التصويت علي مقاعد مجلس إدارة سودانيات ..

[الجيلى أحمد]

المشاركة الأصلية كتبت بواسطة فتحي مسعد حنفي

الجيلي راجل انفعالي لا وسطية له في ما يؤمن به وهذه صفة جيدة ولكنها لا تصلح للخدمات العامة....

ماللدرجة دى كمان ياعمك

[فتحي مسعد حنفي]

المشاركة الأصلية كتبت بواسطة الجيلى أحمد

ماللدرجة دى كمان ياعمك

شوف أسمع طول ما انت متقدم علي بالأصوات أنا حأحاربك بلا هوادة حتي أتقدم عليك..
بعدين انت ناكر شنو في كلامي انت زول عامل زي برميل البارود المختوت في الحوش لو جا أي شافع ولع جنبو عود كبريت بطرشق.. كدي جيب ليك قزازة بوكما وختها قدامك وابتدي أقرا البوستات الانت متداخل فيها وفي الآخر حتلقي القزازة خلصت بدون ما تحس وتقول والله فتحي دا كلامو صح..انت ما عندك وسطية يا بتحب يا بتكره يا عدو يا صديق عامل زي القطر الياباني الاسمو الطلقة مافي حاجة بتوقفو الا يصل لي المحطة الماشيها..ياود يا قطر

[أبوبكر عباس]

اعطيت صوتي للجيلي فقط عشان عضوبة المجلس تلجم الغضب الزايد دا

[فتحي مسعد حنفي]

المشاركة الأصلية كتبت بواسطة بابكر عباس

اعطيت صوتي للجيلي فقط عشان عضوبة المجلس تلجم الغضب الزايد دا

ها ..كان كدا صوتك راح أونطة وكنت أحق بيهو أنا عديم الغضب

[الجيلى أحمد]

المشاركة الأصلية كتبت بواسطة فتحي مسعد حنفي

ها ..كان كدا صوتك راح أونطة وكنت أحق بيهو أنا عديم الغضب

شكرآ يابابكر

وصوتك لى وكل اصوات الزملاء والزميلات
قلادة شرف على عنقى


ومعآ نحو ممارسة ديمقراطية حقة


ولاتصوتوا لفتحى مسعد

[فتحي مسعد حنفي]

المشاركة الأصلية كتبت بواسطة الجيلى أحمد

شكرآ يابابكر

وصوتك لى وكل اصوات الزملاء والزميلات
قلادة شرف على عنقى


ومعآ نحو ممارسة ديمقراطية حقة


ولاتصوتوا لفتحى مسعد

وبدأ الضرب تحت الحزام...خليكم شاهدين..الزول دا كان اتزحلق في الجليد ووقع اتكسر ما تزعلو مني عشان كلامو دا خلاني مشيت لي واحد فلاتي قريب سارة عشان يقوم باللازم وقال لي نوم قفا الزول دا كان تم الانتخابات تعال شيل بياضك راجع وعلي نفسها جنت براقش وبصراحة أنا براقش دي ما عرفتها لكن يمكن تكون واحدة عندها علاقة بالجيلي

[كباشي]

المشاركة الأصلية كتبت بواسطة فتحي مسعد حنفي

وبدأ الضرب تحت الحزام...خليكم شاهدين..الزول دا كان اتزحلق في الجليد ووقع اتكسر ما تزعلو مني عشان كلامو دا خلاني مشيت لي واحد فلاتي قريب سارة عشان يقوم باللازم وقال لي نوم قفا الزول دا كان تم الانتخابات تعال شيل بياضك راجع وعلي نفسها جنت براقش وبصراحة أنا براقش دي ما عرفتها لكن يمكن تكون واحدة عندها علاقة بالجيلي

[align=justify]عمك فتحي مسعد
يا خواجه الجيلي دا بعد كدا بجيك في مصر الجديدة
براقش دي قالوا العرب في حروبهم الجاهلية أغارت قبيلة على أخرى فقتلوهم عن بكرة أبيهم ولما انصرفوا نبحت عليهم كلبه القبيلة المقتولة وكان أسمها براقش فرجعوا لحقوها فبيلتها وقالوا كان سكتت ما كنا شايفنها على نفسها جنت براقش فصار مثلاً[/align]

[فتحي مسعد حنفي]

المشاركة الأصلية كتبت بواسطة kabashi

[align=justify]عمك فتحي مسعد
يا خواجه الجيلي دا بعد كدا بجيك في مصر الجديدة
براقش دي قالوا العرب في حروبهم الجاهلية أغارت قبيلة على أخرى فقتلوهم عن بكرة أبيهم ولما انصرفوا نبحت عليهم كلبه القبيلة المقتولة وكان أسمها براقش فرجعوا لحقوها فبيلتها وقالوا كان سكتت ما كنا شايفنها على نفسها جنت براقش فصار مثلاً[/align]

شكرا يكباشي علي التوضيح ولو انو الحكاية أنا عارفا من الأول لكن عندي مآرب أخري أعلي من سد مأرب..
انتو ياخوانا أنا قلت ليكم ما تقنطرو لي عشان أنا زول أهوج وبشوت طوالي وهسة برضو حأشوت عشان عارف الجيلي أعياد الميلاد بوظت ميزانيتو وما حيقدر يجيني القاهرة..
أنا ياسيدي في قصتك دي كلها أنا هاماني الكلبة دي..دي واحد والحاجة التانية أكيد الفلاتي ما بكون سمع بي براقش وقالا قاصد حاجة تانية ألله أعلم شنو..
كفاية قبال ما يجينا التيجاني دي قانقو الجاري وراهو عنقريب الجنازة

[رأفت ميلاد]

المشاركة الأصلية كتبت بواسطة kabashi

[align=justify]عمك فتحي مسعد
يا خواجه الجيلي دا بعد كدا بجيك في مصر الجديدة
براقش دي قالوا العرب في حروبهم الجاهلية أغارت قبيلة على أخرى فقتلوهم عن بكرة أبيهم ولما انصرفوا نبحت عليهم كلبه القبيلة المقتولة وكان أسمها براقش فرجعوا لحقوها فبيلتها وقالوا كان سكتت ما كنا شايفنها على نفسها جنت براقش فصار مثلاً[/align]

عليك الله يا كباشى براقش طلعت كلبة
والله العرب ديل طلعوا أى كلام .. ونحن نشيل ونكتب

[مكي محمد الحسن]

السلام عليكم
أها يا أخوانا ( صوتنا ) وماحدش سمي علينا...
وعزلنا من كل ( كبش ) ثمين ..
وطربنا وفرحنا عندما ظهرت النتيجة بعد الإدلاء ( بصوتنا ) ..
لي مدة كدة داير أغني في سودانيات ( الحوش العامر ده ) ..
غايتوا الفائز من الإخترتهم بغني ليهو ( مجناً ) ..
التوقيع: فنان واعد

[welyab]

المشاركة الأصلية كتبت بواسطة رأفت ميلاد

عليك الله يا كباشى براقش طلعت كلبة
والله العرب ديل طلعوا أى كلام .. ونحن نشيل ونكتب

سلام وتحية للجميع ..أهــا ...... بقينا في يوم كام .. اصلي انا من عشاق اللعب في الزمن الضايع ...
وبالله عليكم اكدوا لي حاجتين ( براغش و لا براقش ) (كلب ولا كلبه ) اخوكم احول في التذكير والتأنيث..

[فتحي مسعد حنفي]

الكلام دا موجه للأخ خالد والأخ النور..
أولا لو سمحتو تورونا العدد الفعلي لأعضاء منتدي سودانيات عشان الصوتو لغاية الآن 104 عضو وديل لو ما فايتين 50% من عدد الأعضاء تبقي الانتخابات باطلة خاصة لما يكون فيها مؤامرات من الأسايطة المنظمين وأكيد عدد الصوتو من الأسايطة لي ناسم ما حيقل عن 30% من عدد المصوتين
أنا مصر انو في مؤامرة علي عشان أطلع الطيش والانتخابات دي لازم تتلغي ويعاد فتح باب الترشيح من أول وجديد عشان أنسحب وأطلع بي كرامتي..
ألله يسامحك ياعكود الخليتني أقبل بالترشيح بدون حملة انتخابية بعد ما انسحبت في البداية وأهي دي نتيجة المجاملة