الحزب الشيوعي يرشح سكرتيره محمد ابراهيم نقد لرئاسة الجمهورية

[الجيلى أحمد]

المشاركة الأصلية كتبت بواسطة عادل عسوم

الأخ حاتم
والأحباب
ثمّنت-من قبل- للحزب الشيوعي السوداني مشاركته في البرلمان...
واسمح لي -اليوم-بأن أثمّن قبول الحزب بالتوجه -المعلن من قبل النظام-الى الحراك الانتخابي المفضي الى شورى وديمقراطية ننادي بها جميعا.

تحياتى ياعادل

بالطبع لك مطلق الحق فى تسمين (وش اخضر) ماتراه مناسبآ من مواقف الحزب الشوعى ,
ولكنى أظنك فاعلآ ذلك لأن تلك المشاركة الهشة والنيئة لاقت عندك وترآ..
وهى مشاركة لايتحمل الحزب الشيوعى كامل وزرها ولكنه يتقاسمها مناصفة مع كل القوى السياسية التى وهنت, لتلجأ لبرلمان الجبهة..

الآن امامنا تجربة سياسية يمكن ان تكون مختلفة..
فلتنزع الجبهة الاسلامية قناع الرحمة,
فوالله ماتحقق لم يكن هبة
بل دفع ثمنه كاش داون
من تضحيات ومعاناة وتشرد وحروب..

[مبر محمود]

الجيلى مساءتك زينة يا فخيم

ما فهمتة انا من اجابتك على سؤال حاتم هو :
ان من هو مثلك لا يمكن ان يسأل عن الموقف الواضح للحزب الشيوعي، لانه لا يعلم .
فأن كنت تعلم يا عزيزي، فما الضير في سؤالي إياك عن موقف حزبك ؟

...

عن عضوية المؤتمر الوطني
فانا لم اقل لك ان المؤتمر الوطني (قال) انه يملك اكثر من خمسة مليون عضو
فقط اخبرتك عن احصائيات رصدها كل المراقبين من خلال انعقاد مؤتمر المؤتمر الوطني

[الجيلى أحمد]

المشاركة الأصلية كتبت بواسطة خالد الحاج

إزيك يا جيلي..
آسف أولا لتأخير الرد ..
قصدت أن لا أرد حتى لا يتحقق تخوف آمال من "قرفتي" ويبدو أن القرف عام ويحتاج لأكثر من ليمون توتي.

يا جيلي أنا لم أقل أن نقد غير مؤهل كي يرشح للرئاسة ؟ من أين جئت بهذا القول ؟

شخصيا طرحت رؤيتي في أكثر من بوست ومقال ومداخلة .. وهي "المقاطعة" ...
نقد لن يفوز بالانتخابات لرئاسة السودان ولو نزل براه بيسقط . ما في داعي نخدع أنفسنا .
المسألة أبدا ماها عشم في فوز نقد . المسألة تكتيكات سياسية .
المؤسف أنها جاءت "متأخرة" جدا ...
أنا أستغرب كيف يعلن مرشح نزوله لسباق الرئاسة ولم يتبق إلا هذا الوقت القليل ؟؟؟
ثم أين التنسيق مع القوي الأخري والتي ظل الحزب الشيوعي يغزل خيوطها ؟؟
أين الحركة الشعبية ؟؟؟ والتي كان ولا يزال الحزب الشيوعي يعول عليها ...
بعض الذين أدمنوا خداع الذات قالوا :
دي مرحلة أولي ... وسيتم التنسيق والتحالفات "مستقبلا" ... عوووووووك
مستقبل شنو يا عالم أصحوا !!!
يبدو والله أعلم أن البعض لا يعرف تاريخ بدء الانتخابات ...

مساء الورد ياود الحاج

هنالك حالة من الاحباط ,اتمنى ان لا تعم..

تجربة الانتخابات اصبحت ماثلة امامنا وعلينا ان نخوضها
بكل قواعدنا ,
أما ترشيح نقد او شخص آخر من الحزب لايعنى الكثير,
تدرك اننى لاأنظر للشخوص ,

أى مرشح للحزب الشيوعى يجد عندى ذات التآييد..

[الجيلى أحمد]

المشاركة الأصلية كتبت بواسطة مبر محمود

الجيلى مساءتك زينة يا فخيم

ما فهمتة انا من اجابتك على سؤال حاتم هو :
ان من هو مثلك لا يمكن ان يسأل عن الموقف الواضح للحزب الشيوعي، لانه لا يعلم .
فأن كنت تعلم يا عزيزي، فما الضير في سؤالي إياك عن موقف حزبك ؟

...

عن عضوية المؤتمر الوطني
فانا لم اقل لك ان المؤتمر الوطني (قال) انه يملك اكثر من خمسة مليون عضو
فقط اخبرتك عن احصائيات رصدها كل المراقبين من خلال انعقاد مؤتمر المؤتمر الوطني

تحياتى يامبر ,


مافى مشكلة
بس ياحبيب لاتقولنى مالم أقل

[مبر محمود]

يا الجيلي يا اخوي الله بيني وبين القوالات

كدي في زمتك وريني انا قولتك شنو وات ما قتو؟
انا تعليقي الاول هو نفس تعليقي الاخير
فهو لا يستند علي قوالة لفظية منك، بقدر ما يستند علي استفادة تخص المعني





تحت تحت _ انا لسع عند رائي بأنك مو عارف موقف حزبك .. اها شن قولك ؟

ويضحك ليلك ياخ

[الجيلى أحمد]

المشاركة الأصلية كتبت بواسطة مبر محمود

يا



تحت تحت _ انا لسع عند رائي بأنك مو عارف موقف حزبك .. اها شن قولك ؟

ويضحك ليلك ياخ

[فتحي مسعد حنفي]

المشاركة الأصلية كتبت بواسطة الجيلى أحمد

تحياتى يامبر ,


مافى مشكلة
بس ياحبيب لاتقولنى مالم أقل

خلاص يالجيلي كفاية كدا وتعال بي هناك مستنينك الشباب..
ياخ انت مالك شمشار كدامش اتفقنا انا وانت نطلق السياسة بالتلاتة ونعمل حزب أنا وانت وأبو عاقلة وأبو أماني ونمنع في بوستاتنا أي كلام في السياسة..ياخ يرشحو نقد..يرشحو خالد الحاج احنا مالنا

[سارة]

المشاركة الأصلية كتبت بواسطة hatim ALi

هلا يا عابد ، [mark=FFFF00]كديدن اهل سودانيات يخلطون الجد بالهزل ، هم متين كانوا جادين أصلاُ ، و اعذرني ان كنت قد اشتركت -ببعض من عدم الجدية - هذه ، دي سودانيات يا الحبيب و من عاشر قوماٌ المهم لنكن جادين [/mark]:

1. من حق الحزب الشيوعي المشاركة في الإنتخابات فهذا حق يكفله الدستور و القانون و من المستغرب انتقاد ذلك في ظل مباركة مشاركة كل من الحركة الشعبية و حتى حزب الترابي.

2. من حق الحزب الشيوعي ترشيح سكرتيره العام لمنصب رئيس الجمهورية و اختيار من يراه مناسباُ و اهل لذلك

تحياتي

انا شخصيا بشوف الخطوة (ترشيح نقد) هو شر البلية ولذلك اضحكنى الموقف

ودا راى ودى طريقة تعبيرى كل انسان يستعمل ما يناسبه من الفاظ طالما اننى

لم اظهر الشماتة الا فى موقعها لعلمكم الشماتة التى اقصدها ليس فى شخصية الاستاذ

نقد لا سمح الله فالرجل رغم اختلافى جوهريا فى طرحه الا اننى احترمه ولكن ما يبعث

للضحك والشماتة هو حالنا وحال احزابنا وحال امتنا السودانية دا طبعا لو ما جردتونى

من سودانيتى باعتبار انى فلاتية

وناس سودانيات بخير

[فتحي مسعد حنفي]

المشاركة الأصلية كتبت بواسطة سارة

انا شخصيا بشوف الخطوة (ترشيح نقد) هو شر البلية ولذلك اضحكنى الموقف

ودا راى ودى طريقة تعبيرى كل انسان يستعمل ما يناسبه من الفاظ طالما اننى

لم اظهر الشماتة الا فى موقعها لعلمكم الشماتة التى اقصدها ليس فى شخصية الاستاذ

نقد لا سمح الله فالرجل رغم اختلافى جوهريا فى طرحه الا اننى احترمه ولكن ما يبعث

للضحك والشماتة هو حالنا وحال احزابنا وحال امتنا السودانية دا طبعا لو ما جردتونى

من سودانيتى باعتبار انى فلاتية

وناس سودانيات بخير

قولي رأيك وانتي حرة فيهو ..خللي عكازك جنبك والبغلط تفقشي ليهو شمامتو طوالي انشالله يكون ود الطائي ذاتو

[عابد عقيد]

المشاركة الأصلية كتبت بواسطة سارة

انا شخصيا بشوف الخطوة (ترشيح نقد) هو شر البلية ولذلك اضحكنى الموقف

ودا راى ودى طريقة تعبيرى كل انسان يستعمل ما يناسبه من الفاظ طالما اننى

لم اظهر الشماتة الا فى موقعها لعلمكم الشماتة التى اقصدها ليس فى شخصية الاستاذ

نقد لا سمح الله فالرجل رغم اختلافى جوهريا فى طرحه الا اننى احترمه ولكن ما يبعث

للضحك والشماتة هو حالنا وحال احزابنا وحال امتنا السودانية دا طبعا لو ما جردتونى

من سودانيتى باعتبار انى فلاتية

وناس سودانيات بخير

الاخت سارة

التناول للمواضيع ما بكون بالسطحية دي والمرحلة الحالية ما مرحلة فلان وعلان لانو ده فهم عفي عليهو الزمن فالاستاذ نقد ما جاي من بيتو ورشح نفسو ... نقد جاي من مؤسسة والمؤسسة دي عندها برنامج وشان تكوني موضوعية اتناولي البرنامج ده وناقشيهو طالما انك عايزة توجهي نقد موضوعي وإلا ارائك تكون من منطلق حب وكراهية والعواطف في الامور الزي دي ما ليها مجال ..
وبعدين الحاجة الما قادر افهمها انك بتحترمي انسان وفي نفس الوكت يكون رايك في ترشيحو شر البلية ما يضحك .... ولو جينا للحقيقة شر البلية البضحك الزول ياهو جنس كلامك ده .

تسلمي

[أبوبكر عباس]

المشاركة الأصلية كتبت بواسطة سارة

انا شخصيا بشوف الخطوة (ترشيح نقد) هو شر البلية ولذلك اضحكنى الموقف
ودا راى ودى طريقة تعبيرى كل انسان يستعمل ما يناسبه من الفاظ طالما اننى
.......
دا طبعا لو ما جردتونى من سودانيتى باعتبار انى فلاتية و ناس سودانيات بخير

سارا سلامات
بالطبع عندك مطلق الحرية تعبري بالكلمات الدايراها، لكن برضو لما تصفي ترشيح رجل بقامة الاستاذ نقد بتاريخة الفكري و السياسي و النضالي بانه " شر البلية" لازم عليك في الحالة دي تشرحي الكلام دا.
يشرفني جدا انو رجل مثل الاستاذ محمد ابراهيم نقد يكون مرشح لرئاسة الجمهورية..



عليك الله ابعدي من وتر العنصرية دا

[عادل عسوم]

المشاركة الأصلية كتبت بواسطة الجيلى أحمد

تحياتى ياعادل

بالطبع لك مطلق الحق فى تسمين (وش اخضر) ماتراه مناسبآ من مواقف الحزب الشوعى ,
ولكنى أظنك فاعلآ ذلك لأن تلك المشاركة الهشة والنيئة لاقت عندك وترآ..
وهى مشاركة لايتحمل الحزب الشيوعى كامل وزرها ولكنه يتقاسمها مناصفة مع كل القوى السياسية التى وهنت, لتلجأ لبرلمان الجبهة..

الآن امامنا تجربة سياسية يمكن ان تكون مختلفة..
فلتنزع الجبهة الاسلامية قناع الرحمة,
فوالله ماتحقق لم يكن هبة
بل دفع ثمنه كاش داون
من تضحيات ومعاناة وتشرد وحروب..

الجيلي
عندما تحكم على مشاركة حزبك في مؤسسات السلطة بأنها هشة ونيئة فانك بذلك تشكك في (أهلية) و (حكمة) المكتب القيادي لحزبك!
يالجيلي...
تثميني لهذا الموقف للحزب الشيوعي مرده أعلاء الحزب لمصلحة (الوطن) فوق مصلحة الحزب!
(بالطبع قد يستبطن الحزب نوايا أخرى لكن لنا الظاهر)...
لذلك فلا أرى (وهنا) يتلبّث من (يقرر) ولوجا الى البرلمان من أطياف المعارضة
ذاك الهادي بشرى (راجل يملى العين)!
أعطى ظهره للمعارضة (المسلحة) وهي في أوج قوتها عندما كانت مسنودة بأمريكا وأوربا ودول الجوار...
قال الرجل:
قلبت أمري فوجدت بأن مصلحة الوطن تتطلب مني أن أدع مابيدي وألج لأعمل على الأصلاح من الداخل...
وهاهو الرجل لم يفتأ نظيف اليد والوجه واللسان يضع أصبعيه في عيني من (يدوس له على طرف)!
يالجيلي
ذاك هو الجلبي...
أودى به الشنآن لصدام لأن يأتي بجحافل الأمريكان الى سوح وفضاءات وطنه...
وهاهو اليوم حاله كحال ذاك الجمل الذي استنوق...
وكحال التي نقضت غزل شعرها أنكاثا من بعد أن كان (مساير) تعجب الحبيب
هاهو العراق قد ضاع شذر مذر...
لا يحس الشيعة فيه بسلم ولا السنة...
الاّ أكرادا تقوقعوا وانكفأوا ففارقوا العراق أسما وروحا
ياالجيلي
ليكن (الوطن فوق الجميع)!
مودتي لك ولحاتم

[كباشي]

[align=justify]التحية لصاحب البوست ولكل المتداخلين
ما عارف ليه كل هذا الإستنكار والتهكم والسخرية من سلوك طبيعي في ممارسة حق ديمقراطي رغم الظروف الغير ديمقراطية .
للذين يبكون على تحالف المعارضة هل يعتقدون إنه إنتهى بترشيح نقد !؟ أم هو تحالف مفركش من يوم أن إنسحب منه حزب الأمة مهرول نحو النظام ويوم أن تفاوضت وإتفقت منفردة الحركة الشعبية مع المؤتمر الوطني هل في مقدور أحد الآن إجبار الحركة على التحالف مع المعارضة وهي ترى مصلحتها الوحيدة في بقاء الوضع على ما هو عليه تلعب على كل الحبال إلى حين الإنفصال أو في مقدور أحد إقناع الميرغني بأنه زعيم المعارضة وليس سفيراً و لا رسولاً للنظام . والله أنا مستغرب جداً للذي قرأته هنا وعلى عكس معظم المتداخلين أرى إنه موقف شجاع من رجل لم يرهبه الفشل فيختار الطريق الأسهل كبقية الزعماء يقبع ببيته ويختلق الحجج ويجد المبررات فالرجل وحزبه إتخذوا الموقف السليم حين رشحوا زعيمهم وسيكتب التاريخ لهم هذا الموقف بأنه إحترام لأنفسهم ولقواعدهم وإن فشلوا في الفوز الذي مؤكد إنه لم يكن هدفهم في ظروف إنتخابات كهذه .[/align]

[سارة]

المشاركة الأصلية كتبت بواسطة عابد عقيد

الاخت سارة

التناول للمواضيع ما بكون بالسطحية دي والمرحلة الحالية ما مرحلة فلان وعلان لانو ده فهم عفي عليهو الزمن فالاستاذ نقد ما جاي من بيتو ورشح نفسو ... نقد جاي من مؤسسة والمؤسسة دي عندها برنامج وشان تكوني موضوعية اتناولي البرنامج ده وناقشيهو طالما انك عايزة توجهي نقد موضوعي وإلا ارائك تكون من منطلق حب وكراهية والعواطف في الامور الزي دي ما ليها مجال ..
وبعدين الحاجة الما قادر افهمها انك بتحترمي انسان وفي نفس الوكت يكون رايك في ترشيحو شر البلية ما يضحك .... ولو جينا للحقيقة شر البلية البضحك الزول ياهو جنس كلامك ده .

تسلمي

الاخ الكريم عابد

اسعد الله اوقاتك بكل الخير

انا مجرد ترشيح نقد اعتبره سخف من الحزب الشيوعى يبعث للسخرية نقد فى راى مناسب

ان يكون زعيم للحزب ولكن ليس لرئاسة السودان والحزب الشيوعى عارف الكلام دا تقول

لى ما مناسب ليه اقول ليست فى نقد الشخصية التى تناسب الوضع الحالى فى السودان

دا فيما يخص الموضوع اما اننى تناولت الموضوع بدون موضوعية او سخرية فدا رايك

انت عابد وعلى فكرة يا عابد يوم من الايام خالد الحاج كتب بوست عندما تم فصله من الحزب

الشيوعى فتداخلت وكنت موجوعة لانى اعرف من هو خالد الحاج وماهو الحزب الشيوعى بالنسبة له وجيت انت واقتبست مشاركتى وعلقت عليها() لا ادرى مضحك هو راى

ولا ما يضحكك طريقة كتابتى لم اعلق وقتها لانى اصلا لا اعرفك ولا اريد ان اظلمك قلت

يمكن انا فهمت غلط احسن ادى نفسى فرصة اكتر وها انت الان تحّرم علينا ما حللته لنفسك

اخى العزيز عابد انا لست شيوعية ولست متحزبة ولكن هذا لا يمنعنى ان اقول ما احس به

فكما قلت اتمتع بجنسيتى السودانية بالميلاد وان كان اصلنا ما معترف بيه


سارة

[سارة]

المشاركة الأصلية كتبت بواسطة بابكر عباس

سارا سلامات
بالطبع عندك مطلق الحرية تعبري بالكلمات الدايراها، لكن برضو لما تصفي ترشيح رجل بقامة الاستاذ نقد بتاريخة الفكري و السياسي و النضالي بانه " شر البلية" لازم عليك في الحالة دي تشرحي الكلام دا.
يشرفني جدا انو رجل مثل الاستاذ محمد ابراهيم نقد يكون مرشح لرئاسة الجمهورية..



عليك الله ابعدي من وتر العنصرية دا

لا يشرفنى ان يكون نقد رئيسا للسودان


اشكرك للنصيحة الغالية

وساحاول ما امكننى الله