ياعبد الله اخوى
تعال يازول اتوهط فى واطاة الله دى
ونقعد نشوف كلامك الكتبتو هنا دا من اولو لحدى هسه
ونمسككو نفككو قطعة قطعة
واى قطعة نديها نفضة
عشان نشوف انت عايز تصل لشنو
قول واحد:
كتبت انت كلام غير مرتب
وهو:
اقتباس:
|
فما علاقة الشيوعية بالصوفية... اهي احد الدرجات اللدنية ام درجة الكمال عند الماركسيةش؟؟؟
|
وأنا استنتجت من مجمل حديثك الآتى:
اقتباس:
|
طريقة طرح السؤال تحاول الاشارة ضمنيآ الى قطيعة بين الشيوعيين والدين
|
فكتبت انت:
اقتباس:
|
اما في كلامك بأن طريقة السؤال توحي بقطيعة بين الدين والشيوعية.. انا لم اقصد هذا الفهم..
|
ولكن قبل ان يجف حبر حديثك اعلاه
كتبت مجددآ:
اقتباس:
|
ياخ نضال شنو علي ناس ليس لديهم عقيدة يكافحون من اجلها سوي البهجة والمسرات.
|
الكلام دا شوية جايط ومربوك وفيهو نفى وتأكيد
وشوية تكفير ..
اها ياعبد الله اخوى تجى تشرح لينا الناس الماعندهم عقيدة ديل منو
عشان كلنا نعمل حسابنا ونزح منهم ,
وبالله ماتنسى تقتطف لينا من ادبياتهم ومواثيقهم مايشير لذلك,
وبالعدم تعال اثبت لينا الحكاية دى حتى لو فى شكل ونسة..
واضافة اخرى
كلامك الكتبتو ياعبدالله اخوى كلام بينسف مشروعات بتاعت ناس
ضحت وبتضحى وشغالة بتخت فى الطوب البتقدر عليهو فى عملية بناء السودان الشقيق..
الناس دى عشان تجى ياعبدالله تنسف ليها شغلا لازم يكون عندك سبب وجيه ومنطق قوى..
دحين يااخوى انكرب لينا فى النقاش دا وخلينا نستفيد منك ونفيد لو لقينا طريقة..
دا واحد وبنجى للباقى
ولك خالص المودة والاحترام
