ضل راجل ولا ....؟؟؟؟؟؟؟؟ - الصفحة 4

الجيلى أحمد · 03-02-2010, 04:03 PM

أتفق معك يابابكر

حديث الصائغ مختصر ومعبر بشكل جيد
عن الاختزال السلبى للمرأة

هاشم · 03-02-2010, 04:54 PM

مرافئ ..... سلامات
موضوع يودي ويجيب مشكورة عليه
قال حافظ إبراهيم .....
ولدت ولمّا لم أجد لعرائسي أزواجاً
وأدت بناتي ......
لم يقل ضل ولا ضرا ....
أسجل إعجابي بمسارات المتداخلين
أبقوا عافية

مرافي · 04-02-2010, 03:16 PM

اقتباس:

المشاركة الأصلية كتبت بواسطة هاشم

مرافئ ..... سلامات
موضوع يودي ويجيب مشكورة عليه
قال حافظ إبراهيم .....
ولدت ولمّا لم أجد لعرائسي أزواجاً
وأدت بناتي ......
لم يقل ضل ولا ضرا ....
أسجل إعجابي بمسارات المتداخلين
أبقوا عافية

الاخ هاشم
تحياتي
لك شكري وشكر المتداخلين
دمت.....

مرافي · 04-02-2010, 03:19 PM

اقتباس:

المشاركة الأصلية كتبت بواسطة بابكر عباس

خالد الصائغ
شكرا على هذا التحليل الذكي و الواعي جدا

تحياتي مرأفي

الاخ بابكر عباس

لك الشكر عتي وعن خالد

دمت بالف عافية

مرافي · 04-02-2010, 03:26 PM

اقتباس:

المشاركة الأصلية كتبت بواسطة محمد أبوعاقلة

أنا حيطة المبكى

عليك الله ما لقيتي ليك خيارات تانية غير دي ... الله يكفينا شر الجالوص والمهترئة والنطيحة وما رماها المطر

...
يعني إتي حاليا شبه لخصتي كلامي داك ...
شوفي يا بت الناس :
الواحدة لو قام كدا قطرا قررررب يصفّر عارفة البحصل شنو ؟؟؟ اها شفتي لو ماشة دنقلا وقالو ليها القطر دا ماشي بابنوسة بتنط تركب والببقى علي انا هيييين... وتخت في راسا تمشي بعدين لدنقلا بدرب الأربعين إن الله راد ...
الظاهر ما خشيتي في حتة ضيقة زي دي قبل كدا ولا قطرك عندو صفارة من أساسو ... والمنظراتية ديل غير يقعدو يفلسفو لينا في نظريات الجندر الحديث وما إلى ذلك من بيع سمك في الموية ...
هو عليك الله المرا البترضى بضل راجل دي شن فايدتا ... هي عينا للحيطة وبالا في الضل ... اها في الحالة دي الحيطة ذااااتا مفروض تلغي ضلها للفت انظارها لماهية الطوب وخصوصا (العرموس)

بتعرفي العرموس ؟؟؟
العرموس دا يا ستي هو راس الحكمة

... يعني لو بقن شاطرات وركزن لينا على العراميس دي احسن من يقتنعن بضل زائل لا محالة مجرد ما مغربت ...
الموضوع دا اسمو الرضاء بدون عكلتة ... وبعدين المسألة دي حاليا ما اظنها موجودة ... بنات الزمن دا شدة ما عينن على الحيطة يقربن ينطنها دا لو ما نطنها فعلا

.. ياخ ديل بقن تفتيحة وقاهرات وما عندهن قضية بالضل بقدر ما هن زي الأرضة ... إن ما جابنها الواطة ما برتاحن

عشان تقول ليهو عليك ابنيها لينا مسلح يا رضن بيهو كدا وقعدن معاهو في الصقيعة ...
كلامك دا يا أخت زمن حبوبتي ... والزمن داك الراجل وضل الحيطة بتربطم علاقة وثيقة جدا حيث هو وضل الحيطة كاسرين كرونا اليوم كلو ومعهم عنقريبو باااسطون كرعينو بالوصيد

... ركلسة سااااي وعدم موضوع ... زمن كانت الحياة بسيطة لا بوتوجاز ولا انبوبة غاز .. والراجل بمشي لبت الناس بالباب ويكون شافا مرة واااحدة بس والموال بتاع ادينا فرصة نشاور البت دي مكنة ساي بربطوها عشان يسألو من جذورو واصلو وفصلو والضل هنا ما وارد على الاطلاق ... وجائز جدا المقولة دي بياكلو بيها راس البت عشان يخارجوها قبل تدخل في ازمة نفسية بسبب القطر البصفر كل دقيقتين دا
حاليا ممكن اقول ليك الناس دي بتحاول تصل لأرضية مشتركة يقيفو عليها بغض النظر عن ضل أو قطية عاملنها لي كلها تلاقح رؤى وايدولوجيات مشتركة ولغة تفاهم عصرية وايييك ...
غايتو يا حلييييل ضل الرجال البطلع قبل الشمس تطلع ... رجال ليهم ضل ... رجال صدقو ما عاهدو الله عليه منهم من قضى نحبه ومنهم من ينظر لواقع الحال بشئ من الحسرة ... وحليييل البكسرو العناقريب وحليييل النخوة والشهامة وحاجات كتيييرة ماف داعي لذكرها عشان ما نحبط البقية العايشة بالبركة دي الذين يكوجنون .. ويكلوجون .. ويلجقون .. ويكعوجون .. ويكعورون هؤلاء كجناهم في الأرض وضلهم أشد تضليلا !!!
ديل مفروض لا دايرين منهم قرش لا تعريفة كدا سااااااي لوجهه الكريم وديل فقط عشان نقلل عدد الأطفال بالمايقوما

نحمدو ونشكر فضلو ... جنس قسس غايتو ... الله يكون في العون بس
ربنا لا تجعل فينا شقيا ولا محروما ولا لوني pink

::

الكلمات المفتاحية:
يكوجنون وهي (لخ) عجين الحلو مر أو نحو ذلك.. أو أي دقيق ما فرقت كتير (كعبة العواسة )
يكلوجون : وهي الكلوجة ( المشي المكلوج يعني)
يلجقون : الكلام الغير مرتب
يكعوجون : وهي بت عم الكلوجة بالرضاعة ..
يكعورون : كلمة قطعتها من راسي لكن ما بعيدة من السياق
كجناهم : وفي مقولة أخرى شميناهم
تاني في شنو ؟؟؟
نقطة
وبسسسس يكا ....

الغالي ود ابو عاقلة
تحياتي
قرات مداخلتك اكثر من مرة
وكل مرة بضحك اكتر من قبلها
يديك العافية..ويسكنك الصافية
ام حيطاناً ما خمج
تلاقي (الضل ) في كل دروبك

فتحي مسعد حنفي · 04-02-2010, 05:20 PM

اقتباس:

المشاركة الأصلية كتبت بواسطة محمد أبوعاقلة

أنا حيطة المبكى

حاليا ممكن اقول ليك الناس دي بتحاول تصل لأرضية مشتركة يقيفو عليها بغض النظر عن ضل أو قطية عاملنها لي كلها تلاقح رؤى وايدولوجيات مشتركة ولغة تفاهم عصرية وايييك ...
غايتو يا حلييييل ضل الرجال البطلع قبل الشمس تطلع ... رجال ليهم ضل ... رجال صدقو ما عاهدو الله عليه منهم من قضى نحبه ومنهم من ينظر لواقع الحال بشئ من الحسرة ... وحليييل البكسرو العناقريب وحليييل النخوة والشهامة وحاجات كتيييرة ماف داعي لذكرها عشان ما نحبط البقية العايشة بالبركة دي الذين يكوجنون .. ويكلوجون .. ويلجقون .. ويكعوجون .. ويكعورون هؤلاء كجناهم في الأرض وضلهم أشد تضليلا !!!
ديل مفروض لا دايرين منهم قرش لا تعريفة كدا سااااااي لوجهه الكريم وديل فقط عشان نقلل عدد الأطفال بالمايقوما

نحمدو ونشكر فضلو ... جنس قسس غايتو ... الله يكون في العون بس
ربنا لا تجعل فينا شقيا ولا محروما ولا لوني pink

::

الكلمات المفتاحية:
يكوجنون وهي (لخ) عجين الحلو مر أو نحو ذلك.. أو أي دقيق ما فرقت كتير (كعبة العواسة )
يكلوجون : وهي الكلوجة ( المشي المكلوج يعني)
يلجقون : الكلام الغير مرتب
يكعوجون : وهي بت عم الكلوجة بالرضاعة ..
يكعورون : كلمة قطعتها من راسي لكن ما بعيدة من السياق
كجناهم : وفي مقولة أخرى شميناهم
تاني في شنو ؟؟؟
نقطة
وبسسسس يكا ....

كدي مسئول من الخير ياصاحبي هم منو البكسرو العناقريب ديل ..وبكسروها ليه

يكونو عايزين يدوها لي نسوانم يولعو بي خشبا الصاج البعوسو فيهو الكسرة ولا ياربي تكون في مآرب أخري

يعني يكون مثلا علي الكسار أخونا عندو قريبو نجار وداير يساعدو بي شغلانة

أشتر · 04-02-2010, 06:26 PM

اقتباس:

المشاركة الأصلية كتبت بواسطة فتحي مسعد حنفي

كدي مسئول من الخير ياصاحبي هم منو البكسرو العناقريب ديل ..وبكسروها ليه

يكونو عايزين يدوها لي نسوانم يولعو بي خشبا الصاج البعوسو فيهو الكسرة ولا ياربي تكون في مآرب أخري

يعني يكون مثلا علي الكسار أخونا عندو قريبو نجار وداير يساعدو بي شغلانة

يعني الموضوع وهو يلفظ أنفاسه الأخيرة

.. كان في داعي لفاولك دا !!!!!
ياخ دي كناية مكنية مستعارة غير تصريحية

يعني إلا نقول ليكم شنو كدا ما عارف ...
المهم لو مافي عناقريب خت بدلا سراير وسيك سيك الـ بت سيّك

ومعلقة فيك !!!
كلامك دا يا عذب اسمو (جر رجل) ... وشوف ليك واحد من الكسرو العناقريب قول وفعل أسألو ... بس يكون ( فِت)عشان تصدّق
وكتابتي دي سمع اضان ساكت !!!

طارق صديق كانديك · 04-02-2010, 06:50 PM

مساء الخير يامرافي

هذا المثل بداية مهترئة لحياة ربما كانت جحيماً بعد لحظات معدودة من اسكات الرغبات ومواجهة الحقيقة .. !!

تحياتي

مرافي · 04-02-2010, 07:09 PM

اقتباس:

المشاركة الأصلية كتبت بواسطة طارق صديق كانديك

مساء الخير يامرافي

هذا المثل بداية مهترئة لحياة ربما كانت جحيماً بعد لحظات معدودة من اسكات الرغبات ومواجهة الحقيقة .. !!

تحياتي

طارق الاديب الاريب

كلمات متخمات ..بمعاني جليلة

شكراً للمرور الغالي

وما تحرمنا من (ضلك)

حافظ اسماعيل احمد · 04-02-2010, 09:04 PM

علي وزن راجل المرة حلو حلا او انشاء الله راجل مرة بالرغم من اني رفضت مرتين المرة الاولي من اهل البنت الاولي والثانية من البنت نفسها لكن اقول لقدى ارتفع سن الزواج للفتاة الي 23 عام مما يجعل ضل الراجل بالسموم والحميم افضل من العنوسة لذلك اعتقد ان لسان حال الفتاة بعد الثلاثين ضل راجل بسموم وحميم وضرة اهون من البايركس من هذا التاريخ سارفع راية الكره امام النساء ومن تحتاج الي ضل راجل تحت شجرة نيم وجحيم عليها تقدم اوراقها ساوافيكم بالشروط في الحلقة القادمة مع تحيات ( مرفوض من قبلكم مرتين )

مرافي · 07-02-2010, 02:59 PM

اقتباس:

المشاركة الأصلية كتبت بواسطة حافظ اسماعيل احمد

علي وزن راجل المرة حلو حلا او انشاء الله راجل مرة بالرغم من اني رفضت مرتين المرة الاولي من اهل البنت الاولي والثانية من البنت نفسها لكن اقول لقدى ارتفع سن الزواج للفتاة الي 23 عام مما يجعل ضل الراجل بالسموم والحميم افضل من العنوسة لذلك اعتقد ان لسان حال الفتاة بعد الثلاثين ضل راجل بسموم وحميم وضرة اهون من البايركس من هذا التاريخ سارفع راية الكره امام النساء ومن تحتاج الي ضل راجل تحت شجرة نيم وجحيم عليها تقدم اوراقها ساوافيكم بالشروط في الحلقة القادمة مع تحيات ( مرفوض من قبلكم مرتين )

الاخ حافظ
تحياتي
بعد اتنين...
اكيد ما التالته ثابته

هي نيم وجحيم وكمان فيها شروط !!!!!
من ترتضي ( السموم) عفواً الشروط
عنوان (الضل ) عفواً المتقدم بطرفنا
ويا بخت من وفق راسين في الضل

ملحوظة لا ترد البضاعة بعد الخروج من المحل

مرافي · 12-09-2010, 10:36 PM

ابحث عن ضل غائب حجبته الغيوم...

من راى منكم ضل ماكن اشعث اغبر...

عليه بتسليمه لي...

ياربي الضل الاشعث اغبر دا يكون في السودان ولا وين..

؟؟؟؟

سلاااااام لكل ضل ضليل..

03-02-2010, 04:03 PM	#[46]
الجيلى أحمد :: كــاتب نشــط::	أتفق معك يابابكر حديث الصائغ مختصر ومعبر بشكل جيد عن الاختزال السلبى للمرأة
الجيلى أحمد :: كــاتب نشــط::	التوقيع: How long shall they kill our prophets While we stand aside and look Some say it's just a part of it We've got to fulfill de book Won't you help to sing, These songs of freedom 'Cause all I ever had Redemption songs

03-02-2010, 04:54 PM	#[47]
هاشم :: كــاتب نشــط::	مرافئ ..... سلامات موضوع يودي ويجيب مشكورة عليه قال حافظ إبراهيم ..... ولدت ولمّا لم أجد لعرائسي أزواجاً وأدت بناتي ...... لم يقل ضل ولا ضرا .... أسجل إعجابي بمسارات المتداخلين أبقوا عافية
هاشم :: كــاتب نشــط::	التوقيع:

04-02-2010, 06:50 PM	#[53]
طارق صديق كانديك :: كــاتب نشــط::	مساء الخير يامرافي هذا المثل بداية مهترئة لحياة ربما كانت جحيماً بعد لحظات معدودة من اسكات الرغبات ومواجهة الحقيقة .. !! تحياتي
طارق صديق كانديك :: كــاتب نشــط::	التوقيع: الشمس زهرتنا التي انسكبت على جسد الجنوب وأنت زهرتنا التي انسكبت على أرواحنا فادفع شراعك صوبنا كي لا تضيع .. ! وافرد جناحك في قوافلنا اذا اشتد الصقيع واحذر بكاء الراكعين الساجدين لديك إن الله في فرح الجموع الفيتوري .. !!

04-02-2010, 09:04 PM	#[55]
حافظ اسماعيل احمد :: كــاتب نشــط::	ضل راجل ولو فيهو ضرة علي وزن راجل المرة حلو حلا او انشاء الله راجل مرة بالرغم من اني رفضت مرتين المرة الاولي من اهل البنت الاولي والثانية من البنت نفسها لكن اقول لقدى ارتفع سن الزواج للفتاة الي 23 عام مما يجعل ضل الراجل بالسموم والحميم افضل من العنوسة لذلك اعتقد ان لسان حال الفتاة بعد الثلاثين ضل راجل بسموم وحميم وضرة اهون من البايركس من هذا التاريخ سارفع راية الكره امام النساء ومن تحتاج الي ضل راجل تحت شجرة نيم وجحيم عليها تقدم اوراقها ساوافيكم بالشروط في الحلقة القادمة مع تحيات ( مرفوض من قبلكم مرتين )
حافظ اسماعيل احمد :: كــاتب نشــط::

12-09-2010, 10:36 PM	#[57]
مرافي :: كــاتب نشــط::	اينالضل...؟؟؟؟ ابحث عن ضل غائب حجبته الغيوم... من راى منكم ضل ماكن اشعث اغبر... عليه بتسليمه لي... ياربي الضل الاشعث اغبر دا يكون في السودان ولا وين..؟؟؟؟ سلاااااام لكل ضل ضليل..
مرافي :: كــاتب نشــط::	التوقيع: [frame="1 80"]خلقنا للحياة ِ وللمماتِ ومن هذين كلُّ الحادثاتِ ومَهْدُ المرءِ في أَيدي الروَاقي كنعش المرءِ بينَ النائحات وما سَلِمَ الوليدُ من اشْتكاء فهل يخلو المعمَّرُ من أَذاة ؟ أحمد شوقي [/frame]