة ..
هل قولنا بسودانيتها سيغيّر الوضع علي الأرض ؟؟؟؟
أنا عن نفسي مؤمن بإنّو حلايب سودانية .. ولم يساورني شك ..لامن جات حكاية الوثايق دي ..عشان كدة بسأل الوثائق دي ممكن فعلا تخلّي حلايب مصريّة ؟؟؟
أنا يا صديقي وبكل أمانة ما فاهم ذاتو الحدود الدولية دي اتعملت كيف .. بعد استقلال المستعمرات ..الحكم شنو ؟؟
لو بقينا ماشين علي محكمة ..أخير الزول يكون جاهز بكل الأدلّة ..منعاً للمفاجآت ..
دا إذا الحكومة السودانية نوت تحسم موضوع حلايب ..وما باين عليها ..
أما حكاية (المزايدة الوطنية ) فياحاتم حلايب حاليا تحت السيطرة المصرية ..ومن الأدلة التي تعلمها وتعلم اكثر منها استبعاد سكانها من الإنتخابات ..والشرطة المصرية والجيش المصري والمحافظ المصري ..والسوق المصري ..حلايب يتم (تمصيرها) بكل قوّة عين ..وصمت الحكومة السودانية الغريب وإصرارهم علي حكاية التكامل ..بقوّي عين المصريين أكتر ..وبقوي موقفهم بمرور الزمن ..
|
