القائد ياسر عرمان مرشح الحركة الشعبية لرئاسة الجمهورية٠٠٠٠

[خالد الحاج]

إزيك يا سارة
يا سارة فلنقف جميعا مع عرمان للسودان
باكر نصرخ بدلا عن "هي لله" ونقول :
(الرئيس عرمان ونحن ذاتنا عرمانيين )
وأهو كلو عند العرب صابون .
قال رئاسة قال ...
أسوأ أنواع الخداع هو خداع النفس ...

[خالد الحاج]

المشاركة الأصلية كتبت بواسطة مي التجاني

هلاّ ابتكَرْتَ لنا كدأبِك عند بأْسِ اليأْسِ، معجزةً تطهّرُنا بها،
وبها تُخَلِّصُ أرضَنا من رجْسِها،
حتى تصالحَنا السماءُ، وتزدَهِي الأرضُ المواتْ ؟
علّمتنا يا أيها الوطنُ الصباحْ
فنّ النّهوضِ من الجراحْ.

وانا بعاين توقيع خالد وبقول يمكن الجراب فضي، مافي مذيد من المعجزات.

لا حول ولاقوة الا بالله

مي يا خيّ سلام يغشاك...
"لا تحلموا بعالم سعيد ...."

[سارة]

المشاركة الأصلية كتبت بواسطة خالد الحاج

إزيك يا سارة
يا سارة فلنقف جميعا مع عرمان للسودان
باكر نصرخ بدلا عن "هي لله" ونقول :
(الرئيس عرمان ونحن ذاتنا عرمانيين )
وأهو كلو عند العرب صابون .
قال رئاسة قال ...
أسوأ أنواع الخداع هو خداع النفس ...

خالد يا ود امى عارف اختك مجنونة والمخ جزمة الله يكرمك

انا لم ولن اصوت لاى واحد ودا قسم فلاتة ما فيهو رجعة

ما يؤلمنى يا خالد فعلا

كنت اتمنى و كنت اصلى وادعو وربى يشهد ان ان ترقى احزابنا ولو ليوم

فى تاريخها الغير عامر لمستوى الوطن لكن القول ما قلت الله غالب

ياخالد عندى صحبتى

كنا قبل الزمن الردى يفرقنا ونطش ببلاد الدنيا جيران وهى بتكره ملاح القرع

وانا بحب القرع وزوجها ايضا يحب طبيخ القرع يوم قلت ليها ياخ جربيهو

القرع دا اكل الرسول ( عليه الصلاة والسلام) قالت لى انا مع الرسول الكريم

فى كل شى الا قرعو دا ( الله يغفر لينا وليها )

دحين يا امال يا حبيبة قلبى انا معاك فى كل شىء الا

[AMAL]

المشاركة الأصلية كتبت بواسطة سارة

امال يا حبيبة

عندى سؤال ولجهلى بالسياسة ما عرفت ليهو اجابة

الجنوبييبن او خلينا نكون ما عنصريين ناس الحركة رشحوا عرمان

طيب لو الجنوبيين صوتوا للانفصال

ياسر بيكون مع ياتو جهة

عارفة سؤالى غبى

بس كنت بتمنى الحركة ترشح سلفاكير

لانه هسى شكل الانتخابات بقى كلام الطير فى الباقير

ياموني
خلينا ننظر لبرنامج الحركة وليس لشخوصها وتصنيفهم عنصريا
فذلك بلا شك يحقق اهداف المؤتمر الوطني ويصب مباشرة في مصلحة البشير
ياسر وحدوي وبرنامج الحركة كذلك
فلنعمل بافتراض ان السودان سيظل كذلك
ولنسقط الانفصاليين ونرمي بهم في مزبلة التاريخ
تساؤلك دا براه كافي لتاكيد صحة ترشيح ياسر عرمان

[AMAL]

المشاركة الأصلية كتبت بواسطة خالد الحاج

مي يا خيّ سلام يغشاك...
"لا تحلموا بعالم سعيد ...."

نحلم ونص

واجمل الاطفال قادمون

ساعة فساعة

عيونهم اشد من عيوننا بريقا ياخالد














التفاؤل اهم صفات الثوار

[سارة]

المشاركة الأصلية كتبت بواسطة AMAL

ياموني
خلينا ننظر لبرنامج الحركة وليس لشخوصها وتصنيفهم عنصريا
فذلك بلا شك يحقق اهداف المؤتمر الوطني ويصب مباشرة في مصلحة البشير
ياسر وحدوي وبرنامج الحركة كذلك
فلنعمل بافتراض ان السودان سيظل كذلك
ولنسقط الانفصاليين ونرمي بهم في مزبلة التاريخ
تساؤلك دا براه كافي لتاكيد صحة ترشيح ياسر عرمان

امال ياغالية جدن جدن على نفسى

انا اكبر منك اكيد عجبتك بعرفك خبيثة

انا ما عندى شغلة بشخوص انا عمرى دا كلو تمنيت متلنا متل غيرنا يكون

عندنا شخوص ولها مواقف فالناس ديل يا امال سهل جدا انك تكتب وتقول

والاسهل منه انك تلم الناس وتخطب لكن على ارض الواقع مافى شىء

حصل وانا ما محبطة زى خالد انا فاقدة الامل عديييييييييييييييييييل

احزابنا يا امال نامت وشبعت نوم وهسى جاية تدخل انتخابات

يا امال ياخ ما تفورى دمى

كفاية ليكى تلاتة يوم منومانى نوم الديك فى الحبل

[خالد الحاج]

المشاركة الأصلية كتبت بواسطة AMAL

ياموني
خلينا ننظر لبرنامج الحركة وليس لشخوصها وتصنيفهم عنصريا
فذلك بلا شك يحقق اهداف المؤتمر الوطني ويصب مباشرة في مصلحة البشير
ياسر وحدوي وبرنامج الحركة كذلك
فلنعمل بافتراض ان السودان سيظل كذلك
ولنسقط الانفصاليين ونرمي بهم في مزبلة التاريخ
تساؤلك دا براه كافي لتاكيد صحة ترشيح ياسر عرمان

ياتو برنامج يا آمال ؟ وياتو وحدة ؟
للأسف إن كان علينا أن نطبق القول (لنسقط الإنفصاليين) فعليك أن تهتفي معي
يسقط سلفا كير (لأن الرجل دعا في آخر خطاب له الجنوبيين للتصويت للإنفصال حتى لا يكونوا مواطنين من الدرجة الثانية) .
الحركة لا برنامج لديها فيما يختص (بالسودان الواحد أو بالشمال) هي تعتمد علي معارضة كل ما يأتي به المؤتمر الوطني .

لا نريد للسودان أن ينفصل يا آمال ... ولا نريد للبشير أن يفوز ... لكن إن كانت هذه هي الوسيلة وهذا هو أسلوب أحزابنا الكبري فسيفوز البشير .. وسينفصل الجنوب ولا عزاء لأصحاب الأماني الكبار.

[خالد الحاج]

سمعت الآن فيصل محمد صالح في برنامج في قناة الجزيرة .. كأنه والله يقرأ أفكاري.
قال فيصل :
* الأحزاب غير جادة في ترشيحاتها .
* تأخرت جدا في إعلان مرشحيها وهذا يدل علي عدم الجدية والشعور بالمسئولية.
* القوي الممثلة في مؤتمر جوبا يفترض أن يجتمعوا ويحددوا رأيهم من الانتخابات ولكنهم يأجلون الإجتماع كل يوم وهذا عبث .
* ترشيح عرمان يعني أن الحركة تسعي للإنفصال .

أما دكتور الطيب زين العابدين فقال أنه لا يستبعد أن تقوم الحركة في آخر لحظة بسحب مرشحها لمصلحة البشير وخوض الانتخابات كحلفاء مع المؤتمر الوطني.

[AMAL]

جنو منو
انت وخالد واحد قرفان والتاني بفتش علي ليمونة
انا مابدافع عن الاحزاب ولا برامجا
ولا عاجبني تضعضا وتشتتا وعدم وحدتا
في مواجهة سلطة جاثمة عشرين سنة علي صدر الشعب
في رايي واجب المرحلة اسقاط المؤتمر الوطني
في كل المستويات
عرمان شخصية وطنية زول نضيف وتاريخو ومواقفو بتشهد ليه
ليه الناس ماتجمع عليه وتحقق بيه نموذج دائرة الصحافة السقطت الترابي
في راي الغلاط بتاع انو الحركة قنعت من الشمال عشان كدا رشحت ياسر مابفيد غير المؤتمر الوطني خلونا نناقش البرنامج الطارحو ياسر عرمان كمرشح رئاسي ونختو في مواجهة برنامج النقاذ ونقرر بعداك

[سارة]

المشاركة الأصلية كتبت بواسطة AMAL

جنو منو
انت وخالد واحد قرفان والتاني بفتش علي ليمونة
انا مابدافع عن الاحزاب ولا برامجا
ولا عاجبني تضعضا وتشتتا وعدم وحدتا
في مواجهة سلطة جاثمة عشرين سنة علي صدر الشعب
في رايي واجب المرحلة اسقاط المؤتمر الوطني
في كل المستويات
عرمان شخصية وطنية زول نضيف وتاريخو ومواقفو بتشهد ليه
ليه الناس ماتجمع عليه وتحقق بيه نموذج دائرة الصحافة السقطت الترابي
في راي الغلاط بتاع انو الحركة قنعت من الشمال عشان كدا رشحت ياسر مابفيد غير المؤتمر الوطني خلونا نناقش البرنامج الطارحو ياسر عرمان كمرشح رئاسي ونختو في مواجهة برنامج النقاذ ونقرر بعداك

انا غايتو يا امال رغم ثقتى فيك

علا كلامك دا ما داخل راسى تب


امال

هو نظام قدر قعد عشرين سنة

بتغلبوا اربعة سنوات جديدة


اما انا بس الدنيا بت اللزينا علمتنى الواقعية ونظام فصل كوتك على قدر قماشك

وانحنا ياهو المتر ونص ديل

[AMAL]

ياشباب بجيكم بكرة


اعبي بطارية التفاؤل














الاحباط بعادي بالمناسبة

[خالد الحاج]

آمال أتفقنا ..
جيبي لينا برنامج الحركة وبرنامج مرشح الرئاسة عرمان .. ولك علي وعد شرف أعمل علي تأيده .
الشكية لله يا آمال
يا آمال عشان البشير والمؤتمر الوطني يسقطوا محتاجين "رجال ونساء همهم الوطن وليس أنفسهم " ... محتاجين "ناس برنامجهم واضح ومعلن"
محتاجين تضافر جهود "المصابين" كلهم نحو هدف واحد هو إسقاط النظام "
أين هؤلاء يا خيّ؟؟؟
أخخخخخ
أنا ماشي أنوم ...
إن شاء الله عرمان يجي الأول

[منير]

المشاركة الأصلية كتبت بواسطة خالد الحاج

آمال يا غالية الحكاية ما بالتمني..
ياسر ونضاله علي العين مني والرأس لكن كمان "النصيحة" سمحة .
لا حظ لياسر عرمان ولا حظ لمبارك. وهذه الترشيحات تبين حجم المأساة .
ترشيح ياسر يقول أن الحركة تسعي فعلا للأنفصال . وأن الشمال لا يهمها.
والمسألة بالنسبة لهم استمرار لمسلسل المناورات العبثية التي اتسمت بها سياساتهم.
يا آمال أين المجموعة التي اجتمعت في جوبا "المرحوم بإذن الله مؤتمر جوبا"
تمخض جبلهم فأرا .
ليتهم ارتفعوا لحجم آمال الناس فيهم .. ليتهم تقدموا بمرشح واحد ودعموه .
هم يلعبون فقط .. وأنا العبد الفقير لله لا أملك إلا أن لا أنخدع وأن لا أهادن في رأي لمجرد أوهام ..
أما أوباما يا آمال فقد تضافرت ظروف دولية ومحلية هزت المجتمع الأمريكي بقوة أدت إلي فوزه ولا تقليل علي الاطلاق من شأن أوباما .(حروب خاضها الجهلول بوش جاءت بصناديق الجثث من أطراف العالم ، وظروف اقتصادية مست لقمة المواطن الأمريكي فكره المسلمات فأراد تغييرا وقد كان) .
مبروك للرئيس البشير ... الذي في اعتقادي فاز قبل بداية الجولة ...

الاخ خالد تحية طيبه
انت عارف يا الاخ خالد ترشيح ياسر عرمان هو واحد من سناريهات الحركة الشعبيعة وهي تريد ان تقول لشلة جوبا انتو تمامت جردتك ونحنا الشمال ده طرفنا منو وبعدين جبنا ليكم شمالي رئيس ورنا شطارتكم وفوزه .
بعدين الحركة الشعبيعة مستحيل تواصل في الدفع بعرمان لمنافسة البشير لان هذا معناه فقدت دعم المؤتمر الوطني .لان في اتفاقية السلام كثير من البنود التى تحتم على الحركة مساندة المؤتمر الوطني في بعض المواقف.
وانا اعتبر ترشيح ياسر عرمان هو لعدة اسباب منها:
1ـ حرق الشمالين في الحركة
2ـ الضحك على دقون احزاب جوبا
3ـ الصراع بين الاجنحة داخل الحركة
4ـ البعد الخارجي

[طارق صديق كانديك]

امال

كيف حالك

اعتقد أن ترشيح عرمان تكتيك ذي نوايا سيئة لواقع أشد سؤاً .. !!

عملياً خطوات قليلة تفصلنا عن تفتيت السودان .. !!

لا اعتقد ان لعرمان حظ في منافسة البشير أو غيره .. !!

مع تقديري لرأيك لا أعتبر ياسر قائداً .. !!

تحياتي

[rubs]

[QUOTE=AMAL;185740]نحلم ونص

واجمل الاطفال قادمون

ساعة فساعة

عيونهم اشد من عيوننا بريقا ياخالد
سلام يا امال ...
مسألت الاطفال انهم قادمون دى مافيها شك ,لكن اشد بريقا!!!!! دى الما اظنها يا امال
رغم انى بعيده من السياسه النظريه لكن قريبه من الواقع البتفرزه السياسات ,من زمان والكل بحلم بواقع فيه اقل حاجه راحت البال وطفل إنوم شبعان ,بس لحدى الان احنا بنجيب اطفال ولسه حق الدواء ما متوفر وحق البن ما محسوب فى الراتب ..ومرت كل اشكال السياسات عسكريه ,ديمقراطيه ,انتقاليه ,وهلم وجر ولسه حق البن ما محسوب من الراتب ...
عشان كدا انا من ما سمعت خبر ياسر عرمان حسيت بألم شديد .تااانى لعبه سياسيه وتااانى فشل زريع فى أختيار القاده الحتى ممكن نحلم انهم انقذونا من الهاويه الحنا فيها امال تعبنه من التجارب تعبنه .. ما دايرين نقول اننا بنحلم بعالم جميل لكن عايزين واقع ناكل ونشرب وندرس ونتعالج من غير ما نسرق ولا نشحد ..
معليش انا ما بحبطك لكن قرار نهائى ما سليم ..